శ్రీ రామ భుజంగ ప్రయాత స్తోత్రం
Vishnu · సాంప్రదాయ భక్తి గ్రంథం
विशुद्धं परं सच्चिदानंदरूपं गुणाधारमाधारहीनं वरेण्यम् । महांतं विभांतं गुहांतं गुणांतं सुखांतं स्वयं धाम रामं प्रपद्ये ॥ 1 ॥
शिवं नित्यमेकं विभुं तारकाख्यं सुखाकारमाकारशून्यं सुमान्यम् । महेशं कलेशं सुरेशं परेशं नरेशं निरीशं महीशं प्रपद्ये ॥ 2 ॥
यदावर्णयत्कर्णमूलेऽंतकाले शिवो राम रामेति रामेति काश्याम् । तदेकं परं तारकब्रह्मरूपं भजेऽहं भजेऽहं भजेऽहं भजेऽहम् ॥ 3 ॥
महारत्नपीठे शुभे कल्पमूले सुखासीनमादित्यकोटिप्रकाशम् । सदा जानकीलक्ष्मणोपेतमेकं सदा रामचंद्रं भजेऽहं भजेऽहम् ॥ 4 ॥
क्वणद्रत्नमंजीरपादारविंदं लसन्मेखलाचारुपीतांबराढ्यम् । महारत्नहारोल्लसत्कौस्तुभांगं नदच्चंचरीमंजरीलोलमालम् ॥ 5 ॥
लसच्चंद्रिकास्मेरशोणाधराभं समुद्यत्पतंगेंदुकोटिप्रकाशम् । नमद्ब्रह्मरुद्रादिकोटीररत्न स्फुरत्कांतिनीराजनाराधितांघ्रिम् ॥ 6 ॥
पुरः प्रांजलीनांजनेयादिभक्तान् स्वचिन्मुद्रया भद्रया बोधयंतम् । भजेऽहं भजेऽहं सदा रामचंद्रं त्वदन्यं न मन्ये न मन्ये न मन्ये ॥ 7 ॥
यदा मत्समीपं कृतांतः समेत्य प्रचंडप्रकोपैर्भटैर्भीषयेन्माम् । तदाविष्करोषि त्वदीयं स्वरूपं सदापत्प्रणाशं सकोदंडबाणम् ॥ 8 ॥
निजे मानसे मंदिरे सन्निधेहि प्रसीद प्रसीद प्रभो रामचंद्र । ससौमित्रिणा कैकयीनंदनेन स्वशक्त्यानुभक्त्या च संसेव्यमान ॥ 9 ॥
स्वभक्ताग्रगण्यैः कपीशैर्महीशै- -रनीकैरनेकैश्च राम प्रसीद । नमस्ते नमोऽस्त्वीश राम प्रसीद प्रशाधि प्रशाधि प्रकाशं प्रभो माम् ॥ 10 ॥
त्वमेवासि दैवं परं मे यदेकं सुचैतन्यमेतत्त्वदन्यं न मन्ये । यतोऽभूदमेयं वियद्वायुतेजो जलोर्व्यादिकार्यं चरं चाचरं च ॥ 11 ॥
नमः सच्चिदानंदरूपाय तस्मै नमो देवदेवाय रामाय तुभ्यम् । नमो जानकीजीवितेशाय तुभ्यं नमः पुंडरीकायताक्षाय तुभ्यम् ॥ 12 ॥
नमो भक्तियुक्तानुरक्ताय तुभ्यं नमः पुण्यपुंजैकलभ्याय तुभ्यम् । नमो वेदवेद्याय चाद्याय पुंसे नमः सुंदरायेंदिरावल्लभाय ॥ 13 ॥
नमो विश्वकर्त्रे नमो विश्वहर्त्रे नमो विश्वभोक्त्रे नमो विश्वमात्रे । नमो विश्वनेत्रे नमो विश्वजेत्रे नमो विश्वपित्रे नमो विश्वमात्रे ॥ 14 ॥
नमस्ते नमस्ते समस्तप्रपंच- -प्रभोगप्रयोगप्रमाणप्रवीण । मदीयं मनस्त्वत्पदद्वंद्वसेवां विधातुं प्रवृत्तं सुचैतन्यसिद्ध्यै ॥ 15 ॥
शिलापि त्वदंघ्रिक्षमासंगिरेणु प्रसादाद्धि चैतन्यमाधत्त राम । नरस्त्वत्पदद्वंद्वसेवाविधाना- -त्सुचैतन्यमेतीति किं चित्रमत्र ॥ 16 ॥
पवित्रं चरित्रं विचित्रं त्वदीयं नरा ये स्मरंत्यन्वहं रामचंद्र । भवंतं भवांतं भरंतं भजंतो लभंते कृतांतं न पश्यंत्यतोऽंते ॥ 17 ॥
स पुण्यः स गण्यः शरण्यो ममायं नरो वेद यो देवचूडामणिं त्वाम् । सदाकारमेकं चिदानंदरूपं मनोवागगम्यं परं धाम राम ॥ 18 ॥
प्रचंडप्रतापप्रभावाभिभूत- -प्रभूतारिवीर प्रभो रामचंद्र । बलं ते कथं वर्ण्यतेऽतीव बाल्ये यतोऽखंडि चंडीशकोदंडदंडम् ॥ 19 ॥
दशग्रीवमुग्रं सपुत्रं समित्रं सरिद्दुर्गमध्यस्थरक्षोगणेशम् । भवंतं विना राम वीरो नरो वा सुरो वाऽमरो वा जयेत्कस्त्रिलोक्याम् ॥ 20 ॥
सदा राम रामेति रामामृतं ते सदाराममानंदनिष्यंदकंदम् । पिबंतं नमंतं सुदंतं हसंतं हनूमंतमंतर्भजे तं नितांतम् ॥ 21 ॥
सदा राम रामेति रामामृतं ते सदाराममानंदनिष्यंदकंदम् । पिबन्नन्वहं नन्वहं नैव मृत्यो- -र्बिभेमि प्रसादादसादात्तवैव ॥ 22 ॥
असीतासमेतैरकोदंडभूषै- -रसौमित्रिवंद्यैरचंडप्रतापैः । अलंकेशकालैरसुग्रीवमित्रै- -ररामाभिधेयैरलं दैवतैर्नः ॥ 23 ॥
अवीरासनस्थैरचिन्मुद्रिकाढ्यै- -रभक्तांजनेयादितत्त्वप्रकाशैः । अमंदारमूलैरमंदारमालै- -ररामाभिधेयैरलं दैवतैर्नः ॥ 24 ॥
असिंधुप्रकोपैरवंद्यप्रतापै- -रबंधुप्रयाणैरमंदस्मिताढ्यैः । अदंडप्रवासैरखंडप्रबोधै- -ररामाभिधेयैरलं दैवतैर्नः ॥ 25 ॥
हरे राम सीतापते रावणारे खरारे मुरारेऽसुरारे परेति । लपंतं नयंतं सदाकालमेवं समालोकयालोकयाशेषबंधो ॥ 26 ॥
नमस्ते सुमित्रासुपुत्राभिवंद्य नमस्ते सदा कैकयीनंदनेड्य । नमस्ते सदा वानराधीशवंद्य नमस्ते नमस्ते सदा रामचंद्र ॥ 27 ॥
प्रसीद प्रसीद प्रचंडप्रताप प्रसीद प्रसीद प्रचंडारिकाल । प्रसीद प्रसीद प्रपन्नानुकंपिन् प्रसीद प्रसीद प्रभो रामचंद्र ॥ 28 ॥
भुजंगप्रयातं परं वेदसारं मुदा रामचंद्रस्य भक्त्या च नित्यम् । पठन्संततं चिंतयन्स्वांतरंगे स एव स्वयं रामचंद्रः स धन्यः ॥ 29 ॥
इति श्रीमच्छंकराचार्य कृतं श्री राम भुजंगप्रयात स्तोत्रम् ।
శ్రీ రామ భుజంగ ప్రయాత స్తోత్రం గురించి
The Sri Rama Bhujanga Prayata Stotram is a hymn to Lord Rama in the flowing bhujanga prayata metre, traditionally attributed to Adi Shankaracharya. It opens: I take refuge in Rama, pure, supreme, of the form of being, awareness and bliss, the support of all qualities yet himself without support, the most worthy, great and radiant, hidden in the cave of the heart, beyond the qualities, the end of all joy, the light of his own being. It goes on to praise Rama as Shiva, eternal and one, the all-pervading Taraka, the saving name, of the form of happiness and yet beyond form, and then tells his story with deep devotion.
రచయిత: Traditionally attributed to Adi Shankaracharya
ఎప్పుడు పఠించాలి: On Sri Rama Navami, in Rama bhajans, and in daily Rama worship.
మీకు తెలుసా?
- The hymn joins Advaita teaching with devotion, seeing Rama as both the formless Brahman and the beloved Lord.
- "Taraka", the saving one, refers to the Rama name as the mantra that carries one across.
తరచుగా అడిగే ప్రశ్నలు
In what metre is it written?
Bhujanga prayata, the "serpent's movement" metre.
Who is it attributed to?
Traditionally to Adi Shankaracharya.
How does the first verse describe Rama?
As pure being, awareness and bliss, hidden in the heart.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు