MuhurtaNow

ശ്രീ ലക്ഷ്മീ അഷ്ടോത്തര ശതനാമ സ്തോത്രമ്

Devi · പരമ്പരാഗത ഭക്തിഗ്രന്ഥം

ദേവ്യുവാച

ദേവദേവ! മഹാദേവ! ത്രികാലജ്ഞ! മഹേശ്വര! കരുണാകര ദേവേശ! ഭക്താനുഗ്രഹകാരക! ॥ അഷ്ടോത്തര ശതം ലക്ഷ്മ്യാഃ ശ്രോതുമിച്ഛാമി തത്ത്വതഃ

ഈശ്വര ഉവാച

ദേവി! സാധു മഹാഭാഗേ മഹാഭാഗ്യ പ്രദായകമ് । സർവൈശ്വര്യകരം പുണ്യം സർവപാപ പ്രണാശനമ് ॥ സർവദാരിദ്ര്യ ശമനം ശ്രവണാദ്ഭുക്തി മുക്തിദമ് । രാജവശ്യകരം ദിവ്യം ഗുഹ്യാദ്-ഗുഹ്യതരം പരമ് ॥ ദുര്ലഭം സർവദേവാനാം ചതുഷ്ഷഷ്ടി കളാസ്പദമ് । പദ്മാദീനാം വരാംതാനാം നിധീനാം നിത്യദായകമ് ॥ സമസ്ത ദേവ സംസേവ്യം അണിമാദ്യഷ്ട സിദ്ധിദമ് । കിമത്ര ബഹുനോക്തേന ദേവീ പ്രത്യക്ഷദായകമ് ॥ തവ പ്രീത്യാദ്യ വക്ഷ്യാമി സമാഹിതമനാശ്ശൃണു । അഷ്ടോത്തര ശതസ്യാസ്യ മഹാലക്ഷ്മിസ്തു ദേവതാ ॥ ക്ലീം ബീജ പദമിത്യുക്തം ശക്തിസ്തു ഭുവനേശ്വരീ । അംഗന്യാസഃ കരന്യാസഃ സ ഇത്യാദി പ്രകീര്തിതഃ

ധ്യാനം വംദേ പദ്മകരാം പ്രസന്നവദനാം സൌഭാഗ്യദാം ഭാഗ്യദാം ഹസ്താഭ്യാമഭയപ്രദാം മണിഗണൈഃ നാനാവിധൈഃ ഭൂഷിതാമ് । ഭക്താഭീഷ്ട ഫലപ്രദാം ഹരിഹര ബ്രഹ്മാധിഭിസ്സേവിതാം പാര്ശ്വേ പംകജ ശംഖപദ്മ നിധിഭിഃ യുക്താം സദാ ശക്തിഭിഃ ॥

സരസിജ നയനേ സരോജഹസ്തേ ധവള തരാംശുക ഗംധമാല്യ ശോഭേ । ഭഗവതി ഹരിവല്ലഭേ മനോജ്ഞേ ത്രിഭുവന ഭൂതികരി പ്രസീദമഹ്യമ് ॥

ഓം പ്രകൃതിം വികൃതിം വിദ്യാം സർവഭൂത-ഹിതപ്രദാമ് । ശ്രദ്ധാം വിഭൂതിം സുരഭിം നമാമി പരമാത്മികാമ് ॥ 1 ॥

വാചം പദ്മാലയാം പദ്മാം ശുചിം സ്വാഹാം സ്വധാം സുധാമ് । ധന്യാം ഹിരണ്മയയീം ലക്ഷ്മീം നിത്യപുഷ്ടാം വിഭാവരീമ് ॥ 2 ॥

അദിതിം ച ദിതിം ദീപ്താം വസുധാം വസുധാരിണീമ് । നമാമി കമലാം കാംതാം കാമാക്ഷീം ക്രോധസംഭവാമ് [കാമ്യാം ക്ഷീരോദസംഭവാമ്] ॥ 3 ॥

അനുഗ്രഹപ്രദാം ബുദ്ധി-മനഘാം ഹരിവല്ലഭാമ് । അശോകാ-മമൃതാം ദീപ്താം ലോകശോകവിനാശിനീമ് ॥ 4 ॥

നമാമി ധര്മനിലയാം കരുണാം ലോകമാതരമ് । പദ്മപ്രിയാം പദ്മഹസ്താം പദ്മാക്ഷീം പദ്മസുംദരീമ് ॥ 5 ॥

പദ്മോദ്ഭവാം പദ്മമുഖീം പദ്മനാഭപ്രിയാം രമാമ് । പദ്മമാലാധരാം ദേവീം പദ്മിനീം പദ്മഗംധിനീമ് ॥ 6 ॥

പുണ്യഗംധാം സുപ്രസന്നാം പ്രസാദാഭിമുഖീം പ്രഭാമ് । നമാമി ചംദ്രവദനാം ചംദ്രാം ചംദ്രസഹോദരീമ് ॥ 7 ॥

ചതുര്ഭുജാം ചംദ്രരൂപാ-മിംദിരാ-മിംദുശീതലാമ് । ആഹ്ലാദ ജനനീം പുഷ്ടിം ശിവാം ശിവകരീം സതീമ് ॥ 8 ॥

വിമലാം വിശ്വജനനീം തുഷ്ടിം ദാരിദ്ര്യനാശിനീമ് । പ്രീതിപുഷ്കരിണീം ശാംതാം ശുക്ലമാല്യാംബരാം ശ്രിയമ് ॥ 9 ॥

ഭാസ്കരീം ബില്വനിലയാം വരാരോഹാം യശസ്വിനീമ് । വസുംധരാ മുദാരാംഗാം ഹരിണീം ഹേമമാലിനീമ് ॥ 10 ॥

ധനധാന്യകരീം സിദ്ധിം സ്ത്രൈണസൌമ്യാം [സദാസൌമ്യാം] ശുഭപ്രദാമ് । നൃപവേശ്മഗതാം നംദാം വരലക്ഷ്മീം വസുപ്രദാമ് ॥ 11 ॥

ശുഭാം ഹിരണ്യപ്രാകാരാം സമുദ്രതനയാം ജയാമ് । നമാമി മംഗളാം ദേവീം വിഷ്ണുവക്ഷഃസ്ഥലസ്ഥിതാമ് ॥ 12 ॥

വിഷ്ണുപത്നീം, പ്രസന്നാക്ഷീം നാരായണസമാശ്രിതാമ് । ദാരിദ്ര്യധ്വംസിനീം ദേവീം സർവോപദ്രവവാരിണീമ് ॥ 13 ॥

നവദുര്ഗാം മഹാകാളീം ബ്രഹ്മവിഷ്ണുശിവാത്മികാമ് । ത്രികാലജ്ഞാനസംപന്നാം നമാമി ഭുവനേശ്വരീമ് ॥ 14 ॥

ലക്ഷ്മീം ക്ഷീരസമുദ്രരാജ തനയാം ശ്രീരംഗധാമേശ്വരീമ് । ദാസീഭൂത സമസ്തദേവ വനിതാം ലോകൈക ദീപാംകുരാമ് ॥ ശ്രീമന്മംദ കടാക്ഷ ലബ്ധ വിഭവദ്-ബ്രഹ്മേംദ്ര ഗംഗാധരാമ് । ത്വാം ത്രൈലോക്യ കുടുംബിനീം സരസിജാം വംദേ മുകുംദപ്രിയാമ് ॥ 15 ॥

മാതര്നമാമി! കമലേ! കമലായതാക്ഷി! ശ്രീ വിഷ്ണു ഹൃത്-കമലവാസിനി! വിശ്വമാതഃ! ക്ഷീരോദജേ കമല കോമല ഗര്ഭഗൌരി! ലക്ഷ്മീ! പ്രസീദ സതതം സമതാം ശരണ്യേ ॥ 16 ॥

ത്രികാലം യോ ജപേത് വിദ്വാന് ഷണ്മാസം വിജിതേംദ്രിയഃ । ദാരിദ്ര്യ ധ്വംസനം കൃത്വാ സർവമാപ്നോത്-യയത്നതഃ । ദേവീനാമ സഹസ്രേഷു പുണ്യമഷ്ടോത്തരം ശതമ് । യേന ശ്രിയ മവാപ്നോതി കോടിജന്മ ദരിദ്രതഃ ॥ 17 ॥

ഭൃഗുവാരേ ശതം ധീമാന് പഠേത് വത്സരമാത്രകമ് । അഷ്ടൈശ്വര്യ മവാപ്നോതി കുബേര ഇവ ഭൂതലേ ॥ ദാരിദ്ര്യ മോചനം നാമ സ്തോത്രമംബാപരം ശതമ് । യേന ശ്രിയ മവാപ്നോതി കോടിജന്മ ദരിദ്രതഃ ॥ 18 ॥

ഭുക്ത്വാതു വിപുലാന് ഭോഗാന് അംതേ സായുജ്യമാപ്നുയാത് । പ്രാതഃകാലേ പഠേന്നിത്യം സർവ ദുഃഖോപ ശാംതയേ । പഠംതു ചിംതയേദ്ദേവീം സർവാഭരണ ഭൂഷിതാമ് ॥ 19 ॥

ഇതി ശ്രീ ലക്ഷ്മ്യഷ്ടോത്തരശതനാമസ്തോത്രം സംപൂര്ണം

ശ്രീ ലക്ഷ്മീ അഷ്ടോത്തര ശതനാമ സ്തോത്രമ് - ഒരു പരിചയം

The Sri Lakshmi Ashtottara Shatanama Stotram gives the 108 names of Goddess Lakshmi in verse. It opens with a request to Shiva, the god of gods and knower of past, present and future, to reveal Lakshmi's hundred and eight names, and then praises her as Prakriti, Vikriti, Vidya and the giver of all good things.

എപ്പോൾ ജപിക്കാം: On Fridays, during Diwali and Lakshmi Puja, on Varalakshmi Vrata and every morning.

നിങ്ങൾക്കറിയാമോ?

  • Its closing verses advise reciting it every morning for the calming of sorrows, while meditating on the Goddess adorned with every ornament.
  • The stotra form puts the 108 names into flowing verse, while the namavali form says each name separately with "Om ... namah" for archana.
  • It promises worldly enjoyment and, in the end, union with the Goddess (sayujya).

ഈ ഉത്സവങ്ങളിൽ ചൊല്ലുന്നു

പതിവ് ചോദ്യങ്ങൾ

What is the difference between the Lakshmi Ashtottara stotram and namavali?

The stotram is the 108 names in verse; the namavali lists each name with "Om ... namah" for offering flowers.

When should it be recited?

Every morning, and especially on Fridays, Diwali and Varalakshmi Vrata.

Whom is the request made to in the text?

To Shiva, asked to reveal Lakshmi's 108 names.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.