MuhurtaNow

నారాయణీయం దశక 17 - ధ్రువచరితం

Vishnu · సాంప్రదాయ భక్తి గ్రంథం

ഉത്താനപാദനൃപതേര്മനുനംദനസ്യ ജായാ ബഭൂവ സുരുചിര്നിതരാമഭീഷ്ടാ । അന്യാ സുനീതിരിതി ഭര്തുരനാദൃതാ സാ ത്വാമേവ നിത്യമഗതിഃ ശരണം ഗതാഽഭൂത് ॥1॥

അംകേ പിതുഃ സുരുചിപുത്രകമുത്തമം തം ദൃഷ്ട്വാ ധ്രുവഃ കില സുനീതിസുതോഽധിരോക്ഷ്യന് । ആചിക്ഷിപേ കില ശിശുഃ സുതരാം സുരുച്യാ ദുസ്സംത്യജാ ഖലു ഭവദ്വിമുഖൈരസൂയാ ॥2॥

ത്വന്മോഹിതേ പിതരി പശ്യതി ദാരവശ്യേ ദൂരം ദുരുക്തിനിഹതഃ സ ഗതോ നിജാംബാമ് । സാഽപി സ്വകര്മഗതിസംതരണായ പുംസാം ത്വത്പാദമേവ ശരണം ശിശവേ ശശംസ ॥3॥

ആകര്ണ്യ സോഽപി ഭവദര്ചനനിശ്ചിതാത്മാ മാനീ നിരേത്യ നഗരാത് കില പംചവര്ഷഃ । സംദൃഷ്ടനാരദനിവേദിതമംത്രമാര്ഗ- സ്ത്വാമാരരാധ തപസാ മധുകാനനാംതേ ॥4॥

താതേ വിഷണ്ണഹൃദയേ നഗരീം ഗതേന ശ്രീനാരദേന പരിസാംത്വിതചിത്തവൃത്തൌ । ബാലസ്ത്വദര്പിതമനാഃ ക്രമവര്ധിതേന നിന്യേ കഠോരതപസാ കില പംചമാസാന് ॥5॥

താവത്തപോബലനിരുച്ഛ്-വസിതേ ദിഗംതേ ദേവാര്ഥിതസ്ത്വമുദയത്കരുണാര്ദ്രചേതാഃ । ത്വദ്രൂപചിദ്രസനിലീനമതേഃ പുരസ്താ- ദാവിര്ബഭൂവിഥ വിഭോ ഗരുഡാധിരൂഢഃ ॥6॥

ത്വദ്ദര്ശനപ്രമദഭാരതരംഗിതം തം ദൃഗ്ഭ്യാം നിമഗ്നമിവ രൂപരസായനേ തേ । തുഷ്ടൂഷമാണമവഗമ്യ കപോലദേശേ സംസ്പൃഷ്ടവാനസി ദരേണ തഥാഽഽദരേണ ॥7॥

താവദ്വിബോധവിമലം പ്രണുവംതമേന- മാഭാഷഥാസ്ത്വമവഗമ്യ തദീയഭാവമ് । രാജ്യം ചിരം സമനുഭൂയ ഭജസ്വ ഭൂയഃ സർവോത്തരം ധ്രുവ പദം വിനിവൃത്തിഹീനമ് ॥8॥

ഇത്യൂചിഷി ത്വയി ഗതേ നൃപനംദനോഽസാ- വാനംദിതാഖിലജനോ നഗരീമുപേതഃ । രേമേ ചിരം ഭവദനുഗ്രഹപൂര്ണകാമ- സ്താതേ ഗതേ ച വനമാദൃതരാജ്യഭാരഃ ॥9॥

യക്ഷേണ ദേവ നിഹതേ പുനരുത്തമേഽസ്മിന് യക്ഷൈഃ സ യുദ്ധനിരതോ വിരതോ മനൂക്ത്യാ । ശാംത്യാ പ്രസന്നഹൃദയാദ്ധനദാദുപേതാ- ത്ത്വദ്ഭക്തിമേവ സുദൃഢാമവൃണോന്മഹാത്മാ ॥10॥

അംതേ ഭവത്പുരുഷനീതവിമാനയാതോ മാത്രാ സമം ധ്രുവപദേ മുദിതോഽയമാസ്തേ । ഏവം സ്വഭൃത്യജനപാലനലോലധീസ്ത്വം വാതാലയാധിപ നിരുംധി മമാമയൌഘാന് ॥11॥

నారాయణీయం దశక 17 - ధ్రువచరితం గురించి

The seventeenth dashaka of the Narayaneeyam tells the story of Dhruva. King Uttanapada, son of Manu, loves his queen Suruchi, while his other queen Suniti, neglected, takes refuge in the Lord alone. When little Dhruva, Suniti's son, tries to climb onto his father's lap beside Suruchi's son Uttama, Suruchi scolds him harshly. Weeping, he goes to his mother, who tells him to seek the Lord; guided by Narada, the five-year-old performs fierce austerity at Madhuvana, and the Lord appears to him. Dhruva rules long and well, and at the end is carried with his mother in the Lord's celestial chariot to the abode named after him, the pole star.

రచయిత: Melpathur Narayana Bhattathiri (1560 to 1646)

ఎప్పుడు పఠించాలి: In daily Narayaneeyam parayana and at Guruvayur.

మీకు తెలుసా?

  • The pole star (Dhruva nakshatra) is named after Dhruva, whose steadfast devotion gave him an unmoving place in the sky.
  • Narada taught Dhruva the twelve-syllable mantra "Om namo bhagavate vasudevaya".

తరచుగా అడిగే ప్రశ్నలు

Why did Dhruva seek the Lord?

He was scolded by his stepmother and turned away from his father's lap.

What is named after Dhruva?

The pole star.

Who wrote the Narayaneeyam?

Melpathur Narayana Bhattathiri, in 1586.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.