Narayaniyam Dashaka 62
Vishnu · Traditional devotional text
കദാചിദ്ഗോപാലാന് വിഹിതമഖസംഭാരവിഭവാന് നിരീക്ഷ്യ ത്വം ശൌരേ മഘവമദമുദ്ധ്വംസിതുമനാഃ । വിജാനന്നപ്യേതാന് വിനയമൃദു നംദാദിപശുപാ- നപൃച്ഛഃ കോ വാഽയം ജനക ഭവതാമുദ്യമ ഇതി ॥1॥
ബഭാഷേ നംദസ്ത്വാം സുത നനു വിധേയോ മഘവതോ മഖോ വര്ഷേ വര്ഷേ സുഖയതി സ വര്ഷേണ പൃഥിവീമ് । നൃണാം വര്ഷായത്തം നിഖിലമുപജീവ്യം മഹിതലേ വിശേഷാദസ്മാകം തൃണസലിലജീവാ ഹി പശവഃ ॥2॥
ഇതി ശ്രുത്വാ വാചം പിതുരയി ഭവാനാഹ സരസം ധിഗേതന്നോ സത്യം മഘവജനിതാ വൃഷ്ടിരിതി യത് । അദൃഷ്ടം ജീവാനാം സൃജതി ഖലു വൃഷ്ടിം സമുചിതാം മഹാരണ്യേ വൃക്ഷാഃ കിമിവ ബലിമിംദ്രായ ദദതേ ॥3॥
ഇദം താവത് സത്യം യദിഹ പശവോ നഃ കുലധനം തദാജീവ്യായാസൌ ബലിരചലഭര്ത്രേ സമുചിതഃ । സുരേഭ്യോഽപ്യുത്കൃഷ്ടാ നനു ധരണിദേവാഃ ക്ഷിതിതലേ തതസ്തേഽപ്യാരാധ്യാ ഇതി ജഗദിഥ ത്വം നിജജനാന് ॥4॥
ഭവദ്വാചം ശ്രുത്വാ ബഹുമതിയുതാസ്തേഽപി പശുപാഃ ദ്വിജേംദ്രാനര്ചംതോ ബലിമദദുരുച്ചൈഃ ക്ഷിതിഭൃതേ । വ്യധുഃ പ്രാദക്ഷിണ്യം സുഭൃശമനമന്നാദരയുതാ- സ്ത്വമാദശ്ശൈലാത്മാ ബലിമഖിലമാഭീരപുരതഃ ॥5॥
അവോചശ്ചൈവം താന് കിമിഹ വിതഥം മേ നിഗദിതം ഗിരീംദ്രോ നന്വേഷ സ്വബലിമുപഭുംക്തേ സ്വവപുഷാ । അയം ഗോത്രോ ഗോത്രദ്വിഷി ച കുപിതേ രക്ഷിതുമലം സമസ്താനിത്യുക്താ ജഹൃഷുരഖിലാ ഗോകുലജുഷഃ ॥6॥
പരിപ്രീതാ യാതാഃ ഖലു ഭവദുപേതാ വ്രജജുഷോ വ്രജം യാവത്താവന്നിജമഖവിഭംഗം നിശമയന് । ഭവംതം ജാനന്നപ്യധികരജസാഽഽക്രാംതഹൃദയോ ന സേഹേ ദേവേംദ്രസ്ത്വദുപരചിതാത്മോന്നതിരപി ॥7॥
മനുഷ്യത്വം യാതോ മധുഭിദപി ദേവേഷ്വവിനയം വിധത്തേ ചേന്നഷ്ടസ്ത്രിദശസദസാം കോഽപി മഹിമാ । തതശ്ച ധ്വംസിഷ്യേ പശുപഹതകസ്യ ശ്രിയമിതി പ്രവൃത്തസ്ത്വാം ജേതും സ കില മഘവാ ദുര്മദനിധിഃ ॥8॥
ത്വദാവാസം ഹംതും പ്രലയജലദാനംബരഭുവി പ്രഹിണ്വന് ബിഭ്രാണ; കുലിശമയമഭ്രേഭഗമനഃ । പ്രതസ്ഥേഽന്യൈരംതര്ദഹനമരുദാദ്യൈവിംഹസിതോ ഭവന്മായാ നൈവ ത്രിഭുവനപതേ മോഹയതി കമ് ॥9॥
സുരേംദ്രഃ ക്രുദ്ധശ്ചേത് ദ്വിജകരുണയാ ശൈലകൃപയാഽ- പ്യനാതംകോഽസ്മാകം നിയത ഇതി വിശ്വാസ്യ പശുപാന് । അഹോ കിന്നായാതോ ഗിരിഭിദിതി സംചിംത്യ നിവസന് മരുദ്ഗേഹാധീശ പ്രണുദ മുരവൈരിന് മമ ഗദാന് ॥10॥
About Narayaniyam Dashaka 62
The sixty-second dashaka of the Narayaneeyam tells how Krishna stopped the sacrifice to Indra. Seeing the cowherds preparing their yearly offering, Krishna, wishing to humble Indra's pride, asks why; Nanda explains that Indra sends the rain that makes the earth fruitful. Krishna persuades them instead to worship the Govardhana hill, the cows and the Brahmins, who truly sustain them, and the cowherds joyfully do so, reassured that he will protect them if Indra is angry.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana, at Guruvayur, and on Govardhana Puja (the day after Diwali).
Did you know?
- This is the origin of Govardhana Puja and Annakut, celebrated the day after Diwali.
- The next dashaka tells how Krishna lifted the Govardhana hill when Indra sent his storm.
Frequently asked questions
What does Krishna stop in this dashaka?
The cowherds' yearly sacrifice to Indra.
What does he ask them to worship instead?
The Govardhana hill, the cows and the Brahmins.
Which festival comes from this story?
Govardhana Puja, the day after Diwali.
Offered for worship and study, not as prediction. Non-commercial.
More devotional texts