MuhurtaNow

உத்³த⁴வகீ³தா - ப்ரத²மோத்⁴யாய:

Sri Krishna · பாரம்பரிய பக்தி நூல்

ശ്രീരാധാകൃഷ്ണാഭ്യാം നമഃ । ശ്രീമദ്ഭാഗവതപുരാണമ് । ഏകാദശഃ സ്കംധഃ । ഉദ്ധവ ഗീതാ । അഥ പ്രഥമോഽധ്യായഃ ।

ശ്രീബാദരായണിഃ ഉവാച

കൃത്വാ ദൈത്യവധം കൃഷ്ണഃ സരമഃ യദുഭിഃ വൃതഃ । ഭുവഃ അവതാരവത് ഭാരം ജവിഷ്ഠന് ജനയന് കലിമ് ॥ 1

യേ കോപിതാഃ സുബഹു പാംഡുസുതാഃ സപത്നൈഃ ദുര്ദ്യൂതഹേലനകചഗ്രഹണ ആദിഭിഃ താന് । കൃത്വാ നിമിത്തം ഇതര ഇതരതഃ സമേതാന് ഹത്വാ നൃപാന് നിരഹരത് ക്ഷിതിഭാരം ഈശഃ ॥ 2॥

ഭൂഭാരരാജപൃതനാ യദുഭിഃ നിരസ്യ ഗുപ്തൈഃ സ്വബാഹുഭിഃ അചിംതയത് അപ്രമേയഃ । മന്യേ അവനേഃ നനു ഗതഃ അപി അഗതം ഹി ഭാരമ് യത് യാദവം കുലം അഹോ ഹി അവിഷഹ്യം ആസ്തേ ॥ 3॥

ന ഏവ അന്യതഃ പരിഭവഃ അസ്യ ഭവേത് കഥംചിത് മത് സംശ്രയസ്യ വിഭവ ഉന്നഹന് അസ്യ നിത്യമ് । അംതഃകലിം യദുകുലസ്യ വിധ്ഹായ വേണുഃ തംബസ്യ വഹ്നിം ഇവ ശാംതിം ഉപൈമി ധാമ ॥ 4॥

ഏവം വ്യവസിതഃ രാജന് സത്യസംകല്പഃ ഈശ്വരഃ । ശാപവ്യാജേന വിപ്രാണാം സംജഹ്വേ സ്വകുലം വിഭുഃ ॥ 5॥

സ്വമൂര്ത്യാ ലോകലാവണ്യനിര്മുക്ത്യാ ലോചനം നൃണാമ് । ഗീര്ഭിഃ താഃ സ്മരതാം ചിത്തം പദൈഃ താന് ഈക്ഷതാം ക്രിയാ ॥ 6॥

ആച്ഛിദ്യ കീര്തിം സുശ്ലോകാം വിതത്യ ഹി അംജസാ നു കൌ । തമഃ അനയാ തരിഷ്യംതി ഇതി അഗാത് സ്വം പദം ഈശ്വരഃ ॥ 7॥

രാജാ ഉവാച

ബ്രഹ്മണ്യാനാം വദാന്യാനാം നിത്യം വൃദ്ധൌപസേവിനാമ് । വിപ്രശാപഃ കഥം അഭൂത് വൃഷ്ണീനാം കൃഷ്ണചേതസാമ് ॥ 8

യത് നിമിത്തഃ സഃ വൈ ശാപഃ യാദൃശഃ ദ്വിജസത്തമ । കഥം ഏകാത്മനാം ഭേദഃ ഏതത് സർവം വദസ്വ മേ ॥ 9॥

ശ്രീശുകഃ ഉവാച

ബിഭ്രത് വപുഃ സകലസുംദരസംനിവേശമ് കര്മാചരന് ഭുവി സുമംഗലം ആപ്തകാമഃ । ആസ്ഥായ ധാമ രമമാണഃ ഉദാരകീര്തിഃ സംഹര്തും ഐച്ഛത കുലം സ്ഥിതകൃത്യശേഷഃ ॥ 10

കര്മാണി പുണ്യനിവഹാനി സുമംഗലാനി ഗായത് ജഗത് കലിമലാപഹരാണി കൃത്വാ । കാല ആത്മനാ നിവസതാ യദുദേവഗേഹേ പിംഡാരകം സമഗമന് മുനയഃ നിസൃഷ്ടാഃ ॥ 11॥

വിശ്വാമിത്രഃ അസിതഃ കണ്വഃ ദുർവാസാഃ ഭൃഗുഃ അംഗിരാഃ । കശ്യപഃ വാമദേവഃ അത്രിഃ വസിഷ്ഠഃ നാരദ ആദയഃ ॥ 12॥

ക്രീഡംതഃ താന് ഉപവ്രജ്യ കുമാരാഃ യദുനംദനാഃ । ഉപസംഗൃഹ്യ പപ്രച്ഛുഃ അവിനീതാ വിനീതവത് ॥ 13॥

തേ വേഷയിത്വാ സ്ത്രീവേഷൈഃ സാംബം ജാംബവതീസുതമ് । ഏഷാ പൃച്ഛതി വഃ വിപ്രാഃ അംതർവത് ന്യസിത ഈക്ഷണാ ॥ 14॥

പ്രഷ്ടും വിലജ്ജതി സാക്ഷാത് പ്രബ്രൂത അമോഘദര്ശനാഃ । പ്രസോഷ്യംതി പുത്രകാമാ കിംസ്വിത് സംജനയിഷ്യതി ॥ 15॥

ഏവം പ്രലബ്ധ്വാ മുനയഃ താന് ഊചുഃ കുപിതാ നൃപ । ജനയിഷ്യതി വഃ മംദാഃ മുസലം കുലനാശനമ് ॥ 16॥

തത് ശ‍ഋത്വാ തേ അതിസംത്രസ്താഃ വിമുച്യ സഹസോദരമ് । സാംബസ്യ ദദൃശുഃ തസ്മിന് മുസലം ഖലു അയസ്മയമ് ॥ 17॥

കിം കൃതം മംദഭാഗ്യൈഃ കിം വദിഷ്യംതി നഃ ജനാഃ । ഇതി വിഹ്വലിതാഃ ഗേഹാന് ആദായ മുസലം യയുഃ ॥ 18॥

തത് ച ഉപനീയ സദസി പരിമ്ലാനമുഖശ്രിയഃ । രാജ്ഞഃ ആവേദയാന് ചക്രുഃ സർവയാദവസംനിധൌ ॥ 19॥

ശ്രുത്വാ അമോഘം വിപ്രശാപം ദൃഷ്ട്വാ ച മുസലം നൃപ । വിസ്മിതാഃ ഭയസംത്രസ്താഃ ബഭൂവുഃ ദ്വാരകൌകസഃ ॥ 20॥

തത് ചൂര്ണയിത്വാ മുസലം യദുരാജഃ സഃ ആഹുകഃ । സമുദ്രസലിലേ പ്രാസ്യത് ലോഹം ച അസ്യ അവശേഷിതമ് ॥ 21॥

കശ്ചിത് മത്സ്യഃ അഗ്രസീത് ലോഹം ചൂര്ണാനി തരലൈഃ തതഃ । ഉഹ്യമാനാനി വേലായാം ലഗ്നാനി ആസന് കില ഐരികാഃ ॥ 22॥

മത്സ്യഃ ഗൃഹീതഃ മത്സ്യഘ്നൈഃ ജാലേന അന്യൈഃ സഹ അര്ണവേ । തസ്യ ഉദരഗതം ലോഹം സഃ ശല്യേ ലുബ്ധകഃ അകരോത് ॥ 23॥

ഭഗവാന് ജ്ഞാതസർവാര്ഥഃ ഈശ്വരഃ അപി തദന്യഥാ । കര്തും ന ഐച്ഛത് വിപ്രശാപം കാലരൂപീ അന്വമോദത ॥ 24॥

ഇതി ശ്രീമദ്ഭാഗവതേ മഹാപുരാണേ പാരമഹംസ്യാം സംഹിതായാമേകാദശസ്കംധേ വിപ്രശാപോ നാമ പ്രഥമോഽധ്യായഃ ॥

உத்³த⁴வகீ³தா - ப்ரத²மோத்⁴யாய: பற்றி

This chapter, numbered 1 in this Uddhava Gita series, is chapter 1 of the eleventh book of the Bhagavata Purana, titled "the curse of the brahmanas". Having removed the burden of the earth, Krishna resolves to withdraw his own Yadu clan as well. Some proud Yadu boys dress Samba as a pregnant woman and mockingly ask visiting sages what "she" will bear; the angry sages say she will bear an iron pestle that will destroy their race. Krishna, knowing all, does not undo the curse.

மூலம்: Bhagavata Purana, book 11, chapter 1

எப்போது பாராயணம் செய்வது: In Bhagavata parayana, especially during a Bhagavata saptaha.

உங்களுக்குத் தெரியுமா?

  • The pestle is ground to powder and thrown in the sea, yet the curse still unfolds in later chapters.
  • Book 11 of the Bhagavatam, with Krishna's last teaching to Uddhava, is known as the Uddhava Gita.

அடிக்கடி கேட்கப்படும் கேள்விகள்

What is this chapter called?

"Viprashapa", the curse of the brahmanas.

What trick did the Yadu boys play?

They dressed Samba as a pregnant woman to mock the sages.

Where is this chapter from?

Bhagavata Purana, book 11, chapter 1.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.