MuhurtaNow

నారాయణీయం దశక 8 - ప్రలయవర్ణనం

Vishnu · సాంప్రదాయ భక్తి గ్రంథం

एवं तावत् प्राकृतप्रक्षयांते ब्राह्मे कल्पे ह्यादिमे लब्धजन्मा । ब्रह्मा भूयस्त्वत्त एवाप्य वेदान् सृष्टिं चक्रे पूर्वकल्पोपमानाम् ॥1॥

सोऽयं चतुर्युगसहस्रमितान्यहानि तावन्मिताश्च रजनीर्बहुशो निनाय । निद्रात्यसौ त्वयि निलीय समं स्वसृष्टै- र्नैमित्तिकप्रलयमाहुरतोऽस्य रात्रिम् ॥2॥

अस्मादृशां पुनरहर्मुखकृत्यतुल्यां सृष्टिं करोत्यनुदिनं स भवत्प्रसादात् । प्राग्ब्राह्मकल्पजनुषां च परायुषां तु सुप्तप्रबोधनसमास्ति तदाऽपि सृष्टिः ॥3॥

पंचाशदब्दमधुना स्ववयोर्धरूप- मेकं परार्धमतिवृत्य हि वर्ततेऽसौ । तत्रांत्यरात्रिजनितान् कथयामि भूमन् पश्चाद्दिनावतरणे च भवद्विलासान् ॥4॥

दिनावसानेऽथ सरोजयोनिः सुषुप्तिकामस्त्वयि सन्निलिल्ये । जगंति च त्वज्जठरं समीयु- स्तदेदमेकार्णवमास विश्वम् ॥5॥

तवैव वेषे फणिराजि शेषे जलैकशेषे भुवने स्म शेषे । आनंदसांद्रानुभवस्वरूपः स्वयोगनिद्रापरिमुद्रितात्मा ॥6॥

कालाख्यशक्तिं प्रलयावसाने प्रबोधयेत्यादिशता किलादौ । त्वया प्रसुप्तं परिसुप्तशक्ति- व्रजेन तत्राखिलजीवधाम्ना ॥7॥

चतुर्युगाणां च सहस्रमेवं त्वयि प्रसुप्ते पुनरद्वितीये । कालाख्यशक्तिः प्रथमप्रबुद्धा प्राबोधयत्त्वां किल विश्वनाथ ॥8॥

विबुध्य च त्वं जलगर्भशायिन् विलोक्य लोकानखिलान् प्रलीनान् । तेष्वेव सूक्ष्मात्मतया निजांतः - स्थितेषु विश्वेषु ददाथ दृष्टिम् ॥9॥

ततस्त्वदीयादयि नाभिरंध्रा- दुदंचितं किंचन दिव्यपद्मम् । निलीननिश्शेषपदार्थमाला- संक्षेपरूपं मुकुलायमानम् ॥10॥

तदेतदंभोरुहकुड्मलं ते कलेवरात् तोयपथे प्ररूढम् । बहिर्निरीतं परितः स्फुरद्भिः स्वधामभिर्ध्वांतमलं न्यकृंतत् ॥11॥

संफुल्लपत्रे नितरां विचित्रे तस्मिन् भवद्वीर्यधृते सरोजे । स पद्मजन्मा विधिराविरासीत् स्वयंप्रबुद्धाखिलवेदराशिः ॥12॥

अस्मिन् परात्मन् ननु पाद्मकल्पे त्वमित्थमुत्थापितपद्मयोनिः । अनंतभूमा मम रोगराशिं निरुंधि वातालयवास विष्णो ॥13॥

నారాయణీయం దశక 8 - ప్రలయవర్ణనం గురించి

The eighth dashaka of the Narayaneeyam describes the dissolution (pralaya) at the end of Brahma's day and the creation that follows. As Brahma's day ends, the three worlds are drowned in the waters of dissolution and the Lord rests on the serpent Shesha in yogic sleep through Brahma's night, holding all beings within him. When that night ends, he wakes, and from his navel springs a lotus, shining like a thousand suns, on which Brahma appears. So begins the Padma kalpa, the age of the lotus.

రచయిత: Melpathur Narayana Bhattathiri (1560 to 1646)

ఎప్పుడు పఠించాలి: In daily Narayaneeyam parayana and at Guruvayur.

మీకు తెలుసా?

  • A day of Brahma, a kalpa, is traditionally reckoned as a thousand cycles of the four yugas.
  • The Lord as Padmanabha, with the lotus rising from his navel, is the form worshipped at Thiruvananthapuram.

తరచుగా అడిగే ప్రశ్నలు

Where does the Lord rest during pralaya?

On the serpent Shesha, in yogic sleep.

What is the Padma kalpa?

The age that begins with Brahma on the lotus from the Lord's navel.

Who wrote the Narayaneeyam?

Melpathur Narayana Bhattathiri, in 1586.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.