শিব কবচম্
Shiva · প্রথাগত ভক্তিপাঠ
அத² ஶிவகசம் அஸ்ய ஶ்ரீ ஶிவகவச ஸ்தோத்ர மஹாமந்த்ரஸ்ய । ருஷப⁴-யோகீ³ஶ்வர ருஷி: । அனுஷ்டுப் ச²ந்த³: । ஶ்ரீ-ஸாம்ப³ஸதா³ஶிவோ தே³வதா । ஓம் பீ³ஜம் । நம: ஶக்தி: । ஶிவாயேதி கீலகம் । ஸாம்ப³ஸதா³ஶிவப்ரீத்யர்தே² ஜபே வினியோக³: ॥
கரன்யாஸ: ஓம் ஸதா³ஶிவாய அங்கு³ஷ்டா²ப்⁴யாம் நம: । நம் க³ங்கா³த⁴ராய தர்ஜனீப்⁴யாம் நம: । மம் ம்ருத்யுஞ்ஜயாய மத்⁴யமாப்⁴யாம் நம: । ஶிம் ஶூலபாணயே அனாமிகாப்⁴யாம் நம: । வாம் பினாகபாணயே கனிஷ்டி²காப்⁴யாம் நம: । யம் உமாபதயே கரதலகரப்ருஷ்டா²ப்⁴யாம் நம: ।
ஹ்ருத³யாதி³ அங்க³ன்யாஸ: ஓம் ஸதா³ஶிவாய ஹ்ருத³யாய நம: । நம் க³ங்கா³த⁴ராய ஶிரஸே ஸ்வாஹா । மம் ம்ருத்யுஞ்ஜயாய ஶிகா²யை வஷட் । ஶிம் ஶூலபாணயே கவசாய ஹும் । வாம் பினாகபாணயே நேத்ரத்ரயாய வௌஷட் । யம் உமாபதயே அஸ்த்ராய ப²ட் । பூ⁴ர்பு⁴வஸ்ஸுவரோமிதி தி³க்³ப³ந்த⁴: ॥
த்⁴யானம் வஜ்ரத³ம்ஷ்ட்ரம் த்ரினயனம் காலகண்ட² மரிந்த³மம் । ஸஹஸ்ரகர-மத்யுக்³ரம் வந்தே³ ஶம்பு⁴ம் உமாபதிம் ॥ ருத்³ராக்ஷ-கங்கண-லஸத்கர-த³ண்ட³யுக்³ம: பாலாந்தரா-லஸித-ப⁴ஸ்மத்⁴ருத-த்ரிபுண்ட்³ர: । பஞ்சாக்ஷரம் பரிபட²ன் வரமந்த்ரராஜம் த்⁴யாயன் ஸதா³ பஶுபதிம் ஶரணம் வ்ரஜேதா²: ॥
அத: பரம் ஸர்வபுராண-கு³ஹ்யம் நி:ஶேஷ-பாபௌக⁴ஹரம் பவித்ரம் । ஜயப்ரத³ம் ஸர்வ-விபத்ப்ரமோசனம் வக்ஷ்யாமி ஶைவம் கவசம் ஹிதாய தே ॥
பஞ்சபூஜா லம் ப்ருதி²வ்யாத்மனே க³ந்த⁴ம் ஸமர்பயாமி । ஹம் ஆகாஶாத்மனே புஷ்பை: பூஜயாமி । யம் வாய்வாத்மனே தூ⁴பம் ஆக்⁴ராபயாமி । ரம் அக்³ன்யாத்மனே தீ³பம் த³ர்ஶயாமி । வம் அம்ருதாத்மனே அம்ருதம் மஹா-னைவேத்³யம் நிவேத³யாமி । ஸம் ஸர்வாத்மனே ஸர்வோபசார-பூஜாம் ஸமர்பயாமி ॥
மந்த்ர:
ருஷப⁴ உவாச
நமஸ்க்ருத்ய மஹாதே³வம் விஶ்வ-வ்யாபின-மீஶ்வரம் । வக்ஷ்யே ஶிவமயம் வர்ம ஸர்வரக்ஷாகரம் ந்ருணாம் ॥ 1
ஶுசௌ தே³ஶே ஸமாஸீனோ யதா²வத்கல்பிதாஸன: । ஜிதேந்த்³ரியோ ஜிதப்ராண-ஶ்சிந்தயேச்சி²வமவ்யயம் ॥ 2 ॥
ஹ்ருத்புண்ட³ரீகாந்தரஸன்னிவிஷ்டம் ஸ்வதேஜஸா வ்யாப்த-னபோ⁴வகாஶம் । அதீந்த்³ரியம் ஸூக்ஷ்மமனந்தமாத்³யம் த்⁴யாயேத்பரானந்த³மயம் மஹேஶம் ॥ 3 ॥
த்⁴யானாவதூ⁴தாகி²லகர்மப³ந்த⁴- -ஶ்சிரம் சிதா³னந்த³னிமக்³னசேதா: । ஷட³க்ஷரன்யாஸஸமாஹிதாத்மா ஶைவேன குர்யாத்கவசேன ரக்ஷாம் ॥ 4 ॥
மாம் பாது தே³வோகி²லதே³வதாத்மா ஸம்ஸாரகூபே பதிதம் க³பீ⁴ரே । தன்னாம தி³வ்யம் வரமந்த்ரமூலம் து⁴னோது மே ஸர்வமக⁴ம் ஹ்ருதி³ஸ்த²ம் ॥ 5 ॥
ஸர்வத்ர மாம் ரக்ஷது விஶ்வமூர்தி- -ர்ஜ்யோதி-ர்மயானந்த³க⁴னஶ்சிதா³த்மா । அணோரணீயானுருஶக்திரேக: ஸ ஈஶ்வர: பாது ப⁴யாத³ஶேஷாத் ॥ 6 ॥
யோ பூ⁴ஸ்வரூபேண பி³ப⁴ர்தி விஶ்வம் பாயாத்ஸ பூ⁴மேர்கி³ரிஶோஷ்டமூர்தி: । யோபாம் ஸ்வரூபேண ந்ருணாம் கரோதி ஸஞ்ஜீவனம் ஸோவது மாம் ஜலேப்⁴ய: ॥ 7 ॥
கல்பாவஸானே பு⁴வனானி த³க்³த்⁴வா ஸர்வாணி யோ ந்ருத்யதி பூ⁴ரிலீல: । ஸ காலருத்³ரோவது மாம் த³வாக்³னே- -ர்வாத்யாதி³பீ⁴தே-ரகி²லாச்ச தாபாத் ॥ 8 ॥
ப்ரதீ³ப்த-வித்³யுத்கனகாவபா⁴ஸோ வித்³யாவராபீ⁴தி-குடா²ரபாணி: । சதுர்முக²ஸ்தத்புருஷஸ்த்ரினேத்ர: ப்ராச்யாம் ஸ்தி²தோ ரக்ஷது மாமஜஸ்ரம் ॥ 9 ॥
குடா²ர கே²டாங்குஶபாஶஶூல கபாலபாஶாக்ஷ கு³ணாந்த³தா⁴ன: । சதுர்முகோ² நீல-ருசிஸ்த்ரினேத்ர: பாயாத³கோ⁴ரோ தி³ஶி த³க்ஷிணஸ்யாம் ॥ 1௦ ॥
குந்தே³ந்து³-ஶங்க²-ஸ்ப²டிகாவபா⁴ஸோ வேதா³க்ஷமாலா-வரதா³ப⁴யாங்க: । த்ர்யக்ஷஶ்சதுர்வக்த்ர உருப்ரபா⁴வ: ஸத்³யோதி⁴ஜாதோவது மாம் ப்ரதீச்யாம் ॥ 11 ॥
வராக்ஷ-மாலாப⁴யடங்க-ஹஸ்த: ஸரோஜ-கிஞ்ஜல்கஸமானவர்ண: । த்ரிலோசன-ஶ்சாருசதுர்முகோ² மாம் பாயாது³தீ³ச்யாம் தி³ஶி வாமதே³வ: ॥ 12 ॥
வேதா³ப⁴யேஷ்டாங்குஶடங்கபாஶ- -கபாலட⁴க்காக்ஷர-ஶூலபாணி: । ஸிதத்³யுதி: பஞ்சமுகோ²வதான்மா- -மீஶான ஊர்த்⁴வம் பரமப்ரகாஶ: ॥ 13 ॥
மூர்தா⁴னமவ்யான்மம சந்த்³ரமௌளி: பா²லம் மமாவ்யாத³த² பா²லனேத்ர: । நேத்ரே மமாவ்யாத்³ப⁴க³னேத்ரஹாரீ நாஸாம் ஸதா³ ரக்ஷது விஶ்வனாத²: ॥ 14 ॥
பாயாச்ச்²ருதீ மே ஶ்ருதிகீ³தகீர்தி: கபோலமவ்யாத்ஸததம் கபாலீ । வக்த்ரம் ஸதா³ ரக்ஷது பஞ்சவக்த்ரோ ஜிஹ்வாம் ஸதா³ ரக்ஷது வேத³ஜிஹ்வ: ॥ 15 ॥
கண்ட²ம் கி³ரீஶோவது நீலகண்ட²: பாணித்³வயம் பாது பினாகபாணி: । தோ³ர்மூலமவ்யான்மம த⁴ர்மபா³ஹு: வக்ஷ:ஸ்த²லம் த³க்ஷமகா²ந்தகோவ்யாத் ॥ 16 ॥
மமோத³ரம் பாது கி³ரீந்த்³ரத⁴ன்வா மத்⁴யம் மமாவ்யான்மத³னாந்தகாரீ । ஹேரம்ப³தாதோ மம பாது நாபி⁴ம் பாயாத்கடிம் தூ⁴ர்ஜடிரீஶ்வரோ மே ॥ 17 ॥ [ஸ்மராரி-ரவ்யான்மம கு³ஹ்யதே³ஶம் ப்ருஷ்டம் ஸதா³ ரக்ஷது பார்வதீஶ: ।]
ஊருத்³வயம் பாது குபே³ரமித்ரோ ஜானுத்³வயம் மே ஜக³தீ³ஶ்வரோவ்யாத் । ஜங்கா⁴யுக³ம் புங்க³வகேதுரவ்யா- -த்பாதௌ³ மமாவ்யாத்ஸுரவந்த்³யபாத³: ॥ 18 ॥
மஹேஶ்வர: பாது தி³னாதி³யாமே மாம் மத்⁴யயாமேவது வாமதே³வ: । த்ரிலோசன: பாது த்ருதீயயாமே வ்ருஷத்⁴வஜ: பாது தி³னாந்த்யயாமே ॥ 19 ॥
பாயான்னிஶாதௌ³ ஶஶிஶேக²ரோ மாம் க³ங்கா³த⁴ரோ ரக்ஷது மாம் நிஶீதே² । கௌ³ரீபதி: பாது நிஶாவஸானே ம்ருத்யுஞ்ஜயோ ரக்ஷது ஸர்வகாலம் ॥ 2௦ ॥
அந்த:ஸ்தி²தம் ரக்ஷது ஶங்கரோ மாம் ஸ்தா²ணு: ஸதா³ பாது ப³ஹி:ஸ்தி²தம் மாம் । தத³ந்தரே பாது பதி: பஶூனாம் ஸதா³ஶிவோ ரக்ஷது மாம் ஸமந்தாத் ॥ 21 ॥
திஷ்ட²ந்த-மவ்யாத்³பு⁴வனைகனாத²: பாயாத்³வ்ரஜந்தம் ப்ரமதா²தி⁴னாத²: । வேதா³ந்தவேத்³யோவது மாம் நிஷண்ணம் மாமவ்யய: பாது ஶிவ: ஶயானம் ॥ 22 ॥
மார்கே³ஷு மாம் ரக்ஷது நீலகண்ட²: ஶைலாதி³-து³ர்கே³ஷு புரத்ரயாரி: । அரண்யவாஸாதி³-மஹாப்ரவாஸே பாயான்ம்ருக³வ்யாத⁴ உதா³ரஶக்தி: ॥ 23 ॥
கல்பாந்த-காலோக்³ர-படுப்ரகோப: [கடோப] ஸ்பு²டாட்ட-ஹாஸோச்சலிதாண்ட³-கோஶ: । கோ⁴ராரி-ஸேனார்ணவது³ர்னிவார- -மஹாப⁴யாத்³ரக்ஷது வீரப⁴த்³ர: ॥ 24 ॥
பத்த்யஶ்வமாதங்க³-ரதா²வரூதி⁴னீ- [க⁴டாவரூத²] -ஸஹஸ்ர-லக்ஷாயுத-கோடிபீ⁴ஷணம் । அக்ஷௌஹிணீனாம் ஶதமாததாயினாம் சி²ந்த்³யான்ம்ருடோ³ கோ⁴ரகுடா²ரதா⁴ரயா ॥ 25 ॥
நிஹந்து த³ஸ்யூன்ப்ரளயானலார்சி- -ர்ஜ்வலத்த்ரிஶூலம் த்ரிபுராந்தகஸ்ய । ஶார்தூ³ல-ஸிம்ஹர்க்ஷவ்ருகாதி³-ஹிம்ஸ்ரான் ஸந்த்ராஸயத்வீஶ-த⁴னு: பினாக: ॥ 26 ॥
து³ஸ்ஸ்வப்ன து³ஶ்ஶகுன து³ர்க³தி தௌ³ர்மனஸ்ய து³ர்பி⁴க்ஷ து³ர்வ்யஸன து³ஸ்ஸஹ து³ர்யஶாம்ஸி । உத்பாத-தாப-விஷபீ⁴தி-மஸத்³க்³ரஹார்திம் வ்யாதீ⁴ம்ஶ்ச நாஶயது மே ஜக³தாமதீ⁴ஶ: ॥ 27 ॥
ஓம் நமோ ப⁴க³வதே ஸதா³ஶிவாய ஸகல-தத்த்வாத்மகாய ஸர்வ-மந்த்ர-ஸ்வரூபாய ஸர்வ-யந்த்ராதி⁴ஷ்டி²தாய ஸர்வ-தந்த்ர-ஸ்வரூபாய ஸர்வ-தத்த்வ-விதூ³ராய ப்³ரஹ்ம-ருத்³ராவதாரிணே-னீலகண்டா²ய பார்வதீ-மனோஹரப்ரியாய ஸோம-ஸூர்யாக்³னி-லோசனாய ப⁴ஸ்மோத்³தூ⁴ளித-விக்³ரஹாய மஹாமணி-முகுட-தா⁴ரணாய மாணிக்ய-பூ⁴ஷணாய ஸ்ருஷ்டிஸ்தி²தி-ப்ரளயகால-ரௌத்³ராவதாராய த³க்ஷாத்⁴வர-த்⁴வம்ஸகாய மஹாகால-பே⁴த³னாய மூலதா⁴ரைக-னிலயாய தத்வாதீதாய க³ங்கா³த⁴ராய ஸர்வ-தே³வாதி³-தே³வாய ஷடா³ஶ்ரயாய வேதா³ந்த-ஸாராய த்ரிவர்க³-ஸாத⁴னாய அனந்தகோடி-ப்³ரஹ்மாண்ட³-னாயகாய அனந்த-வாஸுகி-தக்ஷக-கர்கோடக-ஶங்க²-குலிக-பத்³ம-மஹாபத்³மேதி-அஷ்ட-மஹா-னாக³-குலபூ⁴ஷணாய ப்ரணவஸ்வரூபாய சிதா³காஶாய ஆகாஶ-தி³க்-ஸ்வரூபாய க்³ரஹ-னக்ஷத்ர-மாலினே ஸகலாய களங்க-ரஹிதாய ஸகல-லோகைக-கர்த்ரே ஸகல-லோகைக-ப⁴ர்த்ரே ஸகல-லோகைக-ஸம்ஹர்த்ரே ஸகல-லோகைக-கு³ரவே ஸகல-லோகைக-ஸாக்ஷிணே ஸகல-னிக³மகு³ஹ்யாய ஸகல-வேதா³ந்த-பாரகா³ய ஸகல-லோகைக-வரப்ரதா³ய ஸகல-லோகைக-ஶங்கராய ஸகல-து³ரிதார்தி-ப⁴ஞ்ஜனாய ஸகல-ஜக³த³ப⁴யங்கராய ஶஶாங்க-ஶேக²ராய ஶாஶ்வத-னிஜாவாஸாய நிராகாராய நிராபா⁴ஸாய நிராமயாய நிர்மலாய நிர்லோபா⁴ய நிர்மதா³ய நிஶ்சிந்தாய நிரஹங்காராய நிரங்குஶாய நிஷ்களங்காய நிர்கு³ணாய நிஷ்காமாய நிரூபப்லவாய நிரவத்⁴யாய நிரந்தராய நிருபத்³ரவாய நிரவத்³யாய நிரந்தராய நிஷ்காரணாய நிராதங்காய நிஷ்ப்ரபஞ்சாய நிஸ்ஸங்கா³ய நிர்த்³வந்த்³வாய நிராதா⁴ராய நீராகா³ய நிஶ்க்ரோதா⁴ய நிர்லோபா⁴ய நிஷ்பாபாய நிர்விகல்பாய நிர்பே⁴தா³ய நிஷ்க்ரியாய நிஸ்துலாய நிஶ்ஶம்ஶயாய நிரஞ்ஜனாய நிருபம-விப⁴வாய நித்ய-ஶுத்³த⁴-பு³த்³த⁴-முக்த-பரிபூர்ண-ஸச்சிதா³னந்தா³த்³வயாய பரம-ஶாந்த-ஸ்வரூபாய பரம-ஶாந்த-ப்ரகாஶாய தேஜோரூபாய தேஜோமயாய தேஜோதி⁴பதயே ஜய ஜய ருத்³ர மஹாருத்³ர மஹா-ரௌத்³ர ப⁴த்³ராவதார மஹா-பை⁴ரவ கால-பை⁴ரவ கல்பாந்த-பை⁴ரவ கபால-மாலாத⁴ர க²ட்வாங்க³-சர்ம-க²ட்³க³-த⁴ர பாஶாங்குஶ-ட³மரூஶூல-சாப-பா³ண-க³தா³-ஶக்தி-பி⁴ந்தி³- பால-தோமர-முஸல-பு⁴ஶுண்டீ³-முத்³க³ர-பாஶ-பரிக⁴-ஶதக்⁴னீ-சக்ராத்³யாயுத⁴-பீ⁴ஷணாகார ஸஹஸ்ர-முக² த³ம்ஷ்ட்ராகரால-வத³ன விகடாட்டஹாஸ விஸ்பா²தித-ப்³ரஹ்மாண்ட³-மண்ட³ல-னாகே³ந்த்³ரகுண்ட³ல நாகே³ந்த்³ரஹார நாகே³ந்த்³ரவலய நாகே³ந்த்³ரசர்மத⁴ர நாகே³ந்த்³ரனிகேதன ம்ருத்யுஞ்ஜய த்ர்யம்ப³க த்ரிபுராந்தக விஶ்வரூப விரூபாக்ஷ விஶ்வேஶ்வர வ்ருஷப⁴வாஹன விஷவிபூ⁴ஷண விஶ்வதோமுக² ஸர்வதோமுக² மாம் ரக்ஷ ரக்ஷ ஜ்வல ஜ்வல ப்ரஜ்வல ப்ரஜ்வல மஹாம்ருத்யுப⁴யம் ஶமய ஶமய அபம்ருத்யுப⁴யம் நாஶய நாஶய ரோக³ப⁴யம் உத்ஸாத³ய உத்ஸாத³ய விஷஸர்பப⁴யம் ஶமய ஶமய சோரான் மாரய மாரய மம ஶத்ரூன் உச்சாடய உச்சாடய த்ரிஶூலேன விதா³ரய விதா³ரய குடா²ரேண பி⁴ந்தி⁴ பி⁴ந்தி⁴ க²ட்³கே³ன சி²ந்த்³தி³ சி²ந்த்³தி³ க²ட்வாங்கே³ன விபோத⁴ய விபோத⁴ய மம பாபம் ஶோத⁴ய ஶோத⁴ய முஸலேன நிஷ்பேஷய நிஷ்பேஷய பா³ணை: ஸந்தாட³ய ஸந்தாட³ய யக்ஷ ரக்ஷாம்ஸி பீ⁴ஷய பீ⁴ஷய அஶேஷ பூ⁴தான் வித்³ராவய வித்³ராவய கூஷ்மாண்ட³-பூ⁴த-பே³தாள-மாரீக³ண-ப்³ரஹ்மராக்ஷஸ-க³ணான் ஸந்த்ராஸய ஸந்த்ராஸய மம அப⁴யம் குரு குரு [மம பாபம் ஶோத⁴ய ஶோத⁴ய] நரக-மஹாப⁴யான் மாம் உத்³த⁴ர உத்³த⁴ர வித்ரஸ்தம் மாம் ஆஶ்வாஸய ஆஶ்வாஸய அம்ருத-கடாக்ஷ-வீக்ஷணேன மாம் ஆலோகய ஆலோகய ஸஞ்ஜீவய ஸஞ்ஜீவய க்ஷுத்த்ருஷ்ணார்தம் மாம் ஆப்யாயய ஆப்யாயய து³:கா²துரம் மாம் ஆனந்த³ய ஆனந்த³ய ஶிவகவசேன மாம் ஆச்சா²த³ய ஆச்சா²த³ய ஹர ஹர ஹர ஹர ம்ருத்யுஞ்ஜய த்ர்யம்ப³க ஸதா³ஶிவ பரமஶிவ நமஸ்தே நமஸ்தே நமஸ்தே நம: ॥
பூர்வவத் - ஹ்ருத³யாதி³ ந்யாஸ: । பஞ்சபூஜா ॥ பூ⁴ர்பு⁴வஸ்ஸுவரோமிதி தி³க்³விமோக: ॥
ப²லஶ்ருதி:
ருஷப⁴ உவாச
இத்யேதத்கவசம் ஶைவம் வரத³ம் வ்யாஹ்ருதம் மயா । ஸர்வ-பா³தா⁴-ப்ரஶமனம் ரஹஸ்யம் ஸர்வதே³ஹினாம் ॥ 1
ய: ஸதா³ தா⁴ரயேன்மர்த்ய: ஶைவம் கவசமுத்தமம் । ந தஸ்ய ஜாயதே க்வாபி ப⁴யம் ஶம்போ⁴ரனுக்³ரஹாத் ॥ 2 ॥
க்ஷீணாயு-ர்ம்ருத்யுமாபன்னோ மஹாரோக³ஹதோபி வா । ஸத்³ய: ஸுக²மவாப்னோதி தீ³ர்க⁴மாயுஶ்ச விந்த³தி ॥ 3 ॥
ஸர்வதா³ரித்³ர்யஶமனம் ஸௌமாங்க³ல்ய-விவர்த⁴னம் । யோ த⁴த்தே கவசம் ஶைவம் ஸ தே³வைரபி பூஜ்யதே ॥ 4 ॥
மஹாபாதக-ஸங்கா⁴தைர்முச்யதே சோபபாதகை: । தே³ஹாந்தே ஶிவமாப்னோதி ஶிவ-வர்மானுபா⁴வத: ॥ 5 ॥
த்வமபி ஶ்ரத்³த⁴யா வத்ஸ ஶைவம் கவசமுத்தமம் । தா⁴ரயஸ்வ மயா த³த்தம் ஸத்³ய: ஶ்ரேயோ ஹ்யவாப்ஸ்யஸி ॥ 6 ॥
ஸூத உவாச
இத்யுக்த்வா ருஷபோ⁴ யோகீ³ தஸ்மை பார்தி²வ-ஸூனவே । த³தௌ³ ஶங்க²ம் மஹாராவம் க²ட்³க³ம் சாரினிஷூத³னம் ॥ 7
புனஶ்ச ப⁴ஸ்ம ஸம்மந்த்ர்ய தத³ங்க³ம் ஸர்வதோஸ்ப்ருஶத் । க³ஜானாம் ஷட்ஸஹஸ்ரஸ்ய த்³விகு³ணம் ச ப³லம் த³தௌ³ ॥ 8 ॥
ப⁴ஸ்மப்ரபா⁴வாத்ஸம்ப்ராப்ய ப³லைஶ்வர்யத்⁴ருதிஸ்ம்ருதி: । ஸ ராஜபுத்ர: ஶுஶுபே⁴ ஶரத³ர்க இவ ஶ்ரியா ॥ 9 ॥
தமாஹ ப்ராஞ்ஜலிம் பூ⁴ய: ஸ யோகீ³ ராஜனந்த³னம் । ஏஷ க²ட்³கோ³ மயா த³த்தஸ்தபோமந்த்ரானுபா⁴வத: ॥ 1௦ ॥
ஶிததா⁴ரமிமம் க²ட்³க³ம் யஸ்மை த³ர்ஶயஸி ஸ்பு²டம் । ஸ ஸத்³யோ ம்ரியதே ஶத்ரு: ஸாக்ஷான்ம்ருத்யுரபி ஸ்வயம் ॥ 11 ॥
அஸ்ய ஶங்க²ஸ்ய நிஹ்ராத³ம் யே ஶ்ருண்வந்தி தவாஹிதா: । தே மூர்சி²தா: பதிஷ்யந்தி ந்யஸ்தஶஸ்த்ரா விசேதனா: ॥ 12 ॥
க²ட்³க³ஶங்கா²விமௌ தி³வ்யௌ பரஸைன்யவினாஶினௌ । ஆத்மஸைன்யஸ்வபக்ஷாணாம் ஶௌர்யதேஜோவிவர்த⁴னௌ ॥ 13 ॥
ஏதயோஶ்ச ப்ரபா⁴வேன ஶைவேன கவசேன ச । த்³விஷட்ஸஹஸ்ரனாகா³னாம் ப³லேன மஹதாபி ச ॥ 14 ॥
ப⁴ஸ்மதா⁴ரணஸாமர்த்²யாச்ச²த்ருஸைன்யம் விஜேஷ்யஸி । ப்ராப்ய ஸிம்ஹாஸனம் பைத்ர்யம் கோ³ப்தாஸி ப்ருதி²வீமிமாம் ॥ 15 ॥
இதி ப⁴த்³ராயுஷம் ஸம்யக³னுஶாஸ்ய ஸமாத்ருகம் । தாப்⁴யாம் ஸம்பூஜித: ஸோத² யோகீ³ ஸ்வைரக³திர்யயௌ ॥ 16 ॥
இதி ஶ்ரீஸ்காந்த³மஹாபுராணே ப்³ரஹ்மோத்தரக²ண்டே³ ஶிவகவச ப்ரபா⁴வ வர்ணனம் நாம த்³வாத³ஶோத்⁴யாய: ஸம்பூர்ண: ॥
শিব কবচম্ সম্পর্কে
This Shiva Kavacham is a protective hymn to Lord Shiva from the Brahmottara Khanda of the Skanda Purana. Its viniyoga names Rishabha Yogishvara as the seer and Samba Sadashiva as the deity, and its nyasa places the names Sadashiva, Gangadhara, Mrityunjaya, Shulapani, Pinakapani and Umapati on the fingers and body. The kavacha itself asks Shiva in his many forms to guard every part of the body and every direction, and the chapter closes by describing the power of the armour.
উৎস: Skanda Purana, Brahmottara Khanda, chapter 12, as its colophon states
কখন পাঠ করবেন: On Mondays, Pradosham and Maha Shivaratri, and as a daily protective prayer.
আপনি কি জানেন?
- In the Brahmottara Khanda, the sage Rishabha teaches this kavacha to Bhadrayu, a young prince, to give him courage.
- Its colophon calls it the twelfth chapter, "the description of the power of the Shiva Kavacha".
প্রায়শই জিজ্ঞাসিত প্রশ্ন
Where is this Shiva Kavacham from?
The Brahmottara Khanda of the Skanda Purana, chapter 12.
Who is its seer?
Rishabha Yogishvara, as its viniyoga states.
What names are used in its nyasa?
Sadashiva, Gangadhara, Mrityunjaya, Shulapani, Pinakapani and Umapati.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ