चर्चा स्तवः
Devi · पारंपरिक भक्ति पाठ
পংচস্তবি – 2 চর্চাস্তবঃ >>
সৌংদর্যবিভ্রমভুবো ভুবনাধিপত্য়- -সংকল্পকল্পতরবস্ত্রিপুরে জয়ংতি । এতে কবিত্বকুমদপ্রকরাববোধ- -পূর্ণেংদবস্ত্বয়ি জগজ্জননি প্রণামাঃ ॥ 1 ॥
দেবি স্তুতিব্যতিকরে কৃতবুদ্ধযস্তে বাচস্পতি প্রভৃতয়োঽপি জডী ভবংতি । তস্মান্নিসর্গজডিমা কতমোঽহমত্র স্তোত্রং তব ত্রিপুরতাপনপত্নি কর্তুম্ ॥ 2 ॥
মাতস্তথাপি ভবতীং ভবতীব্রতাপ- -বিচ্ছিত্তয়ে স্তুতিমহার্ণব কর্ণধারঃ । স্তোতুং ভবানি স ভবচ্চরণারবিংদ- -ভক্তিগ্রহঃ কিমপি মাং মুখরী করোতি ॥ 3 ॥
সূতে জগংতি ভবতী ভবতী বিভর্তি জাগর্তি তত্ক্ষযকৃতে ভবতী ভবানি । মোহং ভিনত্তি ভবতী ভবতী রুণদ্ধি লীলায়িতং জযতি চিত্রমিদং ভবত্য়াঃ ॥ 4 ॥
যস্মিন্মনাগপি নবাংবুজপত্রগৌরীং গৌরীং প্রসাদমধুরাং দৃশমাদধাসি । তস্মিন্নিরংতরমনংগশরাবকীর্ণ- -সীমংতিনীনযনসংততয়ঃ পতংতি ॥ 5 ॥
পৃথ্বীভুজোঽপ্য়ুদযনপ্রভবস্য় তস্য় বিদ্য়াধর প্রণতি চুংবিত পাদপীঠঃ । তচ্চক্রবর্তিপদবীপ্রণয়ঃ স এষঃ ত্বত্পাদপংকজরজঃ কণজঃ প্রসাদঃ ॥ 6 ॥
ত্বত্পাদপংকজরজ প্রণিপাতপূর্বৈঃ পুণ্য়ৈরনল্পমতিভিঃ কৃতিভিঃ কবীংদ্রৈঃ । ক্ষীরক্ষপাকরদুকূলহিমাবদাতা কৈরপ্যবাপি ভুবনত্রিতয়েঽপি কীর্তিঃ ॥ 7 ॥
কল্পদ্রুমপ্রসবকল্পিতচিত্রপূজাং উদ্দীপিত প্রিযতমামদরক্তগীতিম্ । নিত্য়ং ভবানি ভবতীমুপবীণয়ংতি বিদ্য়াধরাঃ কনকশৈলগুহাগৃহেষু ॥ 8 ॥
লক্ষ্মীবশীকরণকর্মণি কামিনীনাং আকর্ষণব্যতিকরেষু চ সিদ্ধমংত্রঃ । নীরংধ্রমোহতিমিরচ্ছিদুরপ্রদীপো দেবি ত্বদংঘ্রিজনিতো জযতি প্রসাদঃ ॥ 9 ॥
দেবি ত্বদংঘ্রিনখরত্নভুবো ময়ূখাঃ প্রত্যগ্রমৌক্তিকরুচো মুদমুদ্বহংতি । সেবানতিব্যতিকরে সুরসুংদরীণাং সীমংতসীম্নি কুসুমস্তবকায়িতং যৈঃ ॥ 10 ॥
মূর্ধ্নি স্ফুরত্তুহিনদীধিতিদীপ্তিদীপ্তং মধ্য়ে ললাটমমরায়ুধরশ্মিচিত্রম্ । হৃচ্চক্রচুংবি হুতভুক্কণিকানুকারি জ্য়োতির্যদেতদিদমংব তব স্বরূপম্ ॥ 11 ॥
রূপং তব স্ফুরিতচংদ্রমরীচিগৌরং আলোকতে শিরসি বাগধিদৈবতং যঃ । নিঃসীমসূক্তিরচনামৃতনির্ঝরস্য় তস্য় প্রসাদমধুরাঃ প্রসরংতি বাচঃ ॥ 12 ॥
সিংদূরপাংসুপটলচ্ছুরিতামিব দ্য়াং ত্বত্তেজসা জতুরসস্নপিতামিবোর্বীম্ । যঃ পশ্যতি ক্ষণমপি ত্রিপুরে বিহায় ব্রীডাং মৃডানি সুদৃশস্তমনুদ্রবংতি ॥ 13 ॥
মাতর্মুহূর্তমপি যঃ স্মরতি স্বরূপং লাক্ষারসপ্রসরতংতুনিভং ভবত্য়াঃ । ধ্য়ায়ংত্যনন্যমনসস্তমনংগতপ্তাঃ প্রদ্য়ুম্নসীম্নি সুভগত্বগুণং তরুণ্য়ঃ ॥ 14 ॥
যোঽয়ং চকাস্তি গগনার্ণবরত্নমিংদুঃ যোঽয়ং সুরাসুরগুরুঃ পুরুষঃ পুরাণঃ । যদ্বামমর্ধমিদমংধকসূদনস্য় দেবি ত্বমেব তদিতি প্রতিপাদয়ংতি ॥ 15 ॥
ইচ্ছানুরূপমনুরূপগুণপ্রকর্ষ সংকর্ষিণি ত্বমভিমৃশ্য় যদা বিভর্ষি । জায়েত স ত্রিভুবনৈক গুরুস্তদানীং দেবঃ শিবোঽপি ভুবনত্রযসূত্রধারঃ ॥ 16 ॥
ধ্য়াতাসি হৈমবতি যেন হিমাংশুরশ্মি- -মালামলদ্য়ুতিরকল্মষমানসেন । তস্য়াবিলংবমনবদ্যমনংতকল্পং অল্পৈর্দিনৈঃ সৃজসি সুংদরি বাগ্বিলাসম্ ॥ 17 ॥
আধারমারুতনিরোধবশেন যেষাং সিংদূররংজিতসরোজগুণানুকারি । দীপ্তং হৃদি স্ফুরতি দেবি বপুস্ত্বদীয়ং ধ্য়ায়ংতি তানিহ সমীহিতসিদ্ধিসার্থাঃ ॥ 18 ॥
যে চিংতয়ংত্যরুণমংডলমধ্যবর্তি রূপং তবাংব নবয়াবকপংকপিংগম্ । তেষাং সদৈব কুসুমায়ুধবাণভিন্ন- -বক্ষঃস্থলা মৃগদৃশো বশগা ভবংতি ॥ 19 ॥
ত্বামৈংদবীমিব কলামনুফালদেশং উদ্ভাসিতাংবরতলামবলোকয়ংতঃ । সদ্য়ো ভবানি সুধিয়ঃ কবয়ো ভবংতি ত্বং ভাবনাহিতধিয়াং কুলকামধেনুঃ ॥ 20 ॥
শর্বাণি সর্বজনবংদিতপাদপদ্মে পদ্মচ্ছদদ্য়ুতিবিডংবিতনেত্রলক্ষ্মি । নিষ্পাপমূর্তিজনমানসরাজহংসি হংসি ত্বমাপদমনেকবিধাং জনস্য় ॥ 21 ॥
উত্তপ্তহেমরুচিরে ত্রিপুরে পুনীহি চেতশ্চিরংতনমঘৌঘবনং লুনীহি । কারাগৃহে নিগলবংধনয়ংত্রিতস্য় ত্বত্সংস্মৃতৌ ঝটিতি মে নিগলাস্ত্রুটংতি ॥ 22 ॥
ত্বাং ব্য়াপিনীতি সুমনা ইতি কুংডলীতি ত্বাং কামিনীতি কমলেতি কলাবতীতি । ত্বাং মালিনীতি ললিতেত্যপরাজিতেতি দেবি স্তুবংতি বিজয়েতি জয়েত্য়ুমেতি ॥ 23 ॥
উদ্দামকামপরমার্থসরোজখংড- চংডদ্য়ুতিদ্য়ুতিমপাসিতষড্বিকারাম্ । মোহদ্বিপেংদ্রকদনোদ্যতবোধসিংহ- -লীলাগুহাং ভগবতীং ত্রিপুরাং নমামি ॥ 24 ॥
গণেশবটুকস্তুতা রতিসহাযকামান্বিতা স্মরারিবরবিষ্টরা কুসুমবাণবাণৈর্য়ুতা । অনংগকুসুমাদিভিঃ পরিবৃতা চ সিদ্ধৈস্ত্রিভিঃ কদংববনমধ্যগা ত্রিপুরসুংদরী পাতু নঃ ॥ 25 ॥
রুদ্রাণি বিদ্রুমময়ীং প্রতিমামিব ত্বাং যে চিংতয়ংত্যরুণকাংতিমনন্যরূপাম্ । তানেত্য় পক্ষ্মলদৃশঃ প্রসভং ভজংতে কংঠাবসক্তমৃদুবাহুলতাস্তরুণ্য়ঃ ॥ 26 ॥
ত্বদ্রূপৈকনিরূপণপ্রণয়িতাবংধো দৃশোস্ত্বদ্গুণ- -গ্রামাকর্ণনরাগিতা শ্রবণয়োস্ত্বত্সংস্মৃতিশ্চেতসি । ত্বত্পাদার্চনচাতুরী করয়ুগে ত্বত্কীর্তিতং বাচি মে কুত্রাপি ত্বদুপাসনব্যসনিতা মে দেবি মা শাম্যতু ॥ 27 ॥
ত্বদ্রূপমুল্লসিতদাডিমপুষ্পরক্তং উদ্ভাবয়েন্মদনদৈবতমক্ষরং যঃ । তং রূপহীনমপি মন্মথনির্বিশেষং আলোকয়ংত্য়ুরুনিতংবতটাস্তরুণ্য়ঃ ॥ 28 ॥
ব্রহ্মেংদ্ররুদ্রহরিচংদ্রসহস্ররশ্মি- -স্কংদদ্বিপাননহুতাশনবংদিতায়ৈ । বাগীশ্বরি ত্রিভুবনেশ্বরি বিশ্বমাতঃ অংতর্বহিশ্চ কৃতসংস্থিতয়ে নমস্তে ॥ 29 ॥
কস্তোত্রমেতদনুবাসরমীশ্বরায়াঃ শ্রেযস্করং পঠতি বা যদি বা শৃণোতি । তস্য়েপ্সিতং ফলতি রাজভিরীড্যতেঽসৌ জায়েত স প্রিযতমো মদিরেক্ষণানাম্ ॥ 30 ॥
ইতি শ্রীকালিদাস বিরচিত পংচস্তব্য়াং দ্বিতীয়ঃ চর্চাস্তবঃ ।
चर्चा स्तवः के बारे में
The Charcha Stava is the second of the five hymns of the Panchastavi to Goddess Tripura, traditionally attributed to Kalidasa, as its colophon states. It opens: "Victory to the glances of Tripura, the birthplace of beauty and grace, wish-fulfilling trees for the resolve to rule the worlds", which awaken poetic genius and pure understanding. Its verses praise the Goddess as the power behind creation, the giver of speech and wisdom, and the object of worship of the gods.
रचयिता: Traditionally attributed to Kalidasa, as its colophon states
कब पढ़ें: In Sri Vidya and Devi worship, on Fridays and during Navaratri.
क्या आप जानते हैं?
- The Panchastavi is a set of five hymns: Laghu Stava, Charcha Stava, Ghata Stava, Amba Stava and Sakala Janani Stava.
- The Panchastavi is especially cherished in the Kashmiri Shakta tradition.
अक्सर पूछे जाने वाले प्रश्न
Where does the Charcha Stava stand in the Panchastavi?
It is the second of the five hymns.
To whom is it addressed?
Goddess Tripura.
Who is it attributed to?
Traditionally to Kalidasa, as its colophon states.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ