నారాయణీయం దశక 81 - నరకాసురవధం తథా సుభద్రాహరణం
Vishnu · సాంప్రదాయ భక్తి గ్రంథం
స్నిగ్ధాం ముగ్ధాం సతతమపి తాం లాలయన్ సత్యభామాం యాతో భూయః సహ ఖలు తయా యాజ్ఞసేనీవివాహమ్ । పార్థప్రీత్యై పునరపి మనాగాస్థితో హస్తిపుర్యాం సశక్రప్రస్థం పురమపి విభో సంవిధాయాగతోఽభూః ॥1॥
భద్రాం భద్రాం భవదవరజాం కౌరవేణార్థ్యమానాం త్వద్వాచా తామహృత కుహనామస్కరీ శక్రసూనుః । తత్ర క్రుద్ధం బలమనునయన్ ప్రత్యగాస్తేన సార్ధం శక్రప్రస్థం ప్రియసఖముదే సత్యభామాసహాయః ॥2॥
తత్ర క్రీడన్నపి చ యమునాకూలదృష్టాం గృహీత్వా తాం కాలిందీం నగరమగమః ఖాండవప్రీణితాగ్నిః । భ్రాతృత్రస్తాం ప్రణయవివశాం దేవ పైతృష్వసేయీం రాజ్ఞాం మధ్యే సపది జహృషే మిత్రవిందామవంతీమ్ ॥3॥
సత్యాం గత్వా పునరుదవహో నగ్నజిన్నందనాం తాం బధ్వా సప్తాపి చ వృషవరాన్ సప్తమూర్తిర్నిమేషాత్ । భద్రాం నామ ప్రదదురథ తే దేవ సంతర్దనాద్యా- స్తత్సోదర్యా వరద భవతః సాఽపి పైతృష్వసేయీ ॥4॥
పార్థాద్యైరప్యకృతలవనం తోయమాత్రాభిలక్ష్యం లక్షం ఛిత్వా శఫరమవృథా లక్ష్మణాం మద్రకన్యామ్ । అష్టావేవం తవ సమభవన్ వల్లభాస్తత్ర మధ్యే శుశ్రోథ త్వం సురపతిగిరా భౌమదుశ్చేష్టితాని ॥5॥
స్మృతాయాతం పక్షిప్రవరమధిరూఢస్త్వమగమో వహన్నంకే భామాముపవనమివారాతిభవనమ్ । విభిందన్ దుర్గాణి త్రుటితపృతనాశోణితరసైః పురం తావత్ ప్రాగ్జ్యోతిషమకురుథాః శోణితపురమ్ ॥6॥
మురస్త్వాం పంచాస్యో జలధివనమధ్యాదుదపతత్ స చక్రే చక్రేణ ప్రదలితశిరా మంక్షు భవతా । చతుర్దంతైర్దంతావలపతిభిరింధానసమరం రథాంగేన ఛిత్వా నరకమకరోస్తీర్ణనరకమ్ ॥7॥
స్తుతో భూమ్యా రాజ్యం సపది భగదత్తేఽస్య తనయే గజంచైకం దత్వా ప్రజిఘయిథ నాగాన్నిజపురీమ్ । ఖలేనాబద్ధానాం స్వగతమనసాం షోడశ పునః సహస్రాణి స్త్రీణామపి చ ధనరాశిం చ విపులమ్ ॥8॥
భౌమాపాహృతకుండలం తదదితేర్దాతుం ప్రయాతో దివం శక్రాద్యైర్మహితః సమం దయితయా ద్యుస్త్రీషు దత్తహ్రియా । హృత్వా కల్పతరుం రుషాభిపతితం జిత్వేంద్రమభ్యాగమ- స్తత్తు శ్రీమదదోష ఈదృశ ఇతి వ్యాఖ్యాతుమేవాకృథాః ॥9॥
కల్పద్రుం సత్యభామాభవనభువి సృజన్ ద్వ్యష్టసాహస్రయోషాః స్వీకృత్య ప్రత్యగారం విహితబహువపుర్లాలయన్ కేలిభేదైః । ఆశ్చర్యాన్నారదాలోకితవివిధగతిస్తత్ర తత్రాపి గేహే భూయః సర్వాసు కుర్వన్ దశ దశ తనయాన్ పాహి వాతాలయేశ ॥10॥
నారాయణీయం దశక 81 - నరకాసురవధం తథా సుభద్రాహరణం గురించి
The eighty-first dashaka of the Narayaneeyam tells of several episodes from Krishna's life at Dvaraka. Krishna lovingly cherishes Satyabhama and attends Draupadi's wedding; at his word, Arjuna, disguised as an ascetic, carries off Krishna's sister Subhadra; Krishna slays the demon Narakasura, brings the parijata tree to Satyabhama's garden, and marries the sixteen thousand princesses Naraka had held captive, taking a separate form in each of their homes.
రచయిత: Melpathur Narayana Bhattathiri (1560 to 1646)
ఎప్పుడు పఠించాలి: In daily Narayaneeyam parayana, at Guruvayur, and around Naraka Chaturdashi.
మీకు తెలుసా?
- Krishna's victory over Narakasura is celebrated as Naraka Chaturdashi, the day before Diwali.
- The sage Narada visits the palaces and is amazed to find Krishna present in every one of them at once.
తరచుగా అడిగే ప్రశ్నలు
Which demon does Krishna slay in this dashaka?
Narakasura.
Who carries off Subhadra?
Arjuna, disguised as an ascetic, at Krishna's word.
What does Narada see?
Krishna present in every palace of his queens at once.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు