శ్రీ మధ్వాచార్య కృత ద్వాదశ స్తోత్ర - అష్టమస్తోత్రం
Vishnu · సాంప్రదాయ భక్తి గ్రంథం
अथ अष्टमस्तोत्रम्
वंदिताशेषवंद्योरुवृंदारकं चंदनाचर्चितोदारपीनांसकम् । इंदिराचंचलापांगनीराजितं मंदरोद्धारिवृत्तोद्भुजाभोगिनम् । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 1॥
सृष्टिसंहारलीलाविलासाततं पुष्टषाड्गुण्यसद्विग्रहोल्लासिनम् । दुष्टनिःशेषसंहारकर्मोद्यतं हृष्टपुष्टातिशिष्ट (अनुशिष्ट) प्रजासंश्रयम् । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 2॥
उन्नतप्रार्थिताशेषसंसाधकं सन्नतालौकिकानंददश्रीपदम् । भिन्नकर्माशयप्राणिसंप्रेरकं तन्न किं नेति विद्वत्सु मीमांसितम् । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 3॥
विप्रमुख्यैः सदा वेदवादोन्मुखैः सुप्रतापैः क्षितीशेश्वरैश्चार्च्चितम् । अप्रतर्क्योरुसंविद्गुणं निर्मलं सप्रकाशाजरानंदरूपं परम् । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 4॥
अत्ययो यस्य (येन) केनापि न क्वापि हि प्रत्ययो यद्गुणेषूत्तमानां परः । सत्यसंकल्प एको वरेण्यो वशी मत्यनूनैः सदा वेदवादोदितः । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 5॥
पश्यतां दुःखसंताननिर्मूलनं दृश्यतां दृश्यतामित्यजेशार्चितम् । नश्यतां दूरगं सर्वदाप्याऽत्मगं वश्यतां स्वेच्छया सज्जनेष्वागतम् । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 6॥
अग्रजं यः ससर्जाजमग्र्याकृतिं विग्रहो यस्य सर्वे गुणा एव हि । उग्र आद्योऽपि यस्यात्मजाग्र्यात्मजः सद्गृहीतः सदा यः परं दैवतम् । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 7॥
अच्युतो यो गुणैर्नित्यमेवाखिलैः प्रच्युतोऽशेषदोषैः सदा पूर्तितः । उच्यते सर्ववेदोरुवादैरजः स्वर्चितो ब्रह्मरुद्रेंद्रपूर्वैः सदा । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 8॥
धार्यते येन विश्वं सदाजादिकं वार्यतेऽशेषदुःखं निजध्यायिनाम् । पार्यते सर्वमन्यैर्नयत्पार्यते कार्यते चाखिलं सर्वभूतैः सदा । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 9॥
सर्वपापानियत्संस्मृतेः संक्षयं सर्वदा यांति भक्त्या विशुद्धात्मनाम् । शर्वगुर्वादिगीर्वाण संस्थानदः कुर्वते कर्म यत्प्रीतये सज्जनाः । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 10॥
अक्षयं कर्म यस्मिन् परे स्वर्पितं प्रक्षयं यांति दुःखानि यन्नामतः । अक्षरो योऽजरः सर्वदैवामृतः कुक्षिगं यस्य विश्वं सदाऽजादिकम् । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 11॥
नंदितीर्थोरुसन्नामिनो नंदिनः संदधानाः सदानंददेवे मतिम् । मंदहासारुणा पांगदत्तोन्नतिं वंदिताशेषदेवादिवृंदं सदा । प्रीणयामो वासुदेवं देवतामंडलाखंडमंडनं प्रीणयामो वासुदेवम् ॥ 12॥
इति श्रीमदानंदतीर्थभगवत्पादाचार्य विरचितं द्वादशस्तोत्रेषु अष्टमस्तोत्रं संपूर्णम्
శ్రీ మధ్వాచార్య కృత ద్వాదశ స్తోత్ర - అష్టమస్తోత్రం గురించి
This is the eighth of Sri Madhvacharya's twelve Dwadasha Stotras, a hymn in a lively, dancing metre to Lord Vishnu. It begins "Vanditashesha vandyoru vrindarakam": the one saluted by all the great gods who are themselves worthy of salutation, his broad, strong shoulders anointed with sandal, honoured by the restless side-glances of Indira (Lakshmi), the one who lifted the Mandara mountain; and continues in the same rhythm to praise his beauty and deeds.
రచయిత: Sri Madhvacharya, as its colophon states
ఎప్పుడు పఠించాలి: In Madhva worship and daily recitation, at Udupi, and on Madhva Navami.
మీకు తెలుసా?
- Its colophon names Anandatirtha (Madhvacharya) as its author.
- The Mandara mountain recalls the churning of the ocean, when Vishnu as Kurma held it up on his back.
- The Dwadasha Stotras are sung daily in the worship of Krishna at Udupi.
తరచుగా అడిగే ప్రశ్నలు
Who wrote this stotra?
Sri Madhvacharya, as its colophon states.
What does "Mandaroddhara" recall?
Vishnu lifting the Mandara mountain at the churning of the ocean.
Where are the Dwadasha Stotras sung daily?
In the worship of Krishna at Udupi.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు