MuhurtaNow

ನಾರಾಯಣೀಯಂ ದಶಕ 85 - ಜರಾಸಂಧವಧಂ - ಶಿಶುಪಾಲವಧಂ

Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ

తతో మగధభూభృతా చిరనిరోధసంక్లేశితం శతాష్టకయుతాయుతద్వితయమీశ భూమీభృతామ్ । అనాథశరణాయ తే కమపి పూరుషం ప్రాహిణో- దయాచత స మాగధక్షపణమేవ కిం భూయసా ॥1॥

యియాసురభిమాగధం తదను నారదోదీరితా- ద్యుధిష్ఠిరమఖోద్యమాదుభయకార్యపర్యాకులః । విరుద్ధజయినోఽధ్వరాదుభయసిద్ధిరిత్యుద్ధవే శశంసుషి నిజైః సమం పురమియేథ యౌధిష్ఠిరీమ్ ॥2॥

అశేషదయితాయుతే త్వయి సమాగతే ధర్మజో విజిత్య సహజైర్మహీం భవదపాంగసంవర్ధితైః । శ్రియం నిరుపమాం వహన్నహహ భక్తదాసాయితం భవంతమయి మాగధే ప్రహితవాన్ సభీమార్జునమ్ ॥3॥

గిరివ్రజపురం గతాస్తదను దేవ యూయం త్రయో యయాచ సమరోత్సవం ద్విజమిషేణ తం మాగధమ్ । అపూర్ణసుకృతం త్వముం పవనజేన సంగ్రామయన్ నిరీక్ష్య సహ జిష్ణునా త్వమపి రాజయుద్ధ్వా స్థితః ॥4॥

అశాంతసమరోద్ధతం బిటపపాటనాసంజ్ఞయా నిపాత్య జరరస్సుతం పవనజేన నిష్పాటితమ్ । విముచ్య నృపతీన్ ముదా సమనుగృహ్య భక్తిం పరాం దిదేశిథ గతస్పృహానపి చ ధర్మగుప్త్యై భువః ॥5॥

ప్రచక్రుషి యుధిష్ఠిరే తదను రాజసూయాధ్వరం ప్రసన్నభృతకీభవత్సకలరాజకవ్యాకులమ్ । త్వమప్యయి జగత్పతే ద్విజపదావనేజాదికం చకర్థ కిము కథ్యతే నృపవరస్య భాగ్యోన్నతిః ॥6॥

తతః సవనకర్మణి ప్రవరమగ్ర్యపూజావిధిం విచార్య సహదేవవాగనుగతః స ధర్మాత్మజః । వ్యధత్త భవతే ముదా సదసి విశ్వభూతాత్మనే తదా ససురమానుషం భువనమేవ తృప్తిం దధౌ ॥7॥

తతః సపది చేదిపో మునినృపేషు తిష్ఠత్స్వహో సభాజయతి కో జడః పశుపదుర్దురూటం వటుమ్ । ఇతి త్వయి స దుర్వచోవితతిముద్వమన్నాసనా- దుదాపతదుదాయుధః సమపతన్నముం పాండవాః ॥8॥

నివార్య నిజపక్షగానభిముఖస్యవిద్వేషిణ- స్త్వమేవ జహృషే శిరో దనుజదారిణా స్వారిణా । జనుస్త్రితయలబ్ధయా సతతచింతయా శుద్ధధీ- స్త్వయా స పరమేకతామధృత యోగినాం దుర్లభామ్ ॥9॥

తతః సుమహితే త్వయా క్రతువరే నిరూఢే జనో యయౌ జయతి ధర్మజో జయతి కృష్ణ ఇత్యాలపన్। ఖలః స తు సుయోధనో ధుతమనాస్సపత్నశ్రియా మయార్పితసభాముఖే స్థలజలభ్రమాదభ్రమీత్ ॥10॥

తదా హసితముత్థితం ద్రుపదనందనాభీమయో- రపాంగకలయా విభో కిమపి తావదుజ్జృంభయన్ । ధరాభరనిరాకృతౌ సపది నామ బీజం వపన్ జనార్దన మరుత్పురీనిలయ పాహి మామామయాత్ ॥11॥

ನಾರಾಯಣೀಯಂ ದಶಕ 85 - ಜರಾಸಂಧವಧಂ - ಶಿಶುಪಾಲವಧಂ ಬಗ್ಗೆ

ನಾರಾಯಣೀಯದ ಎಂಬತ್ತೈದನೇ ದಶಕ ಜರಾಸಂಧ ವಧೆಯ ಕಥೆ ಹೇಳುತ್ತದೆ. ಮಗಧರಾಜ ಜರಾಸಂಧ ಬಹುಕಾಲ ಬಂಧಿಸಿದ್ದ ಇಪ್ಪತ್ತುಸಾವಿರದ ಎಂಟುನೂರು ರಾಜರಿಂದ ಅನಾಥಶರಣ ಕೃಷ್ಣನ ಬಳಿಗೆ ದೂತ ಬರುತ್ತಾನೆ. ಅದೇ ವೇಳೆ ಯುಧಿಷ್ಠಿರನ ರಾಜಸೂಯ ಸಂಕಲ್ಪವನ್ನು ನಾರದರು ತಿಳಿಸುತ್ತಾರೆ. ಉದ್ಧವನ ಸಲಹೆಯಂತೆ ಕೃಷ್ಣ ಇಂದ್ರಪ್ರಸ್ಥಕ್ಕೆ, ನಂತರ ಬ್ರಾಹ್ಮಣವೇಷದಲ್ಲಿ ಭೀಮಾರ್ಜುನರೊಡನೆ ಮಗಧಕ್ಕೆ ಹೋಗುತ್ತಾನೆ; ಭೀಮ ಅನೇಕ ದಿನ ಜರಾಸಂಧನೊಡನೆ ಹೋರಾಡಿ ಕೃಷ್ಣನ ಸನ್ನೆಯಂತೆ ಅವನನ್ನು ಎರಡಾಗಿ ಸೀಳುತ್ತಾನೆ. ರಾಜರು ಮುಕ್ತರಾಗುತ್ತಾರೆ; ಮಯಸಭೆಯಲ್ಲಿ ದುರ್ಯೋಧನನನ್ನು ಕಂಡು ಭೀಮ ದ್ರೌಪದಿಯರ ನಗು, ಮಹಾಯುದ್ಧದ ಬೀಜ, ದಶಕವನ್ನು ಮುಗಿಸುತ್ತದೆ.

ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)

ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.

ನಿಮಗೆ ಗೊತ್ತೇ?

  • ಹುಲ್ಲುಕಡ್ಡಿಯನ್ನು ಎರಡಾಗಿ ಸೀಳಿ ವಿರುದ್ಧ ದಿಕ್ಕುಗಳಿಗೆ ಎಸೆದು ಜರಾಸಂಧನನ್ನು ಸೋಲಿಸುವ ಉಪಾಯವನ್ನು ಕೃಷ್ಣ ಭೀಮನಿಗೆ ತೋರಿದ.
  • ಜರಾಸಂಧ ಜರಾ ರಾಕ್ಷಸಿ ಜೋಡಿಸಿದ ಎರಡು ಅರ್ಧಗಳಾಗಿ ಜನಿಸಿದ; ಆದ್ದರಿಂದಲೇ ಸೀಳಿ ಬೇರ್ಪಡಿಸಿದಾಗ ಮಾತ್ರ ಸತ್ತ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಜರಾಸಂಧನನ್ನು ಕೊಂದವರು ಯಾರು?

ಕೃಷ್ಣನ ಸನ್ನೆಯಂತೆ ಭೀಮ.

ಎಷ್ಟು ರಾಜರು ಮುಕ್ತರಾದರು?

ಪಠ್ಯ ಹೇಳುವಂತೆ ಇಪ್ಪತ್ತುಸಾವಿರದ ಎಂಟುನೂರು.

ನಾರಾಯಣೀಯವನ್ನು ಬರೆದವರು ಯಾರು?

೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.