MuhurtaNow

నారాయణీయం దశక 94 - తత్త్వజ్ఞానోత్పత్తిః

Vishnu · సాంప్రదాయ భక్తి గ్రంథం

శుద్ధా నిష్కామధర్మైః ప్రవరగురుగిరా తత్స్వరూపం పరం తే శుద్ధం దేహేంద్రియాదివ్యపగతమఖిలవ్యాప్తమావేదయంతే । నానాత్వస్థౌల్యకార్శ్యాది తు గుణజవపుస్సంగతోఽధ్యాసితం తే వహ్నేర్దారుప్రభేదేష్వివ మహదణుతాదీప్తతాశాంతతాది ॥1॥

ఆచార్యాఖ్యాధరస్థారణిసమనుమిలచ్ఛిష్యరూపోత్తరార- ణ్యావేధోద్భాసితేన స్ఫుటతరపరిబోధాగ్నినా దహ్యమానే । కర్మాలీవాసనాతత్కృతతనుభువనభ్రాంతికాంతారపూరే దాహ్యాభావేన విద్యాశిఖిని చ విరతే త్వన్మయీ ఖల్వవస్థా ॥2॥

ఏవం త్వత్ప్రాప్తితోఽన్యో నహి ఖలు నిఖిలక్లేశహానేరుపాయో నైకాంతాత్యంతికాస్తే కృషివదగదషాడ్గుణ్యషట్కర్మయోగాః । దుర్వైకల్యైరకల్యా అపి నిగమపథాస్తత్ఫలాన్యప్యవాప్తా మత్తాస్త్వాం విస్మరంతః ప్రసజతి పతనే యాంత్యనంతాన్ విషాదాన్॥3॥

త్వల్లోకాదన్యలోకః క్వను భయరహితో యత్ పరార్ధద్వయాంతే త్వద్భీతస్సత్యలోకేఽపి న సుఖవసతిః పద్మభూః పద్మనాభ । ఏవం భావే త్వధర్మార్జితబహుతమసాం కా కథా నారకాణాం తన్మే త్వం ఛింధి బంధం వరద్ కృపణబంధో కృపాపూరసింధో ॥4॥

యాథార్థ్యాత్త్వన్మయస్యైవ హి మమ న విభో వస్తుతో బంధమోక్షౌ మాయావిద్యాతనుభ్యాం తవ తు విరచితౌ స్వప్నబోధోపమౌ తౌ । బద్ధే జీవద్విముక్తిం గతవతి చ భిదా తావతీ తావదేకో భుంక్తే దేహద్రుమస్థో విషయఫలరసాన్నాపరో నిర్వ్యథాత్మా ॥5॥

జీవన్ముక్తత్వమేవంవిధమితి వచసా కిం ఫలం దూరదూరే తన్నామాశుద్ధబుద్ధేర్న చ లఘు మనసశ్శోధనం భక్తితోఽన్యత్ । తన్మే విష్ణో కృషీష్ఠాస్త్వయి కృతసకలప్రార్పణం భక్తిభారం యేన స్యాం మంక్షు కించిద్ గురువచనమిలత్త్వత్ప్రబోధస్త్వదాత్మా ॥6॥

శబ్ద్బ్రహ్మణ్యపీహ ప్రయతితమనసస్త్వాం న జానంతి కేచిత్ కష్టం వంధ్యశ్రమాస్తే చిరతరమిహ గాం బిభ్రతే నిష్ప్రసూతిమ్ । యస్యాం విశ్వాభిరామాస్సకలమలహరా దివ్యలీలావతారాః సచ్చిత్సాంద్రం చ రూపం తవ న నిగదితం తాం న వాచం భ్రియాసమ్ ॥7॥

యో యావాన్ యాదృశో వా త్వమితి కిమపి నైవావగచ్ఛామి భూం- న్నేవంచానన్యభావస్త్వదనుభజనమేవాద్రియే చైద్యవైరిన్ । త్వల్లింగానాం త్వదంఘ్రిప్రియజనసదసాం దర్శనస్పర్శనాది- ర్భూయాన్మే త్వత్ప్రపూజానతినుతిగుణకర్మానుకీర్త్యాదరోఽపి ॥8॥

యద్యల్లభ్యేత తత్తత్తవ సముపహృతం దేవ దాసోఽస్మి తేఽహం త్వద్గేహోన్మార్జనాద్యం భవతు మమ ముహుః కర్మ నిర్మాయమేవ । సూర్యాగ్నిబ్రాహ్మణాత్మాదిషు లసితచతుర్బాహుమారాధయే త్వాం త్వత్ప్రేమార్ద్రత్వరూపో మమ సతతమభిష్యందతాం భక్తియోగః ॥9॥

ఐక్యం తే దానహోమవ్రతనియమతపస్సాంఖ్యయోగైర్దురాపం త్వత్సంగేనైవ గోప్యః కిల సుకృతితమా ప్రాపురానందసాంద్రమ్ । భక్తేష్వన్యేషు భూయస్స్వపి బహుమనుషే భక్తిమేవ త్వమాసాం తన్మే త్వద్భక్తిమేవ ద్రఢయ హర గదాన్ కృష్ణ వాతాలయేశ ॥10॥

నారాయణీయం దశక 94 - తత్త్వజ్ఞానోత్పత్తిః గురించి

The ninety-fourth dashaka of the Narayaneeyam is on the path of knowledge, drawn from Krishna's teaching to Uddhava. Purified by selfless action and guided by a great teacher, seekers come to know the Lord's true nature, pure, beyond body and senses, and pervading all. Bhattathiri uses the image of fire-sticks: the teacher is the lower stick and the disciple the upper one, and the friction of teaching kindles the fire of clear knowledge that burns away ignorance. He notes that the oneness with the Lord, so hard to reach through gifts, sacrifices, vows, austerity and yoga, was won by the gopis simply through their love for him.

రచయిత: Melpathur Narayana Bhattathiri (1560 to 1646)

ఎప్పుడు పఠించాలి: In daily Narayaneeyam parayana and at Guruvayur.

మీకు తెలుసా?

  • The image of teacher and disciple as the two fire-sticks (arani) comes from the Bhagavatam, book 11.
  • The dashaka joins the paths of knowledge and devotion, praising the gopis' love as the easiest way.

తరచుగా అడిగే ప్రశ్నలు

What are the teacher and disciple compared to?

The two fire-sticks that kindle the fire of knowledge.

How did the gopis reach oneness with the Lord?

Simply through their love for him.

Who wrote the Narayaneeyam?

Melpathur Narayana Bhattathiri, in 1586.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.