MuhurtaNow

ವಾಸುದೇವ ಸ್ತೋತ್ರಂ (ಮಹಾಭಾರತಂ)

Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ

(ಶ್ರೀಮಹಾಭಾರತೇ ಭೀಷ್ಮಪರ್ವಣಿ ಪಂಚಷಷ್ಟಿತಮೋಽಧ್ಯಾಯೇ ಶ್ಲೋ: 47)

ವಿಶ್ವಾವಸುರ್ವಿಶ್ವಮೂರ್ತಿರ್ವಿಶ್ವೇಶೋ ವಿಷ್ವಕ್ಸೇನೋ ವಿಶ್ವಕರ್ಮಾ ವಶೀ ಚ । ವಿಶ್ವೇಶ್ವರೋ ವಾಸುದೇವೋಽಸಿ ತಸ್ಮಾ- -ದ್ಯೋಗಾತ್ಮಾನಂ ದೈವತಂ ತ್ವಾಮುಪೈಮಿ ॥ 47 ॥

ಜಯ ವಿಶ್ವ ಮಹಾದೇವ ಜಯ ಲೋಕಹಿತೇರತ । ಜಯ ಯೋಗೀಶ್ವರ ವಿಭೋ ಜಯ ಯೋಗಪರಾವರ ॥ 48 ॥

ಪದ್ಮಗರ್ಭ ವಿಶಾಲಾಕ್ಷ ಜಯ ಲೋಕೇಶ್ವರೇಶ್ವರ । ಭೂತಭವ್ಯಭವನ್ನಾಥ ಜಯ ಸೌಮ್ಯಾತ್ಮಜಾತ್ಮಜ ॥ 49 ॥

ಅಸಂಖ್ಯೇಯಗುಣಾಧಾರ ಜಯ ಸರ್ವಪರಾಯಣ । ನಾರಾಯಣ ಸುದುಷ್ಪಾರ ಜಯ ಶಾರ್ಙ್ಗಧನುರ್ಧರ ॥ 50 ॥

ಜಯ ಸರ್ವಗುಣೋಪೇತ ವಿಶ್ವಮೂರ್ತೇ ನಿರಾಮಯ । ವಿಶ್ವೇಶ್ವರ ಮಹಾಬಾಹೋ ಜಯ ಲೋಕಾರ್ಥತತ್ಪರ ॥ 51 ॥

ಮಹೋರಗವರಾಹಾದ್ಯ ಹರಿಕೇಶ ವಿಭೋ ಜಯ । ಹರಿವಾಸ ದಿಶಾಮೀಶ ವಿಶ್ವಾವಾಸಾಮಿತಾವ್ಯಯ ॥ 52 ॥

ವ್ಯಕ್ತಾವ್ಯಕ್ತಾಮಿತಸ್ಥಾನ ನಿಯತೇಂದ್ರಿಯ ಸತ್ಕ್ರಿಯ । ಅಸಂಖ್ಯೇಯಾತ್ಮಭಾವಜ್ಞ ಜಯ ಗಂಭೀರಕಾಮದ ॥ 53 ॥

ಅನಂತವಿದಿತ ಬ್ರಹ್ಮನ್ ನಿತ್ಯಭೂತವಿಭಾವನ । ಕೃತಕಾರ್ಯ ಕೃತಪ್ರಜ್ಞ ಧರ್ಮಜ್ಞ ವಿಜಯಾವಹ ॥ 54 ॥

ಗುಹ್ಯಾತ್ಮನ್ ಸರ್ವಯೋಗಾತ್ಮನ್ ಸ್ಫುಟ ಸಂಭೂತ ಸಂಭವ । ಭೂತಾದ್ಯ ಲೋಕತತ್ತ್ವೇಶ ಜಯ ಭೂತವಿಭಾವನ ॥ 55 ॥

ಆತ್ಮಯೋನೇ ಮಹಾಭಾಗ ಕಲ್ಪಸಂಕ್ಷೇಪತತ್ಪರ । ಉದ್ಭಾವನಮನೋಭಾವ ಜಯ ಬ್ರಹ್ಮಜನಪ್ರಿಯ ॥ 56 ॥

ನಿಸರ್ಗಸರ್ಗನಿರತ ಕಾಮೇಶ ಪರಮೇಶ್ವರ । ಅಮೃತೋದ್ಭವ ಸದ್ಭಾವ ಮುಕ್ತಾತ್ಮನ್ ವಿಜಯಪ್ರದ ॥ 57 ॥

ಪ್ರಜಾಪತಿಪತೇ ದೇವ ಪದ್ಮನಾಭ ಮಹಾಬಲ । ಆತ್ಮಭೂತ ಮಹಾಭೂತ ಸತ್ವಾತ್ಮನ್ ಜಯ ಸರ್ವದಾ ॥ 58 ॥

ಪಾದೌ ತವ ಧರಾ ದೇವೀ ದಿಶೋ ಬಾಹು ದಿವಂ ಶಿರಃ । ಮೂರ್ತಿಸ್ತೇಽಹಂ ಸುರಾಃ ಕಾಯಶ್ಚಂದ್ರಾದಿತ್ಯೌ ಚ ಚಕ್ಷುಷೀ ॥ 59 ॥

ಬಲಂ ತಪಶ್ಚ ಸತ್ಯಂ ಚ ಕರ್ಮ ಧರ್ಮಾತ್ಮಜಂ ತವ । ತೇಜೋಽಗ್ನಿಃ ಪವನಃ ಶ್ವಾಸ ಆಪಸ್ತೇ ಸ್ವೇದಸಂಭವಾಃ ॥ 60 ॥

ಅಶ್ವಿನೌ ಶ್ರವಣೌ ನಿತ್ಯಂ ದೇವೀ ಜಿಹ್ವಾ ಸರಸ್ವತೀ । ವೇದಾಃ ಸಂಸ್ಕಾರನಿಷ್ಠಾ ಹಿ ತ್ವಯೀದಂ ಜಗದಾಶ್ರಿತಮ್ ॥ 61 ॥

ನ ಸಂಖ್ಯಾ ನ ಪರೀಮಾಣಂ ನ ತೇಜೋ ನ ಪರಾಕ್ರಮಮ್ । ನ ಬಲಂ ಯೋಗಯೋಗೀಶ ಜಾನೀಮಸ್ತೇ ನ ಸಂಭವಮ್ ॥ 62 ॥

ತ್ವದ್ಭಕ್ತಿನಿರತಾ ದೇವ ನಿಯಮೈಸ್ತ್ವಾಂ ಸಮಾಶ್ರಿತಾಃ । ಅರ್ಚಯಾಮಃ ಸದಾ ವಿಷ್ಣೋ ಪರಮೇಶಂ ಮಹೇಶ್ವರಮ್ ॥ 63 ॥

ಋಷಯೋ ದೇವಗಂಧರ್ವಾ ಯಕ್ಷರಾಕ್ಷಸಪನ್ನಗಾಃ । ಪಿಶಾಚಾ ಮಾನುಷಾಶ್ಚೈವ ಮೃಗಪಕ್ಷಿಸರೀಸೃಪಾಃ ॥ 64 ॥

ಏವಮಾದಿ ಮಯಾ ಸೃಷ್ಟಂ ಪೃಥಿವ್ಯಾಂ ತ್ವತ್ಪ್ರಸಾದಜಮ್ । ಪದ್ಮನಾಭ ವಿಶಾಲಾಕ್ಷ ಕೃಷ್ಣ ದುಃಖಪ್ರಣಾಶನ ॥ 65 ॥

ತ್ವಂ ಗತಿಃ ಸರ್ವಭೂತಾನಾಂ ತ್ವಂ ನೇತಾ ತ್ವಂ ಜಗದ್ಗುರುಃ । ತ್ವತ್ಪ್ರಸಾದೇನ ದೇವೇಶ ಸುಖಿನೋ ವಿಬುಧಾಃ ಸದಾ ॥ 66 ॥

ಪೃಥಿವೀ ನಿರ್ಭಯಾ ದೇವ ತ್ವತ್ಪ್ರಸಾದಾತ್ಸದಾಽಭವತ್ । ತಸ್ಮಾದ್ಭವ ವಿಶಾಲಾಕ್ಷ ಯದುವಂಶವಿವರ್ಧನಃ ॥ 67 ॥

ಧರ್ಮಸಂಸ್ಥಾಪನಾರ್ಥಾಯ ದೈತ್ಯಾನಾಂ ಚ ವಧಾಯ ಚ । ಜಗತೋ ಧಾರಣಾರ್ಥಾಯ ವಿಜ್ಞಾಪ್ಯಂ ಕುರು ಮೇ ಪ್ರಭೋ ॥ 68 ॥

ಯತ್ತತ್ಪರಮಕಂ ಗುಹ್ಯಂ ತ್ವತ್ಪ್ರಸಾದಾದಿದಂ ವಿಭೋ । ವಾಸುದೇವ ತದೇತತ್ತೇ ಮಯೋದ್ಗೀತಂ ಯಥಾತಥಮ್ ॥ 69 ॥

ಸೃಷ್ಟ್ವಾ ಸಂಕರ್ಷಣಂ ದೇವಂ ಸ್ವಯಮಾತ್ಮಾನಮಾತ್ಮನಾ । ಕೃಷ್ಣ ತ್ವಮಾತ್ಮನೋ ಸಾಕ್ಷೀ ಪ್ರದ್ಯುಮ್ನಂ ಚಾತ್ಮಸಂಭವಮ್ ॥ 70 ॥

ಪ್ರದ್ಯುಮ್ನಾದನಿರುದ್ಧಂ ತ್ವಂ ಯಂ ವಿದುರ್ವಿಷ್ಣುಮವ್ಯಯಮ್ । ಅನಿರುದ್ಧೋಽಸೃಜನ್ಮಾಂ ವೈ ಬ್ರಹ್ಮಾಣಂ ಲೋಕಧಾರಿಣಮ್ ॥ 71 ॥

ವಾಸುದೇವಮಯಃ ಸೋಽಹಂ ತ್ವಯೈವಾಸ್ಮಿ ವಿನಿರ್ಮಿತಃ । [ತಸ್ಮಾದ್ಯಾಚಾಮಿ ಲೋಕೇಶ ಚತುರಾತ್ಮಾನಮಾತ್ಮನಾ।] ವಿಭಜ್ಯ ಭಾಗಶೋಽಽತ್ಮಾನಂ ವ್ರಜ ಮಾನುಷತಾಂ ವಿಭೋ ॥ 72 ॥

ತತ್ರಾಸುರವಧಂ ಕೃತ್ವಾ ಸರ್ವಲೋಕಸುಖಾಯ ವೈ । ಧರ್ಮಂ ಪ್ರಾಪ್ಯ ಯಶಃ ಪ್ರಾಪ್ಯ ಯೋಗಂ ಪ್ರಾಪ್ಸ್ಯಸಿ ತತ್ತ್ವತಃ ॥ 73 ॥

ತ್ವಾಂ ಹಿ ಬ್ರಹ್ಮರ್ಷಯೋ ಲೋಕೇ ದೇವಾಶ್ಚಾಮಿತವಿಕ್ರಮ । ತೈಸ್ತೈರ್ಹಿ ನಾಮಭಿರ್ಯುಕ್ತಾ ಗಾಯಂತಿ ಪರಮಾತ್ಮಕಮ್ ॥ 74 ॥

ಸ್ಥಿತಾಶ್ಚ ಸರ್ವೇ ತ್ವಯಿ ಭೂತಸಂಘಾಃ ಕೃತ್ವಾಶ್ರಯಂ ತ್ವಾಂ ವರದಂ ಸುಬಾಹೋ । ಅನಾದಿಮಧ್ಯಾಂತಮಪಾರಯೋಗಂ ಲೋಕಸ್ಯ ಸೇತುಂ ಪ್ರವದಂತಿ ವಿಪ್ರಾಃ ॥ 75 ॥

ಇತಿ ಶ್ರೀಮಹಾಭಾರತೇ ಭೀಷ್ಮಪರ್ವಣಿ ಪಂಚಷಷ್ಟಿತಮೋಽಧ್ಯಾಯೇ ವಾಸುದೇವ ಸ್ತೋತ್ರಮ್ ।

ವಾಸುದೇವ ಸ್ತೋತ್ರಂ (ಮಹಾಭಾರತಂ) ಬಗ್ಗೆ

ಈ ವಾಸುದೇವ ಸ್ತೋತ್ರ ಮಹಾಭಾರತದ ಭೀಷ್ಮಪರ್ವದಿಂದ ವಾಸುದೇವನಾದ ಶ್ರೀಕೃಷ್ಣನ ಸ್ತುತಿ. ಅವನನ್ನು ವಿಶ್ವಾವಸು, ವಿಶ್ವಮೂರ್ತಿ, ವಿಶ್ವೇಶ, ವಿಷ್ವಕ್ಸೇನ, ವಿಶ್ವಕರ್ಮ, ವಶೀ, ವಿಶ್ವೇಶ್ವರ ಎಂದು ಸ್ತುತಿಸುತ್ತದೆ; "ನೀನು ವಾಸುದೇವ, ಆದ್ದರಿಂದ ಯೋಗಾತ್ಮನಾದ ನಿನಗೆ ಶರಣಾಗುತ್ತೇನೆ". ಮಹಾಕಾವ್ಯದಲ್ಲಿ ಕೃಷ್ಣ ನಿಜವಾಗಿ ಯಾರು ಎಂದು ತೋರಿಸಲು ಭೀಷ್ಮ ಈ ಸ್ತೋತ್ರವನ್ನು ದುರ್ಯೋಧನನಿಗೆ ಹೇಳುತ್ತಾನೆ.

ಮೂಲ: ಪಠ್ಯ ಹೇಳುವಂತೆ ಮಹಾಭಾರತ, ಭೀಷ್ಮಪರ್ವ

ಯಾವಾಗ ಪಠಿಸಬೇಕು: ವಿಷ್ಣು ಮತ್ತು ಕೃಷ್ಣ ಪೂಜೆಯಲ್ಲಿ, ಏಕಾದಶಿಯಂದು, ಮತ್ತು ಮಹಾಭಾರತ ಅಧ್ಯಯನದಲ್ಲಿ.

ನಿಮಗೆ ಗೊತ್ತೇ?

  • ಪಠ್ಯ ಇದರ ಸ್ಥಾನವನ್ನು ಮಹಾಭಾರತದ ಭೀಷ್ಮಪರ್ವ, ೬೫ನೇ ಅಧ್ಯಾಯ ಎನ್ನುತ್ತದೆ.
  • ಯುದ್ಧದ ಮುನ್ನ ಕೃಷ್ಣ ಮತ್ತು ಪಾಂಡವರೊಡನೆ ಸಂಧಿ ಮಾಡಿಕೊ ಎಂದು ಒತ್ತಾಯಿಸುತ್ತಾ ಭೀಷ್ಮ ಇದನ್ನು ದುರ್ಯೋಧನನಿಗೆ ಹೇಳುತ್ತಾನೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ವಾಸುದೇವ ಸ್ತೋತ್ರ ಎಲ್ಲಿದೆ?

ಪಠ್ಯ ಹೇಳುವಂತೆ ಮಹಾಭಾರತದ ಭೀಷ್ಮಪರ್ವ.

ಇದನ್ನು ಯಾರು ಹೇಳುತ್ತಾರೆ?

ದುರ್ಯೋಧನನಿಗೆ ಭೀಷ್ಮ.

ಇದು ಯಾರನ್ನು ಸ್ತುತಿಸುತ್ತದೆ?

ವಿಶ್ವದ ಆತ್ಮ ಮತ್ತು ಒಡೆಯ ವಾಸುದೇವನಾದ ಕೃಷ್ಣನನ್ನು.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.