শিব কবচম্
Shiva · প্রথাগত ভক্তিপাঠ
অথ শিবকচম্ অস্য় শ্রী শিবকবচ স্তোত্র মহামংত্রস্য় । ঋষভ-য়োগীশ্বর ঋষিঃ । অনুষ্টুপ্ ছংদঃ । শ্রী-সাংবসদাশিবো দেবতা । ওং বীজম্ । নমঃ শক্তিঃ । শিবায়েতি কীলকম্ । সাংবসদাশিবপ্রীত্যর্থে জপে বিনিয়োগঃ ॥
করন্য়াসঃ ওং সদাশিবায় অংগুষ্ঠাভ্য়াং নমঃ । নং গংগাধরায় তর্জনীভ্য়াং নমঃ । মং মৃত্য়ুংজয়ায় মধ্যমাভ্য়াং নমঃ । শিং শূলপাণয়ে অনামিকাভ্য়াং নমঃ । বাং পিনাকপাণয়ে কনিষ্ঠিকাভ্য়াং নমঃ । যং উমাপতয়ে করতলকরপৃষ্ঠাভ্য়াং নমঃ ।
হৃদয়াদি অংগন্য়াসঃ ওং সদাশিবায় হৃদয়ায় নমঃ । নং গংগাধরায় শিরসে স্বাহা । মং মৃত্য়ুংজয়ায় শিখায়ৈ বষট্ । শিং শূলপাণয়ে কবচায় হুম্ । বাং পিনাকপাণয়ে নেত্রত্রয়ায় বৌষট্ । যং উমাপতয়ে অস্ত্রায় ফট্ । ভূর্ভুবস্সুবরোমিতি দিগ্বংধঃ ॥
ধ্য়ানম্ বজ্রদংষ্ট্রং ত্রিনযনং কালকংঠ মরিংদমম্ । সহস্রকর-মত্য়ুগ্রং বংদে শংভুং উমাপতিম্ ॥ রুদ্রাক্ষ-কংকণ-লসত্কর-দংডয়ুগ্মঃ পালাংতরা-লসিত-ভস্মধৃত-ত্রিপুংড্রঃ । পংচাক্ষরং পরিপঠন্ বরমংত্ররাজং ধ্য়াযন্ সদা পশুপতিং শরণং ব্রজেথাঃ ॥
অতঃ পরং সর্বপুরাণ-গুহ্য়ং নিঃশেষ-পাপৌঘহরং পবিত্রম্ । জযপ্রদং সর্ব-বিপত্প্রমোচনং বক্ষ্য়ামি শৈবং কবচং হিতায় তে ॥
পংচপূজা লং পৃথিব্য়াত্মনে গংধং সমর্পয়ামি । হং আকাশাত্মনে পুষ্পৈঃ পূজয়ামি । যং বায়্বাত্মনে ধূপং আঘ্রাপয়ামি । রং অগ্ন্য়াত্মনে দীপং দর্শয়ামি । বং অমৃতাত্মনে অমৃতং মহা-নৈবেদ্য়ং নিবেদয়ামি । সং সর্বাত্মনে সর্বোপচার-পূজাং সমর্পয়ামি ॥
মংত্রঃ
ঋষভ উবাচ
নমস্কৃত্য় মহাদেবং বিশ্ব-ব্য়াপিন-মীশ্বরম্ । বক্ষ্য়ে শিবময়ং বর্ম সর্বরক্ষাকরং নৃণাম্ ॥ 1
শুচৌ দেশে সমাসীনো যথাবত্কল্পিতাসনঃ । জিতেংদ্রিয়ো জিতপ্রাণ-শ্চিংতয়েচ্ছিবমব্যযম্ ॥ 2 ॥
হৃত্পুংডরীকাংতরসন্নিবিষ্টং স্বতেজসা ব্য়াপ্ত-নভোঽবকাশম্ । অতীংদ্রিয়ং সূক্ষ্মমনংতমাদ্য়ং ধ্য়ায়েত্পরানংদময়ং মহেশম্ ॥ 3 ॥
ধ্য়ানাবধূতাখিলকর্মবংধ- -শ্চিরং চিদানংদনিমগ্নচেতাঃ । ষডক্ষরন্য়াসসমাহিতাত্মা শৈবেন কুর্য়াত্কবচেন রক্ষাম্ ॥ 4 ॥
মাং পাতু দেবোঽখিলদেবতাত্মা সংসারকূপে পতিতং গভীরে । তন্নাম দিব্য়ং বরমংত্রমূলং ধুনোতু মে সর্বমঘং হৃদিস্থম্ ॥ 5 ॥
সর্বত্র মাং রক্ষতু বিশ্বমূর্তি- -র্জ্য়োতি-র্ময়ানংদঘনশ্চিদাত্মা । অণোরণীয়ানুরুশক্তিরেকঃ স ঈশ্বরঃ পাতু ভয়াদশেষাত্ ॥ 6 ॥
যো ভূস্বরূপেণ বিভর্তি বিশ্বং পায়াত্স ভূমের্গিরিশোঽষ্টমূর্তিঃ । যোঽপাং স্বরূপেণ নৃণাং করোতি সংজীবনং সোঽবতু মাং জলেভ্য়ঃ ॥ 7 ॥
কল্পাবসানে ভুবনানি দগ্ধ্বা সর্বাণি যো নৃত্যতি ভূরিলীলঃ । স কালরুদ্রোঽবতু মাং দবাগ্নে- -র্বাত্য়াদিভীতে-রখিলাচ্চ তাপাত্ ॥ 8 ॥
প্রদীপ্ত-বিদ্য়ুত্কনকাবভাসো বিদ্য়াবরাভীতি-কুঠারপাণিঃ । চতুর্মুখস্তত্পুরুষস্ত্রিনেত্রঃ প্রাচ্য়াং স্থিতো রক্ষতু মামজস্রম্ ॥ 9 ॥
কুঠার খেটাংকুশপাশশূল কপালপাশাক্ষ গুণাংদধানঃ । চতুর্মুখো নীল-রুচিস্ত্রিনেত্রঃ পায়াদঘোরো দিশি দক্ষিণস্য়াম্ ॥ 10 ॥
কুংদেংদু-শংখ-স্ফটিকাবভাসো বেদাক্ষমালা-বরদাভয়াংকঃ । ত্র্যক্ষশ্চতুর্বক্ত্র উরুপ্রভাবঃ সদ্য়োঽধিজাতোঽবতু মাং প্রতীচ্য়াম্ ॥ 11 ॥
বরাক্ষ-মালাভযটংক-হস্তঃ সরোজ-কিংজল্কসমানবর্ণঃ । ত্রিলোচন-শ্চারুচতুর্মুখো মাং পায়াদুদীচ্য়াং দিশি বামদেবঃ ॥ 12 ॥
বেদাভয়েষ্টাংকুশটংকপাশ- -কপালঢক্কাক্ষর-শূলপাণিঃ । সিতদ্য়ুতিঃ পংচমুখোঽবতান্মা- -মীশান ঊর্ধ্বং পরমপ্রকাশঃ ॥ 13 ॥
মূর্ধানমব্য়ান্মম চংদ্রমৌলিঃ ফালং মমাব্য়াদথ ফালনেত্রঃ । নেত্রে মমাব্য়াদ্ভগনেত্রহারী নাসাং সদা রক্ষতু বিশ্বনাথঃ ॥ 14 ॥
পায়াচ্ছ্রুতী মে শ্রুতিগীতকীর্তিঃ কপোলমব্য়াত্সততং কপালী । বক্ত্রং সদা রক্ষতু পংচবক্ত্রো জিহ্বাং সদা রক্ষতু বেদজিহ্বঃ ॥ 15 ॥
কংঠং গিরীশোঽবতু নীলকংঠঃ পাণিদ্বয়ং পাতু পিনাকপাণিঃ । দোর্মূলমব্য়ান্মম ধর্মবাহুঃ বক্ষঃস্থলং দক্ষমখাংতকোঽব্য়াত্ ॥ 16 ॥
মমোদরং পাতু গিরীংদ্রধন্বা মধ্য়ং মমাব্য়ান্মদনাংতকারী । হেরংবতাতো মম পাতু নাভিং পায়াত্কটিং ধূর্জটিরীশ্বরো মে ॥ 17 ॥ [স্মরারি-রব্য়ান্মম গুহ্যদেশম্ পৃষ্টং সদা রক্ষতু পার্বতীশঃ ।]
ঊরুদ্বয়ং পাতু কুবেরমিত্রো জানুদ্বয়ং মে জগদীশ্বরোঽব্য়াত্ । জংঘায়ুগং পুংগবকেতুরব্য়া- -ত্পাদৌ মমাব্য়াত্সুরবংদ্যপাদঃ ॥ 18 ॥
মহেশ্বরঃ পাতু দিনাদিয়ামে মাং মধ্যয়ামেঽবতু বামদেবঃ । ত্রিলোচনঃ পাতু তৃতীযয়ামে বৃষধ্বজঃ পাতু দিনাংত্যয়ামে ॥ 19 ॥
পায়ান্নিশাদৌ শশিশেখরো মাং গংগাধরো রক্ষতু মাং নিশীথে । গৌরীপতিঃ পাতু নিশাবসানে মৃত্য়ুংজয়ো রক্ষতু সর্বকালম্ ॥ 20 ॥
অংতঃস্থিতং রক্ষতু শংকরো মাং স্থাণুঃ সদা পাতু বহিঃস্থিতং মাম্ । তদংতরে পাতু পতিঃ পশূনাং সদাশিবো রক্ষতু মাং সমংতাত্ ॥ 21 ॥
তিষ্ঠংত-মব্য়াদ্ভুবনৈকনাথঃ পায়াদ্ব্রজংতং প্রমথাধিনাথঃ । বেদাংতবেদ্য়োঽবতু মাং নিষণ্ণং মামব্যয়ঃ পাতু শিবঃ শয়ানম্ ॥ 22 ॥
মার্গেষু মাং রক্ষতু নীলকংঠঃ শৈলাদি-দুর্গেষু পুরত্রয়ারিঃ । অরণ্যবাসাদি-মহাপ্রবাসে পায়ান্মৃগব্য়াধ উদারশক্তিঃ ॥ 23 ॥
কল্পাংত-কালোগ্র-পটুপ্রকোপঃ [কটোপ] স্ফুটাট্ট-হাসোচ্চলিতাংড-কোশঃ । ঘোরারি-সেনার্ণবদুর্নিবার- -মহাভয়াদ্রক্ষতু বীরভদ্রঃ ॥ 24 ॥
পত্ত্যশ্বমাতংগ-রথাবরূধিনী- [ঘটাবরূথ] -সহস্র-লক্ষায়ুত-কোটিভীষণম্ । অক্ষৌহিণীনাং শতমাততায়িনাং ছিংদ্য়ান্মৃডো ঘোরকুঠারধারয়া ॥ 25 ॥
নিহংতু দস্য়ূন্প্রলয়ানলার্চি- -র্জ্বলত্ত্রিশূলং ত্রিপুরাংতকস্য় । শার্দূল-সিংহর্ক্ষবৃকাদি-হিংস্রান্ সংত্রাসযত্বীশ-ধনুঃ পিনাকঃ ॥ 26 ॥
দুস্স্বপ্ন দুশ্শকুন দুর্গতি দৌর্মনস্য় দুর্ভিক্ষ দুর্ব্যসন দুস্সহ দুর্যশাংসি । উত্পাত-তাপ-বিষভীতি-মসদ্গ্রহার্তিং ব্য়াধীংশ্চ নাশযতু মে জগতামধীশঃ ॥ 27 ॥
ওং নমো ভগবতে সদাশিবায় সকল-তত্ত্বাত্মকায় সর্ব-মংত্র-স্বরূপায় সর্ব-য়ংত্রাধিষ্ঠিতায় সর্ব-তংত্র-স্বরূপায় সর্ব-তত্ত্ব-বিদূরায় ব্রহ্ম-রুদ্রাবতারিণে-নীলকংঠায় পার্বতী-মনোহরপ্রিয়ায় সোম-সূর্য়াগ্নি-লোচনায় ভস্মোদ্ধূলিত-বিগ্রহায় মহামণি-মুকুট-ধারণায় মাণিক্য়-ভূষণায় সৃষ্টিস্থিতি-প্রলযকাল-রৌদ্রাবতারায় দক্ষাধ্বর-ধ্বংসকায় মহাকাল-ভেদনায় মূলধারৈক-নিলয়ায় তত্বাতীতায় গংগাধরায় সর্ব-দেবাদি-দেবায় ষডাশ্রয়ায় বেদাংত-সারায় ত্রিবর্গ-সাধনায় অনংতকোটি-ব্রহ্মাংড-নাযকায় অনংত-বাসুকি-তক্ষক-কর্কোটক-শংখ-কুলিক-পদ্ম-মহাপদ্মেতি-অষ্ট-মহা-নাগ-কুলভূষণায় প্রণবস্বরূপায় চিদাকাশায় আকাশ-দিক্-স্বরূপায় গ্রহ-নক্ষত্র-মালিনে সকলায় কলংক-রহিতায় সকল-লোকৈক-কর্ত্রে সকল-লোকৈক-ভর্ত্রে সকল-লোকৈক-সংহর্ত্রে সকল-লোকৈক-গুরবে সকল-লোকৈক-সাক্ষিণে সকল-নিগমগুহ্য়ায় সকল-বেদাংত-পারগায় সকল-লোকৈক-বরপ্রদায় সকল-লোকৈক-শংকরায় সকল-দুরিতার্তি-ভংজনায় সকল-জগদভয়ংকরায় শশাংক-শেখরায় শাশ্বত-নিজাবাসায় নিরাকারায় নিরাভাসায় নিরাময়ায় নির্মলায় নির্লোভায় নির্মদায় নিশ্চিংতায় নিরহংকারায় নিরংকুশায় নিষ্কলংকায় নির্গুণায় নিষ্কামায় নিরূপপ্লবায় নিরবধ্য়ায় নিরংতরায় নিরুপদ্রবায় নিরবদ্য়ায় নিরংতরায় নিষ্কারণায় নিরাতংকায় নিষ্প্রপংচায় নিস্সংগায় নির্দ্বংদ্বায় নিরাধারায় নীরাগায় নিশ্ক্রোধায় নির্লোভায় নিষ্পাপায় নির্বিকল্পায় নির্ভেদায় নিষ্ক্রিয়ায় নিস্তুলায় নিশ্শংশয়ায় নিরংজনায় নিরুপম-বিভবায় নিত্য়-শুদ্ধ-বুদ্ধ-মুক্ত-পরিপূর্ণ-সচ্চিদানংদাদ্বয়ায় পরম-শাংত-স্বরূপায় পরম-শাংত-প্রকাশায় তেজোরূপায় তেজোময়ায় তেজোঽধিপতয়ে জয় জয় রুদ্র মহারুদ্র মহা-রৌদ্র ভদ্রাবতার মহা-ভৈরব কাল-ভৈরব কল্পাংত-ভৈরব কপাল-মালাধর খট্বাংগ-চর্ম-খড্গ-ধর পাশাংকুশ-ডমরূশূল-চাপ-বাণ-গদা-শক্তি-ভিংদি- পাল-তোমর-মুসল-ভুশুংডী-মুদ্গর-পাশ-পরিঘ-শতঘ্নী-চক্রাদ্য়ায়ুধ-ভীষণাকার সহস্র-মুখ দংষ্ট্রাকরাল-বদন বিকটাট্টহাস বিস্ফাতিত-ব্রহ্মাংড-মংডল-নাগেংদ্রকুংডল নাগেংদ্রহার নাগেংদ্রবলয় নাগেংদ্রচর্মধর নাগেংদ্রনিকেতন মৃত্য়ুংজয় ত্র্য়ংবক ত্রিপুরাংতক বিশ্বরূপ বিরূপাক্ষ বিশ্বেশ্বর বৃষভবাহন বিষবিভূষণ বিশ্বতোমুখ সর্বতোমুখ মাং রক্ষ রক্ষ জ্বল জ্বল প্রজ্বল প্রজ্বল মহামৃত্য়ুভয়ং শময় শময় অপমৃত্য়ুভয়ং নাশয় নাশয় রোগভয়ং উত্সাদয় উত্সাদয় বিষসর্পভয়ং শময় শময় চোরান্ মারয় মারয় মম শত্রূন্ উচ্চাটয় উচ্চাটয় ত্রিশূলেন বিদারয় বিদারয় কুঠারেণ ভিংধি ভিংধি খড্গেন ছিংদ্দি ছিংদ্দি খট্বাংগেন বিপোধয় বিপোধয় মম পাপং শোধয় শোধয় মুসলেন নিষ্পেষয় নিষ্পেষয় বাণৈঃ সংতাডয় সংতাডয় যক্ষ রক্ষাংসি ভীষয় ভীষয় অশেষ ভূতান্ বিদ্রাবয় বিদ্রাবয় কূষ্মাংড-ভূত-বেতাল-মারীগণ-ব্রহ্মরাক্ষস-গণান্ সংত্রাসয় সংত্রাসয় মম অভয়ং কুরু কুরু [মম পাপং শোধয় শোধয়] নরক-মহাভয়ান্ মাং উদ্ধর উদ্ধর বিত্রস্তং মাং আশ্বাসয় আশ্বাসয় অমৃত-কটাক্ষ-বীক্ষণেন মাং আলোকয় আলোকয় সংজীবয় সংজীবয় ক্ষুত্তৃষ্ণার্তং মাং আপ্য়াযয় আপ্য়াযয় দুঃখাতুরং মাং আনংদয় আনংদয় শিবকবচেন মাং আচ্ছাদয় আচ্ছাদয় হর হর হর হর মৃত্য়ুংজয় ত্র্য়ংবক সদাশিব পরমশিব নমস্তে নমস্তে নমস্তে নমঃ ॥
পূর্ববত্ - হৃদয়াদি ন্য়াসঃ । পংচপূজা ॥ ভূর্ভুবস্সুবরোমিতি দিগ্বিমোকঃ ॥
ফলশ্রুতিঃ
ঋষভ উবাচ
ইত্য়েতত্কবচং শৈবং বরদং ব্য়াহৃতং ময়া । সর্ব-বাধা-প্রশমনং রহস্য়ং সর্বদেহিনাম্ ॥ 1
যঃ সদা ধারয়েন্মর্ত্য়ঃ শৈবং কবচমুত্তমম্ । ন তস্য় জাযতে ক্বাপি ভয়ং শংভোরনুগ্রহাত্ ॥ 2 ॥
ক্ষীণায়ু-র্মৃত্য়ুমাপন্নো মহারোগহতোঽপি বা । সদ্য়ঃ সুখমবাপ্নোতি দীর্ঘমায়ুশ্চ বিংদতি ॥ 3 ॥
সর্বদারিদ্র্যশমনং সৌমাংগল্য়-বিবর্ধনম্ । যো ধত্তে কবচং শৈবং স দেবৈরপি পূজ্যতে ॥ 4 ॥
মহাপাতক-সংঘাতৈর্মুচ্যতে চোপপাতকৈঃ । দেহাংতে শিবমাপ্নোতি শিব-বর্মানুভাবতঃ ॥ 5 ॥
ত্বমপি শ্রদ্ধয়া বত্স শৈবং কবচমুত্তমম্ । ধারযস্ব ময়া দত্তং সদ্য়ঃ শ্রেয়ো হ্যবাপ্স্যসি ॥ 6 ॥
সূত উবাচ
ইত্য়ুক্ত্বা ঋষভো যোগী তস্মৈ পার্থিব-সূনবে । দদৌ শংখং মহারাবং খড্গং চারিনিষূদনম্ ॥ 7
পুনশ্চ ভস্ম সংমংত্র্য় তদংগং সর্বতোঽস্পৃশত্ । গজানাং ষট্সহস্রস্য় দ্বিগুণং চ বলং দদৌ ॥ 8 ॥
ভস্মপ্রভাবাত্সংপ্রাপ্য় বলৈশ্বর্যধৃতিস্মৃতিঃ । স রাজপুত্রঃ শুশুভে শরদর্ক ইব শ্রিয়া ॥ 9 ॥
তমাহ প্রাংজলিং ভূয়ঃ স যোগী রাজনংদনম্ । এষ খড্গো ময়া দত্তস্তপোমংত্রানুভাবতঃ ॥ 10 ॥
শিতধারমিমং খড্গং যস্মৈ দর্শযসি স্ফুটম্ । স সদ্য়ো ম্রিযতে শত্রুঃ সাক্ষান্মৃত্য়ুরপি স্বযম্ ॥ 11 ॥
অস্য় শংখস্য় নিহ্রাদং যে শৃণ্বংতি তবাহিতাঃ । তে মূর্ছিতাঃ পতিষ্য়ংতি ন্যস্তশস্ত্রা বিচেতনাঃ ॥ 12 ॥
খড্গশংখাবিমৌ দিব্য়ৌ পরসৈন্যবিনাশিনৌ । আত্মসৈন্যস্বপক্ষাণাং শৌর্যতেজোবিবর্ধনৌ ॥ 13 ॥
এতয়োশ্চ প্রভাবেন শৈবেন কবচেন চ । দ্বিষট্সহস্রনাগানাং বলেন মহতাপি চ ॥ 14 ॥
ভস্মধারণসামর্থ্য়াচ্ছত্রুসৈন্য়ং বিজেষ্যসি । প্রাপ্য় সিংহাসনং পৈত্র্য়ং গোপ্তাসি পৃথিবীমিমাম্ ॥ 15 ॥
ইতি ভদ্রায়ুষং সম্যগনুশাস্য় সমাতৃকম্ । তাভ্য়াং সংপূজিতঃ সোঽথ যোগী স্বৈরগতির্যয়ৌ ॥ 16 ॥
ইতি শ্রীস্কাংদমহাপুরাণে ব্রহ্মোত্তরখংডে শিবকবচ প্রভাব বর্ণনং নাম দ্বাদশোঽধ্য়ায়ঃ সংপূর্ণঃ ॥
শিব কবচম্ সম্পর্কে
This Shiva Kavacham is a protective hymn to Lord Shiva from the Brahmottara Khanda of the Skanda Purana. Its viniyoga names Rishabha Yogishvara as the seer and Samba Sadashiva as the deity, and its nyasa places the names Sadashiva, Gangadhara, Mrityunjaya, Shulapani, Pinakapani and Umapati on the fingers and body. The kavacha itself asks Shiva in his many forms to guard every part of the body and every direction, and the chapter closes by describing the power of the armour.
উৎস: Skanda Purana, Brahmottara Khanda, chapter 12, as its colophon states
কখন পাঠ করবেন: On Mondays, Pradosham and Maha Shivaratri, and as a daily protective prayer.
আপনি কি জানেন?
- In the Brahmottara Khanda, the sage Rishabha teaches this kavacha to Bhadrayu, a young prince, to give him courage.
- Its colophon calls it the twelfth chapter, "the description of the power of the Shiva Kavacha".
প্রায়শই জিজ্ঞাসিত প্রশ্ন
Where is this Shiva Kavacham from?
The Brahmottara Khanda of the Skanda Purana, chapter 12.
Who is its seer?
Rishabha Yogishvara, as its viniyoga states.
What names are used in its nyasa?
Sadashiva, Gangadhara, Mrityunjaya, Shulapani, Pinakapani and Umapati.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ