ഗൌരീ ദശകം
Devi · പരമ്പരാഗത ഭക്തിഗ്രന്ഥം
ലീലാലബ്ധസ്ഥാപിതലുപ്താഖിലലോകാം ലോകാതീതൈര്യോഗിഭിരംതശ്ചിരമൃഗ്യാമ് । ബാലാദിത്യശ്രേണിസമാനദ്യുതിപുംജാം ഗൌരീമംബാമംബുരുഹാക്ഷീമഹമീഡേ ॥ 1 ॥
പ്രത്യാഹാരധ്യാനസമാധിസ്ഥിതിഭാജാം നിത്യം ചിത്തേ നിർവൃതികാഷ്ഠാം കലയംതീമ് । സത്യജ്ഞാനാനംദമയീം താം തനുരൂപാം ഗൌരീമംബാമംബുരുഹാക്ഷീമഹമീഡേ ॥ 2 ॥
ചംദ്രാപീഡാനംദിതമംദസ്മിതവക്ത്രാം ചംദ്രാപീഡാലംകൃതനീലാലകഭാരാമ് । ഇംദ്രോപേംദ്രാദ്യര്ചിതപാദാംബുജയുഗ്മാം ഗൌരീമംബാമംബുരുഹാക്ഷീമഹമീഡേ ॥ 3 ॥
ആദിക്ഷാംതാമക്ഷരമൂര്ത്യാ വിലസംതീം ഭൂതേ ഭൂതേ ഭൂതകദംബപ്രസവിത്രീമ് । ശബ്ദബ്രഹ്മാനംദമയീം താം തടിദാഭാം ഗൌരീമംബാമംബുരുഹാക്ഷീമഹമീഡേ ॥ 4 ॥
മൂലാധാരാദുത്ഥിതവീഥ്യാ വിധിരംധ്രം സൌരം ചാംദ്രം വ്യാപ്യ വിഹാരജ്വലിതാംഗീമ് । യേയം സൂക്ഷ്മാത്സൂക്ഷ്മതനുസ്താം സുഖരൂപാം ഗൌരീമംബാമംബുരുഹാക്ഷീമഹമീഡേ ॥ 5 ॥
നിത്യഃ ശുദ്ധോ നിഷ്കല ഏകോ ജഗദീശഃ സാക്ഷീ യസ്യാഃ സര്ഗവിധൌ സംഹരണേ ച । വിശ്വത്രാണക്രീഡനലോലാം ശിവപത്നീം ഗൌരീമംബാമംബുരുഹാക്ഷീമഹമീഡേ ॥ 6 ॥
യസ്യാഃ കുക്ഷൌ ലീനമഖംഡം ജഗദംഡം ഭൂയോ ഭൂയഃ പ്രാദുരഭൂദുത്ഥിതമേവ । പത്യാ സാര്ധം താം രജതാദ്രൌ വിഹരംതീം ഗൌരീമംബാമംബുരുഹാക്ഷീമഹമീഡേ ॥ 7 ॥
യസ്യാമോതം പ്രോതമശേഷം മണിമാലാ- -സൂത്രേ യദ്വത്കാപി ചരം ചാപ്യചരം ച । താമധ്യാത്മജ്ഞാനപദവ്യാ ഗമനീയാം ഗൌരീമംബാമംബുരുഹാക്ഷീമഹമീഡേ ॥ 8 ॥
നാനാകാരൈഃ ശക്തികദംബൈര്ഭുവനാനി വ്യാപ്യ സ്വൈരം ക്രീഡതി യേയം സ്വയമേകാ । കല്യാണീം താം കല്പലതാമാനതിഭാജാം ഗൌരീമംബാമംബുരുഹാക്ഷീമഹമീഡേ ॥ 9 ॥
ആശാപാശക്ലേശവിനാശം വിദധാനാം പാദാംഭോജധ്യാനപരാണാം പുരുഷാണാമ് । ഈശാമീശാര്ധാംഗഹരാം താമഭിരാമാം ഗൌരീമംബാമംബുരുഹാക്ഷീമഹമീഡേ ॥ 10 ॥
പ്രാതഃകാലേ ഭാവവിശുദ്ധഃ പ്രണിധാനാ- -ദ്ഭക്ത്യാ നിത്യം ജല്പതി ഗൌരീദശകം യഃ । വാചാം സിദ്ധിം സംപദമഗ്ര്യാം ശിവഭക്തിം തസ്യാവശ്യം പർവതപുത്രീ വിദധാതി ॥ 11 ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിംദഭഗവത്പൂജ്യപാദശിഷ്യസ്യ ശ്രീമച്ഛംകരഭഗവതഃ കൃതൌ ഗൌരീ ദശകമ് ।
ഗൌരീ ദശകം - ഒരു പരിചയം
The Gauri Dasakam is a hymn of ten verses to Goddess Gauri (Parvati), the consort of Shiva. It describes her as the one who creates, sustains and withdraws the worlds in play, whom yogis seek within, and who shines like a row of rising suns. Each verse ends with the refrain "gaurim ambam amburuhakshim aham ide".
രചയിതാവ്: Traditionally attributed to Adi Shankaracharya
എപ്പോൾ ജപിക്കാം: During Navaratri, on Fridays, and on Gauri festivals such as Gauri Habba (Swarna Gauri Vrata).
നിങ്ങൾക്കറിയാമോ?
- "Dasakam" means a set of ten verses.
- The refrain means "I praise Gauri, the mother with lotus-like eyes".
പതിവ് ചോദ്യങ്ങൾ
Who is Gauri?
Gauri, "the fair one", is a name of Goddess Parvati, Shiva's consort.
Who wrote the Gauri Dasakam?
It is traditionally attributed to Adi Shankaracharya.
When is it recited?
During Navaratri, on Fridays and on Gauri festivals such as Gauri Habba.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ