MuhurtaNow

ശ്രീ വിഷ്ണു പംജര സ്തോത്രമ്

Vishnu · പരമ്പരാഗത ഭക്തിഗ്രന്ഥം

ಓಂ ಅಸ್ಯ ಶ್ರೀವಿಷ್ಣುಪಂಜರಸ್ತೋತ್ರ ಮಹಾಮಂತ್ರಸ್ಯ ನಾರದ ಋಷಿಃ । ಅನುಷ್ಟುಪ್ ಛಂದಃ । ಶ್ರೀವಿಷ್ಣುಃ ಪರಮಾತ್ಮಾ ದೇವತಾ । ಅಹಂ ಬೀಜಮ್ । ಸೋಹಂ ಶಕ್ತಿಃ । ಓಂ ಹ್ರೀಂ ಕೀಲಕಮ್ । ಮಮ ಸರ್ವದೇಹರಕ್ಷಣಾರ್ಥಂ ಜಪೇ ವಿನಿಯೋಗಃ ।

ನಾರದ ಋಷಯೇ ನಮಃ ಮುಖೇ । ಶ್ರೀವಿಷ್ಣುಪರಮಾತ್ಮದೇವತಾಯೈ ನಮಃ ಹೃದಯೇ । ಅಹಂ ಬೀಜಂ ಗುಹ್ಯೇ । ಸೋಹಂ ಶಕ್ತಿಃ ಪಾದಯೋಃ । ಓಂ ಹ್ರೀಂ ಕೀಲಕಂ ಪಾದಾಗ್ರೇ । ಓಂ ಹ್ರಾಂ ಹ್ರೀಂ ಹ್ರೂಂ ಹ್ರೈಂ ಹ್ರೌಂ ಹ್ರಃ ಇತಿ ಮಂತ್ರಃ ।

ಓಂ ಹ್ರಾಂ ಅಂಗುಷ್ಠಾಭ್ಯಾಂ ನಮಃ । ಓಂ ಹ್ರೀಂ ತರ್ಜನೀಭ್ಯಾಂ ನಮಃ । ಓಂ ಹ್ರೂಂ ಮಧ್ಯಮಾಭ್ಯಾಂ ನಮಃ । ಓಂ ಹ್ರೈಂ ಅನಾಮಿಕಾಭ್ಯಾಂ ನಮಃ । ಓಂ ಹ್ರೌಂ ಕನಿಷ್ಠಿಕಾಭ್ಯಾಂ ನಮಃ । ಓಂ ಹ್ರಃ ಕರತಲಕರಪೃಷ್ಠಾಭ್ಯಾಂ ನಮಃ । ಇತಿ ಕರನ್ಯಾಸಃ ।

ಓಂ ಹ್ರಾಂ ಹೃದಯಾಯ ನಮಃ । ಓಂ ಹ್ರೀಂ ಶಿರಸೇ ಸ್ವಾಹಾ । ಓಂ ಹ್ರೂಂ ಶಿಖಾಯೈ ವಷಟ್ । ಓಂ ಹ್ರೈಂ ಕವಚಾಯ ಹುಮ್ । ಓಂ ಹ್ರೌಂ ನೇತ್ರತ್ರಯಾಯ ವೌಷಟ್ । ಓಂ ಹ್ರಃ ಅಸ್ತ್ರಾಯ ಫಟ್ । ಇತಿ ಅಂಗನ್ಯಾಸಃ ।

ಅಹಂ ಬೀಜಂ ಪ್ರಾಣಾಯಾಮಂ ಮಂತ್ರತ್ರಯೇಣ ಕುರ್ಯಾತ್ ।

ಧ್ಯಾನಮ್ । ಪರಂ ಪರಸ್ಮಾತ್ಪ್ರಕೃತೇರನಾದಿಮೇಕಂ ನಿವಿಷ್ಟಂ ಬಹುಧಾ ಗುಹಾಯಾಮ್ । ಸರ್ವಾಲಯಂ ಸರ್ವಚರಾಚರಸ್ಥಂ ನಮಾಮಿ ವಿಷ್ಣುಂ ಜಗದೇಕನಾಥಮ್ ॥ 1 ॥

ಓಂ ವಿಷ್ಣುಪಂಜರಕಂ ದಿವ್ಯಂ ಸರ್ವದುಷ್ಟನಿವಾರಣಮ್ । ಉಗ್ರತೇಜೋ ಮಹಾವೀರ್ಯಂ ಸರ್ವಶತ್ರುನಿಕೃಂತನಮ್ ॥ 2 ॥

ತ್ರಿಪುರಂ ದಹಮಾನಸ್ಯ ಹರಸ್ಯ ಬ್ರಹ್ಮಣೋ ಹಿತಮ್ । ತದಹಂ ಸಂಪ್ರವಕ್ಷ್ಯಾಮಿ ಆತ್ಮರಕ್ಷಾಕರಂ ನೃಣಾಮ್ ॥ 3 ॥

ಪಾದೌ ರಕ್ಷತು ಗೋವಿಂದೋ ಜಂಘೇ ಚೈವ ತ್ರಿವಿಕ್ರಮಃ । ಊರೂ ಮೇ ಕೇಶವಃ ಪಾತು ಕಟಿಂ ಚೈವ ಜನಾರ್ದನಃ ॥ 4 ॥

ನಾಭಿಂ ಚೈವಾಚ್ಯುತಃ ಪಾತು ಗುಹ್ಯಂ ಚೈವ ತು ವಾಮನಃ । ಉದರಂ ಪದ್ಮನಾಭಶ್ಚ ಪೃಷ್ಠಂ ಚೈವ ತು ಮಾಧವಃ ॥ 5 ॥

ವಾಮಪಾರ್ಶ್ವಂ ತಥಾ ವಿಷ್ಣುರ್ದಕ್ಷಿಣಂ ಮಧುಸೂದನಃ । ಬಾಹೂ ವೈ ವಾಸುದೇವಶ್ಚ ಹೃದಿ ದಾಮೋದರಸ್ತಥಾ ॥ 6 ॥

ಕಂಠಂ ರಕ್ಷತು ವಾರಾಹಃ ಕೃಷ್ಣಶ್ಚ ಮುಖಮಂಡಲಮ್ । ಮಾಧವಃ ಕರ್ಣಮೂಲೇ ತು ಹೃಷೀಕೇಶಶ್ಚ ನಾಸಿಕೇ ॥ 7 ॥

ನೇತ್ರೇ ನಾರಾಯಣೋ ರಕ್ಷೇಲ್ಲಲಾಟಂ ಗರುಡಧ್ವಜಃ । ಕಪೋಲೌ ಕೇಶವೋ ರಕ್ಷೇದ್ವೈಕುಂಠಃ ಸರ್ವತೋದಿಶಮ್ ॥ 8 ॥

ಶ್ರೀವತ್ಸಾಂಕಶ್ಚ ಸರ್ವೇಷಾಮಂಗಾನಾಂ ರಕ್ಷಕೋ ಭವೇತ್ । ಪೂರ್ವಸ್ಯಾಂ ಪುಂಡರೀಕಾಕ್ಷ ಆಗ್ನೇಯ್ಯಾಂ ಶ್ರೀಧರಸ್ತಥಾ ॥ 9 ॥

ದಕ್ಷಿಣೇ ನಾರಸಿಂಹಶ್ಚ ನೈರೃತ್ಯಾಂ ಮಾಧವೋಽವತು । ಪುರುಷೋತ್ತಮೋ ವಾರುಣ್ಯಾಂ ವಾಯವ್ಯಾಂ ಚ ಜನಾರ್ದನಃ ॥ 10 ॥

ಗದಾಧರಸ್ತು ಕೌಬೇರ್ಯಾಮೀಶಾನ್ಯಾಂ ಪಾತು ಕೇಶವಃ । ಆಕಾಶೇ ಚ ಗದಾ ಪಾತು ಪಾತಾಳೇ ಚ ಸುದರ್ಶನಮ್ ॥ 11 ॥

ಸನ್ನದ್ಧಃ ಸರ್ವಗಾತ್ರೇಷು ಪ್ರವಿಷ್ಟೋ ವಿಷ್ಣುಪಂಜರಃ । ವಿಷ್ಣುಪಂಜರವಿಷ್ಟೋಽಹಂ ವಿಚರಾಮಿ ಮಹೀತಲೇ ॥ 12 ॥

ರಾಜದ್ವಾರೇಽಪಥೇ ಘೋರೇ ಸಂಗ್ರಾಮೇ ಶತ್ರುಸಂಕಟೇ । ನದೀಷು ಚ ರಣೇ ಚೈವ ಚೋರವ್ಯಾಘ್ರಭಯೇಷು ಚ ॥ 13 ॥

ಡಾಕಿನೀಪ್ರೇತಭೂತೇಷು ಭಯಂ ತಸ್ಯ ನ ಜಾಯತೇ । ರಕ್ಷ ರಕ್ಷ ಮಹಾದೇವ ರಕ್ಷ ರಕ್ಷ ಜನೇಶ್ವರ ॥ 14 ॥

ರಕ್ಷಂತು ದೇವತಾಃ ಸರ್ವಾ ಬ್ರಹ್ಮವಿಷ್ಣುಮಹೇಶ್ವರಾಃ । ಜಲೇ ರಕ್ಷತು ವಾರಾಹಃ ಸ್ಥಲೇ ರಕ್ಷತು ವಾಮನಃ ॥ 15 ॥

ಅಟವ್ಯಾಂ ನಾರಸಿಂಹಶ್ಚ ಸರ್ವತಃ ಪಾತು ಕೇಶವಃ ॥ ದಿವಾ ರಕ್ಷತು ಮಾಂ ಸೂರ್ಯೋ ರಾತ್ರೌ ರಕ್ಷತು ಚಂದ್ರಮಾಃ ॥ 16 ॥

ಪಂಥಾನಂ ದುರ್ಗಮಂ ರಕ್ಷೇತ್ಸರ್ವಮೇವ ಜನಾರ್ದನಃ । ರೋಗವಿಘ್ನಹತಶ್ಚೈವ ಬ್ರಹ್ಮಹಾ ಗುರುತಲ್ಪಗಃ ॥ 17 ॥

ಸ್ತ್ರೀಹಂತಾ ಬಾಲಘಾತೀ ಚ ಸುರಾಪೋ ವೃಷಲೀಪತಿಃ । ಮುಚ್ಯತೇ ಸರ್ವಪಾಪೇಭ್ಯೋ ಯಃ ಪಠೇನ್ನಾತ್ರ ಸಂಶಯಃ ॥ 18 ॥

ಅಪುತ್ರೋ ಲಭತೇ ಪುತ್ರಂ ಧನಾರ್ಥೀ ಲಭತೇ ಧನಮ್ । ವಿದ್ಯಾರ್ಥೀ ಲಭತೇ ವಿದ್ಯಾಂ ಮೋಕ್ಷಾರ್ಥೀ ಲಭತೇ ಗತಿಮ್ ॥ 19 ॥

ಆಪದೋ ಹರತೇ ನಿತ್ಯಂ ವಿಷ್ಣುಸ್ತೋತ್ರಾರ್ಥಸಂಪದಾ । ಯಸ್ತ್ವಿದಂ ಪಠತೇ ಸ್ತೋತ್ರಂ ವಿಷ್ಣುಪಂಜರಮುತ್ತಮಮ್ ॥ 20 ॥

ಮುಚ್ಯತೇ ಸರ್ವಪಾಪೇಭ್ಯೋ ವಿಷ್ಣುಲೋಕಂ ಸ ಗಚ್ಛತಿ । ಗೋಸಹಸ್ರಫಲಂ ತಸ್ಯ ವಾಜಪೇಯಶತಸ್ಯ ಚ ॥ 21 ॥

ಅಶ್ವಮೇಧಸಹಸ್ರಸ್ಯ ಫಲಂ ಪ್ರಾಪ್ನೋತಿ ಮಾನವಃ । ಸರ್ವಕಾಮಂ ಲಭೇದಸ್ಯ ಪಠನಾನ್ನಾತ್ರ ಸಂಶಯಃ ॥ 22 ॥

ಜಲೇ ವಿಷ್ಣುಃ ಸ್ಥಲೇ ವಿಷ್ಣುರ್ವಿಷ್ಣುಃ ಪರ್ವತಮಸ್ತಕೇ । ಜ್ವಾಲಾಮಾಲಾಕುಲೇ ವಿಷ್ಣುಃ ಸರ್ವಂ ವಿಷ್ಣುಮಯಂ ಜಗತ್ ॥ 23 ॥

ಇತಿ ಶ್ರೀಬ್ರಹ್ಮಾಂಡಪುರಾಣೇ ಇಂದ್ರನಾರದಸಂವಾದೇ ಶ್ರೀವಿಷ್ಣುಪಂಜರಸ್ತೋತ್ರಮ್ ॥

ശ്രീ വിഷ്ണു പംജര സ്തോത്രമ് - ഒരു പരിചയം

The Vishnu Panjara Stotram, the "cage" or shield of Vishnu, is a protective prayer. After the formal opening that names Narada as its seer, with nyasa and a meditation on Vishnu as the one Lord dwelling in every heart, its verses ask Vishnu's forms to guard each part of the body: Govinda the feet, Trivikrama the shins, Keshava the thighs, Janardana the waist, and so on. As its colophon states, it is from the Brahmanda Purana, in a dialogue of Indra and Narada.

ഉറവിടം: Brahmanda Purana, Indra and Narada dialogue (per its colophon)

എപ്പോൾ ജപിക്കാം: In daily prayer for protection, before travel, and in Vishnu worship.

നിങ്ങൾക്കറിയാമോ?

  • A panjara stotra surrounds the devotee with the deity's names like a protective cage, much as a kavacha does.
  • Each limb is given to a different name of Vishnu, from the twelve names (dvadasha nama) and others.

പതിവ് ചോദ്യങ്ങൾ

What does "panjara" mean?

A cage, here a protective enclosure of the Lord's names.

Where does it come from?

As its colophon states, the Brahmanda Purana, in a dialogue of Indra and Narada.

Who is its seer?

The sage Narada, as its opening states.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.