ನಾರಾಯಣೀಯಂ ದಶಕ 4 - ಯೋಗಾಭ್ಯಾಸಃ ತಥಾ ಯೋಗಸಿದ್ಧಿಃ
Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ
ಕಲ್ಯತಾಂ ಮಮ ಕುರುಷ್ವ ತಾವತೀಂ ಕಲ್ಯತೇ ಭವದುಪಾಸನಂ ಯಯಾ । ಸ್ಪಷ್ಟಮಷ್ಟವಿಧಯೋಗಚರ್ಯಯಾ ಪುಷ್ಟಯಾಶು ತವ ತುಷ್ಟಿಮಾಪ್ನುಯಾಮ್ ॥1॥
ಬ್ರಹ್ಮಚರ್ಯದೃಢತಾದಿಭಿರ್ಯಮೈರಾಪ್ಲವಾದಿನಿಯಮೈಶ್ಚ ಪಾವಿತಾಃ । ಕುರ್ಮಹೇ ದೃಢಮಮೀ ಸುಖಾಸನಂ ಪಂಕಜಾದ್ಯಮಪಿ ವಾ ಭವತ್ಪರಾಃ ॥2॥
ತಾರಮಂತರನುಚಿಂತ್ಯ ಸಂತತಂ ಪ್ರಾಣವಾಯುಮಭಿಯಮ್ಯ ನಿರ್ಮಲಾಃ । ಇಂದ್ರಿಯಾಣಿ ವಿಷಯಾದಥಾಪಹೃತ್ಯಾಸ್ಮಹೇ ಭವದುಪಾಸನೋನ್ಮುಖಾಃ ॥3॥
ಅಸ್ಫುಟೇ ವಪುಷಿ ತೇ ಪ್ರಯತ್ನತೋ ಧಾರಯೇಮ ಧಿಷಣಾಂ ಮುಹುರ್ಮುಹುಃ । ತೇನ ಭಕ್ತಿರಸಮಂತರಾರ್ದ್ರತಾಮುದ್ವಹೇಮ ಭವದಂಘ್ರಿಚಿಂತಕಾ ॥4॥
ವಿಸ್ಫುಟಾವಯವಭೇದಸುಂದರಂ ತ್ವದ್ವಪುಃ ಸುಚಿರಶೀಲನಾವಶಾತ್ । ಅಶ್ರಮಂ ಮನಸಿ ಚಿಂತಯಾಮಹೇ ಧ್ಯಾನಯೋಗನಿರತಾಸ್ತ್ವದಾಶ್ರಯಾಃ ॥5॥
ಧ್ಯಾಯತಾಂ ಸಕಲಮೂರ್ತಿಮೀದೃಶೀಮುನ್ಮಿಷನ್ಮಧುರತಾಹೃತಾತ್ಮನಾಮ್ । ಸಾಂದ್ರಮೋದರಸರೂಪಮಾಂತರಂ ಬ್ರಹ್ಮ ರೂಪಮಯಿ ತೇಽವಭಾಸತೇ ॥6॥
ತತ್ಸಮಾಸ್ವದನರೂಪಿಣೀಂ ಸ್ಥಿತಿಂ ತ್ವತ್ಸಮಾಧಿಮಯಿ ವಿಶ್ವನಾಯಕ । ಆಶ್ರಿತಾಃ ಪುನರತಃ ಪರಿಚ್ಯುತಾವಾರಭೇಮಹಿ ಚ ಧಾರಣಾದಿಕಮ್ ॥7॥
ಇತ್ಥಮಭ್ಯಸನನಿರ್ಭರೋಲ್ಲಸತ್ತ್ವತ್ಪರಾತ್ಮಸುಖಕಲ್ಪಿತೋತ್ಸವಾಃ । ಮುಕ್ತಭಕ್ತಕುಲಮೌಲಿತಾಂ ಗತಾಃ ಸಂಚರೇಮ ಶುಕನಾರದಾದಿವತ್ ॥8॥
ತ್ವತ್ಸಮಾಧಿವಿಜಯೇ ತು ಯಃ ಪುನರ್ಮಂಕ್ಷು ಮೋಕ್ಷರಸಿಕಃ ಕ್ರಮೇಣ ವಾ । ಯೋಗವಶ್ಯಮನಿಲಂ ಷಡಾಶ್ರಯೈರುನ್ನಯತ್ಯಜ ಸುಷುಮ್ನಯಾ ಶನೈಃ ॥9॥
ಲಿಂಗದೇಹಮಪಿ ಸಂತ್ಯಜನ್ನಥೋ ಲೀಯತೇ ತ್ವಯಿ ಪರೇ ನಿರಾಗ್ರಹಃ । ಊರ್ಧ್ವಲೋಕಕುತುಕೀ ತು ಮೂರ್ಧತಃ ಸಾರ್ಧಮೇವ ಕರಣೈರ್ನಿರೀಯತೇ ॥10॥
ಅಗ್ನಿವಾಸರವಲರ್ಕ್ಷಪಕ್ಷಗೈರುತ್ತರಾಯಣಜುಷಾ ಚ ದೈವತೈಃ । ಪ್ರಾಪಿತೋ ರವಿಪದಂ ಭವತ್ಪರೋ ಮೋದವಾನ್ ಧ್ರುವಪದಾಂತಮೀಯತೇ ॥11॥
ಆಸ್ಥಿತೋಽಥ ಮಹರಾಲಯೇ ಯದಾ ಶೇಷವಕ್ತ್ರದಹನೋಷ್ಮಣಾರ್ದ್ಯತೇ । ಈಯತೇ ಭವದುಪಾಶ್ರಯಸ್ತದಾ ವೇಧಸಃ ಪದಮತಃ ಪುರೈವ ವಾ ॥12॥
ತತ್ರ ವಾ ತವ ಪದೇಽಥವಾ ವಸನ್ ಪ್ರಾಕೃತಪ್ರಲಯ ಏತಿ ಮುಕ್ತತಾಮ್ । ಸ್ವೇಚ್ಛಯಾ ಖಲು ಪುರಾ ವಿಮುಚ್ಯತೇ ಸಂವಿಭಿದ್ಯ ಜಗದಂಡಮೋಜಸಾ ॥13॥
ತಸ್ಯ ಚ ಕ್ಷಿತಿಪಯೋಮಹೋಽನಿಲದ್ಯೋಮಹತ್ಪ್ರಕೃತಿಸಪ್ತಕಾವೃತೀಃ । ತತ್ತದಾತ್ಮಕತಯಾ ವಿಶನ್ ಸುಖೀ ಯಾತಿ ತೇ ಪದಮನಾವೃತಂ ವಿಭೋ ॥14॥
ಅರ್ಚಿರಾದಿಗತಿಮೀದೃಶೀಂ ವ್ರಜನ್ ವಿಚ್ಯುತಿಂ ನ ಭಜತೇ ಜಗತ್ಪತೇ । ಸಚ್ಚಿದಾತ್ಮಕ ಭವತ್ ಗುಣೋದಯಾನುಚ್ಚರಂತಮನಿಲೇಶ ಪಾಹಿ ಮಾಮ್ ॥15॥
ನಾರಾಯಣೀಯಂ ದಶಕ 4 - ಯೋಗಾಭ್ಯಾಸಃ ತಥಾ ಯೋಗಸಿದ್ಧಿಃ ಬಗ್ಗೆ
ನಾರಾಯಣೀಯದ ನಾಲ್ಕನೇ ದಶಕ ಯೋಗಾಭ್ಯಾಸಕ್ಕಾಗಿ ಪ್ರಾರ್ಥನೆ. ಅಷ್ಟಾಂಗಮಾರ್ಗದಿಂದ ಆರಾಧಿಸಲು ಆರೋಗ್ಯ ಶಕ್ತಿ ಕೊಡು ಎಂದು ಭಟ್ಟತಿರಿ ಕೇಳುತ್ತಾರೆ: ಬ್ರಹ್ಮಚರ್ಯಾದಿ ಯಮಗಳು, ಸ್ನಾನಾದಿ ನಿಯಮಗಳಿಂದ ಪವಿತ್ರರಾಗಿ, ಪದ್ಮಾಸನದಂಥ ಸ್ಥಿರ ಆಸನ, ಪ್ರಾಣಾಯಾಮ, ಪ್ರತ್ಯಾಹಾರ, ನಂತರ ಮನಸ್ಸನ್ನು ಭಗವದ್ರೂಪದಲ್ಲಿ ನೆಲೆಗೊಳಿಸಿ, ಸಾಕಾರ ಧ್ಯಾನದಿಂದ ನಿರಾಕಾರದತ್ತ. ಯೋಗಿ ಭಗವಂತನನ್ನು ಸೇರಿ ಮರಳಿ ಬೀಳದ ಅರ್ಚಿರಾದಿ ಮಾರ್ಗದಿಂದ ದಶಕ ಮುಗಿಯುತ್ತದೆ.
ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)
ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.
ನಿಮಗೆ ಗೊತ್ತೇ?
- ಈ ದಶಕ ಕೃಷ್ಣನಿಗೆ ಭಕ್ತಿಯಾಗಿ ಅರ್ಪಿಸಿದ ಪತಂಜಲಿಯ ಅಷ್ಟಾಂಗಯೋಗದ ಸಂಕ್ಷಿಪ್ತ ಸಾರ.
- ಭಟ್ಟತಿರಿ ನೋವಿನ ಕಾಯಿಲೆಯಿಂದ ಬಳಲುತ್ತ ನಾರಾಯಣೀಯ ರಚಿಸಿದರು; ಈ ದಶಕ ಆರಾಧನೆಗೆ ಆರೋಗ್ಯಕ್ಕಾಗಿ ಪ್ರಾರ್ಥನೆಯಿಂದ ಆರಂಭ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಈ ದಶಕ ಏನನ್ನು ವರ್ಣಿಸುತ್ತದೆ?
ಭಗವದಾರಾಧನೆಯಾಗಿ ಅಷ್ಟಾಂಗಯೋಗ.
"ಅರ್ಚಿರಾದಿ ಗತಿ" ಎಂದರೇನು?
ಯೋಗಿ ಭಗವಂತನನ್ನು ಸೇರುವ ಬೆಳಕಿನ ಮಾರ್ಗ.
ನಾರಾಯಣೀಯವನ್ನು ಬರೆದವರು ಯಾರು?
೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು