ನಾರಾಯಣೀಯಂ ದಶಕ 21 - ನವ ವರ್ಷಾಃ ತಥಾ ಸಪ್ತದ್ವೀಪಾಃ
Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ
మధ్యోద్భవే భువ ఇలావృతనామ్ని వర్షే గౌరీప్రధానవనితాజనమాత్రభాజి । శర్వేణ మంత్రనుతిభిః సముపాస్యమానం సంకర్షణాత్మకమధీశ్వర సంశ్రయే త్వామ్ ॥1॥
భద్రాశ్వనామక ఇలావృతపూర్వవర్షే భద్రశ్రవోభిః ఋషిభిః పరిణూయమానమ్ । కల్పాంతగూఢనిగమోద్ధరణప్రవీణం ధ్యాయామి దేవ హయశీర్షతనుం భవంతమ్ ॥2॥
ధ్యాయామి దక్షిణగతే హరివర్షవర్షే ప్రహ్లాదముఖ్యపురుషైః పరిషేవ్యమాణమ్ । ఉత్తుంగశాంతధవలాకృతిమేకశుద్ధ- జ్ఞానప్రదం నరహరిం భగవన్ భవంతమ్ ॥3॥
వర్షే ప్రతీచి లలితాత్మని కేతుమాలే లీలావిశేషలలితస్మితశోభనాంగమ్ । లక్ష్మ్యా ప్రజాపతిసుతైశ్చ నిషేవ్యమాణం తస్యాః ప్రియాయ ధృతకామతనుం భజే త్వామ్ ॥4॥
రమ్యే హ్యుదీచి ఖలు రమ్యకనామ్ని వర్షే తద్వర్షనాథమనువర్యసపర్యమాణమ్ । భక్తైకవత్సలమమత్సరహృత్సు భాంతం మత్స్యాకృతిం భువననాథ భజే భవంతమ్ ॥5॥
వర్షం హిరణ్మయసమాహ్వయమౌత్తరాహ- మాసీనమద్రిధృతికర్మఠకామఠాంగమ్ । సంసేవతే పితృగణప్రవరోఽర్యమా యం తం త్వాం భజామి భగవన్ పరచిన్మయాత్మన్ ॥6॥
కించోత్తరేషు కురుషు ప్రియయా ధరణ్యా సంసేవితో మహితమంత్రనుతిప్రభేదైః । దంష్ట్రాగ్రఘృష్టఘనపృష్ఠగరిష్ఠవర్ష్మా త్వం పాహి బిజ్ఞనుత యజ్ఞవరాహమూర్తే ॥7॥
యామ్యాం దిశం భజతి కింపురుషాఖ్యవర్షే సంసేవితో హనుమతా దృఢభక్తిభాజా । సీతాభిరామపరమాద్భుతరూపశాలీ రామాత్మకః పరిలసన్ పరిపాహి విష్ణో ॥8॥
శ్రీనారదేన సహ భారతఖండముఖ్యై- స్త్వం సాంఖ్యయోగనుతిభిః సముపాస్యమానః । ఆకల్పకాలమిహ సాధుజనాభిరక్షీ నారాయణో నరసఖః పరిపాహి భూమన్ ॥9॥
ప్లాక్షేఽర్కరూపమయి శాల్మల ఇందురూపం ద్వీపే భజంతి కుశనామని వహ్నిరూపమ్ । క్రౌంచేఽంబురూపమథ వాయుమయం చ శాకే త్వాం బ్రహ్మరూపమపి పుష్కరనామ్ని లోకాః ॥10॥
సర్వైర్ధ్రువాదిభిరుడుప్రకరైర్గ్రహైశ్చ పుచ్ఛాదికేష్వవయవేష్వభికల్ప్యమానైః । త్వం శింశుమారవపుషా మహతాముపాస్యః సంధ్యాసు రుంధి నరకం మమ సింధుశాయిన్ ॥11॥
పాతాలమూలభువి శేషతనుం భవంతం లోలైకకుండలవిరాజిసహస్రశీర్షమ్ । నీలాంబరం ధృతహలం భుజగాంగనాభి- ర్జుష్టం భజే హర గదాన్ గురుగేహనాథ ॥12॥
ನಾರಾಯಣೀಯಂ ದಶಕ 21 - ನವ ವರ್ಷಾಃ ತಥಾ ಸಪ್ತದ್ವೀಪಾಃ ಬಗ್ಗೆ
ನಾರಾಯಣೀಯದ ಇಪ್ಪತ್ತೊಂದನೇ ದಶಕ, ಭಾಗವತದಲ್ಲಿ ಹೇಳಿರುವಂತೆ ಜಂಬೂದ್ವೀಪದ ಬೇರೆ ಬೇರೆ ವರ್ಷಗಳಲ್ಲಿ ಭಗವಂತ ಹೇಗೆ ಪೂಜಿಸಲ್ಪಡುತ್ತಾನೆ ಎಂದು ವರ್ಣಿಸುತ್ತದೆ. ಪಾರ್ವತಿ ಮತ್ತು ಸ್ತ್ರೀಯರು ಮಾತ್ರ ಇರುವ ಮಧ್ಯದ ಇಲಾವೃತದಲ್ಲಿ ಶಿವ ಅವನನ್ನು ಸಂಕರ್ಷಣನಾಗಿ ಉಪಾಸಿಸುತ್ತಾನೆ; ಭದ್ರಾಶ್ವದಲ್ಲಿ ಋಷಿಗಳು ವೇದಗಳನ್ನು ಉದ್ಧರಿಸಿದ ಹಯಗ್ರೀವನಾಗಿ ಸ್ತುತಿಸುತ್ತಾರೆ; ಹೀಗೆ ಹರಿವರ್ಷ, ಕೇತುಮಾಲ ಮೊದಲಾದವುಗಳ ಮೂಲಕ ಸಾಗಿ, ಪಾತಾಳದಲ್ಲಿ ಸಾವಿರ ಹೆಡೆಯ, ನೀಲಾಂಬರ, ಹಲಧಾರಿ ಆದಿಶೇಷನೊಂದಿಗೆ ಮುಗಿಯುತ್ತದೆ.
ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)
ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.
ನಿಮಗೆ ಗೊತ್ತೇ?
- ದಶಕ ಭಾಗವತಪುರಾಣದ ಐದನೇ ಸ್ಕಂಧದ ಭೂಗೋಳ ವರ್ಣನೆಯನ್ನು ಅನುಸರಿಸುತ್ತದೆ.
- ಕೊನೆಯ ಶ್ಲೋಕ ಗುರುಗೃಹದ ಒಡೆಯ "ಗುರುಗೇಹನಾಥ" ಗುರುವಾಯೂರಪ್ಪನನ್ನು ನಮ್ಮ ಕಷ್ಟಗಳನ್ನು ಹರಿಸು ಎಂದು ಕೇಳುತ್ತದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಈ ದಶಕ ಏನನ್ನು ವರ್ಣಿಸುತ್ತದೆ?
ಜಂಬೂದ್ವೀಪದ ವರ್ಷಗಳಲ್ಲಿ ಪೂಜಿಸಲ್ಪಡುವ ಭಗವಂತನ ರೂಪಗಳನ್ನು.
ಇಲಾವೃತದಲ್ಲಿ ಶಿವ ಅವನನ್ನು ಹೇಗೆ ಉಪಾಸಿಸುತ್ತಾನೆ?
ಸಂಕರ್ಷಣನಾಗಿ.
ನಾರಾಯಣೀಯವನ್ನು ಬರೆದವರು ಯಾರು?
೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು