MuhurtaNow

श्री दुर्गा चंद्रकला स्तुति

Devi · पारंपरिक भक्ति पाठ

ధ్యానం ఉమాకాంతే రమాకాంతే ఏషామాసీ-న్మతిస్సమా । నమామి దీక్షితేంద్రాం స్తాన్ నయషట్క-విశారదామ్ ॥

వేధోహరీశ్వరస్తుత్యాం విహర్త్రీం వింధ్యభూధరే । హరప్రాణేశ్వరీం వందే హంత్రీం విబుధవిద్విషామ్ ॥ 1 ॥

అభ్యర్థనేన సరసీరుహసంభవస్య త్యక్త్వోదితా భగవదక్షిపిధానలీలామ్ । విశ్వేశ్వరీ విపదపాకమనే పురస్తాత్ మాతా మమాస్తు మధుకైటభయోర్నిహంత్రీ ॥ 2 ॥

ప్రాఙ్నిర్జరేషు నిహతైర్నిజశక్తిలేశైః ఏకీభవద్భిరుదితాఽఖిలలోకగుప్త్యై । సంపన్నశస్త్రనికరా చ తదాయుధస్థైః మాతా మమాస్తు మహిషాంతకరీ పురస్తాత్ ॥ 3 ॥

ప్రాలేయశైలతనయా తనుకాంతిసంపత్ కోశోదితా కువలయచ్ఛవిచారుదేహా । నారాయణీ నమదభీప్సితకల్పవల్లీ సుప్రీతిమావహతు శుంభనిశుంభహంత్రీ ॥ 4 ॥

విశ్వేశ్వరీతి మహిషాంతకరీతి యస్యాః నారాయణీత్యపి చ నామభిరంకితాని । సూక్తాని పంకజభువా చ సురర్షిభిశ్చ దృష్టాని పావకముఖైశ్చ శివాం భజే తామ్ ॥ 5 ॥

ఉత్పత్తిదైత్యహననస్తవనాత్మకాని సంరక్షకాణ్యఖిలభూతహితాయ యస్యాః । సూక్తాన్యశేషనిగమాంతవిదః పఠంతి తాం విశ్వమాతరమజస్రమభిష్టవీమి ॥ 6 ॥

యే వైప్రచిత్తపునరుత్థితశుంభముఖ్యైః దుర్భిక్షఘోరసమయేన చ కారితాసు । ఆవిష్కృతాస్త్రిజగదార్తిషు రూపభేదాః తైరంబికా సమభిరక్షతు మాం విపద్భ్యః ॥ 7 ॥

సూక్తం యదీయమరవిందభవాది దృష్టం ఆవర్త్య దేవ్యనుపదం సురథః సమాధిః । ద్వావప్యవాపతురభీష్టమనన్యలభ్యం తామాదిదేవతరుణీం ప్రణమామి మూర్ధ్నా ॥ 8 ॥

మాహిష్మతీతనుభవం చ రురుం చ హంతుం ఆవిష్కృతైర్నిజరసాదవతారభేదైః । అష్టాదశాహతనవాహతకోటిసంఖ్యైః అంబా సదా సమభిరక్షతు మాం విపద్భ్యః ॥ 9 ॥

ఏతచ్చరిత్రమఖిలం లిఖితం హి యస్యాః సంపూజితం సదన ఏవ నివేశితం వా । దుర్గం చ తారయతి దుస్తరమప్యశేషం శ్రేయః ప్రయచ్ఛతి చ సర్వముమాం భజే తామ్ ॥ 10 ॥

యత్పూజనస్తుతినమస్కృతిభిర్భవంతి ప్రీతాః పితామహరమేశహరాస్త్రయోఽపి । తేషామపి స్వకగుణైర్దదతీ వపూంషి తామీశ్వరస్య తరుణీం శరణం ప్రపద్యే ॥ 11 ॥

కాంతారమధ్యదృఢలగ్నతయాఽవసన్నాః మగ్నాశ్చ వారిధిజలే రిపుభిశ్చ రుద్ధాః । యస్యాః ప్రపద్య చరణౌ విపదస్తరంతి సా మే సదాఽస్తు హృది సర్వజగత్సవిత్రీ ॥ 12 ॥

బంధే వధే మహతి మృత్యుభయే ప్రసక్తే విత్తక్షయే చ వివిధే య మహోపతాపే । యత్పాదపూజనమిహ ప్రతికారమాహుః సా మే సమస్తజననీ శరణం భవానీ ॥ 13 ॥

బాణాసురప్రహితపన్నగబంధమోక్షః తద్బాహుదర్పదలనాదుషయా చ యోగః । ప్రాద్యుమ్నినా ద్రుతమలభ్యత యత్ప్రసాదాత్ సా మే శివా సకలమప్యశుభం క్షిణోతు ॥ 14 ॥

పాపః పులస్త్యతనయః పునరుత్థితో మాం అద్యాపి హర్తుమయమాగత ఇత్యుదీతమ్ । యత్సేవనేన భయమిందిరయాఽవధూతం తామాదిదేవతరుణీం శరణం గతోఽస్మి ॥ 15 ॥

యద్ధ్యానజం సుఖమవాప్యమనంతపుణ్యైః సాక్షాత్తమచ్యుత పరిగ్రహమాశ్వవాపుః । గోపాంగనాః కిల యదర్చనపుణ్యమాత్రాః సా మే సదా భగవతీ భవతు ప్రసన్నా ॥ 16 ॥

రాత్రిం ప్రపద్య ఇతి మంత్రవిదః ప్రపన్నాన్ ఉద్బోధ్య మృత్యువధిమన్యఫలైః ప్రలోభ్య । బుద్ధ్వా చ తద్విముఖతాం ప్రతనం నయంతీం ఆకాశమాదిజననీం జగతాం భజే తామ్ ॥ 17 ॥

దేశకాలేషు దుష్టేషు దుర్గాచంద్రకలాస్తుతిః । సంధ్యయోరనుసంధేయా సర్వాపద్వినివృత్తయే ॥ 18 ॥

ఇతి శ్రీమదపయ్యదీక్షితవిరచితా దుర్గాచంద్రకళాస్తుతిః ॥

श्री दुर्गा चंद्रकला स्तुति के बारे में

The Sri Durga Chandrakala Stuti is a hymn to Goddess Durga composed by the great scholar Appayya Dikshita, as its colophon states. Its opening meditation salutes the Dikshita himself, whose mind was equal toward Uma's lord (Shiva) and Rama's lord (Vishnu). The hymn then bows to Durga, praised by Brahma, Vishnu and Shiva, who sports on the Vindhya mountains, the beloved of Hara, and the slayer of the enemies of the gods, and goes on to praise her deeds and her grace.

रचयिता: Appayya Dikshita (16th century), as its colophon states

कब पढ़ें: During Navaratri, on Ashtami, on Tuesdays and Fridays, and in Durga worship.

क्या आप जानते हैं?

  • Appayya Dikshita (16th century) was a great Advaita scholar and devotee of Shiva who wrote more than a hundred works.
  • The name "Chandrakala", digit of the moon, suggests a hymn as lovely as the crescent moon.

अक्सर पूछे जाने वाले प्रश्न

Who composed this stuti?

Appayya Dikshita, as its colophon states.

Where does Durga sport, according to the first verse?

On the Vindhya mountains.

When is it recited?

During Navaratri and on Tuesdays and Fridays.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।