ಲಘು ಸ್ತವಃ
Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ
ঐংদ্রস্য়েব শরাসনস্য় দধতী মধ্য়েললাটং প্রভাং শৌক্লীং কাংতিমনুষ্ণগোরিব শিরস্য়াতন্বতী সর্বতঃ । এষাসৌ ত্রিপুরা হৃদি দ্য়ুতিরিবোষ্ণাংশোঃ সদাহঃ স্থিতাত্ ছিংদ্য়ান্নঃ সহসা পদৈস্ত্রিভিরঘং জ্য়োতির্ময়ী বাঙ্ময়ী ॥ 1 ॥
যা মাত্রা ত্রপুসীলতাতনুলসত্তংতূত্থিতিস্পর্ধিনী বাগ্বীজে প্রথমে স্থিতা তব সদা তাং মন্মহে তে বযম্ । শক্তিঃ কুংডলিনীতি বিশ্বজননব্য়াপারবদ্ধোদ্যমাঃ জ্ঞাত্বেত্থং ন পুনঃ স্পৃশংতি জননীগর্ভেঽর্ভকত্বং নরাঃ ॥ 2 ॥
দৃষ্ট্বা সংভ্রমকারি বস্তু সহসা ঐ ঐ ইতি ব্য়াহৃতং যেনাকূতবশাদপীহ বরদে বিংদুং বিনাপ্যক্ষরম্ । তস্য়াপি ধ্রুবমেব দেবি তরসা জাতে তবানুগ্রহে বাচঃসূক্তিসুধারসদ্রবমুচো নির্য়াংতি বক্ত্রাংবুজাত্ ॥ 3 ॥
যন্নিত্য়ে তব কামরাজমপরং মংত্রাক্ষরং নিষ্কলং তত্সারস্বতমিত্যবৈতি বিরলঃ কশ্চিদ্বুধশ্চেদ্ভুবি । আখ্য়ানং প্রতিপর্ব সত্যতপসো যত্কীর্তয়ংতো দ্বিজাঃ প্রারংভে প্রণবাস্পদপ্রণয়িতাং নীত্বোচ্চরংতি স্ফুটম্ ॥ 4 ॥
যত্সদ্য়ো বচসাং প্রবৃত্তিকরণে দৃষ্টপ্রভাবং বুধৈঃ তার্তীয়ং তদহং নমামি মনসা ত্বদ্বীজমিংদুপ্রভম্ । অস্ত্য়ৌর্বোঽপি সরস্বতীমনুগতো জাড্য়াংবুবিচ্ছিত্তয়ে গোশব্দো গিরি বর্ততে সনিযতং যোগং বিনা সিদ্ধিদঃ ॥ 5 ॥
একৈকং তব দেবি বীজমনঘং সব্য়ংজনাব্য়ংজনং কূটস্থং যদি বা পৃথক্ ক্রমগতং যদ্বা স্থিতং ব্য়ুত্ক্রমাত্ । যং যং কামমপেক্ষ্য় যেন বিধিনা কেনাপি বা চিংতিতং জপ্তং বা সফলীকরোতি সততং তং তং সমস্তং নৃণাম্ ॥ 6 ॥
বামে পুস্তকধারিণীমভযদাং সাক্ষস্রজং দক্ষিণে ভক্তেভ্য়ো বরদানপেশলকরাং কর্পূরকুংদোজ্জ্বলাম্ । উজ্জৃংভাংবুজপত্রকাংতিনযনস্নিগ্ধপ্রভালোকিনীং যে ত্বামংব ন শীলয়ংতি মনসা তেষাং কবিত্বং কুতঃ ॥ 7 ॥
যে ত্বাং পাংডুরপুংডরীকপটলস্পষ্টাভিরামপ্রভাং সিংচংতীমমৃতদ্রবৈরিব শিরো ধ্য়ায়ংতি মূর্ধ্নি স্থিতাম্ । অশ্রাংতা বিকটস্ফুটাক্ষরপদা নির্য়াতি বক্ত্রাংবুজাত্ তেষাং ভারতি ভারতী সুরসরিত্কল্লোললোলোর্মিবত্ ॥ 8 ॥
যে সিংদূরপরাগপিংজপিহিতাং ত্বত্তেজসাদ্য়ামিমাং উর্বীং চাপি বিলীনয়াবকরসপ্রস্তারমগ্নামিব । পশ্য়ংতি ক্ষণমপ্যনন্যমনসস্তেষামনংগজ্বর- -ক্লাংতস্রস্তকুরংগশাবকদৃশো বশ্য়া ভবংতি স্ফুটম্ ॥ 9 ॥
চংচত্কাংচনকুংডলাংগদধরামাবদ্ধকাংচীস্রজং যে ত্বাং চেতসি তদ্গতে ক্ষণমপি ধ্য়ায়ংতি কৃত্বা স্থিরাম্ । তেষাং বেশ্মসু বিভ্রমাদহরহঃ স্ফারীভবংত্যশ্চিরং মাদ্যত্কুংজরকর্ণতালতরলাঃ স্থৈর্য়ং ভজংতে শ্রিয়ঃ ॥ 10 ॥
আর্ভট্য়া শশিখংডমংডিতজটাজূটাং নৃমুংডস্রজং বংধূকপ্রসবারুণাংবরধরাং প্রেতাসনাধ্য়াসিনীম্ । ত্বাং ধ্য়ায়ংতি চতুর্ভুজাং ত্রিনযনামাপীনতুংগস্তনীং মধ্য়ে নিম্নবলিত্রয়াংকিততনুং ত্বদ্রূপসংবিত্তয়ে ॥ 11 ॥
জাতোঽপ্যল্পপরিচ্ছদে ক্ষিতিভুজাং সামান্যমাত্রে কুলে নিঃশেষাবনিচক্রবর্তিপদবীং লব্ধ্বা প্রতাপোন্নতঃ । যদ্বিদ্য়াধর বৃংদবংদিতপদঃ শ্রীবত্সরাজোঽভবত্ দেবি ত্বচ্চরণাংবুজ প্রণতিজঃ সোঽয়ং প্রসাদোদয়ঃ ॥ 12 ॥
চংডি ত্বচ্চরণাংবুজার্চনকৃতে বিল্বাদিলোল্লুংঠন- -ত্রুট্যত্কংটককোটিভিঃ পরিচয়ং যেষাং ন জগ্মুঃ করাঃ । তে দংডাংকুশচক্রচাপকুলিশশ্রীবত্সমত্স্য়াংকিতৈঃ জায়ংতে পৃথিবীভুজঃ কথমিবাংভোজপ্রভৈঃ পাণিভিঃ ॥ 13 ॥
বিপ্রাঃ ক্ষোণিভুজো বিশস্তদিতরে ক্ষীরাজ্যমধ্বাসবৈঃ । ত্বাং দেবি ত্রিপুরে পরাপরময়ীং সংতর্প্য় পূজাবিধৌ । যাং যাং প্রার্থযতে মনঃ স্থিরধিয়াং তেষাং ত এব ধ্রুবং তাং তাং সিদ্ধিমবাপ্নুবংতি তরসা বিঘ্নৈরবিঘ্নীকৃতাঃ ॥ 14 ॥
শব্দানাং জননী ত্বমত্র ভুবনে বাগ্বাদিনীত্য়ুচ্যসে ত্বত্তঃ কেশববাসব প্রভৃতয়োঽপ্য়াবির্ভবংতি স্ফুটম্ । লীয়ংতে খলু যত্র কল্পবিরমে ব্রহ্মাদযস্তেঽপ্যমী সা ত্বং কাচিদচিংত্যরূপমহিমা শক্তিঃ পরা গীযসে ॥ 15 ॥
দেবানাং ত্রিতয়ং ত্রয়ী হুতভুজাং শক্তিত্রয়ং ত্রিঃ স্বরাঃ ত্রৈলোক্য়ং ত্রিপদী ত্রিপুষ্করমথো ত্রিব্রহ্ম বর্ণাস্ত্রয়ঃ । যত্কিংচিজ্জগতি ত্রিধা নিযমিতং বস্তু ত্রিবর্গাদিকং তত্সর্বং ত্রিপুরেতি নাম ভগবত্যন্বেতি তে তত্ত্বতঃ ॥ 16 ॥
লক্ষ্মীং রাজকুলে জয়াং রণভুবি ক্ষেমংকরীমধ্বনি ক্রব্য়াদদ্বিপসর্পভাজি শবরীং কাংতারদুর্গে গিরৌ । ভূতপ্রেতপিশাচজংবুকভয়ে স্মৃত্বা মহাভৈরবীং ব্য়ামোহে ত্রিপুরাং তরংতি বিপদস্তারাং চ তোযপ্লবে ॥ 17 ॥
মায়া কুংডলিনী ক্রিয়া মধুমতী কালী কলামালিনী মাতংগী বিজয়া জয়া ভগবতী দেবী শিবা শাংভবী । শক্তিঃ শংকরবল্লভা ত্রিনযনা বাগ্বাদিনী ভৈরবী হ্রীংকারী ত্রিপুরা পরাপরময়ী মাতা কুমারীত্যসি ॥ 18 ॥
আঈপল্লবিতৈঃ পরস্পরয়ুতৈর্দ্বিত্রিক্রমাদ্যক্ষরৈ কাদ্য়ৈঃ ক্ষাংতগতৈঃ স্বরাদিভিরথ ক্ষাংতৈশ্চ তৈঃ সস্বরৈঃ । নামানি ত্রিপুরে ভবংতি খলু যান্যত্য়ংতগুহ্য়ানি তে তেভ্য়ো ভৈরবপত্নি বিংশতিসহস্রেভ্য়ঃ পরেভ্য়ো নমঃ ॥ 19 ॥
বোদ্ধব্য়া নিপুণং বুধৈঃ স্তুতিরিয়ং কৃত্বা মনস্তদ্গতং ভারত্য়াস্ত্রিপুরেত্যনন্যমনসা যত্রাদ্যবৃত্তে স্ফুটম্ । একদ্বিত্রিপদক্রমেণ কথিতস্তত্পাদসংখ্য়াক্ষরৈঃ মংত্রোদ্ধার বিধির্বিশেষসহিতঃ সত্সংপ্রদায়ান্বিতঃ ॥ 20 ॥
সাবদ্য়ং নিরবদ্যমস্তু যদি বা কিং বানয়া চিংতয়া নূনং স্তোত্রমিদং পঠিষ্যতি জনো যস্য়াস্তি ভক্তিস্ত্বয়ি । সংচিংত্য়াপি লঘুত্বমাত্মনি দৃঢং সংজাযমানং হঠাত্ ত্বদ্ভক্ত্য়া মুখরীকৃতেন রচিতং যস্মান্ময়াপি ধৃবম্ ॥ 21 ॥
ইতি শ্রীকালিদাস বিরচিত পংচস্তব্য়াং প্রথমঃ লঘুস্তবঃ ।
ಲಘು ಸ್ತವಃ ಬಗ್ಗೆ
ಲಘುಸ್ತವ ತ್ರಿಪುರಾ (ತ್ರಿಪುರಸುಂದರಿ) ದೇವಿಗೆ ಸ್ತೋತ್ರ; ಕೊನೆಯ ಸಾಲು ಹೇಳುವಂತೆ ಸಂಪ್ರದಾಯದಲ್ಲಿ ಕಾಳಿದಾಸರಿಗೆ ಆರೋಪಿತ ಪಂಚಸ್ತವಿಯ ಐದು ಸ್ತೋತ್ರಗಳಲ್ಲಿ ಮೊದಲನೆಯದು. ಇದರ ಶ್ಲೋಕಗಳು ದೇವಿಯನ್ನು ಅವಳ ಮೂರು ಬೀಜಾಕ್ಷರಗಳಲ್ಲಿ ಧ್ಯಾನಿಸುತ್ತವೆ: ಹಣೆಯ ಮಧ್ಯದಲ್ಲಿ ಕಾಮನಬಿಲ್ಲಿನಂತೆ ಹೊಳೆದು, ಶಿರದಿಂದ ಚಂದ್ರಕಾಂತಿ ಹರಡಿ, ಹೃದಯದಲ್ಲಿ ಬೆಳಗುತ್ತಾಳೆ; ವಾಗ್ಬೀಜ "ಐಂ"ನಲ್ಲಿ ನೆಲೆಸಿದ ತಾವರೆನೂಲಿನಷ್ಟು ಸೂಕ್ಷ್ಮರೂಪವನ್ನು ಕವಿ ಆರಾಧಿಸುತ್ತಾರೆ.
ರಚನೆಕಾರರು: ಕೊನೆಯ ಸಾಲಿನಂತೆ ಸಂಪ್ರದಾಯದಲ್ಲಿ ಕಾಳಿದಾಸರಿಗೆ ಆರೋಪಿತ
ಯಾವಾಗ ಪಠಿಸಬೇಕು: ಶ್ರೀವಿದ್ಯಾ ಮತ್ತು ದೇವೀಪೂಜೆಯಲ್ಲಿ, ಶುಕ್ರವಾರಗಳಲ್ಲಿ ಮತ್ತು ನವರಾತ್ರಿಯಲ್ಲಿ.
ನಿಮಗೆ ಗೊತ್ತೇ?
- "ಐದು ಸ್ತೋತ್ರಗಳ" ಪಂಚಸ್ತವಿ ಶ್ರೀವಿದ್ಯಾ ಭಕ್ತಿಕಾವ್ಯದ ಶ್ರೇಷ್ಠ ಕೃತಿ; ಕಾಶ್ಮೀರದಲ್ಲಿ ವಿಶೇಷ ಪ್ರಿಯ.
- ಇದರ ಶ್ಲೋಕಗಳು ಬಾಲಾ ಮತ್ತು ತ್ರಿಪುರಾ ಮಂತ್ರಗಳ ಮೂರು ಬೀಜಾಕ್ಷರಗಳ ಸುತ್ತ ರಚಿತ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಲಘುಸ್ತವ ಯಾರನ್ನು ಉದ್ದೇಶಿಸಿದೆ?
ತ್ರಿಪುರಾ (ತ್ರಿಪುರಸುಂದರಿ) ದೇವಿಯನ್ನು.
ಪಂಚಸ್ತವಿ ಎಂದರೇನು?
ದೇವಿಯ ಐದು ಸ್ತೋತ್ರಗಳ ಸಂಗ್ರಹ; ಲಘುಸ್ತವ ಮೊದಲನೆಯದು.
ಇದು ಯಾರಿಗೆ ಆರೋಪಿತ?
ಕೊನೆಯ ಸಾಲು ಹೇಳುವಂತೆ ಸಂಪ್ರದಾಯದಲ್ಲಿ ಕಾಳಿದಾಸರಿಗೆ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು