నారాయణీయం దశక 55 - కాలియనర్తనం
Vishnu · సాంప్రదాయ భక్తి గ్రంథం
అథ వారిణి ఘోరతరం ఫణినం ప్రతివారయితుం కృతధీర్భగవన్ । ద్రుతమారిథ తీరగనీపతరుం విషమారుతశోషితపర్ణచయమ్ ॥1॥
అధిరుహ్య పదాంబురుహేణ చ తం నవపల్లవతుల్యమనోజ్ఞరుచా । హ్రదవారిణి దూరతరం న్యపతః పరిఘూర్ణితఘోరతరంగ్గణే ॥2॥
భువనత్రయభారభృతో భవతో గురుభారవికంపివిజృంభిజలా । పరిమజ్జయతి స్మ ధనుశ్శతకం తటినీ ఝటితి స్ఫుటఘోషవతీ ॥3॥
అథ దిక్షు విదిక్షు పరిక్షుభిత- భ్రమితోదరవారినినాదభరైః । ఉదకాదుదగాదురగాధిపతి- స్త్వదుపాంతమశాంతరుషాఽంధమనాః ॥4॥
ఫణశృంగసహస్రవినిస్సృమర- జ్వలదగ్నికణోగ్రవిషాంబుధరమ్ । పురతః ఫణినం సమలోకయథా బహుశృంగిణమంజనశైలమివ ॥5॥
జ్వలదక్షి పరిక్షరదుగ్రవిష- శ్వసనోష్మభరః స మహాభుజగః । పరిదశ్య భవంతమనంతబలం సమవేష్టయదస్ఫుటచేష్టమహో ॥6॥
అవిలోక్య భవంతమథాకులితే తటగామిని బాలకధేనుగణే । వ్రజగేహతలేఽప్యనిమిత్తశతం సముదీక్ష్య గతా యమునాం పశుపాః ॥7॥
అఖిలేషు విభో భవదీయ దశా- మవలోక్య జిహాసుషు జీవభరమ్ । ఫణిబంధనమాశు విముచ్య జవా- దుదగమ్యత హాసజుషా భవతా ॥8॥
అధిరుహ్య తతః ఫణిరాజఫణాన్ ననృతే భవతా మృదుపాదరుచా । కలశింజితనూపురమంజుమిల- త్కరకంకణసంకులసంక్వణితమ్ ॥9॥
జహృషుః పశుపాస్తుతుషుర్మునయో వవృషుః కుసుమాని సురేంద్రగణాః । త్వయి నృత్యతి మారుతగేహపతే పరిపాహి స మాం త్వమదాంతగదాత్ ॥10॥
నారాయణీయం దశక 55 - కాలియనర్తనం గురించి
The fifty-fifth dashaka of the Narayaneeyam tells of Kaliya Mardana, the subduing of the serpent Kaliya. To free the Yamuna from the serpent's poison, Krishna climbs a kadamba tree on the bank, whose leaves had withered from the poisoned air, leaps into the deep pool, and dances on Kaliya's many hoods while the cowherds rejoice, the sages praise him and the gods shower flowers.
రచయిత: Melpathur Narayana Bhattathiri (1560 to 1646)
ఎప్పుడు పఠించాలి: In daily Narayaneeyam parayana, at Guruvayur, and on Krishna Janmashtami.
మీకు తెలుసా?
- Melpathur Narayana Bhattathiri addresses each dashaka to Guruvayurappan, here called "Marutagehapate", lord of the temple of the Wind god.
- Krishna's dance on Kaliya's hoods is one of the best-loved scenes in temple art and Kathakali.
తరచుగా అడిగే ప్రశ్నలు
What story does this dashaka tell?
Krishna subduing the serpent Kaliya in the Yamuna.
Who wrote the Narayaneeyam?
Melpathur Narayana Bhattathiri, in 1586.
Whom does each dashaka address?
Guruvayurappan, Krishna of Guruvayur.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు