ನಾರಾಯಣೀಯಂ ದಶಕ 36 - ಪರಶುರಾಮಾವತಾರಂ
Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ
അത്രേഃ പുത്രതയാ പുരാ ത്വമനസൂയായാം ഹി ദത്താഭിധോ ജാതഃ ശിഷ്യനിബംധതംദ്രിതമനാഃ സ്വസ്ഥശ്ചരന് കാംതയാ । ദൃഷ്ടോ ഭക്തതമേന ഹേഹയമഹീപാലേന തസ്മൈ വരാ- നഷ്ടൈശ്വര്യമുഖാന് പ്രദായ ദദിഥ സ്വേനൈവ ചാംതേ വധമ് ॥1॥
സത്യം കര്തുമഥാര്ജുനസ്യ ച വരം തച്ഛക്തിമാത്രാനതം ബ്രഹ്മദ്വേഷി തദാഖിലം നൃപകുലം ഹംതും ച ഭൂമേര്ഭരമ് । സംജാതോ ജമദഗ്നിതോ ഭൃഗുകുലേ ത്വം രേണുകായാം ഹരേ രാമോ നാമ തദാത്മജേഷ്വവരജഃ പിത്രോരധാഃ സമ്മദമ് ॥2॥
ലബ്ധാമ്നായഗണശ്ചതുര്ദശവയാ ഗംധർവരാജേ മനാ- ഗാസക്താം കില മാതരം പ്രതി പിതുഃ ക്രോധാകുലസ്യാജ്ഞയാ । താതാജ്ഞാതിഗസോദരൈഃ സമമിമാം ഛിത്വാഽഥ ശാംതാത് പിതു- സ്തേഷാം ജീവനയോഗമാപിഥ വരം മാതാ ച തേഽദാദ്വരാന് ॥3॥
പിത്രാ മാതൃമുദേ സ്തവാഹൃതവിയദ്ധേനോര്നിജാദാശ്രമാത് പ്രസ്ഥായാഥ ഭൃഗോര്ഗിരാ ഹിമഗിരാവാരാധ്യ ഗൌരീപതിമ് । ലബ്ധ്വാ തത്പരശും തദുക്തദനുജച്ഛേദീ മഹാസ്ത്രാദികം പ്രാപ്തോ മിത്രമഥാകൃതവ്രണമുനിം പ്രാപ്യാഗമഃ സ്വാശ്രമമ് ॥4॥
ആഖേടോപഗതോഽര്ജുനഃ സുരഗവീസംപ്രാപ്തസംപദ്ഗണൈ- സ്ത്വത്പിത്രാ പരിപൂജിതഃ പുരഗതോ ദുര്മംത്രിവാചാ പുനഃ । ഗാം ക്രേതും സചിവം ന്യയുംക്ത കുധിയാ തേനാപി രുംധന്മുനി- പ്രാണക്ഷേപസരോഷഗോഹതചമൂചക്രേണ വത്സോ ഹൃതഃ ॥5॥
ശുക്രോജ്ജീവിതതാതവാക്യചലിതക്രോധോഽഥ സഖ്യാ സമം ബിഭ്രദ്ധ്യാതമഹോദരോപനിഹിതം ചാപം കുഠാരം ശരാന് । ആരൂഢഃ സഹവാഹയംതൃകരഥം മാഹിഷ്മതീമാവിശന് വാഗ്ഭിർവത്സമദാശുഷി ക്ഷിതിപതൌ സംപ്രാസ്തുഥാഃ സംഗരമ് ॥6॥
പുത്രാണാമയുതേന സപ്തദശഭിശ്ചാക്ഷൌഹിണീഭിര്മഹാ- സേനാനീഭിരനേകമിത്രനിവഹൈർവ്യാജൃംഭിതായോധനഃ । സദ്യസ്ത്വത്കകുഠാരബാണവിദലന്നിശ്ശേഷസൈന്യോത്കരോ ഭീതിപ്രദ്രുതനഷ്ടശിഷ്ടതനയസ്ത്വാമാപതത് ഹേഹയഃ ॥7॥
ലീലാവാരിതനര്മദാജലവലല്ലംകേശഗർവാപഹ- ശ്രീമദ്ബാഹുസഹസ്രമുക്തബഹുശസ്ത്രാസ്ത്രം നിരുംധന്നമുമ് । ചക്രേ ത്വയ്യഥ വൈഷ്ണവേഽപി വിഫലേ ബുദ്ധ്വാ ഹരിം ത്വാം മുദാ ധ്യായംതം ഛിതസർവദോഷമവധീഃ സോഽഗാത് പരം തേ പദമ് ॥8॥
ഭൂയോഽമര്ഷിതഹേഹയാത്മജഗണൈസ്താതേ ഹതേ രേണുകാ- മാഘ്നാനാം ഹൃദയം നിരീക്ഷ്യ ബഹുശോ ഘോരാം പ്രതിജ്ഞാം വഹന് । ധ്യാനാനീതരഥായുധസ്ത്വമകൃഥാ വിപ്രദ്രുഹഃ ക്ഷത്രിയാന് ദിക്ചക്രേഷു കുഠാരയന് വിശിഖയന് നിഃക്ഷത്രിയാം മേദിനീമ് ॥9॥
താതോജ്ജീവനകൃന്നൃപാലകകുലം ത്രിസ്സപ്തകൃത്വോ ജയന് സംതര്പ്യാഥ സമംതപംചകമഹാരക്തഹൃദൌഘേ പിതൃന് യജ്ഞേ ക്ഷ്മാമപി കാശ്യപാദിഷു ദിശന് സാല്വേന യുധ്യന് പുനഃ കൃഷ്ണോഽമും നിഹനിഷ്യതീതി ശമിതോ യുദ്ധാത് കുമാരൈര്ഭവാന് ॥10॥
ന്യസ്യാസ്ത്രാണി മഹേംദ്രഭൂഭൃതി തപസ്തന്വന് പുനര്മജ്ജിതാം ഗോകര്ണാവധി സാഗരേണ ധരണീം ദൃഷ്ട്വാര്ഥിതസ്താപസൈഃ । ധ്യാതേഷ്വാസധൃതാനലാസ്ത്രചകിതം സിംധും സ്രുവക്ഷേപണാ- ദുത്സാര്യോദ്ധൃതകേരലോ ഭൃഗുപതേ വാതേശ സംരക്ഷ മാമ് ॥11॥
ನಾರಾಯಣೀಯಂ ದಶಕ 36 - ಪರಶುರಾಮಾವತಾರಂ ಬಗ್ಗೆ
ನಾರಾಯಣೀಯದ ಮೂವತ್ತಾರನೇ ದಶಕ ಎರಡು ಅವತಾರಗಳನ್ನು ಹೇಳುತ್ತದೆ. ಮೊದಲು ಭಗವಂತ ಅತ್ರಿ ಅನಸೂಯೆಯರ ಮಗ ದತ್ತಾತ್ರೇಯನಾಗಿ ಜನಿಸಿ, ಮಹಾಭಕ್ತ ಹೈಹಯರಾಜ ಕಾರ್ತವೀರ್ಯಾರ್ಜುನನಿಗೆ ವರ ನೀಡುತ್ತಾನೆ. ನಂತರ ಜಮದಗ್ನಿಯ ಮಗ ಪರಶುರಾಮನಾಗಿ ಜನಿಸಿ, ಶಿವನಿಂದ ಪರಶು ಪಡೆದು ಅಹಂಕಾರಿ ರಾಜರಿಂದ ಭೂಮಿಯನ್ನು ಮುಕ್ತಗೊಳಿಸುತ್ತಾನೆ; ಕೊನೆಗೆ ಭೂಮಿಯನ್ನು ದಾನಮಾಡಿ, ತಪಸ್ಸಿಗೆ ಮಹೇಂದ್ರಪರ್ವತಕ್ಕೆ ತೆರಳಿ, ಋಷಿಗಳ ಕೋರಿಕೆಯಂತೆ ಗೋಕರ್ಣದವರೆಗಿನ ತೀರವನ್ನು ಸಮುದ್ರದಿಂದ ಮರಳಿ ಪಡೆಯುತ್ತಾನೆ.
ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)
ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.
ನಿಮಗೆ ಗೊತ್ತೇ?
- ಕಾರ್ತವೀರ್ಯಾರ್ಜುನ ಎರಡೂ ಕಥೆಗಳಲ್ಲಿ ಬರುತ್ತಾನೆ: ದತ್ತಾತ್ರೇಯನಿಂದ ಅನುಗ್ರಹಿತ, ನಂತರ ಪರಶುರಾಮನಿಂದ ಪರಾಜಿತ.
- ಪರಶುರಾಮ ಸಮುದ್ರದಿಂದ ಭೂಮಿ ಪಡೆದ ಸಂಪ್ರದಾಯ ಕೇರಳ ಮತ್ತು ಗೋಕರ್ಣ ಸೇರಿದ ಪಶ್ಚಿಮ ಕರಾವಳಿಗೆ ಸಂಬಂಧಿಸಿದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಇಲ್ಲಿ ಯಾವ ಅವತಾರಗಳನ್ನು ಹೇಳಲಾಗಿದೆ?
ದತ್ತಾತ್ರೇಯ ಮತ್ತು ಪರಶುರಾಮ.
ದತ್ತಾತ್ರೇಯನ ತಂದೆತಾಯಿ ಯಾರು?
ಅತ್ರಿ ಮಹರ್ಷಿ ಮತ್ತು ಅನಸೂಯೆ.
ನಾರಾಯಣೀಯವನ್ನು ಬರೆದವರು ಯಾರು?
೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು