MuhurtaNow

ನಾರಾಯಣೀಯಂ ದಶಕ 27 - ಕ್ಷೀರಾಬ್ಧಿಮಥನಂ ತಥಾ ಕೂರ್ಮಾವತಾರಂ

Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ

दूर्वासास्सुरवनिताप्तदिव्यमाल्यं शक्राय स्वयमुपदाय तत्र भूयः । नागेंद्रप्रतिमृदिते शशाप शक्रं का क्षांतिस्त्वदितरदेवतांशजानाम् ॥1॥

शापेन प्रथितजरेऽथ निर्जरेंद्रे देवेष्वप्यसुरजितेषु निष्प्रभेषु । शर्वाद्याः कमलजमेत्य सर्वदेवा निर्वाणप्रभव समं भवंतमापुः ॥2॥

ब्रह्माद्यैः स्तुतमहिमा चिरं तदानीं प्रादुष्षन् वरद पुरः परेण धाम्ना । हे देवा दितिजकुलैर्विधाय संधिं पीयूषं परिमथतेति पर्यशास्त्वम् ॥3॥

संधानं कृतवति दानवैः सुरौघे मंथानं नयति मदेन मंदराद्रिम् । भ्रष्टेऽस्मिन् बदरमिवोद्वहन् खगेंद्रे सद्यस्त्वं विनिहितवान् पयःपयोधौ ॥4॥

आधाय द्रुतमथ वासुकिं वरत्रां पाथोधौ विनिहितसर्वबीजजाले । प्रारब्धे मथनविधौ सुरासुरैस्तै- र्व्याजात्त्वं भुजगमुखेऽकरोस्सुरारीन् ॥5॥

क्षुब्धाद्रौ क्षुभितजलोदरे तदानीं दुग्धाब्धौ गुरुतरभारतो निमग्ने । देवेषु व्यथिततमेषु तत्प्रियैषी प्राणैषीः कमठतनुं कठोरपृष्ठाम् ॥6॥

वज्रातिस्थिरतरकर्परेण विष्णो विस्तारात्परिगतलक्षयोजनेन । अंभोधेः कुहरगतेन वर्ष्मणा त्वं निर्मग्नं क्षितिधरनाथमुन्निनेथ ॥7॥

उन्मग्ने झटिति तदा धराधरेंद्रे निर्मेथुर्दृढमिह सम्मदेन सर्वे । आविश्य द्वितयगणेऽपि सर्पराजे वैवश्यं परिशमयन्नवीवृधस्तान् ॥8॥

उद्दामभ्रमणजवोन्नमद्गिरींद्र- न्यस्तैकस्थिरतरहस्तपंकजं त्वाम् । अभ्रांते विधिगिरिशादयः प्रमोदा- दुद्भ्रांता नुनुवुरुपात्तपुष्पवर्षाः ॥9॥

दैत्यौघे भुजगमुखानिलेन तप्ते तेनैव त्रिदशकुलेऽपि किंचिदार्ते । कारुण्यात्तव किल देव वारिवाहाः प्रावर्षन्नमरगणान्न दैत्यसंघान् ॥10॥

उद्भ्राम्यद्बहुतिमिनक्रचक्रवाले तत्राब्धौ चिरमथितेऽपि निर्विकारे । एकस्त्वं करयुगकृष्टसर्पराजः संराजन् पवनपुरेश पाहि रोगात् ॥11॥

ನಾರಾಯಣೀಯಂ ದಶಕ 27 - ಕ್ಷೀರಾಬ್ಧಿಮಥನಂ ತಥಾ ಕೂರ್ಮಾವತಾರಂ ಬಗ್ಗೆ

ನಾರಾಯಣೀಯದ ಇಪ್ಪತ್ತೇಳನೇ ದಶಕ ಸಮುದ್ರಮಥನದ ಕಥೆ ಹೇಳುತ್ತದೆ. ದುರ್ವಾಸ ಮುನಿ ಇಂದ್ರನಿಗೆ ದಿವ್ಯಮಾಲೆ ಕೊಡುತ್ತಾರೆ; ಇಂದ್ರನ ಆನೆ ಅದನ್ನು ತುಳಿದಾಗ ಮುನಿ ಇಂದ್ರ ದೇವತೆಗಳು ತೇಜಸ್ಸು ಕಳೆದುಕೊಳ್ಳಲಿ ಎಂದು ಶಪಿಸುತ್ತಾರೆ. ರಾಕ್ಷಸರಿಂದ ಸೋತ ದೇವತೆಗಳು ಶಿವನೊಡನೆ ಬ್ರಹ್ಮನ ಬಳಿಗೆ, ನಂತರ ಭಗವಂತನ ಬಳಿಗೆ ಹೋಗುತ್ತಾರೆ; ಅವನು ರಾಕ್ಷಸರೊಡನೆ ಸಂಧಿಮಾಡಿ ಅಮೃತಕ್ಕಾಗಿ ಕ್ಷೀರಸಾಗರ ಕಡೆಯಿರಿ ಎನ್ನುತ್ತಾನೆ. ಮಂದರಪರ್ವತ ಕಡಗೋಲು, ವಾಸುಕಿ ಹಗ್ಗ; ಪರ್ವತ ಮುಳುಗಿದಾಗ ಭಗವಂತ ಕೂರ್ಮನಾಗಿ ಬೆನ್ನ ಮೇಲೆ ಹೊರುತ್ತಾನೆ; ತನ್ನ ಎರಡು ಕೈಗಳಿಂದ ತಾನೊಬ್ಬನೇ ಸರ್ಪರಾಜನನ್ನು ಎಳೆಯುತ್ತಾನೆ.

ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)

ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.

ನಿಮಗೆ ಗೊತ್ತೇ?

  • ಸಮುದ್ರಮಥನದಿಂದ ಶಿವ ಕುಡಿದ ಹಾಲಾಹಲ ವಿಷ, ಕೊನೆಗೆ ಅಮೃತ ಬಂದವು.
  • ಕೂರ್ಮಾವತಾರ ವಿಷ್ಣುವಿನ ಹತ್ತು ಅವತಾರಗಳಲ್ಲಿ ಎರಡನೆಯದು.

ಪದೇ ಪದೇ ಕೇಳುವ ಪ್ರಶ್ನೆಗಳು

ದೇವತೆಗಳು ತೇಜಸ್ಸು ಏಕೆ ಕಳೆದುಕೊಂಡರು?

ಇಂದ್ರನ ಮೇಲಿನ ದುರ್ವಾಸರ ಶಾಪದಿಂದ.

ಮಂದರಪರ್ವತವನ್ನು ಹೊತ್ತವರು ಯಾರು?

ಕೂರ್ಮರೂಪಿ ಭಗವಂತ.

ನಾರಾಯಣೀಯವನ್ನು ಬರೆದವರು ಯಾರು?

೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.