నారాయణీయం దశక 72 - అక్రూరగోకులయాత్రా
Vishnu · సాంప్రదాయ భక్తి గ్రంథం
ಕಂಸೋಽಥ ನಾರದಗಿರಾ ವ್ರಜವಾಸಿನಂ ತ್ವಾ- ಮಾಕರ್ಣ್ಯ ದೀರ್ಣಹೃದಯಃ ಸ ಹಿ ಗಾಂದಿನೇಯಮ್ । ಆಹೂಯ ಕಾರ್ಮುಕಮಖಚ್ಛಲತೋ ಭವಂತ- ಮಾನೇತುಮೇನಮಹಿನೋದಹಿನಾಥಶಾಯಿನ್ ॥1॥
ಅಕ್ರೂರ ಏಷ ಭವದಂಘ್ರಿಪರಶ್ಚಿರಾಯ ತ್ವದ್ದರ್ಶನಾಕ್ಷಮಮನಾಃ ಕ್ಷಿತಿಪಾಲಭೀತ್ಯಾ । ತಸ್ಯಾಜ್ಞಯೈವ ಪುನರೀಕ್ಷಿತುಮುದ್ಯತಸ್ತ್ವಾ- ಮಾನಂದಭಾರಮತಿಭೂರಿತರಂ ಬಭಾರ ॥2॥
ಸೋಽಯಂ ರಥೇನ ಸುಕೃತೀ ಭವತೋ ನಿವಾಸಂ ಗಚ್ಛನ್ ಮನೋರಥಗಣಾಂಸ್ತ್ವಯಿ ಧಾರ್ಯಮಾಣಾನ್ । ಆಸ್ವಾದಯನ್ ಮುಹುರಪಾಯಭಯೇನ ದೈವಂ ಸಂಪ್ರಾರ್ಥಯನ್ ಪಥಿ ನ ಕಿಂಚಿದಪಿ ವ್ಯಜಾನಾತ್ ॥3॥
ದ್ರಕ್ಷ್ಯಾಮಿ ವೇದಶತಗೀತಗತಿಂ ಪುಮಾಂಸಂ ಸ್ಪ್ರಕ್ಷ್ಯಾಮಿ ಕಿಂಸ್ವಿದಪಿ ನಾಮ ಪರಿಷ್ವಜೇಯಮ್ । ಕಿಂ ವಕ್ಷ್ಯತೇ ಸ ಖಲು ಮಾಂ ಕ್ವನು ವೀಕ್ಷಿತಃ ಸ್ಯಾ- ದಿತ್ಥಂ ನಿನಾಯ ಸ ಭವನ್ಮಯಮೇವ ಮಾರ್ಗಮ್ ॥4॥
ಭೂಯಃ ಕ್ರಮಾದಭಿವಿಶನ್ ಭವದಂಘ್ರಿಪೂತಂ ವೃಂದಾವನಂ ಹರವಿರಿಂಚಸುರಾಭಿವಂದ್ಯಮ್ । ಆನಂದಮಗ್ನ ಇವ ಲಗ್ನ ಇವ ಪ್ರಮೋಹೇ ಕಿಂ ಕಿಂ ದಶಾಂತರಮವಾಪ ನ ಪಂಕಜಾಕ್ಷ ॥5॥
ಪಶ್ಯನ್ನವಂದತ ಭವದ್ವಿಹೃತಿಸ್ಥಲಾನಿ ಪಾಂಸುಷ್ವವೇಷ್ಟತ ಭವಚ್ಚರಣಾಂಕಿತೇಷು । ಕಿಂ ಬ್ರೂಮಹೇ ಬಹುಜನಾ ಹಿ ತದಾಪಿ ಜಾತಾ ಏವಂ ತು ಭಕ್ತಿತರಲಾ ವಿರಲಾಃ ಪರಾತ್ಮನ್ ॥6॥
ಸಾಯಂ ಸ ಗೋಪಭವನಾನಿ ಭವಚ್ಚರಿತ್ರ- ಗೀತಾಮೃತಪ್ರಸೃತಕರ್ಣರಸಾಯನಾನಿ । ಪಶ್ಯನ್ ಪ್ರಮೋದಸರಿತೇವ ಕಿಲೋಹ್ಯಮಾನೋ ಗಚ್ಛನ್ ಭವದ್ಭವನಸನ್ನಿಧಿಮನ್ವಯಾಸೀತ್ ॥7॥
ತಾವದ್ದದರ್ಶ ಪಶುದೋಹವಿಲೋಕಲೋಲಂ ಭಕ್ತೋತ್ತಮಾಗತಿಮಿವ ಪ್ರತಿಪಾಲಯಂತಮ್ । ಭೂಮನ್ ಭವಂತಮಯಮಗ್ರಜವಂತಮಂತ- ರ್ಬ್ರಹ್ಮಾನುಭೂತಿರಸಸಿಂಧುಮಿವೋದ್ವಮಂತಮ್ ॥8॥
ಸಾಯಂತನಾಪ್ಲವವಿಶೇಷವಿವಿಕ್ತಗಾತ್ರೌ ದ್ವೌ ಪೀತನೀಲರುಚಿರಾಂಬರಲೋಭನೀಯೌ । ನಾತಿಪ್ರಪಂಚಧೃತಭೂಷಣಚಾರುವೇಷೌ ಮಂದಸ್ಮಿತಾರ್ದ್ರವದನೌ ಸ ಯುವಾಂ ದದರ್ಶ ॥9॥
ದೂರಾದ್ರಥಾತ್ಸಮವರುಹ್ಯ ನಮಂತಮೇನ- ಮುತ್ಥಾಪ್ಯ ಭಕ್ತಕುಲಮೌಲಿಮಥೋಪಗೂಹನ್ । ಹರ್ಷಾನ್ಮಿತಾಕ್ಷರಗಿರಾ ಕುಶಲಾನುಯೋಗೀ ಪಾಣಿಂ ಪ್ರಗೃಹ್ಯ ಸಬಲೋಽಥ ಗೃಹಂ ನಿನೇಥ ॥10॥
ನಂದೇನ ಸಾಕಮಮಿತಾದರಮರ್ಚಯಿತ್ವಾ ತಂ ಯಾದವಂ ತದುದಿತಾಂ ನಿಶಮಯ್ಯ ವಾರ್ತಾಮ್ । ಗೋಪೇಷು ಭೂಪತಿನಿದೇಶಕಥಾಂ ನಿವೇದ್ಯ ನಾನಾಕಥಾಭಿರಿಹ ತೇನ ನಿಶಾಮನೈಷೀಃ ॥11॥
ಚಂದ್ರಾಗೃಹೇ ಕಿಮುತ ಚಂದ್ರಭಗಾಗೃಹೇ ನು ರಾಧಾಗೃಹೇ ನು ಭವನೇ ಕಿಮು ಮೈತ್ರವಿಂದೇ । ಧೂರ್ತೋ ವಿಲಂಬತ ಇತಿ ಪ್ರಮದಾಭಿರುಚ್ಚೈ- ರಾಶಂಕಿತೋ ನಿಶಿ ಮರುತ್ಪುರನಾಥ ಪಾಯಾಃ ॥12॥
నారాయణీయం దశక 72 - అక్రూరగోకులయాత్రా గురించి
The seventy-second dashaka of the Narayaneeyam tells of Akrura's journey to Vraja. Hearing from Narada that Krishna lives in Vraja, Kamsa, his heart shattered with fear, calls Akrura, son of Gandini, and on the pretext of a festival of the bow sends him to bring Krishna to Mathura. Akrura, long a devotee of the Lord's feet, sets out with joy, his mind full of longing to see him, thinking: shall I see those feet worshipped by Brahma and the gods? Reaching Vraja at dusk, he sees the Lord's footprints in the dust, falls and rolls in them with tears of joy, and then meets Krishna and Balarama, who welcome him with love.
రచయిత: Melpathur Narayana Bhattathiri (1560 to 1646)
ఎప్పుడు పఠించాలి: In daily Narayaneeyam parayana and at Guruvayur.
మీకు తెలుసా?
- Akrura, though sent by Kamsa, was in heart one of Krishna's greatest devotees.
- Akrura rolling in the dust of the Lord's footprints is a famous image of humble devotion.
తరచుగా అడిగే ప్రశ్నలు
Who sent Akrura to Vraja?
Kamsa, on the pretext of a bow festival.
What did Akrura do on seeing the footprints?
He rolled in the dust with tears of joy.
Who wrote the Narayaneeyam?
Melpathur Narayana Bhattathiri, in 1586.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు