ದಶಕಂ 1 - ಭಗವತಃ ಸ್ವರೂಪಂ ತಥಾ ಮಾಹಾತ್ಮ್ಯಂ
Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ
ಸಾಂದ್ರಾನಂದಾವಬೋಧಾತ್ಮಕಮನುಪಮಿತಂ ಕಾಲದೇಶಾವಧಿಭ್ಯಾಂ ನಿರ್ಮುಕ್ತಂ ನಿತ್ಯಮುಕ್ತಂ ನಿಗಮಶತಸಹಸ್ರೇಣ ನಿರ್ಭಾಸ್ಯಮಾನಮ್ । ಅಸ್ಪಷ್ಟಂ ದೃಷ್ಟಮಾತ್ರೇ ಪುನರುರುಪುರುಷಾರ್ಥಾತ್ಮಕಂ ಬ್ರಹ್ಮ ತತ್ವಂ ತತ್ತಾವದ್ಭಾತಿ ಸಾಕ್ಷಾದ್ ಗುರುಪವನಪುರೇ ಹಂತ ಭಾಗ್ಯಂ ಜನಾನಾಮ್ ॥ 1 ॥
ಏವಂದುರ್ಲಭ್ಯವಸ್ತುನ್ಯಪಿ ಸುಲಭತಯಾ ಹಸ್ತಲಬ್ಧೇ ಯದನ್ಯತ್ ತನ್ವಾ ವಾಚಾ ಧಿಯಾ ವಾ ಭಜತಿ ಬತ ಜನಃ ಕ್ಷುದ್ರತೈವ ಸ್ಫುಟೇಯಮ್ । ಏತೇ ತಾವದ್ವಯಂ ತು ಸ್ಥಿರತರಮನಸಾ ವಿಶ್ವಪೀಡಾಪಹತ್ಯೈ ನಿಶ್ಶೇಷಾತ್ಮಾನಮೇನಂ ಗುರುಪವನಪುರಾಧೀಶಮೇವಾಶ್ರಯಾಮಃ ॥ 2 ॥
ಸತ್ತ್ವಂ ಯತ್ತತ್ ಪರಾಭ್ಯಾಮಪರಿಕಲನತೋ ನಿರ್ಮಲಂ ತೇನ ತಾವತ್ ಭೂತೈರ್ಭೂತೇಂದ್ರಿಯೈಸ್ತೇ ವಪುರಿತಿ ಬಹುಶಃ ಶ್ರೂಯತೇ ವ್ಯಾಸವಾಕ್ಯಂ। ತತ್ ಸ್ವಚ್ಛ್ತ್ವಾದ್ಯದಾಚ್ಛಾದಿತಪರಸುಖಚಿದ್ಗರ್ಭನಿರ್ಭಾಸರೂಪಂ ತಸ್ಮಿನ್ ಧನ್ಯಾ ರಮಂತೇ ಶ್ರುತಿಮತಿಮಧುರೇ ಸುಗ್ರಹೇ ವಿಗ್ರಹೇ ತೇ ॥ 3 ॥
ನಿಷ್ಕಂಪೇ ನಿತ್ಯಪೂರ್ಣೇ ನಿರವಧಿಪರಮಾನಂದಪೀಯೂಷರೂಪೇ ನಿರ್ಲೀನಾನೇಕಮುಕ್ತಾವಲಿಸುಭಗತಮೇ ನಿರ್ಮಲಬ್ರಹ್ಮಸಿಂಧೌ । ಕಲ್ಲೋಲೋಲ್ಲಾಸತುಲ್ಯಂ ಖಲು ವಿಮಲತರಂ ಸತ್ತ್ವಮಾಹುಸ್ತದಾತ್ಮಾ ಕಸ್ಮಾನ್ನೋ ನಿಷ್ಕಲಸ್ತ್ವಂ ಸಕಲ ಇತಿ ವಚಸ್ತ್ವತ್ಕಲಾಸ್ವೇವ ಭೂಮನ್ ॥ 4 ॥
ನಿರ್ವ್ಯಾಪಾರೋಽಪಿ ನಿಷ್ಕಾರಣಮಜ ಭಜಸೇ ಯತ್ಕ್ರಿಯಾಮೀಕ್ಷಣಾಖ್ಯಾಂ ತೇನೈವೋದೇತಿ ಲೀನಾ ಪ್ರಕೃತಿರಸತಿಕಲ್ಪಾಽಪಿ ಕಲ್ಪಾದಿಕಾಲೇ। ತಸ್ಯಾಃ ಸಂಶುದ್ಧಮಂಶಂ ಕಮಪಿ ತಮತಿರೋಧಾಯಕಂ ಸತ್ತ್ವರೂಪಂ ಸ ತ್ವಂ ಧೃತ್ವಾ ದಧಾಸಿ ಸ್ವಮಹಿಮವಿಭವಾಕುಂಠ ವೈಕುಂಠ ರೂಪಂ॥5॥
ತತ್ತೇ ಪ್ರತ್ಯಗ್ರಧಾರಾಧರಲಲಿತಕಲಾಯಾವಲೀಕೇಲಿಕಾರಂ ಲಾವಣ್ಯಸ್ಯೈಕಸಾರಂ ಸುಕೃತಿಜನದೃಶಾಂ ಪೂರ್ಣಪುಣ್ಯಾವತಾರಂ। ಲಕ್ಷ್ಮೀನಿಶ್ಶಂಕಲೀಲಾನಿಲಯನಮಮೃತಸ್ಯಂದಸಂದೋಹಮಂತಃ ಸಿಂಚತ್ ಸಂಚಿಂತಕಾನಾಂ ವಪುರನುಕಲಯೇ ಮಾರುತಾಗಾರನಾಥ ॥6॥
ಕಷ್ಟಾ ತೇ ಸೃಷ್ಟಿಚೇಷ್ಟಾ ಬಹುತರಭವಖೇದಾವಹಾ ಜೀವಭಾಜಾ- ಮಿತ್ಯೇವಂ ಪೂರ್ವಮಾಲೋಚಿತಮಜಿತ ಮಯಾ ನೈವಮದ್ಯಾಭಿಜಾನೇ। ನೋಚೇಜ್ಜೀವಾಃ ಕಥಂ ವಾ ಮಧುರತರಮಿದಂ ತ್ವದ್ವಪುಶ್ಚಿದ್ರಸಾರ್ದ್ರಂ ನೇತ್ರೈಃ ಶ್ರೋತ್ರೈಶ್ಚ ಪೀತ್ವಾ ಪರಮರಸಸುಧಾಂಭೋಧಿಪೂರೇ ರಮೇರನ್॥7॥
ನಮ್ರಾಣಾಂ ಸನ್ನಿಧತ್ತೇ ಸತತಮಪಿ ಪುರಸ್ತೈರನಭ್ಯರ್ಥಿತಾನ - ಪ್ಯರ್ಥಾನ್ ಕಾಮಾನಜಸ್ರಂ ವಿತರತಿ ಪರಮಾನಂದಸಾಂದ್ರಾಂ ಗತಿಂ ಚ। ಇತ್ಥಂ ನಿಶ್ಶೇಷಲಭ್ಯೋ ನಿರವಧಿಕಫಲಃ ಪಾರಿಜಾತೋ ಹರೇ ತ್ವಂ ಕ್ಷುದ್ರಂ ತಂ ಶಕ್ರವಾಟೀದ್ರುಮಮಭಿಲಷತಿ ವ್ಯರ್ಥಮರ್ಥಿವ್ರಜೋಽಯಂ॥8॥
ಕಾರುಣ್ಯಾತ್ಕಾಮಮನ್ಯಂ ದದತಿ ಖಲು ಪರೇ ಸ್ವಾತ್ಮದಸ್ತ್ವಂ ವಿಶೇಷಾ- ದೈಶ್ವರ್ಯಾದೀಶತೇಽನ್ಯೇ ಜಗತಿ ಪರಜನೇ ಸ್ವಾತ್ಮನೋಽಪೀಶ್ವರಸ್ತ್ವಂ। ತ್ವಯ್ಯುಚ್ಚೈರಾರಮಂತಿ ಪ್ರತಿಪದಮಧುರೇ ಚೇತನಾಃ ಸ್ಫೀತಭಾಗ್ಯಾ- ಸ್ತ್ವಂ ಚಾತ್ಮಾರಾಮ ಏವೇತ್ಯತುಲಗುಣಗಣಾಧಾರ ಶೌರೇ ನಮಸ್ತೇ॥9॥
ಐಶ್ವರ್ಯಂ ಶಂಕರಾದೀಶ್ವರವಿನಿಯಮನಂ ವಿಶ್ವತೇಜೋಹರಾಣಾಂ ತೇಜಸ್ಸಂಹಾರಿ ವೀರ್ಯಂ ವಿಮಲಮಪಿ ಯಶೋ ನಿಸ್ಪೃಹೈಶ್ಚೋಪಗೀತಂ। ಅಂಗಾಸಂಗಾ ಸದಾ ಶ್ರೀರಖಿಲವಿದಸಿ ನ ಕ್ವಾಪಿ ತೇ ಸಂಗವಾರ್ತಾ ತದ್ವಾತಾಗಾರವಾಸಿನ್ ಮುರಹರ ಭಗವಚ್ಛಬ್ದಮುಖ್ಯಾಶ್ರಯೋಽಸಿ॥10॥
ದಶಕಂ 1 - ಭಗವತಃ ಸ್ವರೂಪಂ ತಥಾ ಮಾಹಾತ್ಮ್ಯಂ ಬಗ್ಗೆ
ನಾರಾಯಣೀಯದ ಮೊದಲ ದಶಕ ಗುರುವಾಯೂರಪ್ಪನ ಮಹಿಮೆಯಿಂದ ಇಡೀ ಕೃತಿಯನ್ನು ಆರಂಭಿಸುತ್ತದೆ. ಭಟ್ಟತಿರಿ ಹೇಳುತ್ತಾರೆ: ಸಾಂದ್ರಾನಂದಾವಬೋಧಾತ್ಮಕ, ಅನುಪಮಿತ, ಕಾಲದೇಶಾವಧಿಗಳಿಂದ ಮುಕ್ತ, ನಿತ್ಯಮುಕ್ತ, ಅಸಂಖ್ಯ ವೇದವಾಕ್ಯಗಳಿಂದ ಪ್ರಕಾಶಿತ, ಕಂಡರೂ ಅಸ್ಪಷ್ಟವಾದರೂ ಜೀವನದ ಪರಮಗುರಿಯಾದ ಆ ಬ್ರಹ್ಮ ಇಲ್ಲಿ ಗುರುವಾಯೂರಿನ ಗುಡಿಯಲ್ಲಿ ನಮ್ಮೆದುರು ಹೊಳೆಯುತ್ತಿದೆ; ಜನರು ಎಷ್ಟು ಧನ್ಯರು! ಇಷ್ಟು ದುರ್ಲಭವಾದುದು ಸುಲಭವಾಗಿ ಕೈಗೆ ಸಿಕ್ಕಾಗಲೂ ಜನ ಬೇರೆಯದನ್ನು ಭಜಿಸುವುದನ್ನು ಕಂಡು ಆಶ್ಚರ್ಯಪಟ್ಟು, ಭಗವಂತನ ಐಶ್ವರ್ಯ, ವೀರ್ಯ, ಯಶಸ್ಸು, ಶ್ರೀ, ಜ್ಞಾನ, ವೈರಾಗ್ಯಗಳನ್ನು ಸ್ತುತಿಸುತ್ತಾರೆ.
ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)
ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.
ನಿಮಗೆ ಗೊತ್ತೇ?
- ಮೊದಲ ಶ್ಲೋಕ "ಸಾಂದ್ರಾನಂದಾವಬೋಧಾತ್ಮಕಂ" ಕೇರಳದ ಭಕ್ತಿಕಾವ್ಯದ ಅತಿ ಪ್ರಸಿದ್ಧ ಶ್ಲೋಕಗಳಲ್ಲಿ ಒಂದು.
- ಕೊನೆಯ ಶ್ಲೋಕ ಭಗವಂತನನ್ನು "ಭಗವಾನ್" ಮಾಡುವ ಆರು ಗುಣಗಳನ್ನು (ಭಗ) ಸ್ತುತಿಸುತ್ತದೆ: ಐಶ್ವರ್ಯ, ವೀರ್ಯ, ಯಶಸ್ಸು, ಶ್ರೀ, ಜ್ಞಾನ, ವೈರಾಗ್ಯ.
ಪದೇ ಪದೇ ಕೇಳುವ ಪ್ರಶ್ನೆಗಳು
ನಾರಾಯಣೀಯ ಹೇಗೆ ಆರಂಭವಾಗುತ್ತದೆ?
ಗುರುವಾಯೂರಪ್ಪನಾಗಿ ಹೊಳೆಯುವ ಬ್ರಹ್ಮದಿಂದ.
ಕವಿಗೆ ಯಾವುದು ಆಶ್ಚರ್ಯ?
ಭಗವಂತ ಸುಲಭವಾಗಿ ಸಿಗುವಾಗಲೂ ಜನ ಬೇರೆಯದನ್ನು ಹುಡುಕುವುದು.
ನಾರಾಯಣೀಯವನ್ನು ಬರೆದವರು ಯಾರು?
೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು