Trisuparnam
Vedic · Traditional devotional text
(ತೈ-ಆ-10-38ಃ40)
ಓಂ ಬ್ರಹ್ಮ॑ಮೇತು॒ ಮಾಮ್ । ಮಧು॑ಮೇತು॒ ಮಾಮ್ । ಬ್ರಹ್ಮ॑ಮೇ॒ವ ಮಧು॑ಮೇತು॒ ಮಾಮ್ । ಯಾಸ್ತೇ॑ ಸೋಮ ಪ್ರ॒ಜಾ ವ॒ಥ್ಸೋಽಭಿ॒ ಸೋ ಅ॒ಹಮ್ । ದುಷ್ಷ್ವ॑ಪ್ನ॒ಹಂದು॑ರುಷ್ವ॒ಹ । ಯಾಸ್ತೇ॑ ಸೋಮ ಪ್ರಾ॒ಣಾಗ್ಂಸ್ತಾಂಜು॑ಹೋಮಿ । ತ್ರಿಸು॑ಪರ್ಣ॒ಮಯಾ॑ಚಿತಂ ಬ್ರಾಹ್ಮ॒ಣಾಯ॑ ದದ್ಯಾತ್ । ಬ್ರ॒ಹ್ಮ॒ಹ॒ತ್ಯಾಂ-ವಾಁ ಏ॒ತೇ ಘ್ನಂ॑ತಿ । ಯೇ ಬ್ರಾ᳚ಹ್ಮ॒ಣಾಸ್ತ್ರಿಸು॑ಪರ್ಣಂ॒ ಪಠಂ॑ತಿ । ತೇ ಸೋಮಂ॒ ಪ್ರಾಪ್ನು॑ವಂತಿ । ಆ॒ಸ॒ಹ॒ಸ್ರಾತ್ಪಂ॒ಕ್ತಿಂ ಪುನಂ॑ತಿ । ಓಮ್ ॥ 1
ಬ್ರಹ್ಮ॑ ಮೇ॒ಧಯಾ᳚ । ಮಧು॑ ಮೇ॒ಧಯಾ᳚ । ಬ್ರಹ್ಮ॑ಮೇ॒ವ ಮಧು॑ ಮೇ॒ಧಯಾ᳚ । ಅ॒ದ್ಯಾ ನೋ॑ ದೇವ ಸವಿತಃ ಪ್ರ॒ಜಾವ॑ತ್ಸಾವೀ॒ಸ್ಸೌಭ॑ಗಮ್ । ಪರಾ॑ ದು॒ಷ್ವಪ್ನಿ॑ಯಗ್ಂ ಸುವ । ವಿಶ್ವಾ॑ನಿ ದೇವ ಸವಿತರ್ದುರಿ॒ತಾನಿ॒ ಪರಾ॑ಸುವ । ಯದ್ಭ॒ದ್ರಂ ತನ್ಮ॒ ಆಸು॑ವ । ಮಧು॒ ವಾತಾ॑ ಋತಾಯ॒ತೇ ಮಧು॑ ಕ್ಷರಂತಿ॒ ಸಿಂಧ॑ವಃ । ಮಾಧ್ವೀ᳚ರ್ನಸ್ಸಂ॒ತ್ವೋಷ॑ಧೀಃ । ಮಧು॒ ನಕ್ತ॑ಮು॒ತೋಷಸಿ॒ ಮಧು॑ಮ॒ತ್ಪಾರ್ಥಿ॑ವ॒ಗ್ಂ॒ ರಜಃ॑ । ಮಧು॒ ದ್ಯೌರ॑ಸ್ತು ನಃ ಪಿ॒ತಾ । ಮಧು॑ ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಗ್ಂ ಅಸ್ತು॒ ಸೂರ್ಯಃ॑ । ಮಾಧ್ವೀ॒ರ್ಗಾವೋ॑ ಭವಂತು ನಃ । ಯ ಇ॒ಮಂ ತ್ರಿಸು॑ಪರ್ಣ॒ಮಯಾ॑ಚಿತಂ ಬ್ರಾಹ್ಮ॒ಣಾಯ॑ ದದ್ಯಾತ್ । ಭ್ರೂ॒ಣ॒ಹ॒ತ್ಯಾಂ-ವಾಁ ಏ॒ತೇ ಘ್ನಂ॑ತಿ । ಯೇ ಬ್ರಾ᳚ಹ್ಮ॒ಣಾಸ್ತ್ರಿಸು॑ಪರ್ಣಂ॒ ಪಠಂ॑ತಿ । ತೇ ಸೋಮಂ॒ ಪ್ರಾಪ್ನು॑ವಂತಿ । ಆ॒ಸ॒ಹ॒ಸ್ರಾತ್ಪಂ॒ಕ್ತಿಂ ಪುನಂ॑ತಿ । ಓಮ್ ॥ 2
ಬ್ರಹ್ಮ॑ ಮೇ॒ಧವಾ᳚ । ಮಧು॑ ಮೇ॒ಧವಾ᳚ । ಬ್ರಹ್ಮ॑ಮೇ॒ವ ಮಧು॑ ಮೇ॒ಧವಾ᳚ । ಬ್ರ॒ಹ್ಮಾ ದೇ॒ವಾನಾಂ᳚ ಪದ॒ವೀಃ ಕ॑ವೀ॒ನಾಮೃಷಿ॒ರ್ವಿಪ್ರಾ॑ಣಾಂ ಮಹಿ॒ಷೋ ಮೃ॒ಗಾಣಾ᳚ಮ್ । ಶ್ಯೇ॒ನೋ ಗೃದ್ಧ್ರಾ॑ಣಾ॒ಗ್ಂ॒ ಸ್ವಧಿ॑ತಿ॒ರ್ವನಾ॑ನಾ॒ಗ್ಂ॒ ಸೋಮಃ॑ ಪ॒ವಿತ್ರ॒ಮತ್ಯೇ॑ತಿ॒ ರೇಭನ್ನ್॑ । ಹ॒ಗ್ಂ॒ಸಶ್ಶು॑ಚಿ॒ಷದ್ವಸು॑ರಂತರಿಕ್ಷ॒ಸದ್ಧೋತಾ॑ ವೇದಿ॒ಷದತಿ॑ಥಿರ್ದುರೋಣ॒ಸತ್ । ನೃ॒ಷದ್ವ॑ರ॒ಸದೃ॑ತ॒ಸದ್ವ್ಯೋ॑ಮ॒ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತಂ ಬೃ॒ಹತ್ । ಋ॒ಚೇ ತ್ವಾ॑ ರು॒ಚೇ ತ್ವಾ॒ ಸಮಿತ್ಸ್ರ॑ವಂತಿ ಸ॒ರಿತೋ॒ ನ ಧೇನಾಃ᳚ । ಅಂ॒ತರ್ಹೃ॒ದಾ ಮನ॑ಸಾ ಪೂ॒ಯಮಾ॑ನಾಃ । ಘೃ॒ತಸ್ಯ॒ ಧಾರಾ॑ ಅ॒ಭಿಚಾ॑ಕಶೀಮಿ । ಹಿ॒ರ॒ಣ್ಯಯೋ॑ ವೇತ॒ಸೋ ಮದ್ಧ್ಯ॑ ಆಸಾಮ್ । ತಸ್ಮಿಂ᳚ಥ್ಸುಪ॒ರ್ಣೋ ಮ॑ಧು॒ಕೃತ್ ಕು॑ಲಾ॒ಯೀ ಭಜ॑ನ್ನಾಸ್ತೇ॒ ಮಧು॑ ದೇ॒ವತಾ᳚ಭ್ಯಃ । ತಸ್ಯಾ॑ಸತೇ॒ ಹರ॑ಯಸ್ಸ॒ಪ್ತ ತೀರೇ᳚ ಸ್ವ॒ಧಾಂ ದುಹಾ॑ನಾ ಅ॒ಮೃತ॑ಸ್ಯ॒ ಧಾರಾ᳚ಮ್ । ಯ ಇ॒ದಂ ತ್ರಿಸು॑ಪರ್ಣ॒ಮಯಾ॑ಚಿತಂ ಬ್ರಾಹ್ಮ॒ಣಾಯ॑ ದದ್ಯಾತ್ । ವೀ॒ರ॒ಹ॒ತ್ಯಾಂ-ವಾಁ ಏ॒ತೇ ಘ್ನಂತಿ । ಯೇ ಬ್ರಾ᳚ಹ್ಮ॒ಣಾಸ್ತ್ರಿಸು॑ಪರ್ಣಂ॒ ಪಠಂ॑ತಿ । ತೇ ಸೋಮಂ॒ ಪ್ರಾಪ್ನು॑ವಂತಿ । ಆ॒ಸ॒ಹ॒ಸ್ರಾತ್ಪಂ॒ಕ್ತಿಂ ಪುನಂ॑ತಿ । ಓಮ್ ॥ 3
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
About Trisuparnam
The Trisuparnam is a Vedic passage from the Taittiriya Aranyaka (10.38 to 10.40), part of the Mahanarayana Upanishad. It opens with "Brahma metu mam, madhu metu mam", "may Brahman come to me, may sweetness come to me; may Brahman, the sweet, come to me", and prays to Soma: "I am the calf of your offspring; destroy bad dreams; I offer your vital breaths." It goes on to say that this Trisuparna should be given unasked to a learned brahmana, and praises its reciters as purifiers.
Source: Krishna Yajurveda, Taittiriya Aranyaka 10.38 to 10.40 (Mahanarayana Upanishad)
When to chant: Traditionally at shraddha ceremonies and at meals offered to learned brahmanas, and in Vedic chanting.
Did you know?
- Those who know and recite the Trisuparna are traditionally called "panktipavana", purifiers of the row of diners.
- Its name means "the three suparnas", referring to its three sections.
Frequently asked questions
Where is the Trisuparnam from?
The Taittiriya Aranyaka, 10.38 to 10.40.
How does it begin?
"Brahma metu mam", may Brahman come to me.
When is it chanted?
At shraddha and at meals offered to brahmanas.
Offered for worship and study, not as prediction. Non-commercial.