నారాయణీయం దశక 22 - అజామిలోపాఖ్యానం
Vishnu · సాంప్రదాయ భక్తి గ్రంథం
അജാമിലോ നാമ മഹീസുരഃ പുരാ ചരന് വിഭോ ധര്മപഥാന് ഗൃഹാശ്രമീ । ഗുരോര്ഗിരാ കാനനമേത്യ ദൃഷ്ടവാന് സുധൃഷ്ടശീലാം കുലടാം മദാകുലാമ് ॥1॥
സ്വതഃ പ്രശാംതോഽപി തദാഹൃതാശയഃ സ്വധര്മമുത്സൃജ്യ തയാ സമാരമന് । അധര്മകാരീ ദശമീ ഭവന് പുന- ര്ദധൌ ഭവന്നാമയുതേ സുതേ രതിമ് ॥2॥
സ മൃത്യുകാലേ യമരാജകിംകരാന് ഭയംകരാംസ്ത്രീനഭിലക്ഷയന് ഭിയാ । പുരാ മനാക് ത്വത്സ്മൃതിവാസനാബലാത് ജുഹാവ നാരായണനാമകം സുതമ് ॥3॥
ദുരാശയസ്യാപി തദാത്വനിര്ഗത- ത്വദീയനാമാക്ഷരമാത്രവൈഭവാത് । പുരോഽഭിപേതുര്ഭവദീയപാര്ഷദാഃ ചതുര്ഭുജാഃ പീതപടാ മനോരമാഃ ॥4॥
അമും ച സംപാശ്യ വികര്ഷതോ ഭടാന് വിമുംചതേത്യാരുരുധുര്ബലാദമീ । നിവാരിതാസ്തേ ച ഭവജ്ജനൈസ്തദാ തദീയപാപം നിഖിലം ന്യവേദയന് ॥5॥
ഭവംതു പാപാനി കഥം തു നിഷ്കൃതേ കൃതേഽപി ഭോ ദംഡനമസ്തി പംഡിതാഃ । ന നിഷ്കൃതിഃ കിം വിദിതാ ഭവാദൃശാ- മിതി പ്രഭോ ത്വത്പുരുഷാ ബഭാഷിരേ ॥6॥
ശ്രുതിസ്മൃതിഭ്യാം വിഹിതാ വ്രതാദയഃ പുനംതി പാപം ന ലുനംതി വാസനാമ് । അനംതസേവാ തു നികൃംതതി ദ്വയീ- മിതി പ്രഭോ ത്വത്പുരുഷാ ബഭാഷിരേ ॥7॥
അനേന ഭോ ജന്മസഹസ്രകോടിഭിഃ കൃതേഷു പാപേഷ്വപി നിഷ്കൃതിഃ കൃതാ । യദഗ്രഹീന്നാമ ഭയാകുലോ ഹരേ- രിതി പ്രഭോ ത്വത്പുരുഷാ ബഭാഷിരേ ॥8॥
നൃണാമബുദ്ധ്യാപി മുകുംദകീര്തനം ദഹത്യഘൌഘാന് മഹിമാസ്യ താദൃശഃ । യഥാഗ്നിരേധാംസി യഥൌഷധം ഗദാ - നിതി പ്രഭോ ത്വത്പുരുഷാ ബഭാഷിരേ ॥9॥
ഇതീരിതൈര്യാമ്യഭടൈരപാസൃതേ ഭവദ്ഭടാനാം ച ഗണേ തിരോഹിതേ । ഭവത്സ്മൃതിം കംചന കാലമാചരന് ഭവത്പദം പ്രാപി ഭവദ്ഭടൈരസൌ ॥10॥
സ്വകിംകരാവേദനശംകിതോ യമ- സ്ത്വദംഘ്രിഭക്തേഷു ന ഗമ്യതാമിതി । സ്വകീയഭൃത്യാനശിശിക്ഷദുച്ചകൈഃ സ ദേവ വാതാലയനാഥ പാഹി മാമ് ॥11॥
నారాయణీయం దశక 22 - అజామిలోపాఖ్యానం గురించి
The twenty-second dashaka of the Narayaneeyam tells the story of Ajamila. Once a dutiful brahmana householder, Ajamila goes to the forest at his teacher's word, meets a woman of loose ways and, drawn to her, gives up his dharma and lives a sinful life. In old age, at the moment of death, frightened by Yama's messengers, he calls out to his youngest son, named Narayana. At once Vishnu's attendants arrive and stop Yama's servants, explaining that even the name of the Lord uttered unknowingly destroys sin. Ajamila, given more life, repents and devotes himself to the Lord, and Yama himself tells his servants never to go near devotees of the Lord.
రచయిత: Melpathur Narayana Bhattathiri (1560 to 1646)
ఎప్పుడు పఠించాలి: In daily Narayaneeyam parayana and at Guruvayur.
మీకు తెలుసా?
- The story of Ajamila is told in the sixth book of the Bhagavata Purana as the great example of the power of the divine name.
- Many parents name their children after the Lord, so that they remember him whenever they call their child.
తరచుగా అడిగే ప్రశ్నలు
Whom does Ajamila call at the time of death?
His youngest son, named Narayana.
What does Yama tell his servants?
Never to go near devotees of the Lord.
Who wrote the Narayaneeyam?
Melpathur Narayana Bhattathiri, in 1586.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు