MuhurtaNow

ലഘു സ്തവഃ

Devi · പരമ്പരാഗത ഭക്തിഗ്രന്ഥം

aindrasyeva sharaasanasya dadhatee madhyelalaatam prabhaam shaukleem kaantimanushnagoriva shirasyaatanvatee sarvatah । eshaasau tripuraa hridi dyutirivoshnaamshoh sadaahah sthitaat chhindyaannah sahasaa padaistribhiragham jyotirmayee vaanmayee ॥ 1 ॥

yaa maatraa trapuseelataatanulasattantootthitispardhinee vaagbeeje prathame sthitaa tava sadaa taam manmahe te vayam । shaktih kundalineeti vishvajananavyaapaarabaddhodyamaah jnaatvettham na punah sprishanti jananeegarbhe'rbhakatvam naraah ॥ 2 ॥

drishtvaa sambhramakaari vastu sahasaa ai ai iti vyaahritam yenaakootavashaadapeeha varade bindum vinaapyaksharam । tasyaapi dhruvameva devi tarasaa jaate tavaanugrahe vaachahsooktisudhaarasadravamucho niryaanti vaktraambujaat ॥ 3 ॥

yannitye tava kaamaraajamaparam mantraaksharam nishkalam tatsaarasvatamityavaiti viralah kashchidbudhashchedbhuvi । aakhyaanam pratiparva satyatapaso yatkeertayanto dvijaah praarambhe pranavaaspadapranayitaam neetvochcharanti sphutam ॥ 4 ॥

yatsadyo vachasaam pravrittikarane drishtaprabhaavam budhaih taarteeyam tadaham namaami manasaa tvadbeejaminduprabham । astyaurvo'pi sarasvateemanugato jaadyaambuvichchittaye goshabdo giri vartate saniyatam yogam vinaa siddhidah ॥ 5 ॥

ekaikam tava devi beejamanagham savyanjanaavyanjanam kootastham yadi vaa prithak kramagatam yadvaa sthitam vyutkramaat । yam yam kaamamapekshya yena vidhinaa kenaapi vaa chintitam japtam vaa saphaleekaroti satatam tam tam samastam nrinaam ॥ 6 ॥

vaame pustakadhaarineemabhayadaam saakshasrajam dakshine bhaktebhyo varadaanapeshalakaraam karpoorakundojjvalaam । ujjrimbhaambujapatrakaantinayanasnigdhaprabhaalokineem ye tvaamamba na sheelayanti manasaa teshaam kavitvam kutah ॥ 7 ॥

ye tvaam paandurapundareekapatalaspashtaabhiraamaprabhaam sinchanteemamritadravairiva shiro dhyaayanti moordhni sthitaam । ashraantaa vikatasphutaaksharapadaa niryaati vaktraambujaat teshaam bhaarati bhaaratee surasaritkallolalolormivat ॥ 8 ॥

ye sindooraparaagapinjapihitaam tvattejasaadyaamimaam urveem chaapi vileenayaavakarasaprastaaramagnaamiva । pashyanti kshanamapyananyamanasasteshaamanangajvara- -klaantasrastakurangashaabakadrisho vashyaa bhavanti sphutam ॥ 9 ॥

chanchatkaanchanakundalaangadadharaamaabaddhakaancheesrajam ye tvaam chetasi tadgate kshanamapi dhyaayanti kritvaa sthiraam । teshaam veshmasu vibhramaadaharahah sphaareebhavantyashchiram maadyatkunjarakarnataalataralaah sthairyam bhajante shriyah ॥ 10 ॥

aarbhatyaa shashikhandamanditajataajootaam nrimundasrajam bandhookaprasavaarunaambaradharaam pretaasanaadhyaasineem । tvaam dhyaayanti chaturbhujaam trinayanaamaapeenatungastaneem madhye nimnavalitrayaankitatanum tvadroopasamvittaye ॥ 11 ॥

jaato'pyalpaparichchade kshitibhujaam saamaanyamaatre kule nihsheshaavanichakravartipadaveem labdhvaa prataaponnatah । yadvidyaadhara brindavanditapadah shreevatsaraajo'bhavat devi tvachcharanaambuja pranatijah so'yam prasaadodayah ॥ 12 ॥

chandi tvachcharanaambujaarchanakrite bilvaadilollunthana- -trutyatkantakakotibhih parichayam yeshaam na jagmuh karaah । te dandaankushachakrachaapakulishashreevatsamatsyaankitaih jaayante prithiveebhujah kathamivaambhojaprabhaih paanibhih ॥ 13 ॥

vipraah kshonibhujo vishastaditare ksheeraajyamadhvaasavaih । tvaam devi tripure paraaparamayeem santarpya poojaavidhau । yaam yaam praarthayate manah sthiradhiyaam teshaam ta eva dhruvam taam taam siddhimavaapnuvanti tarasaa vighnairavighneekritaah ॥ 14 ॥

shabdaanaam jananee tvamatra bhuvane vaagvaadineetyuchyase tvattah keshavavaasava prabhritayo'pyaavirbhavanti sphutam । leeyante khalu yatra kalpavirame brahmaadayaste'pyamee saa tvam kaachidachintyaroopamahimaa shaktih paraa geeyase ॥ 15 ॥

devaanaam tritayam trayee hutabhujaam shaktitrayam trih svaraah trailokyam tripadee tripushkaramatho tribrahma varnaastrayah । yatkinchijjagati tridhaa niyamitam vastu trivargaadikam tatsarvam tripureti naama bhagavatyanveti te tattvatah ॥ 16 ॥

lakshmeem raajakule jayaam ranabhuvi kshemankareemadhvani kravyaadadvipasarpabhaaji shabareem kaantaaradurge girau । bhootapretapishaachajambukabhaye smritvaa mahaabhairaveem vyaamohe tripuraam taranti vipadastaaraam cha toyaplave ॥ 17 ॥

maayaa kundalinee kriyaa madhumatee kaalee kalaamaalinee maatangee vijayaa jayaa bhagavatee devee shivaa shaambhavee । shaktih shankaravallabhaa trinayanaa vaagvaadinee bhairavee hreenkaaree tripuraa paraaparamayee maataa kumaareetyasi ॥ 18 ॥

aaipallavitaih parasparayutairdvitrikramaadyaksharai kaadyaih kshaantagataih svaraadibhiratha kshaantaishcha taih sasvaraih । naamaani tripure bhavanti khalu yaanyatyantaguhyaani te tebhyo bhairavapatni vimshatisahasrebhyah parebhyo namah ॥ 19 ॥

boddhavyaa nipunam budhaih stutiriyam kritvaa manastadgatam bhaaratyaastripuretyananyamanasaa yatraadyavritte sphutam । ekadvitripadakramena kathitastatpaadasankhyaaksharaih mantroddhaara vidhirvisheshasahitah satsampradaayaanvitah ॥ 20 ॥

saavadyam niravadyamastu yadi vaa kim vaanayaa chintayaa noonam stotramidam pathishyati jano yasyaasti bhaktistvayi । sanchintyaapi laghutvamaatmani dridham sanjaayamaanam hathaat tvadbhaktyaa mukhareekritena rachitam yasmaanmayaapi dhrivam ॥ 21 ॥

iti shreekaalidaasa virachita panchastavyaam prathamah laghustavah ।

ലഘു സ്തവഃ - ഒരു പരിചയം

The Laghu Stava is a hymn to Goddess Tripura (Tripurasundari), the first of the five hymns of the Panchastavi, traditionally attributed to Kalidasa, as its colophon states. Its verses meditate on the goddess in her three seed syllables: she shines in the middle of the forehead like a rainbow, spreads moonlike radiance from the head, and glows in the heart; the poet worships her as the subtle form, fine as a lotus fibre, dwelling in the first seed of speech, "Aim".

രചയിതാവ്: Traditionally attributed to Kalidasa, as its colophon states

എപ്പോൾ ജപിക്കാം: In Sri Vidya and Devi worship, on Fridays and during Navaratri.

നിങ്ങൾക്കറിയാമോ?

  • The Panchastavi, "five hymns", is a classic of Sri Vidya devotional poetry, especially loved in Kashmir.
  • Its verses are built around the three bija syllables of the Bala and Tripura mantras.

പതിവ് ചോദ്യങ്ങൾ

To whom is the Laghu Stava addressed?

Goddess Tripura (Tripurasundari).

What is the Panchastavi?

A set of five hymns to the Goddess; the Laghu Stava is the first.

Who is it attributed to?

Traditionally to Kalidasa, as its colophon states.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.