MuhurtaNow

श्री दुर्गा चंद्रकला स्तुति

Devi · पारंपरिक भक्ति पाठ

ധ്യാനമ് ഉമാകാംതേ രമാകാംതേ ഏഷാമാസീ-ന്മതിസ്സമാ । നമാമി ദീക്ഷിതേംദ്രാം സ്താന് നയഷട്ക-വിശാരദാമ് ॥

വേധോഹരീശ്വരസ്തുത്യാം വിഹര്ത്രീം വിംധ്യഭൂധരേ । ഹരപ്രാണേശ്വരീം വംദേ ഹംത്രീം വിബുധവിദ്വിഷാമ് ॥ 1 ॥

അഭ്യര്ഥനേന സരസീരുഹസംഭവസ്യ ത്യക്ത്വോദിതാ ഭഗവദക്ഷിപിധാനലീലാമ് । വിശ്വേശ്വരീ വിപദപാകമനേ പുരസ്താത് മാതാ മമാസ്തു മധുകൈടഭയോര്നിഹംത്രീ ॥ 2 ॥

പ്രാങ്നിര്ജരേഷു നിഹതൈര്നിജശക്തിലേശൈഃ ഏകീഭവദ്ഭിരുദിതാഽഖിലലോകഗുപ്ത്യൈ । സംപന്നശസ്ത്രനികരാ ച തദായുധസ്ഥൈഃ മാതാ മമാസ്തു മഹിഷാംതകരീ പുരസ്താത് ॥ 3 ॥

പ്രാലേയശൈലതനയാ തനുകാംതിസംപത് കോശോദിതാ കുവലയച്ഛവിചാരുദേഹാ । നാരായണീ നമദഭീപ്സിതകല്പവല്ലീ സുപ്രീതിമാവഹതു ശുംഭനിശുംഭഹംത്രീ ॥ 4 ॥

വിശ്വേശ്വരീതി മഹിഷാംതകരീതി യസ്യാഃ നാരായണീത്യപി ച നാമഭിരംകിതാനി । സൂക്താനി പംകജഭുവാ ച സുരര്ഷിഭിശ്ച ദൃഷ്ടാനി പാവകമുഖൈശ്ച ശിവാം ഭജേ താമ് ॥ 5 ॥

ഉത്പത്തിദൈത്യഹനനസ്തവനാത്മകാനി സംരക്ഷകാണ്യഖിലഭൂതഹിതായ യസ്യാഃ । സൂക്താന്യശേഷനിഗമാംതവിദഃ പഠംതി താം വിശ്വമാതരമജസ്രമഭിഷ്ടവീമി ॥ 6 ॥

യേ വൈപ്രചിത്തപുനരുത്ഥിതശുംഭമുഖ്യൈഃ ദുര്ഭിക്ഷഘോരസമയേന ച കാരിതാസു । ആവിഷ്കൃതാസ്ത്രിജഗദാര്തിഷു രൂപഭേദാഃ തൈരംബികാ സമഭിരക്ഷതു മാം വിപദ്ഭ്യഃ ॥ 7 ॥

സൂക്തം യദീയമരവിംദഭവാദി ദൃഷ്ടം ആവര്ത്യ ദേവ്യനുപദം സുരഥഃ സമാധിഃ । ദ്വാവപ്യവാപതുരഭീഷ്ടമനന്യലഭ്യം താമാദിദേവതരുണീം പ്രണമാമി മൂര്ധ്നാ ॥ 8 ॥

മാഹിഷ്മതീതനുഭവം ച രുരും ച ഹംതും ആവിഷ്കൃതൈര്നിജരസാദവതാരഭേദൈഃ । അഷ്ടാദശാഹതനവാഹതകോടിസംഖ്യൈഃ അംബാ സദാ സമഭിരക്ഷതു മാം വിപദ്ഭ്യഃ ॥ 9 ॥

ഏതച്ചരിത്രമഖിലം ലിഖിതം ഹി യസ്യാഃ സംപൂജിതം സദന ഏവ നിവേശിതം വാ । ദുര്ഗം ച താരയതി ദുസ്തരമപ്യശേഷം ശ്രേയഃ പ്രയച്ഛതി ച സർവമുമാം ഭജേ താമ് ॥ 10 ॥

യത്പൂജനസ്തുതിനമസ്കൃതിഭിര്ഭവംതി പ്രീതാഃ പിതാമഹരമേശഹരാസ്ത്രയോഽപി । തേഷാമപി സ്വകഗുണൈര്ദദതീ വപൂംഷി താമീശ്വരസ്യ തരുണീം ശരണം പ്രപദ്യേ ॥ 11 ॥

കാംതാരമധ്യദൃഢലഗ്നതയാഽവസന്നാഃ മഗ്നാശ്ച വാരിധിജലേ രിപുഭിശ്ച രുദ്ധാഃ । യസ്യാഃ പ്രപദ്യ ചരണൌ വിപദസ്തരംതി സാ മേ സദാഽസ്തു ഹൃദി സർവജഗത്സവിത്രീ ॥ 12 ॥

ബംധേ വധേ മഹതി മൃത്യുഭയേ പ്രസക്തേ വിത്തക്ഷയേ ച വിവിധേ യ മഹോപതാപേ । യത്പാദപൂജനമിഹ പ്രതികാരമാഹുഃ സാ മേ സമസ്തജനനീ ശരണം ഭവാനീ ॥ 13 ॥

ബാണാസുരപ്രഹിതപന്നഗബംധമോക്ഷഃ തദ്ബാഹുദര്പദലനാദുഷയാ ച യോഗഃ । പ്രാദ്യുമ്നിനാ ദ്രുതമലഭ്യത യത്പ്രസാദാത് സാ മേ ശിവാ സകലമപ്യശുഭം ക്ഷിണോതു ॥ 14 ॥

പാപഃ പുലസ്ത്യതനയഃ പുനരുത്ഥിതോ മാം അദ്യാപി ഹര്തുമയമാഗത ഇത്യുദീതമ് । യത്സേവനേന ഭയമിംദിരയാഽവധൂതം താമാദിദേവതരുണീം ശരണം ഗതോഽസ്മി ॥ 15 ॥

യദ്ധ്യാനജം സുഖമവാപ്യമനംതപുണ്യൈഃ സാക്ഷാത്തമച്യുത പരിഗ്രഹമാശ്വവാപുഃ । ഗോപാംഗനാഃ കില യദര്ചനപുണ്യമാത്രാഃ സാ മേ സദാ ഭഗവതീ ഭവതു പ്രസന്നാ ॥ 16 ॥

രാത്രിം പ്രപദ്യ ഇതി മംത്രവിദഃ പ്രപന്നാന് ഉദ്ബോധ്യ മൃത്യുവധിമന്യഫലൈഃ പ്രലോഭ്യ । ബുദ്ധ്വാ ച തദ്വിമുഖതാം പ്രതനം നയംതീം ആകാശമാദിജനനീം ജഗതാം ഭജേ താമ് ॥ 17 ॥

ദേശകാലേഷു ദുഷ്ടേഷു ദുര്ഗാചംദ്രകലാസ്തുതിഃ । സംധ്യയോരനുസംധേയാ സർവാപദ്വിനിവൃത്തയേ ॥ 18 ॥

ഇതി ശ്രീമദപയ്യദീക്ഷിതവിരചിതാ ദുര്ഗാചംദ്രകളാസ്തുതിഃ ॥

श्री दुर्गा चंद्रकला स्तुति के बारे में

The Sri Durga Chandrakala Stuti is a hymn to Goddess Durga composed by the great scholar Appayya Dikshita, as its colophon states. Its opening meditation salutes the Dikshita himself, whose mind was equal toward Uma's lord (Shiva) and Rama's lord (Vishnu). The hymn then bows to Durga, praised by Brahma, Vishnu and Shiva, who sports on the Vindhya mountains, the beloved of Hara, and the slayer of the enemies of the gods, and goes on to praise her deeds and her grace.

रचयिता: Appayya Dikshita (16th century), as its colophon states

कब पढ़ें: During Navaratri, on Ashtami, on Tuesdays and Fridays, and in Durga worship.

क्या आप जानते हैं?

  • Appayya Dikshita (16th century) was a great Advaita scholar and devotee of Shiva who wrote more than a hundred works.
  • The name "Chandrakala", digit of the moon, suggests a hymn as lovely as the crescent moon.

अक्सर पूछे जाने वाले प्रश्न

Who composed this stuti?

Appayya Dikshita, as its colophon states.

Where does Durga sport, according to the first verse?

On the Vindhya mountains.

When is it recited?

During Navaratri and on Tuesdays and Fridays.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।