MuhurtaNow

నారాయణీయం దశక 45 - శ్రీకృష్ణస్య బాలలీలాః

Vishnu · సాంప్రదాయ భక్తి గ్రంథం

అయి సబల మురారే పాణిజానుప్రచారైః కిమపి భవనభాగాన్ భూషయంతౌ భవంతౌ । చలితచరణకంజౌ మంజుమంజీరశింజా- శ్రవణకుతుకభాజౌ చేరతుశ్చారువేగాత్ ॥1॥

మృదు మృదు విహసంతావున్మిషద్దంతవంతౌ వదనపతితకేశౌ దృశ్యపాదాబ్జదేశౌ । భుజగలితకరాంతవ్యాలగత్కంకణాంకౌ మతిమహరతముచ్చైః పశ్యతాం విశ్వనృణామ్ ॥2॥

అనుసరతి జనౌఘే కౌతుకవ్యాకులాక్షే కిమపి కృతనినాదం వ్యాహసంతౌ ద్రవంతౌ । వలితవదనపద్మం పృష్ఠతో దత్తదృష్టీ కిమివ న విదధాథే కౌతుకం వాసుదేవ ॥3॥

ద్రుతగతిషు పతంతావుత్థితౌ లిప్తపంకౌ దివి మునిభిరపంకైః సస్మితం వంద్యమానౌ । ద్రుతమథ జననీభ్యాం సానుకంపం గృహీతౌ ముహురపి పరిరబ్ధౌ ద్రాగ్యువాం చుంబితౌ చ ॥4॥

స్నుతకుచభరమంకే ధారయంతీ భవంతం తరలమతి యశోదా స్తన్యదా ధన్యధన్యా । కపటపశుప మధ్యే ముగ్ధహాసాంకురం తే దశనముకులహృద్యం వీక్ష్య వక్త్రం జహర్ష ॥5॥

తదనుచరణచారీ దారకైస్సాకమారా- న్నిలయతతిషు ఖేలన్ బాలచాపల్యశాలీ । భవనశుకవిడాలాన్ వత్సకాంశ్చానుధావన్ కథమపి కృతహాసైర్గోపకైర్వారితోఽభూః ॥6॥

హలధరసహితస్త్వం యత్ర యత్రోపయాతో వివశపతితనేత్రాస్తత్ర తత్రైవ గోప్యః । విగలితగృహకృత్యా విస్మృతాపత్యభృత్యా మురహర ముహురత్యంతాకులా నిత్యమాసన్ ॥7॥

ప్రతినవనవనీతం గోపికాదత్తమిచ్ఛన్ కలపదముపగాయన్ కోమలం క్వాపి నృత్యన్ । సదయయువతిలోకైరర్పితం సర్పిరశ్నన్ క్వచన నవవిపక్వం దుగ్ధమప్యాపిబస్త్వమ్ ॥8॥

మమ ఖలు బలిగేహే యాచనం జాతమాస్తా- మిహ పునరబలానామగ్రతో నైవ కుర్వే । ఇతి విహితమతిః కిం దేవ సంత్యజ్య యాచ్ఞాం దధిఘృతమహరస్త్వం చారుణా చోరణేన ॥9॥

తవ దధిఘృతమోషే ఘోషయోషాజనానా- మభజత హృది రోషో నావకాశం న శోకః । హృదయమపి ముషిత్వా హర్షసింధౌ న్యధాస్త్వం స మమ శమయ రోగాన్ వాతగేహాధినాథ ॥10॥

శాఖాగ్రే విధుం విలోక్య ఫలమిత్యంబాం చ తాతం ముహుః సంప్రార్థ్యాథ తదా తదీయవచసా ప్రోత్క్షిప్తబాహౌ త్వయి। చిత్రం దేవ శశీ స తే కర్మగాత్ కిం బ్రూమహే సంపతః జ్యోతిర్మండలపూరితాఖిలవపుః ప్రాగా విరాడ్రూపతామ్ ॥ 11॥

కిం కిం బతేదమితి సంభ్రమ భాజమేనం బ్రహ్మార్ణవే క్షణమముం పరిమజ్జ్య తాతమ్ । మాయాం పునస్తనయ-మోహమయీం వితన్వన్ ఆనందచిన్మయ జగన్మయ పాహి రోగాత్ ॥12॥

నారాయణీయం దశక 45 - శ్రీకృష్ణస్య బాలలీలాః గురించి

The forty-fifth dashaka of the Narayaneeyam describes the childhood plays of Krishna and Balarama. The two brothers crawl on hands and knees through the house, adorning every corner, their lotus feet moving to hear the sweet jingle of their anklets; they smile softly, showing their first teeth, hair falling on their faces; they follow the calves, clutch their tails and are dragged along, while the women laugh. As they grow, Krishna steals butter, plays with the cowherd children and charms everyone. At the end the Lord, full of bliss and awareness, immerses his foster father for a moment in the ocean of Brahman and then again spreads the maya of a parent's love.

రచయిత: Melpathur Narayana Bhattathiri (1560 to 1646)

ఎప్పుడు పఠించాలి: In daily Narayaneeyam parayana and at Guruvayur.

మీకు తెలుసా?

  • These tender scenes of the infant Krishna are the source of many lullabies and paintings across India.
  • The idea of the Lord hiding his greatness behind a parent's love is a central theme of the Bhagavatam's tenth book.

తరచుగా అడిగే ప్రశ్నలు

What does this dashaka describe?

The childhood plays of Krishna and Balarama.

Whose tails do the boys clutch?

The calves'.

Who wrote the Narayaneeyam?

Melpathur Narayana Bhattathiri, in 1586.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.