ಶ್ರೀ ಕೃಷ್ಣ ಕೃತ ದುರ್ಗಾ ಸ್ತೋತ್ರಂ
Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ
ശ്രീകൃഷ്ണ ഉവാച
ത്വമേവ സർവജനനീ മൂലപ്രകൃതിരീശ്വരീ । ത്വമേവാദ്യാ സൃഷ്ടിവിധൌ സ്വേച്ഛയാ ത്രിഗുണാത്മികാ ॥ 1
കാര്യാര്ഥേ സഗുണാ ത്വം ച വസ്തുതോ നിര്ഗുണാ സ്വയമ് । പരബ്രഹ്മസ്വരൂപാ ത്വം സത്യാ നിത്യാ സനാതനീ ॥ 2 ॥
തേജഃ സ്വരൂപാ പരമാ ഭക്താനുഗ്രവിഗ്രഹാ । സർവസ്വരൂപാ സർവേശാ സർവാധാരാ പരാത്പരാ ॥ 3 ॥
സർവബീജസ്വരൂപാ ച സർവപൂജ്യാ നിരാശ്രയാ । സർവജ്ഞാ സർവതോഭദ്രാ സർവമംഗളമംഗളാ ॥ 4 ॥
സർവബുദ്ധിസ്വരൂപാ ച സർവശക്തിസ്വരൂപിണീ । സർവജ്ഞാനപ്രദാ ദേവീ സർവജ്ഞാ സർവഭാവിനീ ॥ 5 ॥
ത്വം സ്വാഹാ ദേവദാനേ ച പിതൃദാനേ സ്വധാ സ്വയമ് । ദക്ഷിണാ സർവദാനേ ച സർവശക്തിസ്വരൂപിണീ ॥ 6 ॥
നിദ്രാ ത്വം ച ദയാ ത്വം ച തൃഷ്ണാ ത്വം ചാത്മനഃ പ്രിയാ । ക്ഷുത് ക്ഷാംതിഃ ശാംതിരീശാ ച കാംതിസ്തുഷ്ടിശ്ച ശാശ്വതീ ॥ 7 ॥
ശ്രദ്ധാ പുഷ്ടിശ്ച തംദ്രാ ച ലജ്ജാ ശോഭാ ദയാ തഥാ । സതാം സംപത്സ്വരൂപാ ശ്രീർവിപത്തിരസതാമിഹ ॥ 8 ॥
പ്രീതിരൂപാ പുണ്യവതാം പാപിനാം കലഹാംകുരാ । ശശ്വത്കര്മമയീ ശക്തിഃ സർവദാ സർവജീവിനാമ് ॥ 9 ॥
ദേവേഭ്യഃ സ്വപദോ ദാത്രീ ധാതുര്ധാത്രീ കൃപാമയീ । ഹിതായ സർവദേവാനാം സർവാസുരവിനാശിനീ ॥ 10 ॥
യോഗിനിദ്രാ യോഗരൂപാ യോഗദാത്രീ ച യോഗിനാമ് । സിദ്ധിസ്വരൂപാ സിദ്ധാനാം സിദ്ധിദാ സിദ്ധയോഗിനീ ॥ 11 ॥
മാഹേശ്വരീ ച ബ്രഹ്മാണീ വിഷ്ണുമായാ ച വൈഷ്ണവീ । ഭദ്രദാ ഭദ്രകാലീ ച സർവലോകഭയംകരീ ॥ 12 ॥
ഗ്രാമേ ഗ്രാമേ ഗ്രാമദേവീ ഗൃഹദേവീ ഗൃഹേ ഗൃഹേ । സതാം കീര്തിഃ പ്രതിഷ്ഠാ ച നിംദാ ത്വമസതാം സദാ ॥ 13 ॥
മഹായുദ്ധേ മഹാമാരീ ദുഷ്ടസംഹാരരൂപിണീ । രക്ഷാസ്വരൂപാ ശിഷ്ടാനാം മാതേവ ഹിതകാരിണീ ॥ 14 ॥
വംദ്യാ പൂജ്യാ സ്തുതാ ത്വം ച ബ്രഹ്മാദീനാം ച സർവദാ । ബ്രഹ്മണ്യരൂപാ വിപ്രാണാം തപസ്യാ ച തപസ്വിനാമ് ॥ 15 ॥
വിദ്യാ വിദ്യാവതാം ത്വം ച ബുദ്ധിര്ബുദ്ധിമതാം സതാമ് । മേധാ സ്മൃതിസ്വരൂപാ ച പ്രതിഭാ പ്രതിഭാവതാമ് ॥ 16 ॥
രാജ്ഞാം പ്രതാപരൂപാ ച വിശാം വാണിജ്യരൂപിണീ । സൃഷ്ടൌ സൃഷ്ടിസ്വരൂപാ ത്വം രക്ഷാരൂപാ ച പാലനേ ॥ 17 ॥
തഥാംതേ ത്വം മഹാമാരീ വിശ്വേ വിശ്വൈശ്ച പൂജിതേ । കാലരാത്രിര്മഹാരാത്രിര്മോഹരാത്രിശ്ച മോഹിനീ ॥ 18 ॥
ദുരത്യയാ മേ മായാ ത്വം യയാ സമ്മോഹിതം ജഗത് । യയാ മുഗ്ധോ ഹി വിദ്വാംശ്ച മോക്ഷമാര്ഗം ന പശ്യതി ॥ 19 ॥
ഇത്യാത്മനാ കൃതം സ്തോത്രം ദുര്ഗായാ ദുര്ഗനാശനമ് । പൂജാകാലേ പഠേദ്യോ ഹി സിദ്ധിര്ഭവതി വാംഛിതാ ॥ 20 ॥
ഇതി ശ്രീബ്രഹ്മവൈവര്തേ മഹാപുരാണേ ദ്വിതീയേ പ്രകൃതിഖംഡേ നാരദനാരായണസംവാദേ ദുര്ഗോപാഖ്യാനേ ഷട്ഷഷ്ടിതമോഽധ്യായേ ശ്രീ ദുര്ഗാ സ്തോത്രമ് ।
ಶ್ರೀ ಕೃಷ್ಣ ಕೃತ ದುರ್ಗಾ ಸ್ತೋತ್ರಂ ಬಗ್ಗೆ
ಈ ದುರ್ಗಾಸ್ತೋತ್ರ ಬ್ರಹ್ಮವೈವರ್ತ ಪುರಾಣದಲ್ಲಿ ಶ್ರೀಕೃಷ್ಣ ದುರ್ಗಾದೇವಿಗೆ ಅರ್ಪಿಸುವ ಸ್ತುತಿ. "ತ್ವಮೇವ ಸರ್ವಜನನೀ ಮೂಲಪ್ರಕೃತಿರೀಶ್ವರೀ" ಎಂದು ಆರಂಭ: ನೀನೇ ಎಲ್ಲರ ತಾಯಿ, ಮೂಲಪ್ರಕೃತಿ, ಈಶ್ವರಿ; ಸೃಷ್ಟಿಕಾಲದಲ್ಲಿ ಸ್ವೇಚ್ಛೆಯಿಂದ ತ್ರಿಗುಣಾತ್ಮಿಕೆಯಾಗುವೆ. ಕಾರ್ಯಕ್ಕಾಗಿ ಸಗುಣೆಯಾದರೂ ವಾಸ್ತವವಾಗಿ ನಿರ್ಗುಣೆ, ಪರಬ್ರಹ್ಮಸ್ವರೂಪೆ, ಸತ್ಯೆ, ನಿತ್ಯೆ, ಸನಾತನಿ.
ಮೂಲ: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ಬ್ರಹ್ಮವೈವರ್ತ ಪುರಾಣ, ಪ್ರಕೃತಿಖಂಡ
ಯಾವಾಗ ಪಠಿಸಬೇಕು: ನವರಾತ್ರಿಯಲ್ಲಿ, ದುರ್ಗಾಷ್ಟಮಿಯಂದು, ಮತ್ತು ಮಂಗಳವಾರ ಶುಕ್ರವಾರಗಳಲ್ಲಿ.
ನಿಮಗೆ ಗೊತ್ತೇ?
- ಇದರ ಕೊನೆಯ ಸಾಲು ಇದನ್ನು ಬ್ರಹ್ಮವೈವರ್ತ ಪುರಾಣದ ಪ್ರಕೃತಿಖಂಡದ ೬೬ನೇ ಅಧ್ಯಾಯದ ನಾರದ ನಾರಾಯಣ ಸಂವಾದದಲ್ಲಿ ಇರಿಸುತ್ತದೆ.
- ಇದು ದೇವಿಯನ್ನು ಸಗುಣ ಪ್ರಕೃತಿಯಾಗಿಯೂ ನಿರ್ಗುಣ ಪರಬ್ರಹ್ಮವಾಗಿಯೂ ತೋರುತ್ತದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಈ ದುರ್ಗಾಸ್ತೋತ್ರ ಹಾಡುವವರು ಯಾರು?
ಶೀರ್ಷಿಕೆ ಹೇಳುವಂತೆ ಶ್ರೀಕೃಷ್ಣ.
ಇದು ಎಲ್ಲಿದೆ?
ಬ್ರಹ್ಮವೈವರ್ತ ಪುರಾಣ, ಪ್ರಕೃತಿಖಂಡ.
ಇದು ದುರ್ಗೆಯನ್ನು ಹೇಗೆ ವರ್ಣಿಸುತ್ತದೆ?
ಎಲ್ಲರ ತಾಯಿ, ಮೂಲಪ್ರಕೃತಿ, ವಾಸ್ತವವಾಗಿ ನಿರ್ಗುಣ ಬ್ರಹ್ಮ ಎಂದು.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು