ಶ್ರೀ ಕೃಷ್ಣ ಕೃತ ದುರ್ಗಾ ಸ್ತೋತ್ರಂ
Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ
ಶ್ರೀಕೃಷ್ಣ ಉವಾಚ
ತ್ವಮೇವ ಸರ್ವಜನನೀ ಮೂಲಪ್ರಕೃತಿರೀಶ್ವರೀ । ತ್ವಮೇವಾದ್ಯಾ ಸೃಷ್ಟಿವಿಧೌ ಸ್ವೇಚ್ಛಯಾ ತ್ರಿಗುಣಾತ್ಮಿಕಾ ॥ 1
ಕಾರ್ಯಾರ್ಥೇ ಸಗುಣಾ ತ್ವಂ ಚ ವಸ್ತುತೋ ನಿರ್ಗುಣಾ ಸ್ವಯಮ್ । ಪರಬ್ರಹ್ಮಸ್ವರೂಪಾ ತ್ವಂ ಸತ್ಯಾ ನಿತ್ಯಾ ಸನಾತನೀ ॥ 2 ॥
ತೇಜಃ ಸ್ವರೂಪಾ ಪರಮಾ ಭಕ್ತಾನುಗ್ರವಿಗ್ರಹಾ । ಸರ್ವಸ್ವರೂಪಾ ಸರ್ವೇಶಾ ಸರ್ವಾಧಾರಾ ಪರಾತ್ಪರಾ ॥ 3 ॥
ಸರ್ವಬೀಜಸ್ವರೂಪಾ ಚ ಸರ್ವಪೂಜ್ಯಾ ನಿರಾಶ್ರಯಾ । ಸರ್ವಜ್ಞಾ ಸರ್ವತೋಭದ್ರಾ ಸರ್ವಮಂಗಳಮಂಗಳಾ ॥ 4 ॥
ಸರ್ವಬುದ್ಧಿಸ್ವರೂಪಾ ಚ ಸರ್ವಶಕ್ತಿಸ್ವರೂಪಿಣೀ । ಸರ್ವಜ್ಞಾನಪ್ರದಾ ದೇವೀ ಸರ್ವಜ್ಞಾ ಸರ್ವಭಾವಿನೀ ॥ 5 ॥
ತ್ವಂ ಸ್ವಾಹಾ ದೇವದಾನೇ ಚ ಪಿತೃದಾನೇ ಸ್ವಧಾ ಸ್ವಯಮ್ । ದಕ್ಷಿಣಾ ಸರ್ವದಾನೇ ಚ ಸರ್ವಶಕ್ತಿಸ್ವರೂಪಿಣೀ ॥ 6 ॥
ನಿದ್ರಾ ತ್ವಂ ಚ ದಯಾ ತ್ವಂ ಚ ತೃಷ್ಣಾ ತ್ವಂ ಚಾತ್ಮನಃ ಪ್ರಿಯಾ । ಕ್ಷುತ್ ಕ್ಷಾಂತಿಃ ಶಾಂತಿರೀಶಾ ಚ ಕಾಂತಿಸ್ತುಷ್ಟಿಶ್ಚ ಶಾಶ್ವತೀ ॥ 7 ॥
ಶ್ರದ್ಧಾ ಪುಷ್ಟಿಶ್ಚ ತಂದ್ರಾ ಚ ಲಜ್ಜಾ ಶೋಭಾ ದಯಾ ತಥಾ । ಸತಾಂ ಸಂಪತ್ಸ್ವರೂಪಾ ಶ್ರೀರ್ವಿಪತ್ತಿರಸತಾಮಿಹ ॥ 8 ॥
ಪ್ರೀತಿರೂಪಾ ಪುಣ್ಯವತಾಂ ಪಾಪಿನಾಂ ಕಲಹಾಂಕುರಾ । ಶಶ್ವತ್ಕರ್ಮಮಯೀ ಶಕ್ತಿಃ ಸರ್ವದಾ ಸರ್ವಜೀವಿನಾಮ್ ॥ 9 ॥
ದೇವೇಭ್ಯಃ ಸ್ವಪದೋ ದಾತ್ರೀ ಧಾತುರ್ಧಾತ್ರೀ ಕೃಪಾಮಯೀ । ಹಿತಾಯ ಸರ್ವದೇವಾನಾಂ ಸರ್ವಾಸುರವಿನಾಶಿನೀ ॥ 10 ॥
ಯೋಗಿನಿದ್ರಾ ಯೋಗರೂಪಾ ಯೋಗದಾತ್ರೀ ಚ ಯೋಗಿನಾಮ್ । ಸಿದ್ಧಿಸ್ವರೂಪಾ ಸಿದ್ಧಾನಾಂ ಸಿದ್ಧಿದಾ ಸಿದ್ಧಯೋಗಿನೀ ॥ 11 ॥
ಮಾಹೇಶ್ವರೀ ಚ ಬ್ರಹ್ಮಾಣೀ ವಿಷ್ಣುಮಾಯಾ ಚ ವೈಷ್ಣವೀ । ಭದ್ರದಾ ಭದ್ರಕಾಲೀ ಚ ಸರ್ವಲೋಕಭಯಂಕರೀ ॥ 12 ॥
ಗ್ರಾಮೇ ಗ್ರಾಮೇ ಗ್ರಾಮದೇವೀ ಗೃಹದೇವೀ ಗೃಹೇ ಗೃಹೇ । ಸತಾಂ ಕೀರ್ತಿಃ ಪ್ರತಿಷ್ಠಾ ಚ ನಿಂದಾ ತ್ವಮಸತಾಂ ಸದಾ ॥ 13 ॥
ಮಹಾಯುದ್ಧೇ ಮಹಾಮಾರೀ ದುಷ್ಟಸಂಹಾರರೂಪಿಣೀ । ರಕ್ಷಾಸ್ವರೂಪಾ ಶಿಷ್ಟಾನಾಂ ಮಾತೇವ ಹಿತಕಾರಿಣೀ ॥ 14 ॥
ವಂದ್ಯಾ ಪೂಜ್ಯಾ ಸ್ತುತಾ ತ್ವಂ ಚ ಬ್ರಹ್ಮಾದೀನಾಂ ಚ ಸರ್ವದಾ । ಬ್ರಹ್ಮಣ್ಯರೂಪಾ ವಿಪ್ರಾಣಾಂ ತಪಸ್ಯಾ ಚ ತಪಸ್ವಿನಾಮ್ ॥ 15 ॥
ವಿದ್ಯಾ ವಿದ್ಯಾವತಾಂ ತ್ವಂ ಚ ಬುದ್ಧಿರ್ಬುದ್ಧಿಮತಾಂ ಸತಾಮ್ । ಮೇಧಾ ಸ್ಮೃತಿಸ್ವರೂಪಾ ಚ ಪ್ರತಿಭಾ ಪ್ರತಿಭಾವತಾಮ್ ॥ 16 ॥
ರಾಜ್ಞಾಂ ಪ್ರತಾಪರೂಪಾ ಚ ವಿಶಾಂ ವಾಣಿಜ್ಯರೂಪಿಣೀ । ಸೃಷ್ಟೌ ಸೃಷ್ಟಿಸ್ವರೂಪಾ ತ್ವಂ ರಕ್ಷಾರೂಪಾ ಚ ಪಾಲನೇ ॥ 17 ॥
ತಥಾಂತೇ ತ್ವಂ ಮಹಾಮಾರೀ ವಿಶ್ವೇ ವಿಶ್ವೈಶ್ಚ ಪೂಜಿತೇ । ಕಾಲರಾತ್ರಿರ್ಮಹಾರಾತ್ರಿರ್ಮೋಹರಾತ್ರಿಶ್ಚ ಮೋಹಿನೀ ॥ 18 ॥
ದುರತ್ಯಯಾ ಮೇ ಮಾಯಾ ತ್ವಂ ಯಯಾ ಸಮ್ಮೋಹಿತಂ ಜಗತ್ । ಯಯಾ ಮುಗ್ಧೋ ಹಿ ವಿದ್ವಾಂಶ್ಚ ಮೋಕ್ಷಮಾರ್ಗಂ ನ ಪಶ್ಯತಿ ॥ 19 ॥
ಇತ್ಯಾತ್ಮನಾ ಕೃತಂ ಸ್ತೋತ್ರಂ ದುರ್ಗಾಯಾ ದುರ್ಗನಾಶನಮ್ । ಪೂಜಾಕಾಲೇ ಪಠೇದ್ಯೋ ಹಿ ಸಿದ್ಧಿರ್ಭವತಿ ವಾಂಛಿತಾ ॥ 20 ॥
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ದ್ವಿತೀಯೇ ಪ್ರಕೃತಿಖಂಡೇ ನಾರದನಾರಾಯಣಸಂವಾದೇ ದುರ್ಗೋಪಾಖ್ಯಾನೇ ಷಟ್ಷಷ್ಟಿತಮೋಽಧ್ಯಾಯೇ ಶ್ರೀ ದುರ್ಗಾ ಸ್ತೋತ್ರಮ್ ।
ಶ್ರೀ ಕೃಷ್ಣ ಕೃತ ದುರ್ಗಾ ಸ್ತೋತ್ರಂ ಬಗ್ಗೆ
ಈ ದುರ್ಗಾಸ್ತೋತ್ರ ಬ್ರಹ್ಮವೈವರ್ತ ಪುರಾಣದಲ್ಲಿ ಶ್ರೀಕೃಷ್ಣ ದುರ್ಗಾದೇವಿಗೆ ಅರ್ಪಿಸುವ ಸ್ತುತಿ. "ತ್ವಮೇವ ಸರ್ವಜನನೀ ಮೂಲಪ್ರಕೃತಿರೀಶ್ವರೀ" ಎಂದು ಆರಂಭ: ನೀನೇ ಎಲ್ಲರ ತಾಯಿ, ಮೂಲಪ್ರಕೃತಿ, ಈಶ್ವರಿ; ಸೃಷ್ಟಿಕಾಲದಲ್ಲಿ ಸ್ವೇಚ್ಛೆಯಿಂದ ತ್ರಿಗುಣಾತ್ಮಿಕೆಯಾಗುವೆ. ಕಾರ್ಯಕ್ಕಾಗಿ ಸಗುಣೆಯಾದರೂ ವಾಸ್ತವವಾಗಿ ನಿರ್ಗುಣೆ, ಪರಬ್ರಹ್ಮಸ್ವರೂಪೆ, ಸತ್ಯೆ, ನಿತ್ಯೆ, ಸನಾತನಿ.
ಮೂಲ: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ಬ್ರಹ್ಮವೈವರ್ತ ಪುರಾಣ, ಪ್ರಕೃತಿಖಂಡ
ಯಾವಾಗ ಪಠಿಸಬೇಕು: ನವರಾತ್ರಿಯಲ್ಲಿ, ದುರ್ಗಾಷ್ಟಮಿಯಂದು, ಮತ್ತು ಮಂಗಳವಾರ ಶುಕ್ರವಾರಗಳಲ್ಲಿ.
ನಿಮಗೆ ಗೊತ್ತೇ?
- ಇದರ ಕೊನೆಯ ಸಾಲು ಇದನ್ನು ಬ್ರಹ್ಮವೈವರ್ತ ಪುರಾಣದ ಪ್ರಕೃತಿಖಂಡದ ೬೬ನೇ ಅಧ್ಯಾಯದ ನಾರದ ನಾರಾಯಣ ಸಂವಾದದಲ್ಲಿ ಇರಿಸುತ್ತದೆ.
- ಇದು ದೇವಿಯನ್ನು ಸಗುಣ ಪ್ರಕೃತಿಯಾಗಿಯೂ ನಿರ್ಗುಣ ಪರಬ್ರಹ್ಮವಾಗಿಯೂ ತೋರುತ್ತದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಈ ದುರ್ಗಾಸ್ತೋತ್ರ ಹಾಡುವವರು ಯಾರು?
ಶೀರ್ಷಿಕೆ ಹೇಳುವಂತೆ ಶ್ರೀಕೃಷ್ಣ.
ಇದು ಎಲ್ಲಿದೆ?
ಬ್ರಹ್ಮವೈವರ್ತ ಪುರಾಣ, ಪ್ರಕೃತಿಖಂಡ.
ಇದು ದುರ್ಗೆಯನ್ನು ಹೇಗೆ ವರ್ಣಿಸುತ್ತದೆ?
ಎಲ್ಲರ ತಾಯಿ, ಮೂಲಪ್ರಕೃತಿ, ವಾಸ್ತವವಾಗಿ ನಿರ್ಗುಣ ಬ್ರಹ್ಮ ಎಂದು.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು