ಶ್ರೀ ಸೂರ್ಯೋಪನಿಷದ್
Upanishads · ಸಾಂಪ್ರದಾಯಿಕ ಭಕ್ತಿ ಪಠ್ಯ
ఓం భ॒ద్రం కర్ణే॑భిః శృణు॒యామ॑ దేవాః । భ॒ద్రం ప॑శ్యేమా॒క్షభి॒ర్యజ॑త్రాః । స్థి॒రైరంగై᳚స్తుష్టు॒వాగ్ం స॑స్త॒నూభిః॑ । వ్యశే॑మ దే॒వహి॑తం॒-యఀదాయుః॑ । స్వ॒స్తి న॒ ఇంద్రో॑ వృ॒ద్ధశ్ర॑వాః । స్వ॒స్తి నః॑ పూ॒షా వి॒శ్వవే॑దాః । స్వ॒స్తి న॒స్తార్క్ష్యో॒ అరి॑ష్టనేమిః । స్వ॒స్తి నో॒ బృహ॒స్పతి॑ర్దధాతు । ఓం శాంతిః॒ శాంతిః॒ శాంతిః॑ ॥
ఓం అథ సూర్యాథర్వాంగిరసం-వ్యాఀ᳚ఖ్యాస్యా॒మః । బ్రహ్మా ఋ॒షిః । గాయ॑త్రీ ఛం॒దః । ఆది॑త్యో దే॒వతా । హంసః॑ సో॒ఽహమగ్నినారాయణ యు॑క్తం బీ॒జమ్ । హృల్లే॑ఖా శ॒క్తిః । వియదాదిసర్గసంయుఀ ॑క్తం కీ॒లకమ్ । చతుర్విధపురుషార్థ సిద్ధ్యర్థే వి॑నియో॒గః ।
షట్స్వరారూఢే॑న బీజే॒న షడం॑గం ర॒క్తాంబు॑జసంస్థి॒తం సప్తాశ్వ॑రథి॒నం హిర॑ణ్యవ॒ర్ణం చ॑తుర్భు॒జం పద్మద్వయాఽభయవర॑దహ॒స్తం కాలచక్ర॑ప్రణేతా॒రం శ్రీసూర్యనారాయ॒ణం-యఀ ఏ॑వం-వేఀ॒ద స వై బ్రా᳚హ్మ॒ణః ।
ఓం భూర్భువః॒ సువః॑ । తత్స॑వి॒తుర్వరే᳚ణ్యం॒ భర్గో॑ దే॒వస్య॑ ధీమహి । ధియో॒ యో నః॑ ప్రచో॒దయా᳚త్ । సూర్య॑ ఆ॒త్మా జగ॑తస్త॒స్థుష॑శ్చ । సూర్యా॒ద్వై ఖల్వి॒మాని॒ భూతా॑ని॒ జాయం॑తే । సూర్యా᳚ద్య॒జ్ఞః పర్జన్యో᳚ఽన్నమా॒త్మా ।
నమ॑స్తే ఆదిత్య । త్వమే॒వ ప్ర॒త్యక్షం॒ కర్మ॑ కర్తాసి । త్వమే॒వ ప్ర॒త్యక్షం॒ బ్రహ్మా॑ఽసి । త్వమే॒వ ప్ర॒త్యక్షం॒-విఀష్ణు॑రసి । త్వమే॒వ ప్ర॒త్యక్షం॒ రుద్రో॑ఽసి । త్వమే॒వ ప్ర॒త్యక్ష॒మృగ॑సి । త్వమే॒వ ప్ర॒త్యక్షం॒-యఀజు॑రసి । త్వమే॒వ ప్ర॒త్యక్షం॒ సామా॑సి । త్వమే॒వ ప్ర॒త్యక్ష॒మథ॑ర్వాసి । త్వమే॒వ సర్వం॑ ఛందో॒ఽసి । ఆ॒ది॒త్యాద్వా॑యుర్జా॒యతే । ఆ॒ది॒త్యాద్భూ॑మిర్జా॒యతే । ఆ॒ది॒త్యాదాపో॑ జాయం॒తే । ఆ॒ది॒త్యాజ్జ్యోతి॑ర్జాయ॒తే । ఆ॒ది॒త్యాద్వ్యోమ దిశో॑ జాయం॒తే ।
ఆ॒ది॒త్యాద్దే॑వా జాయం॒తే । ఆ॒ది॒త్యాద్వే॑దా జాయం॒తే । ఆ॒ది॒త్యో వా ఏ॒ష ఏ॒తన్మం॒డలం॒ తప॑తి । అ॒సావా॑ది॒త్యో బ్ర॒హ్మా । ఆ॒ది॒త్యోఽంతఃకరణ మనోబుద్ధి చిత్తా॑హంకా॒రాః । ఆ॒ది॒త్యో వై వ్యానః సమానోదానోఽపా॑నః ప్రా॒ణః । ఆ॒ది॒త్యో వై శ్రోత్ర త్వక్ చక్షూరస॑నఘ్రా॒ణాః । ఆ॒ది॒త్యో వై వాక్పాణిపాదపా॑యూప॒స్థాః । ఆ॒ది॒త్యో వై శబ్దస్పర్శరూపర॑సగం॒ధాః । ఆ॒ది॒త్యో వై వచనాదానాగమన విస॑ర్గానం॒దాః । ఆనందమయో విజ్ఞానమయో విజ్ఞానఘన॑ ఆది॒త్యః । నమో మిత్రాయ భానవే మృత్యో᳚ర్మా పా॒హి । భ్రాజిష్ణవే విశ్వహేత॑వే న॒మః ।
సూర్యాద్భవంతి॑ భూతా॒ని సూర్యేణ పాలి॑తాని॒ తు । సూర్యే లయం ప్రా᳚ప్నువం॒తి యః సూర్యః సోఽహ॑మేవ॒ చ । చక్షు॑ర్నో దే॒వః స॑వి॒తా చక్షు॑ర్న ఉ॒త ప॒ర్వతః॑ । చక్షు॑ర్ధా॒తా ద॑ధాతు నః ।
ఆ॒ది॒త్యాయ॑ వి॒ద్మహే॑ సహస్రకిర॒ణాయ॑ ధీమహి । తన్నః॑ సూర్యః ప్రచో॒దయా᳚త్ ।
స॒వి॒తా ప॒శ్చాత్తా᳚త్ సవి॒తా పు॒రస్తా᳚త్ సవి॒తోత్త॒రాత్తా᳚త్ సవి॒తాఽధ॒రాత్తా᳚త్ సవి॒తా నః॑ సువతు స॒ర్వతా᳚తిగ్ం సవి॒తా నో᳚ రాసతాం దీర్ఘ॒మాయుః॑ ।
ఓమిత్యేకాక్ష॑రం బ్ర॒హ్మ । ఘృణి॒రితి॒ ద్వే అ॒క్షరే᳚ । సూర్య॒ ఇత్యక్ష॑రద్వ॒యమ్ । ఆ॒ది॒త్య ఇతి॒ త్రీణ్యక్ష॑రాణి । ఏతస్యైవ సూర్యస్యాష్టాక్ష॑రో మ॒నుః ।
యః సదాహరహ॑ర్జప॒తి స వై బ్రాహ్మ॑ణో భ॒వతి స వై బ్రాహ్మ॑ణో భ॒వతి । సూర్యాభిము॑ఖో జ॒ప్త్వా మహావ్యాధి భయా᳚త్ ప్రము॒చ్యతే । అల॑క్ష్మీర్న॒శ్యతి । అభక్ష్య భక్షణాత్ పూ॑తో భ॒వతి । అగమ్యాగమనాత్ పూ॑తో భ॒వతి । పతిత సంభాషణాత్ పూ॑తో భ॒వతి । అసత్ సంభాషణాత్ పూ॑తో భ॒వతి । అసత్ సంభాషణాత్పూ॑తో భ॒వతి ।
మధ్యాహ్నే సూర్యాభి॑ముఖః ప॒ఠేత్ । సద్యోత్పన్నపంచమహాపాతకా᳚త్ ప్రము॒చ్యతే । సైషా సావి॑త్రీం-విఀ॒ద్యాం న కించిదపి న కస్మైచి॑త్ ప్రశం॒సయేత్ । య ఏ॒తాం మహాభాగః ప్రా॑తః ప॒ఠతి స భాగ్య॑వాన్ జా॒యతే ప॑శూన్విం॒దతి । వేదా᳚ర్థం-లఀ॒భతే । త్రికాలమే॑తజ్జ॒ప్త్వా క్రతుశతఫలమ॑వాప్నో॒తి । హస్తాది॑త్యే జ॒పతి స మహామృ॑త్యుం త॒రతి స మహామృ॑త్యుం త॒రతి య ఏ॑వం-వేఀ॒ద । ఇత్యు॑ప॒నిష॑త్ ।
ఓం భ॒ద్రం కర్ణే॑భిః శృణు॒యామ॑ దేవాః । భ॒ద్రం ప॑శ్యేమా॒క్షభి॒ర్యజ॑త్రాః । స్థి॒రైరంగై᳚స్తుష్టు॒వాగ్ం స॑స్త॒నూభిః॑ । వ్యశే॑మ దే॒వహి॑తం॒-యఀదాయుః॑ । స్వ॒స్తి న॒ ఇంద్రో॑ వృ॒ద్ధశ్ర॑వాః । స్వ॒స్తి నః॑ పూ॒షా వి॒శ్వవే॑దాః । స్వ॒స్తి న॒స్తార్క్ష్యో॒ అరి॑ష్టనేమిః । స్వ॒స్తి నో॒ బృహ॒స్పతి॑ర్దధాతు । ఓం శాంతిః॒ శాంతిః॒ శాంతిః॑ ॥
ಶ್ರೀ ಸೂರ್ಯೋಪನಿಷದ್ ಬಗ್ಗೆ
ಸೂರ್ಯೋಪನಿಷತ್ತು ಸೂರ್ಯನನ್ನು ಎಲ್ಲರ ಆತ್ಮವೆಂದು ಸ್ತುತಿಸುವ ಅಥರ್ವವೇದದ ಚಿಕ್ಕ ಉಪನಿಷತ್ತು. ಇದರ ವಿನಿಯೋಗ ಬ್ರಹ್ಮನನ್ನು ಋಷಿ, ಗಾಯತ್ರಿಯನ್ನು ಛಂದಸ್ಸು, ಆದಿತ್ಯನನ್ನು ದೇವತೆ ಎನ್ನುತ್ತದೆ. ಸೂರ್ಯನಿಂದ ಎಲ್ಲ ಜೀವಿಗಳು ಹುಟ್ಟುತ್ತವೆ, ಅವನಿಂದ ಪೋಷಿತವಾಗುತ್ತವೆ, ಅವನಲ್ಲೇ ಲಯಹೊಂದುತ್ತವೆ; ಸೂರ್ಯನೇ ಬ್ರಹ್ಮ, ವಿಷ್ಣು, ರುದ್ರ, ವೇದಗಳು, ದೇವತೆಗಳು, ಮತ್ತು "ನಾನೇ ಅವನು" ಎಂದು ಬೋಧಿಸುತ್ತದೆ. ಅಷ್ಟಾಕ್ಷರ ಸೂರ್ಯಮಂತ್ರ ನೀಡಿ "ಭದ್ರಂ ಕರ್ಣೇಭಿಃ" ಶಾಂತಿಮಂತ್ರದೊಂದಿಗೆ ಮುಗಿಯುತ್ತದೆ.
ಮೂಲ: ಅಥರ್ವವೇದ
ಯಾವಾಗ ಪಠಿಸಬೇಕು: ಸೂರ್ಯೋದಯದಲ್ಲಿ, ವಿಶೇಷವಾಗಿ ಭಾನುವಾರಗಳಲ್ಲಿ, ಮತ್ತು ರಥಸಪ್ತಮಿ ಹಾಗೂ ಮಕರಸಂಕ್ರಾಂತಿಯಂದು.
ನಿಮಗೆ ಗೊತ್ತೇ?
- ಇದನ್ನು ಸೂರ್ಯಾಥರ್ವಶೀರ್ಷ, ಸೂರ್ಯನಿಗೆ ಮೀಸಲಾದ ಅಥರ್ವವೇದದ "ಶಿರಸ್ಸು" ಎಂದೂ ಕರೆಯುತ್ತಾರೆ.
- ಗಾಯತ್ರೀ ಮಂತ್ರದ ಭಾವದಲ್ಲಿ ಇದು ಸೂರ್ಯನನ್ನು ಅಂತರಾತ್ಮನೊಡನೆ ಸಮೀಕರಿಸುತ್ತದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಸೂರ್ಯೋಪನಿಷತ್ತು ಏನನ್ನು ಬೋಧಿಸುತ್ತದೆ?
ಎಲ್ಲ ಜೀವಿಗಳು ಹುಟ್ಟಿ ಲಯಹೊಂದುವ, ಎಲ್ಲರ ಆತ್ಮ ಸೂರ್ಯ ಎಂದು.
ಇದು ಯಾವ ವೇದಕ್ಕೆ ಸೇರಿದ್ದು?
ಅಥರ್ವವೇದ.
ಇದನ್ನು ಯಾವಾಗ ಪಠಿಸುತ್ತಾರೆ?
ಸೂರ್ಯೋದಯದಲ್ಲಿ, ಭಾನುವಾರ ಮತ್ತು ರಥಸಪ್ತಮಿಯಂದು.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು