MuhurtaNow

ನಾರಾಯಣೀಯಂ ದಶಕ 81 - ನರಕಾಸುರವಧಂ ತಥಾ ಸುಭದ್ರಾಹರಣಂ

Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ

स्निग्धां मुग्धां सततमपि तां लालयन् सत्यभामां यातो भूयः सह खलु तया याज्ञसेनीविवाहम् । पार्थप्रीत्यै पुनरपि मनागास्थितो हस्तिपुर्यां सशक्रप्रस्थं पुरमपि विभो संविधायागतोऽभूः ॥1॥

भद्रां भद्रां भवदवरजां कौरवेणार्थ्यमानां त्वद्वाचा तामहृत कुहनामस्करी शक्रसूनुः । तत्र क्रुद्धं बलमनुनयन् प्रत्यगास्तेन सार्धं शक्रप्रस्थं प्रियसखमुदे सत्यभामासहायः ॥2॥

तत्र क्रीडन्नपि च यमुनाकूलदृष्टां गृहीत्वा तां कालिंदीं नगरमगमः खांडवप्रीणिताग्निः । भ्रातृत्रस्तां प्रणयविवशां देव पैतृष्वसेयीं राज्ञां मध्ये सपदि जहृषे मित्रविंदामवंतीम् ॥3॥

सत्यां गत्वा पुनरुदवहो नग्नजिन्नंदनां तां बध्वा सप्तापि च वृषवरान् सप्तमूर्तिर्निमेषात् । भद्रां नाम प्रददुरथ ते देव संतर्दनाद्या- स्तत्सोदर्या वरद भवतः साऽपि पैतृष्वसेयी ॥4॥

पार्थाद्यैरप्यकृतलवनं तोयमात्राभिलक्ष्यं लक्षं छित्वा शफरमवृथा लक्ष्मणां मद्रकन्याम् । अष्टावेवं तव समभवन् वल्लभास्तत्र मध्ये शुश्रोथ त्वं सुरपतिगिरा भौमदुश्चेष्टितानि ॥5॥

स्मृतायातं पक्षिप्रवरमधिरूढस्त्वमगमो वहन्नंके भामामुपवनमिवारातिभवनम् । विभिंदन् दुर्गाणि त्रुटितपृतनाशोणितरसैः पुरं तावत् प्राग्ज्योतिषमकुरुथाः शोणितपुरम् ॥6॥

मुरस्त्वां पंचास्यो जलधिवनमध्यादुदपतत् स चक्रे चक्रेण प्रदलितशिरा मंक्षु भवता । चतुर्दंतैर्दंतावलपतिभिरिंधानसमरं रथांगेन छित्वा नरकमकरोस्तीर्णनरकम् ॥7॥

स्तुतो भूम्या राज्यं सपदि भगदत्तेऽस्य तनये गजंचैकं दत्वा प्रजिघयिथ नागान्निजपुरीम् । खलेनाबद्धानां स्वगतमनसां षोडश पुनः सहस्राणि स्त्रीणामपि च धनराशिं च विपुलम् ॥8॥

भौमापाहृतकुंडलं तददितेर्दातुं प्रयातो दिवं शक्राद्यैर्महितः समं दयितया द्युस्त्रीषु दत्तह्रिया । हृत्वा कल्पतरुं रुषाभिपतितं जित्वेंद्रमभ्यागम- स्तत्तु श्रीमददोष ईदृश इति व्याख्यातुमेवाकृथाः ॥9॥

कल्पद्रुं सत्यभामाभवनभुवि सृजन् द्व्यष्टसाहस्रयोषाः स्वीकृत्य प्रत्यगारं विहितबहुवपुर्लालयन् केलिभेदैः । आश्चर्यान्नारदालोकितविविधगतिस्तत्र तत्रापि गेहे भूयः सर्वासु कुर्वन् दश दश तनयान् पाहि वातालयेश ॥10॥

ನಾರಾಯಣೀಯಂ ದಶಕ 81 - ನರಕಾಸುರವಧಂ ತಥಾ ಸುಭದ್ರಾಹರಣಂ ಬಗ್ಗೆ

ನಾರಾಯಣೀಯದ ಎಂಬತ್ತೊಂದನೇ ದಶಕ ದ್ವಾರಕೆಯಲ್ಲಿ ಕೃಷ್ಣನ ಜೀವನದ ಹಲವು ಪ್ರಸಂಗಗಳನ್ನು ಹೇಳುತ್ತದೆ. ಕೃಷ್ಣ ಸತ್ಯಭಾಮೆಯನ್ನು ಪ್ರೀತಿಯಿಂದ ಲಾಲಿಸುತ್ತಾನೆ, ದ್ರೌಪದಿಯ ವಿವಾಹಕ್ಕೆ ಹೋಗುತ್ತಾನೆ; ಅವನ ಮಾತಿನಂತೆ ಸಂನ್ಯಾಸಿವೇಷದ ಅರ್ಜುನ ಕೃಷ್ಣನ ತಂಗಿ ಸುಭದ್ರೆಯನ್ನು ಕರೆದೊಯ್ಯುತ್ತಾನೆ; ಕೃಷ್ಣ ನರಕಾಸುರನನ್ನು ಕೊಂದು, ಪಾರಿಜಾತ ವೃಕ್ಷವನ್ನು ಸತ್ಯಭಾಮೆಯ ತೋಟಕ್ಕೆ ತಂದು, ನರಕ ಸೆರೆಯಿಟ್ಟಿದ್ದ ಹದಿನಾರು ಸಾವಿರ ರಾಜಕುಮಾರಿಯರನ್ನು ವಿವಾಹವಾಗಿ, ಪ್ರತಿಯೊಬ್ಬರ ಮನೆಯಲ್ಲೂ ಬೇರೆ ರೂಪ ತಾಳುತ್ತಾನೆ.

ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)

ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ, ಗುರುವಾಯೂರಿನಲ್ಲಿ, ಮತ್ತು ನರಕಚತುರ್ದಶಿಯ ಸಮಯದಲ್ಲಿ.

ನಿಮಗೆ ಗೊತ್ತೇ?

  • ನರಕಾಸುರನ ಮೇಲಿನ ಕೃಷ್ಣನ ಜಯವನ್ನು ದೀಪಾವಳಿಯ ಹಿಂದಿನ ದಿನ ನರಕಚತುರ್ದಶಿಯಾಗಿ ಆಚರಿಸಲಾಗುತ್ತದೆ.
  • ನಾರದ ಮುನಿ ಅರಮನೆಗಳಿಗೆ ಭೇಟಿ ನೀಡಿ ಕೃಷ್ಣ ಒಂದೇ ಕಾಲದಲ್ಲಿ ಪ್ರತಿಯೊಂದರಲ್ಲೂ ಇರುವುದನ್ನು ಕಂಡು ಬೆರಗಾಗುತ್ತಾನೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಈ ದಶಕದಲ್ಲಿ ಕೃಷ್ಣ ಯಾವ ರಾಕ್ಷಸನನ್ನು ಕೊಲ್ಲುತ್ತಾನೆ?

ನರಕಾಸುರ.

ಸುಭದ್ರೆಯನ್ನು ಕರೆದೊಯ್ಯುವವರು ಯಾರು?

ಕೃಷ್ಣನ ಮಾತಿನಂತೆ ಸಂನ್ಯಾಸಿವೇಷದ ಅರ್ಜುನ.

ನಾರದ ಏನನ್ನು ಕಾಣುತ್ತಾನೆ?

ರಾಣಿಯರ ಪ್ರತಿ ಅರಮನೆಯಲ್ಲೂ ಒಂದೇ ಕಾಲದಲ್ಲಿ ಕೃಷ್ಣ ಇರುವುದನ್ನು.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.