నారాయణీయం దశక 89 - వృకాసురవధం - భృగుపరీక్షణం
Vishnu · సాంప్రదాయ భక్తి గ్రంథం
రమాజానే జానే యదిహ తవ భక్తేషు విభవో న సద్యస్సంపద్యస్తదిహ మదకృత్త్వాదశమినామ్ । ప్రశాంతిం కృత్వైవ ప్రదిశసి తతః కామమఖిలం ప్రశాంతేషు క్షిప్రం న ఖలు భవదీయే చ్యుతికథా ॥1॥
సద్యః ప్రసాదరుషితాన్ విధిశంకరాదీన్ కేచిద్విభో నిజగుణానుగుణం భజంతః । భ్రష్టా భవంతి బత కష్టమదీర్ఘదృష్ట్యా స్పష్టం వృకాసుర ఉదాహరణం కిలాస్మిన్ ॥2॥
శకునిజః స తు నారదమేకదా త్వరితతోషమపృచ్ఛదధీశ్వరమ్ । స చ దిదేశ గిరీశముపాసితుం న తు భవంతమబంధుమసాధుషు ॥3॥
తపస్తప్త్వా ఘోరం స ఖలు కుపితః సప్తమదినే శిరః ఛిత్వా సద్యః పురహరముపస్థాప్య పురతః । అతిక్షుద్రం రౌద్రం శిరసి కరదానేన నిధనం జగన్నాథాద్వవ్రే భవతి విముఖానాం క్వ శుభధీః ॥4॥
మోక్తారం బంధముక్తో హరిణపతిరివ ప్రాద్రవత్సోఽథ రుద్రం దైత్యాత్ భీత్యా స్మ దేవో దిశి దిశి వలతే పృష్ఠతో దత్తదృష్టిః । తూష్ణీకే సర్వలోకే తవ పదమధిరోక్ష్యంతముద్వీక్ష్య శర్వం దూరాదేవాగ్రతస్త్వం పటువటువపుషా తస్థిషే దానవాయ ॥5॥
భద్రం తే శాకునేయ భ్రమసి కిమధునా త్వం పిశాచస్య వాచా సందేహశ్చేన్మదుక్తౌ తవ కిము న కరోష్యంగులీమంగమౌలౌ । ఇత్థం త్వద్వాక్యమూఢః శిరసి కృతకరః సోఽపతచ్ఛిన్నపాతం భ్రంశో హ్యేవం పరోపాసితురపి చ గతిః శూలినోఽపి త్వమేవ ॥6॥
భృగుం కిల సరస్వతీనికటవాసినస్తాపసా- స్త్రిమూర్తిషు సమాదిశన్నధికసత్త్వతాం వేదితుమ్ । అయం పునరనాదరాదుదితరుద్ధరోషే విధౌ హరేఽపి చ జిహింసిషౌ గిరిజయా ధృతే త్వామగాత్ ॥7॥
సుప్తం రమాంకభువి పంకజలోచనం త్వాం విప్రే వినిఘ్నతి పదేన ముదోత్థితస్త్వమ్ । సర్వం క్షమస్వ మునివర్య భవేత్ సదా మే త్వత్పాదచిన్హమిహ భూషణమిత్యవాదీః ॥8॥
నిశ్చిత్య తే చ సుదృఢం త్వయి బద్ధభావాః సారస్వతా మునివరా దధిరే విమోక్షమ్ । త్వామేవమచ్యుత పునశ్చ్యుతిదోషహీనం సత్త్వోచ్చయైకతనుమేవ వయం భజామః ॥9॥
జగత్సృష్ట్యాదౌ త్వాం నిగమనివహైర్వందిభిరివ స్తుతం విష్ణో సచ్చిత్పరమరసనిర్ద్వైతవపుషమ్ । పరాత్మానం భూమన్ పశుపవనితాభాగ్యనివహం పరితాపశ్రాంత్యై పవనపురవాసిన్ పరిభజే ॥10॥
నారాయణీయం దశక 89 - వృకాసురవధం - భృగుపరీక్షణం గురించి
The eighty-ninth dashaka of the Narayaneeyam reflects on why devotees of Vishnu are not given riches at once. Bhattathiri says that the Lord first gives peace and only then fulfils every wish, since sudden wealth would make his devotees proud; some who worship Brahma or Shiva for quick boons fall into trouble. He tells of the demon Vrika, who won from Shiva the power to burn anyone by touching their head and then chased Shiva himself, until Vishnu tricked him into touching his own head; and of the sage Bhrigu, who tested the three gods and found Vishnu the greatest, since he bore even a kick on his chest with gentleness. It ends praising the Lord as the supreme, the good fortune of the cowherd women.
రచయిత: Melpathur Narayana Bhattathiri (1560 to 1646)
ఎప్పుడు పఠించాలి: In daily Narayaneeyam parayana and at Guruvayur.
మీకు తెలుసా?
- Vrikasura is also known as Bhasmasura in popular retellings.
- The mark of Bhrigu's foot on Vishnu's chest, the Srivatsa, is honoured as a sign of the Lord's patience.
తరచుగా అడిగే ప్రశ్నలు
Why does the Lord not give sudden wealth?
Because it would make his devotees proud.
Which god did Bhrigu find the greatest?
Vishnu, who bore his kick with gentleness.
Who wrote the Narayaneeyam?
Melpathur Narayana Bhattathiri, in 1586.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు