MuhurtaNow

ಅಗಸ್ತ್ಯ ಕೃತ ಶ್ರೀ ಲಕ್ಷ್ಮೀ ಸ್ತೋತ್ರಂ

Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ

జయ పద్మపలాశాక్షి జయ త్వం శ్రీపతిప్రియే । జయ మాతర్మహాలక్ష్మి సంసారార్ణవతారిణి ॥ 1 ॥

మహాలక్ష్మి నమస్తుభ్యం నమస్తుభ్యం సురేశ్వరి । హరిప్రియే నమస్తుభ్యం నమస్తుభ్యం దయానిధే ॥ 2 ॥

పద్మాలయే నమస్తుభ్యం నమస్తుభ్యం చ సర్వదే । సర్వభూతహితార్థాయ వసువృష్టిం సదా కురు ॥ 3 ॥

జగన్మాతర్నమస్తుభ్యం నమస్తుభ్యం దయానిధే । దయావతి నమస్తుభ్యం విశ్వేశ్వరి నమోఽస్తు తే ॥ 4 ॥

నమః క్షీరార్ణవసుతే నమస్త్రైలోక్యధారిణి । వసువృష్టే నమస్తుభ్యం రక్ష మాం శరణాగతమ్ ॥ 5 ॥

రక్ష త్వం దేవదేవేశి దేవదేవస్య వల్లభే । దారిద్ర్యాత్త్రాహి మాం లక్ష్మి కృపాం కురు మమోపరి ॥ 6 ॥

నమస్త్రైలోక్యజనని నమస్త్రైలోక్యపావని । బ్రహ్మాదయో నమంతి త్వాం జగదానందదాయిని ॥ 7 ॥

విష్ణుప్రియే నమస్తుభ్యం నమస్తుభ్యం జగద్ధితే । ఆర్తిహంత్రి నమస్తుభ్యం సమృద్ధిం కురు మే సదా ॥ 8 ॥

అబ్జవాసే నమస్తుభ్యం చపలాయై నమో నమః । చంచలాయై నమస్తుభ్యం లలితాయై నమో నమః ॥ 9 ॥

నమః ప్రద్యుమ్నజనని మాతస్తుభ్యం నమో నమః । పరిపాలయ మాం మాతః మాం తుభ్యం శరణాగతమ్ ॥ 10 ॥

శరణ్యే త్వాం ప్రపన్నోఽస్మి కమలే కమలాలయే । త్రాహి త్రాహి మహాలక్ష్మి పరిత్రాణపరాయణే ॥ 11 ॥

పాండిత్యం శోభతే నైవ న శోభంతే గుణా నరే । శీలత్వం నైవ శోభేత మహాలక్ష్మి త్వయా వినా ॥ 12 ॥

తావద్విరాజతే రూపం తావచ్ఛీలం విరాజతే । తావద్గుణా నరాణాం చ యావల్లక్ష్మీః ప్రసీదతి ॥ 13 ॥

లక్ష్మి త్వయాఽలంకృతమానవా యే పాపైర్విముక్తా నృపలోకమాన్యాః । గుణైర్విహీనా గుణినో భవంతి దుశ్శీలినః శీలవతాం వరిష్ఠాః ॥ 14 ॥

లక్ష్మీర్భూషయతే రూపం లక్ష్మీర్భూషయతే కులమ్ । లక్ష్మీర్భూషయతే విద్యాం సర్వా లక్ష్మీర్విశిష్యతే ॥ 15 ॥

లక్ష్మీ త్వద్గుణకీర్తనేన కమలా భూర్యాత్యలం జిహ్మతాం రుద్రాద్యా రవిచంద్రదేవపతయో వక్తుం చ నైవ క్షమాః । అస్మాభిస్తవ రూపలక్షణగుణాన్వక్తుం కథం శక్యతే మాతర్మాం పరిపాహి విశ్వజననీ కృత్వా మమేష్టం ధ్రువమ్ ॥ 16 ॥

దీనార్తిభీతం భవతాపపీడితం ధనైర్విహీనం తవ పార్శ్వమాగతమ్ । కృపానిధిత్వాన్మమ లక్ష్మి సత్వరం ధనప్రదానాద్ధననాయకం కురు ॥ 17 ॥

మాం విలోక్య జననీ హరిప్రియే నిర్ధనం తవ సమీపమాగతమ్ । దేహి మే ఝటితి లక్ష్మి కరాగ్రం వస్త్రకాంచనవరాన్నమద్భుతమ్ ॥ 18 ॥

త్వమేవ జననీ లక్ష్మీః పితా లక్ష్మీస్త్వమేవ చ । భ్రాతా త్వం చ సఖా లక్ష్మీర్విద్యా లక్ష్మీస్త్వమేవ చ ॥ 19 ॥

త్రాహి త్రాహి మహాలక్ష్మి త్రాహి త్రాహి సురేశ్వరి । త్రాహి త్రాహి జగన్మాతః దారిద్ర్యాత్త్రాహి వేగతః ॥ 20 ॥

నమస్తుభ్యం జగద్ధాత్రి నమస్తుభ్యం నమో నమః । ధర్మాధారే నమస్తుభ్యం నమః సంపత్తిదాయినీ ॥ 21 ॥

దారిద్ర్యార్ణవమగ్నోఽహం నిమగ్నోఽహం రసాతలే । మజ్జంతం మాం కరే ధృత్వా తూద్ధర త్వం రమే ద్రుతమ్ ॥ 22 ॥

కిం లక్ష్మి బహునోక్తేన జల్పితేన పునః పునః । అన్యన్మే శరణం నాస్తి సత్యం సత్యం హరిప్రియే ॥ 23 ॥

ఏతచ్ఛ్రుత్వాఽగస్త్యవాక్యం హృష్యమాణా హరిప్రియా । ఉవాచ మధురాం వాణీం తుష్టాఽహం తవ సర్వదా ॥ 24 ॥

శ్రీలక్ష్మీరువాచ

యత్త్వయోక్తమిదం స్తోత్రం యః పఠిష్యతి మానవః । శృణోతి చ మహాభాగస్తస్యాహం వశవర్తినీ ॥ 25

నిత్యం పఠతి యో భక్త్యా త్వలక్ష్మీస్తస్య నశ్యతి । ఋణం చ నశ్యతే తీవ్రం వియోగం నైవ పశ్యతి ॥ 26 ॥

యః పఠేత్ప్రాతరుత్థాయ శ్రద్ధాభక్తిసమన్వితః । గృహే తస్య సదా తిష్టేన్నిత్యం శ్రీః పతినా సహ ॥ 27 ॥

సుఖసౌభాగ్యసంపన్నో మనస్వీ బుద్ధిమాన్భవేత్ । పుత్రవాన్ గుణవాన్ శ్రేష్ఠో భోగభోక్తా చ మానవః ॥ 28 ॥

ఇదం స్తోత్రం మహాపుణ్యం లక్ష్మ్యాగస్త్యప్రకీర్తితమ్ । విష్ణుప్రసాదజననం చతుర్వర్గఫలప్రదమ్ ॥ 29 ॥

రాజద్వారే జయశ్చైవ శత్రోశ్చైవ పరాజయః । భూతప్రేతపిశాచానాం వ్యాఘ్రాణాం న భయం తథా ॥ 30 ॥

న శస్త్రానలతోయౌఘాద్భయం తస్య ప్రజాయతే । దుర్వృత్తానాం చ పాపానాం బహుహానికరం పరమ్ ॥ 31 ॥

మందురాకరిశాలాసు గవాం గోష్ఠే సమాహితః । పఠేత్తద్దోషశాంత్యర్థం మహాపాతకనాశనమ్ ॥ 32 ॥

సర్వసౌఖ్యకరం నౄణామాయురారోగ్యదం తథా । అగస్త్యమునినా ప్రోక్తం ప్రజానాం హితకామ్యయా ॥ 33 ॥

ఇత్యగస్త్యవిరచితం శ్రీ లక్ష్మీ స్తోత్రమ్ ।

ಅಗಸ್ತ್ಯ ಕೃತ ಶ್ರೀ ಲಕ್ಷ್ಮೀ ಸ್ತೋತ್ರಂ ಬಗ್ಗೆ

ಈ ಲಕ್ಷ್ಮೀಸ್ತೋತ್ರ ಅಗಸ್ತ್ಯ ಮಹರ್ಷಿ ಮಹಾಲಕ್ಷ್ಮಿಗೆ ಅರ್ಪಿಸಿದ ಸ್ತುತಿ. "ಜಯ ಪದ್ಮಪಲಾಶಾಕ್ಷಿ ಜಯ ತ್ವಂ ಶ್ರೀಪತಿಪ್ರಿಯೇ" ಎಂದು ಆರಂಭ: ಕಮಲನಯನೆ, ವಿಷ್ಣುಪ್ರಿಯೆ, ನಿನಗೆ ಜಯ, ಭವಸಾಗರದಿಂದ ದಾಟಿಸುವ ಮಹಾಲಕ್ಷ್ಮಿ ತಾಯಿಗೆ ಜಯ; ಮುಂದೆ ಸುರೇಶ್ವರಿ, ಹರಿಪ್ರಿಯೆ, ದಯಾನಿಧಿಯಾದ ಅವಳಿಗೆ ಪುನಃ ಪುನಃ ನಮಸ್ಕಾರ.

ರಚನೆಕಾರರು: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ಅಗಸ್ತ್ಯ ಮಹರ್ಷಿ

ಯಾವಾಗ ಪಠಿಸಬೇಕು: ಶುಕ್ರವಾರಗಳಲ್ಲಿ, ವರಲಕ್ಷ್ಮೀ ವ್ರತ ಮತ್ತು ದೀಪಾವಳಿ ಲಕ್ಷ್ಮೀಪೂಜೆಯಲ್ಲಿ, ಮತ್ತು ಸಂಜೆ ದೀಪ ಹಚ್ಚುವಾಗ.

ನಿಮಗೆ ಗೊತ್ತೇ?

  • ಇದರ ಕೊನೆಯ ಸಾಲು ಕರ್ತೃವನ್ನು ಅಗಸ್ತ್ಯ ಮಹರ್ಷಿ ಎನ್ನುತ್ತದೆ.
  • ಇದರ ಎರಡನೇ ಶ್ಲೋಕ ಸುರೇಶ್ವರಿ, ಹರಿಪ್ರಿಯೆ, ದಯಾನಿಧಿಯಾದ ಮಹಾಲಕ್ಷ್ಮಿಗೆ "ನಮಸ್ತುಭ್ಯಂ" ಎಂಬ ನಮಸ್ಕಾರಗಳ ಸರಮಾಲೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಈ ಲಕ್ಷ್ಮೀಸ್ತೋತ್ರವನ್ನು ರಚಿಸಿದವರು ಯಾರು?

ಕೊನೆಯ ಸಾಲು ಹೇಳುವಂತೆ ಅಗಸ್ತ್ಯ ಮಹರ್ಷಿ.

ಇದು ಹೇಗೆ ಆರಂಭವಾಗುತ್ತದೆ?

"ಜಯ ಪದ್ಮಪಲಾಶಾಕ್ಷಿ": ಕಮಲನಯನೆ, ವಿಷ್ಣುಪ್ರಿಯೆಗೆ ಜಯ.

ಇದನ್ನು ಯಾವಾಗ ಪಠಿಸುತ್ತಾರೆ?

ಶುಕ್ರವಾರ, ವರಲಕ್ಷ್ಮೀ ವ್ರತ ಮತ್ತು ದೀಪಾವಳಿಯಂದು.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.