ശ്രീമദ്ഭഗവദ്ഗീതാ പാരായണ - തൃതീയോഽധ്യായഃ
Sri Krishna · പരമ്പരാഗത ഭക്തിഗ്രന്ഥം
ওং শ্রী পরমাত্মনে নমঃ অথ তৃতীয়োঽধ্য়ায়ঃ কর্ময়োগঃ
অর্জুন উবাচ
জ্য়াযসী চেত্কর্মণস্তে মতা বুদ্ধির্জনার্দন । তত্কিং কর্মণি ঘোরে মাং নিয়োজযসি কেশব ॥1
ব্য়ামিশ্রেণেব বাক্য়েন বুদ্ধিং মোহযসীব মে । তদেকং বদ নিশ্চিত্য় যেন শ্রেয়োঽহমাপ্নুয়াম্ ॥2॥
শ্রী ভগবানুবাচ
লোকেঽস্মিন্দ্বিবিধা নিষ্ঠা পুরা প্রোক্তা ময়াঽনঘ । জ্ঞানয়োগেন সাংখ্য়ানাং কর্ময়োগেন যোগিনাম্ ॥3
ন কর্মণামনারংভাত্ নৈষ্কর্ম্য়ং পুরুষোঽশ্নুতে । ন চ সন্ন্যসনাদেব সিদ্ধিং সমধিগচ্ছতি ॥4॥
ন হি কশ্চিত্ক্ষণমপি জাতু তিষ্ঠত্যকর্মকৃত্ । কার্যতে হ্যবশঃ কর্ম সর্বঃ প্রকৃতিজৈর্গুণৈঃ ॥5॥
কর্মেংদ্রিয়াণি সংযম্য় য আস্তে মনসা স্মরন্ । ইংদ্রিয়ার্থান্বিমূঢাত্মা মিথ্য়াচারঃ স উচ্যতে ॥6॥
যস্ত্বিংদ্রিয়াণি মনসা নিযম্য়ারভতেঽর্জুন । কর্মেংদ্রিয়ৈঃ কর্ময়োগম্ অসক্তঃ স বিশিষ্যতে ॥7॥
নিযতং কুরু কর্ম ত্বং কর্ম জ্য়ায়ো হ্যকর্মণঃ । শরীরয়াত্রাঽপি চ তে ন প্রসিদ্ধ্য়েদকর্মণঃ ॥8॥
যজ্ঞার্থাত্কর্মণোঽন্যত্র লোকোঽয়ং কর্মবংধনঃ । তদর্থং কর্ম কৌংতেয় মুক্তসংগঃ সমাচর ॥9॥
সহযজ্ঞাঃ প্রজাঃ সৃষ্ট্বা পুরোবাচ প্রজাপতিঃ । অনেন প্রসবিষ্যধ্বং এষ বোঽস্ত্বিষ্টকামধুক্ ॥10॥
দেবান্ভাবযতাঽনেন তে দেবা ভাবয়ংতু বঃ । পরস্পরং ভাবয়ংতঃ শ্রেয়ঃ পরমবাপ্স্যথ ॥11॥
ইষ্টান্ভোগান্হি বো দেবাঃ দাস্য়ংতে যজ্ঞভাবিতাঃ । তৈর্দত্তানপ্রদায়ৈভ্য়ঃ যো ভুংক্তে স্তেন এব সঃ ॥12॥
যজ্ঞশিষ্টাশিনঃ সংতঃ মুচ্য়ংতে সর্বকিল্বিষৈঃ । ভুংজতে তে ত্বঘং পাপাঃ যে পচংত্য়াত্মকারণাত্ ॥13॥
অন্নাদ্ভবংতি ভূতানি পর্জন্য়াদন্নসংভবঃ । যজ্ঞাদ্ভবতি পর্জন্য়ঃ যজ্ঞঃ কর্মসমুদ্ভবঃ ॥14॥
কর্ম ব্রহ্মোদ্ভবং বিদ্ধি ব্রহ্মাক্ষরসমুদ্ভবম্ । তস্মাত্সর্বগতং ব্রহ্ম নিত্য়ং যজ্ঞে প্রতিষ্ঠিতম্ ॥15॥
এবং প্রবর্তিতং চক্রং নানুবর্তযতীহ যঃ । অঘায়ুরিংদ্রিয়ারামঃ মোঘং পার্থ স জীবতি ॥16॥
যস্ত্বাত্মরতিরেব স্য়াত্ আত্মতৃপ্তশ্চ মানবঃ । আত্মন্য়েব চ সংতুষ্টঃ তস্য় কার্য়ং ন বিদ্যতে ॥17॥
নৈব তস্য় কৃতেনার্থঃ নাকৃতেনেহ কশ্চন । ন চাস্য় সর্বভূতেষু কশ্চিদর্থব্যপাশ্রয়ঃ ॥18॥
তস্মাদসক্তঃ সততং কার্য়ং কর্ম সমাচর । অসক্তো হ্য়াচরন্কর্ম পরমাপ্নোতি পূরুষঃ ॥19॥
কর্মণৈব হি সংসিদ্ধিং আস্থিতা জনকাদয়ঃ । লোকসংগ্রহমেবাপি সংপশ্যন্কর্তুমর্হসি ॥20॥
যদ্যদাচরতি শ্রেষ্ঠঃ তত্তদেবেতরো জনঃ । স যত্প্রমাণং কুরুতে লোকস্তদনুবর্ততে ॥21॥
ন মে পার্থাস্তি কর্তব্য়ং ত্রিষু লোকেষু কিংচন । নানবাপ্তমবাপ্তব্য়ং বর্ত এব চ কর্মণি ॥22॥
যদি হ্যহং ন বর্তেয় জাতু কর্মণ্যতংদ্রিতঃ । মম বর্ত্মানুবর্তংতে মনুষ্য়াঃ পার্থ সর্বশঃ ॥23॥
উত্সীদেয়ুরিমে লোকাঃ ন কুর্য়াং কর্ম চেদহম্ । সংকরস্য় চ কর্তা স্য়াম্ উপহন্য়ামিমাঃ প্রজাঃ ॥24॥
সক্তাঃ কর্মণ্যবিদ্বাংসঃ যথা কুর্বংতি ভারত । কুর্য়াদ্বিদ্বাংস্তথাঽসক্তঃ চিকীর্ষুর্লোকসংগ্রহম্ ॥25॥
ন বুদ্ধিভেদং জনয়েত্ অজ্ঞানাং কর্মসংগিনাম্ । জোষয়েত্সর্বকর্মাণি বিদ্বান্য়ুক্তঃ সমাচরন্ ॥26॥
প্রকৃতেঃ ক্রিযমাণানি গুণৈঃ কর্মাণি সর্বশঃ । অহংকারবিমূঢাত্মা কর্তাঽহমিতি মন্যতে ॥27॥
তত্ত্ববিত্তু মহাবাহো গুণকর্মবিভাগয়োঃ । গুণা গুণেষু বর্তংতে ইতি মত্বা ন সজ্জতে ॥28॥
প্রকৃতের্গুণসম্মূঢাঃ সজ্জংতে গুণকর্মসু । তানকৃত্স্নবিদো মংদান্ কৃত্স্নবিন্ন বিচালয়েত্ ॥29॥
ময়ি সর্বাণি কর্মাণি সন্ন্যস্য়াধ্য়াত্মচেতসা । নিরাশীর্নির্মমো ভূত্বা যুধ্যস্ব বিগতজ্বরঃ ॥30॥
যে মে মতমিদং নিত্যম্ অনুতিষ্ঠংতি মানবাঃ । শ্রদ্ধাবংতোঽনসূয়ংতঃ মুচ্য়ংতে তেঽপি কর্মভিঃ ॥31॥
যে ত্বেতদভ্যসূয়ংতঃ নানুতিষ্ঠংতি মে মতম্ । সর্বজ্ঞানবিমূঢাংস্তান্ বিদ্ধি নষ্টানচেতসঃ ॥32॥
সদৃশং চেষ্টতে স্বস্য়াঃ প্রকৃতের্জ্ঞানবানপি । প্রকৃতিং যাংতি ভূতানি নিগ্রহঃ কিং করিষ্যতি ॥33॥
ইংদ্রিযস্য়েংদ্রিযস্য়ার্থে রাগদ্বেষৌ ব্যবস্থিতৌ । তয়োর্ন বশমাগচ্ছেত্ তৌ হ্যস্য় পরিপংথিনৌ ॥34॥
শ্রেয়ান্স্বধর্মো বিগুণঃ পরধর্মাত্স্বনুষ্ঠিতাত্ । স্বধর্মে নিধনং শ্রেয়ঃ পরধর্মো ভয়াবহঃ ॥35॥
অর্জুন উবাচ
অথ কেন প্রয়ুক্তোঽয়ং পাপং চরতি পূরুষঃ । অনিচ্ছন্নপি বার্ষ্ণেয় বলাদিব নিয়োজিতঃ ॥36
শ্রী ভগবানুবাচ
কাম এষ ক্রোধ এষঃ রজোগুণসমুদ্ভবঃ । মহাশনো মহাপাপ্মা বিদ্ধ্য়েনমিহ বৈরিণম্ ॥37
ধূমেনাব্রিযতে বহ্নিঃ যথাঽঽদর্শো মলেন চ । যথোল্বেনাবৃতো গর্ভঃ তথা তেনেদমাবৃতম্ ॥38॥
আবৃতং জ্ঞানমেতেন জ্ঞানিনো নিত্যবৈরিণা । কামরূপেণ কৌংতেয় দুষ্পূরেণানলেন চ ॥39॥
ইংদ্রিয়াণি মনো বুদ্ধিঃ অস্য়াধিষ্ঠানমুচ্যতে । এতৈর্বিমোহযত্য়েষঃ জ্ঞানমাবৃত্য় দেহিনম্ ॥40॥
তস্মাত্ত্বমিংদ্রিয়াণ্য়াদৌ নিযম্য় ভরতর্ষভ । পাপ্মানং প্রজহি হ্য়েনং জ্ঞানবিজ্ঞাননাশনম্ ॥41॥
ইংদ্রিয়াণি পরাণ্য়াহুঃ ইংদ্রিয়েভ্য়ঃ পরং মনঃ । মনসস্তু পরাবুদ্ধিঃ যো বুদ্ধেঃ পরতস্তু সঃ ॥42॥
এবং বুদ্ধেঃ পরং বুদ্ধ্বা সংস্তভ্য়াত্মানমাত্মনা । জহি শত্রুং মহাবাহো কামরূপং দুরাসদম্ ॥43॥
॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে কর্ময়োগো নাম তৃতীয়োঽধ্য়ায়ঃ ॥
ശ്രീമദ്ഭഗവദ്ഗീതാ പാരായണ - തൃതീയോഽധ്യായഃ - ഒരു പരിചയം
This is the third chapter of the Bhagavad Gita, Karma Yoga, set out for parayana. Arjuna asks: "If you think knowledge is better than action, why do you urge me into this terrible deed?" Krishna replies that no one can stay without acting even for a moment; one should do one's duty without attachment, as an offering. The world is bound by action except when it is done as sacrifice; leaders must act, for others follow their example; and it is better to do one's own duty imperfectly than another's well. When Arjuna asks what drives people to wrong, Krishna names desire and anger, the enemies to be conquered by mastering the senses and mind.
ഉറവിടം: Mahabharata, Bhishma Parva (Bhagavad Gita, chapter 3)
എപ്പോൾ ജപിക്കാം: In daily Gita parayana, on Gita Jayanti and Ekadashi.
നിങ്ങൾക്കറിയാമോ?
- Verse 21, "Yad yad acharati shreshthah", says that ordinary people follow the example of the great.
- Verse 35, "Shreyan svadharmo vigunah", teaches that one's own duty, even imperfectly done, is better than another's.
പതിവ് ചോദ്യങ്ങൾ
Why must one act, according to Krishna?
No one can remain without action even for a moment.
What drives people to wrong?
Desire and anger.
Why must leaders act rightly?
Because others follow their example.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ