MuhurtaNow

నారాయణీయం దశక 6 - విరాట్స్వరూపవర్ణనం

Vishnu · సాంప్రదాయ భక్తి గ్రంథం

ಏವಂ ಚತುರ್ದಶಜಗನ್ಮಯತಾಂ ಗತಸ್ಯ ಪಾತಾಲಮೀಶ ತವ ಪಾದತಲಂ ವದಂತಿ । ಪಾದೋರ್ಧ್ವದೇಶಮಪಿ ದೇವ ರಸಾತಲಂ ತೇ ಗುಲ್ಫದ್ವಯಂ ಖಲು ಮಹಾತಲಮದ್ಭುತಾತ್ಮನ್ ॥1॥

ಜಂಘೇ ತಲಾತಲಮಥೋ ಸುತಲಂ ಚ ಜಾನೂ ಕಿಂಚೋರುಭಾಗಯುಗಲಂ ವಿತಲಾತಲೇ ದ್ವೇ । ಕ್ಷೋಣೀತಲಂ ಜಘನಮಂಬರಮಂಗ ನಾಭಿ- ರ್ವಕ್ಷಶ್ಚ ಶಕ್ರನಿಲಯಸ್ತವ ಚಕ್ರಪಾಣೇ ॥2॥

ಗ್ರೀವಾ ಮಹಸ್ತವ ಮುಖಂ ಚ ಜನಸ್ತಪಸ್ತು ಫಾಲಂ ಶಿರಸ್ತವ ಸಮಸ್ತಮಯಸ್ಯ ಸತ್ಯಮ್ । ಏವಂ ಜಗನ್ಮಯತನೋ ಜಗದಾಶ್ರಿತೈರ- ಪ್ಯನ್ಯೈರ್ನಿಬದ್ಧವಪುಷೇ ಭಗವನ್ನಮಸ್ತೇ ॥3॥

ತ್ವದ್ಬ್ರಹ್ಮರಂಧ್ರಪದಮೀಶ್ವರ ವಿಶ್ವಕಂದ ಛಂದಾಂಸಿ ಕೇಶವ ಘನಾಸ್ತವ ಕೇಶಪಾಶಾಃ । ಉಲ್ಲಾಸಿಚಿಲ್ಲಿಯುಗಲಂ ದ್ರುಹಿಣಸ್ಯ ಗೇಹಂ ಪಕ್ಷ್ಮಾಣಿ ರಾತ್ರಿದಿವಸೌ ಸವಿತಾ ಚ ನೇತ್ರೈ ॥4॥

ನಿಶ್ಶೇಷವಿಶ್ವರಚನಾ ಚ ಕಟಾಕ್ಷಮೋಕ್ಷಃ ಕರ್ಣೌ ದಿಶೋಽಶ್ವಿಯುಗಲಂ ತವ ನಾಸಿಕೇ ದ್ವೇ । ಲೋಭತ್ರಪೇ ಚ ಭಗವನ್ನಧರೋತ್ತರೋಷ್ಠೌ ತಾರಾಗಣಾಶ್ಚ ದಶನಾಃ ಶಮನಶ್ಚ ದಂಷ್ಟ್ರಾ ॥5॥

ಮಾಯಾ ವಿಲಾಸಹಸಿತಂ ಶ್ವಸಿತಂ ಸಮೀರೋ ಜಿಹ್ವಾ ಜಲಂ ವಚನಮೀಶ ಶಕುಂತಪಂಕ್ತಿಃ । ಸಿದ್ಧಾದಯಃ ಸ್ವರಗಣಾ ಮುಖರಂಧ್ರಮಗ್ನಿ- ರ್ದೇವಾ ಭುಜಾಃ ಸ್ತನಯುಗಂ ತವ ಧರ್ಮದೇವಃ ॥6॥

ಪೃಷ್ಠಂ ತ್ವಧರ್ಮ ಇಹ ದೇವ ಮನಃ ಸುಧಾಂಶು - ರವ್ಯಕ್ತಮೇವ ಹೃದಯಂಬುಜಮಂಬುಜಾಕ್ಷ । ಕುಕ್ಷಿಃ ಸಮುದ್ರನಿವಹಾ ವಸನಂ ತು ಸಂಧ್ಯೇ ಶೇಫಃ ಪ್ರಜಾಪತಿರಸೌ ವೃಷಣೌ ಚ ಮಿತ್ರಃ ॥7॥

ಶ್ರೋಣೀಸ್ಥಲಂ ಮೃಗಗಣಾಃ ಪದಯೋರ್ನಖಾಸ್ತೇ ಹಸ್ತ್ಯುಷ್ಟ್ರಸೈಂಧವಮುಖಾ ಗಮನಂ ತು ಕಾಲಃ । ವಿಪ್ರಾದಿವರ್ಣಭವನಂ ವದನಾಬ್ಜಬಾಹು- ಚಾರೂರುಯುಗ್ಮಚರಣಂ ಕರುಣಾಂಬುಧೇ ತೇ ॥8॥

ಸಂಸಾರಚಕ್ರಮಯಿ ಚಕ್ರಧರ ಕ್ರಿಯಾಸ್ತೇ ವೀರ್ಯಂ ಮಹಾಸುರಗಣೋಽಸ್ಥಿಕುಲಾನಿ ಶೈಲಾಃ । ನಾಡ್ಯಸ್ಸರಿತ್ಸಮುದಯಸ್ತರವಶ್ಚ ರೋಮ ಜೀಯಾದಿದಂ ವಪುರನಿರ್ವಚನೀಯಮೀಶ ॥9॥

ಈದೃಗ್ಜಗನ್ಮಯವಪುಸ್ತವ ಕರ್ಮಭಾಜಾಂ ಕರ್ಮಾವಸಾನಸಮಯೇ ಸ್ಮರಣೀಯಮಾಹುಃ । ತಸ್ಯಾಂತರಾತ್ಮವಪುಷೇ ವಿಮಲಾತ್ಮನೇ ತೇ ವಾತಾಲಯಾಧಿಪ ನಮೋಽಸ್ತು ನಿರುಂಧಿ ರೋಗಾನ್ ॥10॥

నారాయణీయం దశక 6 - విరాట్స్వరూపవర్ణనం గురించి

The sixth dashaka of the Narayaneeyam is a meditation on the Lord's cosmic form (Virat Purusha), made of the fourteen worlds. Bhattathiri says that the sages call Patala the soles of the Lord's feet, Rasatala the upper feet, Mahatala the ankles, Talatala the shanks, Sutala the knees, Vitala and Atala the thighs, the earth his hips, the sky his navel, and the higher worlds his chest, neck, face and head; the sun and moon are his eyes, and all beings live in him. He ends: the wise say this cosmic body should be remembered by those engaged in action; to you, the inner Self of that body, the pure one, I bow.

రచయిత: Melpathur Narayana Bhattathiri (1560 to 1646)

ఎప్పుడు పఠించాలి: In daily Narayaneeyam parayana and at Guruvayur.

మీకు తెలుసా?

  • The picture of the cosmic Person comes from the Bhagavatam, book 2, and echoes the Purusha Sukta of the Rig Veda.
  • The fourteen worlds are the seven upper worlds from Bhu to Satya and the seven lower worlds from Atala to Patala.

తరచుగా అడిగే ప్రశ్నలు

What does this dashaka meditate on?

The cosmic form of the Lord made of fourteen worlds.

Which world forms the soles of his feet?

Patala.

Who wrote the Narayaneeyam?

Melpathur Narayana Bhattathiri, in 1586.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.