ನಾರಾಯಣೀಯಂ ದಶಕ 94 - ತತ್ತ್ವಜ್ಞಾನೋತ್ಪತ್ತಿಃ
Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ
ಶುದ್ಧಾ ನಿಷ್ಕಾಮಧರ್ಮೈಃ ಪ್ರವರಗುರುಗಿರಾ ತತ್ಸ್ವರೂಪಂ ಪರಂ ತೇ ಶುದ್ಧಂ ದೇಹೇಂದ್ರಿಯಾದಿವ್ಯಪಗತಮಖಿಲವ್ಯಾಪ್ತಮಾವೇದಯಂತೇ । ನಾನಾತ್ವಸ್ಥೌಲ್ಯಕಾರ್ಶ್ಯಾದಿ ತು ಗುಣಜವಪುಸ್ಸಂಗತೋಽಧ್ಯಾಸಿತಂ ತೇ ವಹ್ನೇರ್ದಾರುಪ್ರಭೇದೇಷ್ವಿವ ಮಹದಣುತಾದೀಪ್ತತಾಶಾಂತತಾದಿ ॥1॥
ಆಚಾರ್ಯಾಖ್ಯಾಧರಸ್ಥಾರಣಿಸಮನುಮಿಲಚ್ಛಿಷ್ಯರೂಪೋತ್ತರಾರ- ಣ್ಯಾವೇಧೋದ್ಭಾಸಿತೇನ ಸ್ಫುಟತರಪರಿಬೋಧಾಗ್ನಿನಾ ದಹ್ಯಮಾನೇ । ಕರ್ಮಾಲೀವಾಸನಾತತ್ಕೃತತನುಭುವನಭ್ರಾಂತಿಕಾಂತಾರಪೂರೇ ದಾಹ್ಯಾಭಾವೇನ ವಿದ್ಯಾಶಿಖಿನಿ ಚ ವಿರತೇ ತ್ವನ್ಮಯೀ ಖಲ್ವವಸ್ಥಾ ॥2॥
ಏವಂ ತ್ವತ್ಪ್ರಾಪ್ತಿತೋಽನ್ಯೋ ನಹಿ ಖಲು ನಿಖಿಲಕ್ಲೇಶಹಾನೇರುಪಾಯೋ ನೈಕಾಂತಾತ್ಯಂತಿಕಾಸ್ತೇ ಕೃಷಿವದಗದಷಾಡ್ಗುಣ್ಯಷಟ್ಕರ್ಮಯೋಗಾಃ । ದುರ್ವೈಕಲ್ಯೈರಕಲ್ಯಾ ಅಪಿ ನಿಗಮಪಥಾಸ್ತತ್ಫಲಾನ್ಯಪ್ಯವಾಪ್ತಾ ಮತ್ತಾಸ್ತ್ವಾಂ ವಿಸ್ಮರಂತಃ ಪ್ರಸಜತಿ ಪತನೇ ಯಾಂತ್ಯನಂತಾನ್ ವಿಷಾದಾನ್॥3॥
ತ್ವಲ್ಲೋಕಾದನ್ಯಲೋಕಃ ಕ್ವನು ಭಯರಹಿತೋ ಯತ್ ಪರಾರ್ಧದ್ವಯಾಂತೇ ತ್ವದ್ಭೀತಸ್ಸತ್ಯಲೋಕೇಽಪಿ ನ ಸುಖವಸತಿಃ ಪದ್ಮಭೂಃ ಪದ್ಮನಾಭ । ಏವಂ ಭಾವೇ ತ್ವಧರ್ಮಾರ್ಜಿತಬಹುತಮಸಾಂ ಕಾ ಕಥಾ ನಾರಕಾಣಾಂ ತನ್ಮೇ ತ್ವಂ ಛಿಂಧಿ ಬಂಧಂ ವರದ್ ಕೃಪಣಬಂಧೋ ಕೃಪಾಪೂರಸಿಂಧೋ ॥4॥
ಯಾಥಾರ್ಥ್ಯಾತ್ತ್ವನ್ಮಯಸ್ಯೈವ ಹಿ ಮಮ ನ ವಿಭೋ ವಸ್ತುತೋ ಬಂಧಮೋಕ್ಷೌ ಮಾಯಾವಿದ್ಯಾತನುಭ್ಯಾಂ ತವ ತು ವಿರಚಿತೌ ಸ್ವಪ್ನಬೋಧೋಪಮೌ ತೌ । ಬದ್ಧೇ ಜೀವದ್ವಿಮುಕ್ತಿಂ ಗತವತಿ ಚ ಭಿದಾ ತಾವತೀ ತಾವದೇಕೋ ಭುಂಕ್ತೇ ದೇಹದ್ರುಮಸ್ಥೋ ವಿಷಯಫಲರಸಾನ್ನಾಪರೋ ನಿರ್ವ್ಯಥಾತ್ಮಾ ॥5॥
ಜೀವನ್ಮುಕ್ತತ್ವಮೇವಂವಿಧಮಿತಿ ವಚಸಾ ಕಿಂ ಫಲಂ ದೂರದೂರೇ ತನ್ನಾಮಾಶುದ್ಧಬುದ್ಧೇರ್ನ ಚ ಲಘು ಮನಸಶ್ಶೋಧನಂ ಭಕ್ತಿತೋಽನ್ಯತ್ । ತನ್ಮೇ ವಿಷ್ಣೋ ಕೃಷೀಷ್ಠಾಸ್ತ್ವಯಿ ಕೃತಸಕಲಪ್ರಾರ್ಪಣಂ ಭಕ್ತಿಭಾರಂ ಯೇನ ಸ್ಯಾಂ ಮಂಕ್ಷು ಕಿಂಚಿದ್ ಗುರುವಚನಮಿಲತ್ತ್ವತ್ಪ್ರಬೋಧಸ್ತ್ವದಾತ್ಮಾ ॥6॥
ಶಬ್ದ್ಬ್ರಹ್ಮಣ್ಯಪೀಹ ಪ್ರಯತಿತಮನಸಸ್ತ್ವಾಂ ನ ಜಾನಂತಿ ಕೇಚಿತ್ ಕಷ್ಟಂ ವಂಧ್ಯಶ್ರಮಾಸ್ತೇ ಚಿರತರಮಿಹ ಗಾಂ ಬಿಭ್ರತೇ ನಿಷ್ಪ್ರಸೂತಿಮ್ । ಯಸ್ಯಾಂ ವಿಶ್ವಾಭಿರಾಮಾಸ್ಸಕಲಮಲಹರಾ ದಿವ್ಯಲೀಲಾವತಾರಾಃ ಸಚ್ಚಿತ್ಸಾಂದ್ರಂ ಚ ರೂಪಂ ತವ ನ ನಿಗದಿತಂ ತಾಂ ನ ವಾಚಂ ಭ್ರಿಯಾಸಮ್ ॥7॥
ಯೋ ಯಾವಾನ್ ಯಾದೃಶೋ ವಾ ತ್ವಮಿತಿ ಕಿಮಪಿ ನೈವಾವಗಚ್ಛಾಮಿ ಭೂಂ- ನ್ನೇವಂಚಾನನ್ಯಭಾವಸ್ತ್ವದನುಭಜನಮೇವಾದ್ರಿಯೇ ಚೈದ್ಯವೈರಿನ್ । ತ್ವಲ್ಲಿಂಗಾನಾಂ ತ್ವದಂಘ್ರಿಪ್ರಿಯಜನಸದಸಾಂ ದರ್ಶನಸ್ಪರ್ಶನಾದಿ- ರ್ಭೂಯಾನ್ಮೇ ತ್ವತ್ಪ್ರಪೂಜಾನತಿನುತಿಗುಣಕರ್ಮಾನುಕೀರ್ತ್ಯಾದರೋಽಪಿ ॥8॥
ಯದ್ಯಲ್ಲಭ್ಯೇತ ತತ್ತತ್ತವ ಸಮುಪಹೃತಂ ದೇವ ದಾಸೋಽಸ್ಮಿ ತೇಽಹಂ ತ್ವದ್ಗೇಹೋನ್ಮಾರ್ಜನಾದ್ಯಂ ಭವತು ಮಮ ಮುಹುಃ ಕರ್ಮ ನಿರ್ಮಾಯಮೇವ । ಸೂರ್ಯಾಗ್ನಿಬ್ರಾಹ್ಮಣಾತ್ಮಾದಿಷು ಲಸಿತಚತುರ್ಬಾಹುಮಾರಾಧಯೇ ತ್ವಾಂ ತ್ವತ್ಪ್ರೇಮಾರ್ದ್ರತ್ವರೂಪೋ ಮಮ ಸತತಮಭಿಷ್ಯಂದತಾಂ ಭಕ್ತಿಯೋಗಃ ॥9॥
ಐಕ್ಯಂ ತೇ ದಾನಹೋಮವ್ರತನಿಯಮತಪಸ್ಸಾಂಖ್ಯಯೋಗೈರ್ದುರಾಪಂ ತ್ವತ್ಸಂಗೇನೈವ ಗೋಪ್ಯಃ ಕಿಲ ಸುಕೃತಿತಮಾ ಪ್ರಾಪುರಾನಂದಸಾಂದ್ರಮ್ । ಭಕ್ತೇಷ್ವನ್ಯೇಷು ಭೂಯಸ್ಸ್ವಪಿ ಬಹುಮನುಷೇ ಭಕ್ತಿಮೇವ ತ್ವಮಾಸಾಂ ತನ್ಮೇ ತ್ವದ್ಭಕ್ತಿಮೇವ ದ್ರಢಯ ಹರ ಗದಾನ್ ಕೃಷ್ಣ ವಾತಾಲಯೇಶ ॥10॥
ನಾರಾಯಣೀಯಂ ದಶಕ 94 - ತತ್ತ್ವಜ್ಞಾನೋತ್ಪತ್ತಿಃ ಬಗ್ಗೆ
ನಾರಾಯಣೀಯದ ತೊಂಬತ್ನಾಲ್ಕನೇ ದಶಕ ಉದ್ಧವನಿಗೆ ಕೃಷ್ಣನ ಬೋಧನೆಯಿಂದ ತೆಗೆದ ಜ್ಞಾನಮಾರ್ಗದ ಕುರಿತದ್ದು. ನಿಷ್ಕಾಮ ಕರ್ಮದಿಂದ ಶುದ್ಧರಾಗಿ ಶ್ರೇಷ್ಠ ಗುರುವಿನ ಮಾರ್ಗದರ್ಶನದಿಂದ ಸಾಧಕರು ದೇಹೇಂದ್ರಿಯಾತೀತ, ಸರ್ವವ್ಯಾಪಿ, ಶುದ್ಧ ಭಗವತ್ಸ್ವರೂಪವನ್ನು ಅರಿಯುತ್ತಾರೆ. ಭಟ್ಟತಿರಿ ಅರಣಿಯ ಚಿತ್ರ ಬಳಸುತ್ತಾರೆ: ಗುರು ಕೆಳಗಿನ ಅರಣಿ, ಶಿಷ್ಯ ಮೇಲಿನದು; ಬೋಧನೆಯ ಘರ್ಷಣೆ ಅಜ್ಞಾನವನ್ನು ಸುಡುವ ಸ್ಪಷ್ಟ ಜ್ಞಾನಾಗ್ನಿಯನ್ನು ಹೊತ್ತಿಸುತ್ತದೆ. ದಾನ, ಹೋಮ, ವ್ರತ, ತಪಸ್ಸು, ಯೋಗಗಳಿಂದ ದುರ್ಲಭವಾದ ಭಗವದೈಕ್ಯವನ್ನು ಗೋಪಿಯರು ಅವನ ಮೇಲಿನ ಪ್ರೇಮದಿಂದಲೇ ಪಡೆದರು ಎನ್ನುತ್ತಾರೆ.
ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)
ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.
ನಿಮಗೆ ಗೊತ್ತೇ?
- ಗುರುಶಿಷ್ಯರನ್ನು ಎರಡು ಅರಣಿಗಳಾಗಿ ಕಾಣುವ ಚಿತ್ರ ಭಾಗವತ ಏಕಾದಶ ಸ್ಕಂಧದಿಂದ ಬಂದದ್ದು.
- ದಶಕ ಜ್ಞಾನ ಭಕ್ತಿ ಮಾರ್ಗಗಳನ್ನು ಜೋಡಿಸಿ, ಗೋಪಿಯರ ಪ್ರೇಮವನ್ನು ಅತಿ ಸುಲಭ ಮಾರ್ಗವಾಗಿ ಸ್ತುತಿಸುತ್ತದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಗುರುಶಿಷ್ಯರನ್ನು ಯಾವುದಕ್ಕೆ ಹೋಲಿಸಲಾಗಿದೆ?
ಜ್ಞಾನಾಗ್ನಿ ಹೊತ್ತಿಸುವ ಎರಡು ಅರಣಿಗಳಿಗೆ.
ಗೋಪಿಯರು ಭಗವದೈಕ್ಯವನ್ನು ಹೇಗೆ ಪಡೆದರು?
ಅವನ ಮೇಲಿನ ಪ್ರೇಮದಿಂದಲೇ.
ನಾರಾಯಣೀಯವನ್ನು ಬರೆದವರು ಯಾರು?
೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು