MuhurtaNow

ಗೀತಗೋವಿಂದಂ ದ್ವಿತೀಯಃ ಸರ್ಗಃ - ಅಕ್ಲೇಶ ಕೇಶವಃ

Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ

॥ द्वितीयः सर्गः ॥ ॥ अक्लेशकेशवः ॥

विहरति वने राधा साधारणप्रणये हरौ विगलितनिजोत्कर्षादीर्ष्यावशेन गतान्यतः । क्वचिदपि लताकुंजे गुंजन्मधुव्रतमंडली-मुखरशिखरे लीना दीनाप्युवाच रहः सखीम् ॥ 14 ॥

॥ गीतं 5 ॥

संचरदधरसुधामधुरध्वनिमुखरितमोहनवंशम् । चलितदृगंचलचंचलमौलिकपोलविलोलवतंसम् ॥ रासे हरिमिह विहितविलासं स्मरति मनो मम कृतपरिहासम् ॥ 1 ॥

चंद्रकचारुमयूरशिखंडकमंडलवलयितकेशम् । प्रचुरपुरंदरधनुरनुरंजितमेदुरमुदिरसुवेशम् ॥ 2 ॥

गोपकदंबनितंबवतीमुखचुंबनलंभितलोभम् । बंधुजीवमधुराधरपल्लवमुल्लसितस्मितशोभम् ॥ 3 ॥

विपुलपुलकभुजपल्लववलयितवल्लवयुवतिसहस्रम् । करचरणोरसि मणिगणभूषणकिरणविभिन्नतमिस्रम् ॥ 4 ॥

जलदपटलवलदिंदुविनंदकचंदनतिलकललाटम् । पीनपयोधरपरिसरमर्दननिर्दयहृदयकवाटम् ॥ 5 ॥

मणिमयमकरमनोहरकुंडलमंडितगंडमुदारम् । पीतवसनमनुगतमुनिमनुजसुरासुरवरपरिवारम् ॥ 6 ॥

विशदकदंबतले मिलितं कलिकलुषभयं शमयंतम् । मामपि किमपि तरंगदनंगदृशा मनसा रमयंतम् ॥ 7 ॥

श्रीजयदेवभणितमतिसुंदरमोहनमधुरिपुरूपम् । हरिचरणस्मरणं प्रति संप्रति पुण्यवतामनुरूपम् ॥ 8 ॥

गणयति गुणग्रामं भामं भ्रमादपि नेहते वहति च परितोषं दोषं विमुंचति दूरतः । युवतिषु वलस्तृष्णे कृष्णे विहारिणि मां विना पुनरपि मनो वामं कामं करोति करोमि किम् ॥ 15 ॥

॥ गीतं 6 ॥

निभृतनिकुंजगृहं गतया निशि रहसि निलीय वसंतम् । चकितविलोकितसकलदिशा रतिरभसरसेन हसंतम् ॥ सखि हे केशिमथनमुदारं रमय मया सह मदनमनोरथभावितया सविकारम् ॥ 1 ॥

प्रथमसमागमलज्जितया पटुचाटुशतैरनुकूलम् । मृदुमधुरस्मितभाषितया शिथिलीकृतजघनदुकूलम् ॥ 2 ॥

किसलयशयननिवेशितया चिरमुरसि ममैव शयानम् । कृतपरिरंभणचुंबनया परिरभ्य कृताधरपानम् ॥ 3 ॥

अलसनिमीलितलोचनया पुलकावलिललितकपोलम् । श्रमजलसकलकलेवरया वरमदनमदादतिलोलम् ॥ 4 ॥

कोकिलकलरवकूजितया जितमनसिजतंत्रविचारम् । श्लथकुसुमाकुलकुंतलया नखलिखितघनस्तनभारम् ॥ 5 ॥

चरणरणितमनिनूपुरया परिपूरितसुरतवितानम् । मुखरविशृंखलमेखलया सकचग्रहचुंबनदानम् ॥ 6 ॥

रतिसुखसमयरसालसया दरमुकुलितनयनसरोजम् । निःसहनिपतिततनुलतया मधुसूदनमुदितमनोजम् ॥ 7 ॥

श्रीजयदेवभणितमिदमतिशयमधुरिपुनिधुवनशीलम् । सुखमुत्कंठितगोपवधूकथितं वितनोतु सलीलम् ॥ 8 ॥

हस्तस्रस्तविलासवंशमनृजुभ्रूवल्लिमद्बल्लवी-वृंदोत्सारिदृगंतवीक्षितमतिस्वेदार्द्रगंडस्थलम् । मामुद्वीक्ष्य विलक्षितं स्मितसुधामुग्धाननं कानने गोविंदं व्रजसुंदरीगणवृतं पश्यामि हृष्यामि च ॥ 16 ॥

दुरालोकस्तोकस्तबकनवकाशोकलतिका-विकासः कासारोपवनपवनोऽपि व्यथयति । अपि भ्राम्यद्भृंगीरणितरमणीया न मुकुल-प्रसूतिश्चूतानां सखि शिखरिणीयं सुखयति ॥ 17 ॥

॥ इति गीतगोविंदे अक्लेशकेशवो नाम द्वितीयः सर्गः ॥

ಗೀತಗೋವಿಂದಂ ದ್ವಿತೀಯಃ ಸರ್ಗಃ - ಅಕ್ಲೇಶ ಕೇಶವಃ ಬಗ್ಗೆ

ಜಯದೇವನ ಗೀತಗೋವಿಂದದ ಎರಡನೇ ಸರ್ಗ "ಅಕ್ಲೇಶಕೇಶವ", ಚಿಂತೆಯಿಲ್ಲದ ಕೃಷ್ಣ, ರಾಧೆಯ ಈರ್ಷ್ಯೆ ಮತ್ತು ಹಂಬಲವನ್ನು ತೋರುತ್ತದೆ. ಎಲ್ಲ ಗೋಪಿಯರೊಡನೆ ಕೃಷ್ಣ ಮುಕ್ತವಾಗಿ ಪ್ರೇಮ ಹಂಚುವುದನ್ನು ಕಂಡು ನೊಂದು ಈರ್ಷ್ಯೆಗೊಂಡ ರಾಧೆ ಬಳ್ಳಿಮನೆಗೆ ಹೋಗುತ್ತಾಳೆ; ಅಲ್ಲಿ ಸಖಿಯೊಡನೆ ಕೃಷ್ಣನ ಕೊಳಲು, ನಗು, ರಾಸಲೀಲೆಯ ಆಟ ಎಲ್ಲವನ್ನೂ ನೆನೆದು, ನೋವಿದ್ದರೂ ಅವನಿಗಾಗಿ ಹಂಬಲಿಸುತ್ತಾಳೆ.

ರಚನೆಕಾರರು: ಜಯದೇವ (೧೨ನೇ ಶತಮಾನ)

ಯಾವಾಗ ಪಠಿಸಬೇಕು: ಒಡಿಸ್ಸಿ ಮೊದಲಾದ ನೃತ್ಯಗಳಲ್ಲಿ, ಭಜನೆ ಮತ್ತು ಕಛೇರಿಗಳಲ್ಲಿ, ಮತ್ತು ಪುರಿಯ ಗೀತಗೋವಿಂದ ಸೇವೆಯಲ್ಲಿ.

ನಿಮಗೆ ಗೊತ್ತೇ?

  • ಇದರ ಹಾಡುಗಳಲ್ಲಿ "ಸ್ಮರತಿ ಮನೋ ಮಮ", ನನ್ನ ಮನಸ್ಸು ಅವನನ್ನು ನೆನೆಯುತ್ತದೆ ಎಂಬ ಪಲ್ಲವಿಯ ರಾಧೆಯ ಸ್ಮರಣೆ ಸೇರಿದೆ.
  • ಜಯದೇವ (೧೨ನೇ ಶತಮಾನ) ಗೀತಗೋವಿಂದವನ್ನು ಸಂಸ್ಕೃತದಲ್ಲಿ ರಚಿಸಿದ; ಅದರ ಹಾಡುಗಳನ್ನು ಇಂದಿಗೂ ಪುರಿಯ ಜಗನ್ನಾಥನ ಮುಂದೆ ಪ್ರತಿದಿನ ಹಾಡಲಾಗುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

"ಅಕ್ಲೇಶಕೇಶವ" ಎಂದರೇನು?

ರಾಧೆ ನೋಯುತ್ತಿರಲು "ಚಿಂತೆಯಿಲ್ಲದ ಕೃಷ್ಣ".

ರಾಧೆ ಏಕೆ ದೂರ ಹೋಗುತ್ತಾಳೆ?

ಕೃಷ್ಣ ಎಲ್ಲ ಗೋಪಿಯರೊಡನೆ ಪ್ರೇಮ ಹಂಚುವುದನ್ನು ಕಂಡು ನೊಂದು.

ಕುಂಜದಲ್ಲಿ ಅವಳು ಏನು ಮಾಡುತ್ತಾಳೆ?

ಕೃಷ್ಣನನ್ನು ಸವಿಸ್ತಾರವಾಗಿ ನೆನೆದು ಅವನಿಗಾಗಿ ಹಂಬಲಿಸುತ್ತಾಳೆ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.