உத்³த⁴வகீ³தா - த்³விதீயோத்⁴யாய:
Sri Krishna · பாரம்பரிய பக்தி நூல்
అథ ద్వితీయోఽధ్యాయః ।
శ్రీశుకః ఉవాచ
గోవిందభుజగుప్తాయాం ద్వారవత్యాం కురూద్వహ । అవాత్సీత్ నారదః అభీక్ష్ణం కృష్ణౌపాసనలాలసః ॥ 1
కో ను రాజన్ ఇంద్రియవాన్ ముకుందచరణాంబుజమ్ । న భజేత్ సర్వతః మృత్యుః ఉపాస్యం అమరౌత్తమైః ॥ 2॥
తం ఏకదా దేవర్షిం వసుదేవః గృహ ఆగతమ్ । అర్చితం సుఖం ఆసీనం అభివాద్య ఇదం అబ్రవీత్ ॥ 3॥
వసుదేవః ఉవాచ
భగవన్ భవతః యాత్రా స్వస్తయే సర్వదేహినామ్ । కృపణానాం యథా పిత్రోః ఉత్తమశ్లోకవర్త్మనామ్ ॥ 4
భూతానాం దేవచరితం దుఃఖాయ చ సుఖాయ చ । సుఖాయ ఏవ హి సాధూనాం త్వాదృశాం అచ్యుత ఆత్మనామ్ ॥ 5॥
భజంతి యే యథా దేవాన్ దేవాః అపి తథా ఏవ తాన్ । ఛాయా ఇవ కర్మసచివాః సాధవః దీనవత్సలాః ॥ 6॥
బ్రహ్మన్ తథా అపి పృచ్ఛామః ధర్మాన్ భాగవతాన్ తవ । యాన్ శ్రుత్వా శ్రద్ధయా మర్త్యః ముచ్యతే సర్వతః భయాత్ ॥ 7॥
అహం కిల పురా అనంతం ప్రజార్థః భువి ముక్తిదమ్ । అపూజయం న మోక్షాయ మోహితః దేవమాయయా ॥ 8॥
యయా విచిత్రవ్యసనాత్ భవద్భిః విశ్వతః భయాత్ । ముచ్యేమ హి అంజసా ఏవ అద్ధా తథా నః శాధి సువ్రత ॥ 9॥
శ్రీశుకః ఉవాచ
రాజన్ ఏవం కృతప్రశ్నః వసుదేవేన ధీమతా । ప్రీతః తం ఆహ దేవర్షిః హరేః సంస్మారితః గుణైః ॥ 10
నారదః ఉవాచ
సమ్యక్ ఏతత్ వ్యవసితం భవతా సాత్వతర్షభ । యత్ పృచ్ఛసే భాగవతాన్ ధర్మాన్ త్వం విశ్వభావనాన్
11॥
శ్రుతః అనుపఠితః ధ్యాతః ఆదృతః వా అనుమోదితః । సద్యః పునాతి సద్ధర్మః దేవవిశ్వద్రుహః అపి ॥ 12॥
త్వయా పరమకల్యాణః పుణ్యశ్రవణకీర్తనః । స్మారితః భగవాన్ అద్య దేవః నారాయణః మమ ॥ 13॥
అత్ర అపి ఉదాహరంతి ఇమం ఇతిహాసం పురాతనమ్ । ఆర్షభాణాం చ సంవాదం విదేహస్య మహాత్మనః ॥ 14॥
ప్రియవ్రతః నామ సుతః మనోః స్వాయంభువస్య యః । తస్య అగ్నీధ్రః తతః నాభిః ఋషభః తత్ సుతః స్మృతః ॥ 15॥
తం ఆహుః వాసుదేవాంశం మోక్షధర్మవివక్షయా । అవతీర్ణం సుతశతం తస్య ఆసీత్ వేదపారగమ్ ॥ 16॥
తేషాం వై భరతః జ్యేష్ఠః నారాయణపరాయణః । విఖ్యాతం వర్షం ఏతత్ యత్ నామ్నా భారతం అద్భుతమ్ ॥ 17॥
సః భుక్తభోగాం త్యక్త్వా ఇమాం నిర్గతః తపసా హరిమ్ । ఉపాసీనః తత్ పదవీం లేభే వై జన్మభిః త్రిభిః ॥ 18॥
తేషాం నవ నవద్వీపపతయః అస్య సమంతతః । కర్మతంత్రప్రణేతారః ఏకాశీతిః ద్విజాతయః ॥ 19॥
నవ అభవన్ మహాభాగాః మునయః హి అర్థశంసినః । శ్రమణాః వాతః అశనాః ఆత్మవిద్యావిశారదాః ॥ 20॥
కవిః హరిః అంతరిక్షః ప్రబుద్ధః పిప్పలాయనః । ఆవిర్హోత్రః అథ ద్రుమిలః చమసః కరభాజనః ॥ 21॥
ఏతే వై భగవద్రూపం విశ్వం సదసద్ ఆత్మకమ్ । ఆత్మనః అవ్యతిరేకేణ పశ్యంతః వ్యచరత్ మహీమ్ ॥ 22॥
అవ్యాహత ఇష్టగతయాః సురసిద్ధసిద్ధసాధ్య గంధర్వయక్షనరకిన్నరనాగలోకాన్ । ముక్తాః చరంతి మునిచారణభూతనాథ విద్యాధరద్విజగవాం భువనాని కామమ్ ॥ 23॥
తః ఏకదా నిమేః సత్రం ఉపజగ్ముః యత్ ఋచ్ఛయా । వితాయమానం ఋషిభిః అజనాభే మహాత్మనః ॥ 24॥
తాన్ దృష్ట్వా సూర్యసంకాశాన్ మహాభగవతాన్ నృపః । యజమానః అగ్నయః విప్రాః సర్వః ఏవ ఉపతస్థిరే ॥ 25॥
విదేహః తాన్ అభిప్రేత్య నారాయణపరాయణాన్ । ప్రీతః సంపూజయాన్ చక్రే ఆసనస్థాన్ యథా అర్హతః ॥ 26॥
తాన్ రోచమానాన్ స్వరుచా బ్రహ్మపుత్రౌపమాన్ నవ । పప్రచ్ఛ పరమప్రీతః ప్రశ్రయ అవనతః నృపః ॥ 27॥
విదేహః ఉవాచ
మన్యే భగవతః సాక్షాత్ పార్షదాన్ వః మధుద్విషః । విష్ణోః భూతాని లోకానాం పావనాయ చరంతి హి ॥ 28
దుర్లభః మానుషః దేహః దేహినాం క్షణభంగురః । తత్ర అపి దుర్లభం మన్యే వైకుంఠప్రియదర్శనమ్ ॥ 29॥
అతః ఆత్యంతికం కహేమం పృచ్ఛామః భవతః అనఘాః । సంసారే అస్మిన్ క్షణార్ధః అపి సత్సంగః శేవధిః నృణామ్ ॥
30॥
ధర్మాన్ భాగవతాన్ బ్రూత యది నః శ్రుతయే క్షమమ్ । యైః ప్రసన్నః ప్రపన్నాయ దాస్యతి ఆత్మానం అపి అజః ॥ 31॥
శ్రీనారదః ఉవాచ
ఏవం తే నిమినా పృష్టా వసుదేవ మహత్తమాః । ప్రతిపూజ్య అబ్రువన్ ప్రీత్యా ససదసి ఋత్విజం నృపమ్ ॥ 32
కవిః ఉవాచ
మన్యే అకుతశ్చిత్ భయం అచ్యుతస్య పాదాంబుజౌపాసనం అత్ర నిత్యమ్ । ఉద్విగ్నబుద్ధేః అసత్ ఆత్మభావాత్ విశ్వాత్మనా యత్ర నివర్తతే భీః ॥ 33
యే వై భగవతా ప్రోక్తాః ఉపాయాః హి ఆత్మలబ్ధయే । అంజః పుంసాం అవిదుషాం విద్ధి భాగవతాన్ హి తాన్ ॥ 34॥
యాన్ ఆస్థాయ నరః రాజన్ న ప్రమాద్యేత కర్హిచిత్ । ధావన్ నిమీల్య వా నేత్రే న స్ఖలేన పతేత్ ఇహ ॥ 35॥
కాయేన వాచా మనసా ఇంద్రియైః వా బుద్ధ్యా ఆత్మనా వా అనుసృతస్వభావాత్ । కరోతి యత్ యత్ సకలం పరస్మై నారాయణాయ ఇతి సమర్పయేత్ తత్ ॥ 36॥
భయం ద్వితీయాభినివేశతః స్యాత్ ఈశాత్ అపేతస్య విపర్యయః అస్మృతిః । తత్ మాయయా అతః బుధః ఆభజేత్ తం భక్త్యా ఏక ఈశం గురుదేవతాత్మా ॥ 37। అవిద్యమానః అపి అవభాతి హి ద్వయోః ధ్యాతుః ధియా స్వప్నమనోరథౌ యథా । తత్ కర్మసంకల్పవికల్పకం మనః బుధః నిరుంధ్యాత్ అభయం తతః స్యాత్ ॥ 38॥
శ్రుణ్వన్ సుభద్రాణి రథాంగపాణేః జన్మాని కర్మాణి చ యాని లోకే । గీతాని నామాని తత్ అర్థకాని గాయన్ విలజ్జః విచరేత్ అసంగః ॥ 39॥
ఏవం వ్రతః స్వప్రియనామకీర్త్యా జాతానురాగః ద్రుతచిత్తః ఉచ్చైః । హసతి అథః రోదితి రౌతి గాయతి ఉన్మాదవత్ నృత్యతి లోకబాహ్యః ॥ 40॥
ఖం వాయుం అగ్నిం సలిలం మహీం చ జ్యోతీంషి సత్త్వాని దిశః ద్రుమాదీన్ । సరిత్ సముద్రాన్ చ హరేః శరీరం యత్కించ భూతం ప్రణమేత్ అనన్యః ॥ 41॥
భక్తిః పరేశ అనుభవః విరక్తిః అన్యత్ర ఏష త్రికః ఏకకాలః । ప్రపద్యమానస్య యథా అశ్నతః స్యుః తుష్టిః పుష్టిః క్షుత్ అపాయః అనుఘాసమ్ ॥ 42॥
ఇతి అచ్యుత అంఘ్రిం భజతః అనువృత్త్యా భక్తిః విరక్తిః భగవత్ ప్రబోధః । భవంతి వై భాగవతస్య రాజన్ తతః పరాం శాంతిం ఉపైతి సాక్షాత్ ॥ 43॥
రాజా ఉవాచ
అథ భాగవతం బ్రూత యత్ ధర్మః యాదృశః నృణామ్ । యథా చరతి యత్ బ్రూతే యైః లింగైః భగవత్ ప్రియః ॥ 44
హరిః ఉవాచ
సర్వభూతేషు యః పశ్యేత్ భగవత్ భావ ఆత్మనః । భూతాని భాగవతి ఆత్మని ఏష భాగవతౌత్తమః ॥ 45
ఈశ్వరే తత్ అధీనేషు బాలిశేషు ద్విషత్సు చ । ప్రేమమైత్రీకృపాఉపేక్షా యః కరోతి స మధ్యమః ॥ 46॥
అర్చాయాం ఏవ హరయే పూజాం యః శ్రద్ధయా ఈహతే । న తత్ భక్తేషు చ అన్యేషు సః భక్తః ప్రాకృతః స్మృతః ॥
47॥
గృహీత్వా అపి ఇంద్రియైః అర్థాన్యః న ద్వేష్టి న హృష్యతి । విష్ణోః మాయాం ఇదం పశ్యన్ సః వై భాగవత ఉత్తమః ॥ 48॥
దేహైంద్రియప్రాణమనఃధియాం యః జన్మాపిఅయక్షుత్ భయతర్షకృచ్ఛ్రైః । సంసారధర్మైః అవిముహ్యమానః స్మృత్యా హరేః భాగవతప్రధానః ॥ 49॥
న కామకర్మబీజానాం యస్య చేతసి సంభవః । వాసుదేవేకనిలయః సః వై భాగవత ఉత్తమః ॥ 50॥
న యస్య జన్మకర్మభ్యాం న వర్ణాశ్రమజాతిభిః । సజ్జతే అస్మిన్ అహంభావః దేహే వై సః హరేః ప్రియః ॥ 51॥
న యస్య స్వః పరః ఇతి విత్తేషు ఆత్మని వా భిదా । సర్వభూతసమః శాంతః సః వౌ భాగవత ఉత్తమః ॥ 52॥
త్రిభువనవిభవహేతవే అపి అకుంఠస్మృతిః అజితాత్మసురాదిభిః విమృగ్యాత్ । న చలతి భగవత్ పద అరవిందాత్ లవనిమిష అర్ధం అపి యః సః వైష్ణవ అగ్ర్యః ॥ 53॥
భగవతః ఉరువిక్రమ అంఘ్రిశాఖా నఖమణిచంద్రికయా నిరస్తతాపే । హృది కథం ఉపసీదతాం పునః సః ప్రభవతి చంద్రః ఇవ ఉదితే అర్కతాపః ॥ 54॥
విసృజతి హృదయం న యస్య సాక్షాత్ హరిః అవశ అభిహితః అపి అఘౌఘనాశః । ప్రణయః అశనయా ధృత అంఘ్రిపద్మః సః భవతి భాగవతప్రధానః ఉక్తః ॥ 55॥
ఇతి శ్రీమత్ భాగవతే మహాపురాణే పారమహంస్యాం సంహితాయాం ఏకాదశస్కంధే నిమిజాయంతసంవాదే ద్వితీయః అధ్యాయః ॥
உத்³த⁴வகீ³தா - த்³விதீயோத்⁴யாய: பற்றி
This chapter, numbered 2 in this Uddhava Gita series, is chapter 2 of the eleventh book of the Bhagavata Purana. The sage Narada, who loves to stay at Dvaraka near Krishna, is asked by Vasudeva about the path of devotion that frees one from fear. Narada answers with the ancient dialogue between King Nimi of Videha and the nine Yogendras, sons of Rishabha. The first of them, Kavi, teaches that fearlessness lies in worshipping the feet of the Lord, offering every act of body, speech and mind to Narayana, and hearing and singing his names.
மூலம்: Bhagavata Purana, book 11, chapter 2
எப்போது பாராயணம் செய்வது: In Bhagavata parayana, especially during a Bhagavata saptaha.
உங்களுக்குத் தெரியுமா?
- The dialogue of Nimi and the nine yogis, chapters 2 to 5 of book 11, is known as the Navayogi Samvada.
- Verse 36, "Kayena vacha manasendriyair va", offering all one does to Narayana, is a well-known daily prayer.
அடிக்கடி கேட்கப்படும் கேள்விகள்
Who asks Narada for teaching?
Vasudeva, Krishna's father.
Whose dialogue does Narada recount?
King Nimi and the nine Yogendras.
Where is this chapter from?
Bhagavata Purana, book 11, chapter 2.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்