MuhurtaNow

പാംഡവഗീതാ

Sri Krishna · പരമ്പരാഗത ഭക്തിഗ്രന്ഥം

ಪ್ರಹ್ಲಾದನಾರದಪರಾಶರಪುಂಡರೀಕ- ವ್ಯಾಸಾಂಬರೀಷಶುಕಶೌನಕಭೀಷ್ಮಕಾವ್ಯಾಃ । ರುಕ್ಮಾಂಗದಾರ್ಜುನವಸಿಷ್ಠವಿಭೀಷಣಾದ್ಯಾ ಏತಾನಹಂ ಪರಮಭಾಗವತಾನ್ ನಮಾಮಿ ॥ 1॥

ಲೋಮಹರ್ಷಣ ಉವಾಚ

ಧರ್ಮೋ ವಿವರ್ಧತಿ ಯುಧಿಷ್ಠಿರಕೀರ್ತನೇನ ಪಾಪಂ ಪ್ರಣಶ್ಯತಿ ವೃಕೋದರಕೀರ್ತನೇನ । ಶತ್ರುರ್ವಿನಶ್ಯತಿ ಧನಂಜಯಕೀರ್ತನೇನ ಮಾದ್ರೀಸುತೌ ಕಥಯತಾಂ ನ ಭವಂತಿ ರೋಗಾಃ ॥ 2

ಬ್ರಹ್ಮೋವಾಚ । ಯೇ ಮಾನವಾ ವಿಗತರಾಗಪರಾ¶ಜ್ಞಾ ನಾರಾಯಣಂ ಸುರಗುರುಂ ಸತತಂ ಸ್ಮರಂತಿ । ಧ್ಯಾನೇನ ತೇನ ಹತಕಿಲ್ಬಿಷ ಚೇತನಾಸ್ತೇ ಮಾತುಃ ಪಯೋಧರರಸಂ ನ ಪುನಃ ಪಿಬಂತಿ ॥ 3॥

ಇಂದ್ರ ಉವಾಚ

ನಾರಾಯಣೋ ನಾಮ ನರೋ ನರಾಣಾಂ ಪ್ರಸಿದ್ಧಚೌರಃ ಕಥಿತಃ ಪೃಥಿವ್ಯಾಮ್ । ಅನೇಕಜನ್ಮಾರ್ಜಿತಪಾಪಸಂಚಯಂ ಹರತ್ಯಶೇಷಂ ಸ್ಮೃತಮಾತ್ರ ಏವ ಯಃ ॥ 4

ಯುಧಿಷ್ಠಿರ ಉವಾಚ

ಮೇಘಶ್ಯಾಮಂ ಪೀತಕೌಶೇಯವಾಸಂ ಶ್ರೀವತ್ಸಾಂಕಂ ಕೌಸ್ತುಭೋದ್ಭಾಸಿತಾಂಗಮ್ । ಪುಣ್ಯೋಪೇತಂ ಪುಂಡರೀಕಾಯತಾಕ್ಷಂ ವಿಷ್ಣುಂ ವಂದೇ ಸರ್ವಲೋಕೈಕನಾಥಮ್ ॥ 5

ಭೀಮ ಉವಾಚ

ಜಲೌಘಮಗ್ನಾ ಸಚರಾಽಚರಾ ಧರಾ ವಿಷಾಣಕೋಟ್ಯಾಽಖಿಲವಿಶ್ವಮೂರ್ತಿನಾ । ಸಮುದ್ಧೃತಾ ಯೇನ ವರಾಹರೂಪಿಣಾ ಸ ಮೇ ಸ್ವಯಂಭೂರ್ಭಗವಾನ್ ಪ್ರಸೀದರು ॥ 6

ಅರ್ಜುನ ಉವಾಚ

ಅಚಿಂತ್ಯಮವ್ಯಕ್ತಮನಂತಮವ್ಯಯಂ ವಿಭುಂ ಪ್ರಭುಂ ಭಾವಿತವಿಶ್ವಭಾವನಮ್ । ತ್ರೈಲೋಕ್ಯವಿಸ್ತಾರವಿಚಾರಕಾರಕಂ ಹರಿಂ ಪ್ರಪನ್ನೋಽಸ್ಮಿ ಗತಿಂ ಮಹಾತ್ಮನಾಮ್ ॥ 7

ನಕುಲ ಉವಾಚ

ಯದಿ ಗಮನಮಧಸ್ತಾತ್ ಕಾಲಪಾಶಾನುಬಂಧಾದ್ ಯದಿ ಚ ಕುಲವಿಹೀನೇ ಜಾಯತೇ ಪಕ್ಷಿಕೀಟೇ । ಕೃಮಿಶತಮಪಿ ಗತ್ವಾ ಧ್ಯಾಯತೇ ಚಾಂತರಾತ್ಮಾ ಮಮ ಭವತು ಹೃದಿಸ್ಥಾ ಕೇಶವೇ ಭಕ್ತಿರೇಕಾ ॥ 8

ಸಹದೇವ ಉವಾಚ

ತಸ್ಯ ಯಜ್ಞವರಾಹಸ್ಯ ವಿಷ್ಣೋರತುಲತೇಜಸಃ । ಪ್ರಣಾಮಂ ಯೇ ಪ್ರಕುರ್ವಂತಿ ತೇಷಾಮಪಿ ನಮೋ ನಮಃ ॥ 9

ಕುಂತೀ ಉವಾಚ

ಸ್ವಕರ್ಮಫಲನಿರ್ದಿಷ್ಟಾಂ ಯಾಂ ಯಾಂ ಯೋನಿಂ ವ್ರಜಾಮ್ಯಹಮ್ । ತಸ್ಯಾಂ ತಸ್ಯಾಂ ಹೃಷೀಕೇಶ ತ್ವಯಿ ಭಕ್ತಿರ್ದೃಢಾಽಸ್ತು ಮೇ ॥ 10

ಮಾದ್ರೀ ಉವಾಚ

ಕೃಷ್ಣೇ ರತಾಃ ಕೃಷ್ಣಮನುಸ್ಮರಂತಿ ರಾತ್ರೌ ಚ ಕೃಷ್ಣಂ ಪುನರುತ್ಥಿತಾ ಯೇ । ತೇ ಭಿನ್ನದೇಹಾಃ ಪ್ರವಿಶಂತಿ ಕೃಷ್ಣೇ ಹವಿರ್ಯಥಾ ಮಂತ್ರಹುತಂ ಹುತಾಶೇ ॥ 11

ದ್ರೌಪದೀ ಉವಾಚ

ಕೀಟೇಷು ಪಕ್ಷಿಷು ಮೃಗೇಷು ಸರೀಸೃಪೇಷು ರಕ್ಷಃಪಿಶಾಚಮನುಜೇಷ್ವಪಿ ಯತ್ರ ಯತ್ರ । ಜಾತಸ್ಯ ಮೇ ಭವತು ಕೇಶವ ತ್ವತ್ಪ್ರಸಾದಾತ್ ತ್ವಯ್ಯೇವ ಭಕ್ತಿರಚಲಾಽವ್ಯಭಿಚಾರಿಣೀ ಚ ॥ 12

ಸುಭದ್ರಾ ಉವಾಚ

ಏಕೋಽಪಿ ಕೃಷ್ಣಸ್ಯ ಕೃತಃ ಪ್ರಣಾಮೋ ದಶಾಶ್ವಮೇಧಾವಭೃಥೇನ ತುಲ್ಯಃ । ದಶಾಶ್ವಮೇಧೀ ಪುನರೇತಿ ಜನ್ಮ ಕೃಷ್ಣಪ್ರಣಾಮೀ ನ ಪುನರ್ಭವಾಯ ॥ 13

ಅಭಿಮನ್ಯುರುವಾಚ

ಗೋವಿಂದ ಗೋವಿಂದ ಹರೇ ಮುರಾರೇ ಗೋವಿಂದ ಗೋವಿಂದ ಮುಕುಂದ ಕೃಷ್ಣ ಗೋವಿಂದ ಗೋವಿಂದ ರಥಾಂಗಪಾಣೇ । ಗೋವಿಂದ ಗೋವಿಂದ ನಮಾಮಿ ನಿತ್ಯಮ್ ॥ 14

ಧೃಷ್ಟದ್ಯುಮ್ನ ಉವಾಚ

ಶ್ರೀರಾಮ ನಾರಾಯಣ ವಾಸುದೇವ ಗೋವಿಂದ ವೈಕುಂಠ ಮುಕುಂದ ಕೃಷ್ಣ । ಶ್ರೀಕೇಶವಾನಂತ ನೃಸಿಂಹ ವಿಷ್ಣೋ ಮಾಂ ತ್ರಾಹಿ ಸಂಸಾರಭುಜಂಗದಷ್ಟಮ್ ॥ 15

ಸಾತ್ಯಕಿರುವಾಚ

ಅಪ್ರಮೇಯ ಹರೇ ವಿಷ್ಣೋ ಕೃಷ್ಣ ದಾಮೋದರಾಽಚ್ಯುತ । ಗೋವಿಂದಾನಂತ ಸರ್ವೇಶ ವಾಸುದೇವ ನಮೋಽಸ್ತು ತೇ ॥ 16

ಉದ್ಧವ ಉವಾಚ

ವಾಸುದೇವಂ ಪರಿತ್ಯಜ್ಯ ಯೋಽನ್ಯಂ ದೇವಮುಪಾಸತೇ । ತೃಷಿತೋ ಜಾಹ್ನವೀತೀರೇ ಕೂಪಂ ಖನತಿ ದುರ್ಮತಿಃ ॥ 17

ಧೌಮ್ಯ ಉವಾಚ

ಅಪಾಂ ಸಮೀಪೇ ಶಯನಾಸನಸ್ಥಿತೇ ದಿವಾ ಚ ರಾತ್ರೌ ಚ ಯಥಾಧಿಗಚ್ಛತಾ । ಯದ್ಯಸ್ತಿ ಕಿಂಚಿತ್ ಸುಕೃತಂ ಕೃತಂ ಮಯಾ ಜನಾರ್ದನಸ್ತೇನ ಕೃತೇನ ತುಷ್ಯತು ॥ 18

ಸಂಜಯ ಉವಾಚ

ಆರ್ತಾ ವಿಷಣ್ಣಾಃ ಶಿಥಿಲಾಶ್ಚ ಭೀತಾ ಘೋರೇಷು ವ್ಯಾಘ್ರಾದಿಷು ವರ್ತಮಾನಾಃ । ಸಂಕೀರ್ತ್ಯ ನಾರಾಯಣಶಬ್ದಮಾತ್ರಂ ವಿಮುಕ್ತದುಃಖಾಃ ಸುಖಿನೋ ಭವಂತಿ ॥ 19

ಅಕ್ರೂರ ಉವಾಚ

ಅಹಂ ತು ನಾರಾಯಣದಾಸದಾಸ- ದಾಸಸ್ಯ ದಾಸಸ್ಯ ಚ ದಾಸದಾಸಃ । ಅನ್ಯೋ ನ ಹೀಶೋ ಜಗತೋ ನರಾಣಾಂ ತಸ್ಮಾದಹಂ ಧನ್ಯತರೋಽಸ್ಮಿ ಲೋಕೇ ॥ 20

ವಿರಾಟ ಉವಾಚ

ವಾಸುದೇವಸ್ಯ ಯೇ ಭಕ್ತಾಃ ಶಾಂತಾಸ್ತದ್ಗತಚೇತಸಃ । ತೇಷಾಂ ದಾಸಸ್ಯ ದಾಸೋಽಹಂ ಭವೇಯಂ ಜನ್ಮಜನ್ಮನಿ ॥ 21

ಭೀಷ್ಮ ಉವಾಚ

ವಿಪರೀತೇಷು ಕಾಲೇಷು ಪರಿಕ್ಷೀಣೇಷು ಬಂಧುಷು । ತ್ರಾಹಿ ಮಾಂ ಕೃಪಯಾ ಕೃಷ್ಣ ಶರಣಾಗತವತ್ಸಲ ॥ 22

ದ್ರೋಣ ಉವಾಚ

ಯೇ ಯೇ ಹತಾಶ್ಚಕ್ರಧರೇಣ ದೈತ್ಯಾಂ- ಸ್ತ್ರೈಲೋಕ್ಯನಾಥೇನ ಜನಾರ್ದನೇನ । ತೇ ತೇ ಗತಾ ವಿಷ್ಣುಪುರೀಂ ಪ್ರಯಾತಾಃ ಕ್ರೋಧೋಽಪಿ ದೇವಸ್ಯ ವರೇಣ ತುಲ್ಯಃ ॥ 23

ಕೃಪಾಚಾರ್ಯ ಉವಾಚ

ಮಜ್ಜನ್ಮನಃ ಫಲಮಿದಂ ಮಧುಕೈಟಭಾರೇ ಮತ್ಪ್ರಾರ್ಥನೀಯ ಮದನುಗ್ರಹ ಏಷ ಏವ । ತ್ವದ್ಭೃತ್ಯಭೃತ್ಯಪರಿಚಾರಕಭೃತ್ಯಭೃತ್ಯ- ಭೃತ್ಯಸ್ಯ ಭೃತ್ಯ ಇತಿ ಮಾಂ ಸ್ಮರ ಲೋಕನಾಥ ॥ 24

ಅಶ್ವತ್ಥಾಮ ಉವಾಚ

ಗೋವಿಂದ ಕೇಶವ ಜನಾರ್ದನ ವಾಸುದೇವ ವಿಶ್ವೇಶ ವಿಶ್ವ ಮಧುಸೂದನ ವಿಶ್ವರೂಪ । ಶ್ರೀಪದ್ಮನಾಭ ಪುರುಷೋತ್ತಮ ದೇಹಿ ದಾಸ್ಯಂ ನಾರಾಯಣಾಚ್ಯುತ ನೃಸಿಂಹ ನಮೋ ನಮಸ್ತೇ ॥ 25

ಕರ್ಣ ಉವಾಚ

ನಾನ್ಯಂ ವದಾಮಿ ನ ಶ‍ಋಣೋಮಿ ನ ಚಿಂತಯಾಮಿ ನಾನ್ಯಂ ಸ್ಮರಾಮಿ ನ ಭಜಾಮಿ ನ ಚಾಶ್ರಯಾಮಿ । ಭಕ್ತ್ಯಾ ತ್ವದೀಯಚರಣಾಂಬುಜಮಾದರೇಣ ಶ್ರೀಶ್ರೀನಿವಾಸ ಪುರುಷೋತ್ತಮ ದೇಹಿ ದಾಸ್ಯಮ್ ॥ 26

ಧೃತರಾಷ್ಟ್ರ ಉವಾಚ

ನಮೋ ನಮಃ ಕಾರಣವಾಮನಾಯ ನಾರಾಯಣಾಯಾಮಿತವಿಕ್ರಮಾಯ । ಶ್ರೀಶಾರ್ಙ್ಗಚಕ್ರಾಸಿಗದಾಧರಾಯ ನಮೋಽಸ್ತು ತಸ್ಮೈ ಪುರುಷೋತ್ತಮಾಯ ॥ 27

ಗಾಂಧಾರೀ ಉವಾಚ

ತ್ವಮೇವ ಮಾತಾ ಚ ಪಿತಾ ತ್ವಮೇವ ತ್ವಮೇವ ಬಂಧುಶ್ಚ ಸಖಾ ತ್ವಮೇವ । ತ್ವಮೇವ ವಿದ್ಯಾ ದ್ರವಿಣಂ ತ್ವಮೇವ ತ್ವಮೇವ ಸರ್ವಂ ಮಮ ದೇವ ದೇವ ॥ 28

ದ್ರುಪದ ಉವಾಚ

ಯಜ್ಞೇಶಾಚ್ಯುತ ಗೋವಿಂದ ಮಾಧವಾನಂತ ಕೇಶವ । ಕೃಷ್ಣ ವಿಷ್ಣೋ ಹೃಷೀಕೇಶ ವಾಸುದೇವ ನಮೋಽಸ್ತು ತೇ ॥ 29

ಜಯದ್ರಥ ಉವಾಚ

ನಮಃ ಕೃಷ್ಣಾಯ ದೇವಾಯ ಬ್ರಹ್ಮಣೇಽನಂತಶಕ್ತಯೇ । ಯೋಗೇಶ್ವರಾಯ ಯೋಗಾಯ ತ್ವಾಮಹಂ ಶರಣಂ ಗತಃ ॥ 30

ವಿಕರ್ಣ ಉವಾಚ

ಕೃಷ್ಣಾಯ ವಾಸುದೇವಾಯ ದೇವಕೀನಂದನಾಯ ಚ । ನಂದಗೋಪಕುಮಾರಾಯ ಗೋವಿಂದಾಯ ನಮೋ ನಮಃ ॥ 31

ವಿರಾಟ ಉವಾಚ

ನಮೋ ಬ್ರಹ್ಮಣ್ಯದೇವಾಯ ಗೋಬ್ರಾಹ್ಮಣಹಿತಾಯ ಚ । ಜಗದ್ಧಿತಾಯ ಕೃಷ್ಣಾಯ ಗೋವಿಂದಾಯ ನಮೋ ನಮಃ ॥ 32

ಶಲ್ಯ ಉವಾಚ

ಅತಸೀಪುಷ್ಪಸಂಕಾಶಂ ಪೀತವಾಸಸಮಚ್ಯುತಮ್ । ಯೇ ನಮಸ್ಯಂತಿ ಗೋವಿಂದಂ ತೇಷಾಂ ನ ವಿದ್ಯತೇ ಭಯಮ್ ॥ 33

ಬಲಭದ್ರ ಉವಾಚ

ಕೃಷ್ಣ ಕೃಷ್ಣ ಕೃಪಾಲೋ ತ್ವಮಗತೀನಾಂ ಗತಿರ್ಭವ । ಸಂಸಾರಾರ್ಣವಮಗ್ನಾನಾಂ ಪ್ರಸೀದ ಪುರುಷೋತ್ತಮ ॥ 34

ಶ್ರೀಕೃಷ್ಣ ಉವಾಚ

ಕೃಷ್ಣ ಕೃಷ್ಣೇತಿ ಕೃಷ್ಣೇತಿ ಯೋ ಮಾಂ ಸ್ಮರತಿ ನಿತ್ಯಶಃ । ಜಲಂ ಭಿತ್ವಾ ಯಥಾ ಪದ್ಮಂ ನರಕಾದುದ್ಧರಾಮ್ಯಹಮ್ ॥ 35

ಶ್ರೀಕೃಷ್ಣ ಉವಾಚ

ನಿತ್ಯಂ ವದಾಮಿ ಮನುಜಾಃ ಸ್ವಯಮೂರ್ಧ್ವಬಾಹು- ರ್ಯೋ ಮಾಂ ಮುಕುಂದ ನರಸಿಂಹ ಜನಾರ್ದನೇತಿ । ಜೀವೋ ಜಪತ್ಯನುದಿನಂ ಮರಣೇ ರಣೇ ವಾ ಪಾಷಾಣಕಾಷ್ಠಸದೃಶಾಯ ದದಾಮ್ಯಭೀಷ್ಟಮ್ ॥ 36

ಈಶ್ವರ ಉವಾಚ

ಸಕೃನ್ನಾರಾಯಣೇತ್ಯುಕ್ತ್ವಾ ಪುಮಾನ್ ಕಲ್ಪಶತತ್ರಯಮ್ । ಗಂಗಾದಿಸರ್ವತೀರ್ಥೇಷು ಸ್ನಾತೋ ಭವತಿ ಪುತ್ರಕ ॥ 37

ಸೂತ ಉವಾಚ

ತತ್ರೈವ ಗಂಗಾ ಯಮುನಾ ಚ ತತ್ರ ಗೋದಾವರೀ ಸಿಂಧು ಸರಸ್ವತೀ ಚ । ಸರ್ವಾಣಿ ತೀರ್ಥಾನಿ ವಸಂತಿ ತತ್ರ ಯತ್ರಾಚ್ಯುತೋದಾರ ಕಥಾಪ್ರಸಂಗಃ ॥ 38

ಯಮ ಉವಾಚ

ನರಕೇ ಪಚ್ಯಮಾನಂ ತು ಯಮೇನಂ ಪರಿಭಾಷಿತಮ್ । ಕಿಂ ತ್ವಯಾ ನಾರ್ಚಿತೋ ದೇವಃ ಕೇಶವಃ ಕ್ಲೇಶನಾಶನಃ ॥ 35

ನಾರದ ಉವಾಚ

ಜನ್ಮಾಂತರಸಹಸ್ರೇಣ ತಪೋಧ್ಯಾನಸಮಾಧಿನಾ । ನರಾಣಾಂ ಕ್ಷೀಣಪಾಪಾನಾಂ ಕೃಷ್ಣೇ ಭಕ್ತಿಃ ಪ್ರಜಾಯತೇ ॥ 40

ಪ್ರಹ್ಲಾದ ಉವಾಚ

ನಾಥ ಯೋನಿಸಹಸ್ರೇಷು ಯೇಷು ಯೇಷು ವ್ರಜಾಮ್ಯಹಮ್ । ತೇಷು ತೇಷ್ವಚಲಾ ಭಕ್ತಿರಚ್ಯುತಾಽಸ್ತು ಸದಾ ತ್ವಯಿ ॥ 41

ಯಾ ಪ್ರೀತಿರವಿವೇಕನಾಂ ವಿಷಯೇಷ್ವನಪಾಯಿನಿ । ತ್ವಾಮನುಸ್ಮರತಃ ಸಾ ಮೇ ಹೃದಯಾನ್ಮಾಽಪಸರ್ಪತು ॥ 42॥

ವಿಶ್ವಾಮಿತ್ರ ಉವಾಚ

ಕಿಂ ತಸ್ಯ ದಾನೈಃ ಕಿಂ ತೀರ್ಥೈಃ ಕಿಂ ತಪೋಭಿಃ ಕಿಮಧ್ವರೈಃ । ಯೋ ನಿತ್ಯಂ ಧ್ಯಾಯತೇ ದೇವಂ ನಾರಾಯಣಮನನ್ಯಧೀಃ ॥ 43

ಜಮದಗ್ನಿರುವಾಚ

ನಿತ್ಯೋತ್ಸವೋ ಭವೇತ್ತೇಷಾಂ ನಿತ್ಯಂ ನಿತ್ಯಂ ಚ ಮಂಗಲಮ್ । ಯೇಷಾಂ ಹೃದಿಸ್ಥೋ ಭಗವಾನ್ಮಂಗಲಾಯತನಂ ಹರಿಃ ॥ 44

ಭರದ್ವಾಜ ಉವಾಚ

ಲಾಭಸ್ತೇಷಾಂ ಜಯಸ್ತೇಷಾಂ ಕುತಸ್ತೇಷಾಂ ಪರಾಜಯಃ । ಯೇಷಾಮಿಂದೀಶ್ವರಶ್ಯಾಮೋ ಹೃದಯಸ್ಥೋ ಜನಾರ್ದನಃ ॥ 45

ಗೌತಮ ಉವಾಚ

ಗೋಕೋಟಿದಾನಂ ಗ್ರಹಣೇಷು ಕಾಶೀ- ಪ್ರಯಾಗಗಂಗಾಯುತಕಲ್ಪವಾಸಃ । ಯಜ್ಞಾಯುತಂ ಮೇರುಸುವರ್ಣದಾನಂ ಗೋವಿಂದನಾಮಸ್ಮರಣೇನ ತುಲ್ಯಮ್ ॥ 46

ಅಗ್ನಿರುವಾಚ

ಗೋವಿಂದೇತಿ ಸದಾ ಸ್ನಾನಂ ಗೋವಿಂದೇತಿ ಸದಾ ಜಪಃ । ಗೋವಿಂದೇತಿ ಸದಾ ಧ್ಯಾನಂ ಸದಾ ಗೋವಿಂದಕೀರ್ತನಮ್ ॥ 47

ತ್ರ್ಯಕ್ಷರಂ ಪರಮಂ ಬ್ರಹ್ಮ ಗೋವಿಂದ ತ್ರ್ಯಕ್ಷರಂ ಪರಮ್ । ತಸ್ಮಾದುಚ್ಚಾರಿತಂ ಯೇನ ಬ್ರಹ್ಮಭೂಯಾಯ ಕಲ್ಪತೇ ॥ 48॥

ವೇದವ್ಯಾಸ ಉವಾಚ

ಅಚ್ಯುತಃ ಕಲ್ಪವೃಕ್ಷೋಽಸಾವನಂತಃ ಕಾಮಧೇನು ವೈ । ಚಿಂತಾಮಣಿಸ್ತು ಗೋವಿಂದೋ ಹರೇರ್ನಾಮ ವಿಚಿಂತಯೇತ್ ॥ 49

ಇಂದ್ರ ಉವಾಚ

ಜಯತು ಜಯತು ದೇವೋ ದೇವಕೀನಂದನೋಽಯಂ ಜಯತು ಜಯತು ಕೃಷ್ಣೋ ವೃಷ್ಣಿವಂಶಪ್ರದೀಪಃ । ಜಯತು ಜಯತು ಮೇಘಶ್ಯಾಮಲಃ ಕೋಮಲಾಂಗೋ ಜಯತು ಜಯತು ಪೃಥ್ವೀಭಾರನಾಶೋ ಮುಕುಂದಃ ॥ 50

ಪಿಪ್ಪಲಾಯನ ಉವಾಚ

ಶ್ರೀಮನ್ನೃಸಿಂಹವಿಭವೇ ಗರುಡಧ್ವಜಾಯ ತಾಪತ್ರಯೋಪಶಮನಾಯ ಭವೌಷಧಾಯ । ಕೃಷ್ಣಾಯ ವೃಶ್ಚಿಕಜಲಾಗ್ನಿಭುಜಂಗರೋಗ- ಕ್ಲೇಶವ್ಯಯಾಯ ಹರಯೇ ಗುರವೇ ನಮಸ್ತೇ ॥ 51

ಆವಿರ್ಹೋತ್ರ ಉವಾಚ

ಕೃಷ್ಣ ತ್ವದೀಯಪದಪಂಕಜಪಂಜರಾಂತೇ ಅದ್ಯೈವ ಮೇ ವಿಶತು ಮಾನಸರಾಜಹಂಸಃ । ಪ್ರಾಣಪ್ರಯಾಣಸಮಯೇ ಕಫವಾತಪಿತ್ತೈಃ ಕಂಠಾವರೋಧನವಿಧೌ ಸ್ಮರಣಂ ಕುತಸ್ತೇ ॥ 52

ವಿದುರ ಉವಾಚ

ಹರೇರ್ನಾಮೈವ ನಾಮೈವ ನಾಮೈವ ಮಮ ಜೀವನಮ್ । ಕಲೌ ನಾಸ್ತ್ಯೇವ ನಾಸ್ತ್ಯೇವ ನಾಸ್ತ್ಯೇವ ಗತಿರನ್ಯಥಾ ॥ 53

ವಸಿಷ್ಠ ಉವಾಚ

ಕೃಷ್ಣೇತಿ ಮಂಗಲಂ ನಾಮ ಯಸ್ಯ ವಾಚಿ ಪ್ರವರ್ತತೇ । ಭಸ್ಮೀಭವಂತಿ ತಸ್ಯಾಶು ಮಹಾಪಾತಕಕೋಟಯಃ ॥ 54

ಅರುಂಧತ್ಯುವಾಚ

ಕೃಷ್ಣಾಯ ವಾಸುದೇವಾಯ ಹರಯೇ ಪರಮಾತ್ಮನೇ । ಪ್ರಣತಕ್ಲೇಶನಾಶಾಯ ಗೋವಿಂದಾಯ ನಮೋ ನಮಃ ॥ 55

ಕಶ್ಯಪ ಉವಾಚ

ಕೃಷ್ಣಾನುಸ್ಮರಣಾದೇವ ಪಾಪಸಂಘಟ್ಟಪಂಜರಮ್ । ಶತಧಾ ಭೇದಮಾಪ್ನೋತಿ ಗಿರಿರ್ವಜ್ರಹತೋ ಯಥಾ ॥ 56

ದುರ್ಯೋಧನ ಉವಾಚ

ಜಾನಾಮಿ ಧರ್ಮಂ ನ ಚ ಮೇ ಪ್ರವೃತ್ತಿ- ರ್ಜಾನಾಮಿ ಪಾಪಂ ನ ಚ ಮೇ ನಿವೃತ್ತಿಃ । ಕೇನಾಪಿ ದೇವೇನ ಹೃದಿ ಸ್ಥಿತೇನ ಯಥಾ ನಿಯುಕ್ತೋಽಸ್ಮಿ ತಥಾ ಕರೋಮಿ ॥ 57

ಯಂತ್ರಸ್ಯ ಮಮ ದೋಷೇಣ ಕ್ಷಮ್ಯತಾಂ ಮಧುಸೂದನ । ಅಹಂ ಯಂತ್ರಂ ಭವಾನ್ ಯಂತ್ರೀ ಮಮ ದೋಷೋ ನ ದೀಯತಾಮ್ ॥ 58॥

ಭೃಗುರುವಾಚ

ನಾಮೈವ ತವ ಗೋವಿಂದ ನಾಮ ತ್ವತ್ತಃ ಶತಾಧಿಕಮ್ । ದದಾತ್ತ್ಯುಚ್ಚಾರಣಾನ್ಮುಕ್ತಿಃ ಭವಾನಷ್ಟಾಂಗಯೋಗತಃ ॥ 59

ಲೋಮಶ ಉವಾಚ

ನಮಾಮಿ ನಾರಾಯಣ ಪಾದಪಂಕಜಂ ಕರೋಮಿ ನಾರಾಯಣಪೂಜನಂ ಸದಾ । ವದಾಮಿ ನಾರಾಯಣನಾಮ ನಿರ್ಮಲಂ ಸ್ಮರಾಮಿ ನಾರಾಯಣತತ್ತ್ವಮವ್ಯಯಮ್ ॥ 60

ಶೌನಕ ಉವಾಚ

ಸ್ಮೃತೇಃ ಸಕಲಕಲ್ಯಾಣಂ ಭಜನಂ ಯಸ್ಯ ಜಾಯತೇ । ಪುರುಷಂ ತಮಜಂ ನಿತ್ಯಂ ವ್ರಜಾಮಿ ಶರಣಂ ಹರಿಮ್ ॥ 61

ಗರ್ಗ ಉವಾಚ

ನಾರಾಯಣೇತಿ ಮಂತ್ರೋಽಸ್ತಿ ವಾಗಸ್ತಿ ವಶವರ್ತಿನೀ । ತಥಾಪಿ ನರಕೇ ಘೋರೇ ಪತಂತೀತ್ಯದ್ಭುತಂ ಮಹತ್ ॥ 62

ದಾಲ್ಭ್ಯ ಉವಾಚ

ಕಿಂ ತಸ್ಯ ಬಹುಭಿರ್ಮಂತ್ರೈರ್ಭಕ್ತಿರ್ಯಸ್ಯ ಜನಾರ್ದನೇ । ನಮೋ ನಾರಾಯಣಾಯೇತಿ ಮಂತ್ರಃ ಸರ್ವಾರ್ಥಸಾಧಾಕೇ ॥ 63

ವೈಶಂಪಾಯನ ಉವಾಚ

ಯತ್ರ ಯೋಗೇಶ್ವರಃ ಕೃಷ್ಣೋ ಯತ್ರ ಪಾರ್ಥೋ ಧನುರ್ಧರಃ । ತತ್ರ ಶ್ರೀರ್ವಿಜಯೋ ಭೂತಿರ್ಧ್ರುವಾ ನೀತಿರ್ಮತಿರ್ಮಮ ॥ 64

ಅಗ್ನಿರುವಾಚ

ಹರಿರ್ಹರತಿ ಪಾಪಾನಿ ದುಷ್ಟಚಿತ್ತೈರಪಿ ಸ್ಮೃತಃ । ಅನಿಚ್ಛಯಾಪಿ ಸಂಸ್ಪೃಷ್ಟೋ ದಹತ್ಯೇವ ಹಿ ಪಾವಕಃ ॥ 65

ಪರಮೇಶ್ವರ ಉವಾಚ

ಸಕೃದುಚ್ಚರಿತಂ ಯೇನ ಹರಿರಿತ್ಯಕ್ಷರದ್ವಯಮ್ । ಲಬ್ಧಃ ಪರಿಕರಸ್ತೇನ ಮೋಕ್ಷಾಯ ಗಮನಂ ಪ್ರತಿ ॥ 66

ಪುಲಸ್ತ್ಯ ಉವಾಚ

ಹೇ ಜಿಹ್ವೇ ರಸಸಾರಜ್ಞೇ ಸರ್ವದಾ ಮಧುರಪ್ರಿಯೇ । ನಾರಾಯಣಾಖ್ಯಪೀಯೂಷಂ ಪಿಬ ಜಿಹ್ವೇ ನಿರಂತರಮ್ ॥ 67

ವ್ಯಾಸ ಉವಾಚ

ಸತ್ಯಂ ಸತ್ಯಂ ಪುನಃ ಸತ್ಯಂ ಸತ್ಯಂ ಸತ್ಯಂ ವದಾಮ್ಯಹಮ್ । ನಾಸ್ತಿ ವೇದಾತ್ಪರಂ ಶಾಸ್ತ್ರಂ ನ ದೇವಃ ಕೇಶವಾತ್ಪರಃ ॥ 68

ಧನ್ವಂತರಿರುವಾಚ

ಅಚ್ಯುತಾನಂತ ಗೋವಿಂದ ನಾಮೋಚ್ಚಾರಣಭೇಷಜಾತ್ । ನಶ್ಯಂತಿ ಸಕಲಾ ರೋಗಾಃ ಸತ್ಯಂ ಸತ್ಯಂ ವದಾಮ್ಯಹಮ್ ॥ 69

ಮಾರ್ಕಂಡೇಯ ಉವಾಚ

ಸ್ವರ್ಗದಂ ಮೋಕ್ಷದಂ ದೇವಂ ಸುಖದಂ ಜಗತೋ ಗುರುಮ್ । ಕಥಂ ಮುಹುರ್ತಮಪಿ ತಂ ವಾಸುದೇವಂ ನ ಚಿಂತಯೇತ್ ॥ 70

ಅಗಸ್ತ್ಯ ಉವಾಚ

ನಿಮಿಷಂ ನಿಮಿಷಾರ್ಧಂ ವಾ ಪ್ರಾಣಿನಾಂ ವಿಷ್ಣುಚಿಂತನಮ್ । ತತ್ರ ತತ್ರ ಕುರುಕ್ಷೇತ್ರಂ ಪ್ರಯಾಗೋ ನೈಮಿಷಂ ವರಮ್ ॥ 71

ವಾಮದೇವ ಉವಾಚ

ನಿಮಿಷಂ ನಿಮಿಷಾರ್ಧಂ ವಾ ಪ್ರಾಣಿನಾಂ ವಿಷ್ಣುಚಿಂತನಮ್ । ಕಲ್ಪಕೋಟಿಸಹಸ್ರಾಣಿ ಲಭತೇ ವಾಂಛಿತಂ ಫಲಮ್ ॥ 72

ಶುಕ ಉವಾಚ

ಆಲೋಡ್ಯ ಸರ್ವಶಾಸ್ತ್ರಾಣಿ ವಿಚಾರ್ಯ ಚ ಪುನಃ ಪುನಃ । ಇದಮೇಕಂ ಸುನಿಷ್ಪನ್ನಂ ಧ್ಯೇಯೋ ನಾರಾಯಣಃ ಸದಾ ॥ 73

ಶ್ರೀಮಹಾದೇವ ಉವಾಚ

ಶರೀರೇ ಜರ್ಜರೀಭೂತೇ ವ್ಯಾಧಿಗ್ರಸ್ತೇ ಕಲೇವರೇ । ಔಷಧಂ ಜಾಹ್ನವೀತೋಯಂ ವೈದ್ಯೋ ನಾರಾಯಣೋ ಹರಿಃ ॥ 74

ಶೌನಕ ಉವಾಚ

ಭೋಜನಾಚ್ಛಾದನೇ ಚಿಂತಾಂ ವೃಥಾ ಕುರ್ವಂತಿ ವೈಷ್ಣವಾಃ । ಯೋಽಸೌ ವಿಶ್ವಂಭರೋ ದೇವಃ ಸ ಕಿಂ ಭಕ್ತಾನುಪೇಕ್ಷತೇ ॥ 75

ಸನತ್ಕುಮಾರ ಉವಾಚ

ಯಸ್ಯ ಹಸ್ತೇ ಗದಾ ಚಕ್ರಂ ಗರುಡೋ ಯಸ್ಯ ವಾಹನಮ್ । ಶಂಖಚಕ್ರಗದಾಪದ್ಮೀ ಸ ಮೇ ವಿಷ್ಣುಃ ಪ್ರಸೀದತು ॥ 76

ಏವಂ ಬ್ರಹ್ಮಾದಯೋ ದೇವಾ ಋಷಯಶ್ಚ ತಪೋಧನಾಃ । ಕೀರ್ತಯಂತಿ ಸುರಶ್ರೇಷ್ಠಮೇವಂ ನಾರಾಯಣಂ ವಿಭುಮ್ ॥ 77॥

ಇದಂ ಪವಿತ್ರಮಾಯುಷ್ಯಂ ಪುಣ್ಯಂ ಪಾಪಪ್ರಣಾಶನಮ್ । ದುಃಸ್ವಪ್ನನಾಶನಂ ಸ್ತೋತ್ರಂ ಪಾಂಡವೈಃ ಪರಿಕೀರ್ತಿತಮ್ ॥ 78॥

ಯಃ ಪಠೇತ್ಪ್ರಾತರುತ್ಥಾಯ ಶುಚಿಸ್ತದ್ಗತಮಾನಸಃ । ಗವಾಂ ಶತಸಹಸ್ರಸ್ಯ ಸಮ್ಯಗ್ದತ್ತಸ್ಯ ಯತ್ಫಲಮ್ ॥ 79॥

ತತ್ಫಲಂ ಸಮವಾಪ್ನೋತಿ ಯಃ ಪಠೇದಿತಿ ಸಂಸ್ತವಮ್ । ಸರ್ವಪಾಪವಿನಿರ್ಮುಕ್ತೋ ವಿಷ್ಣುಲೋಕಂ ಸ ಗಚ್ಛತಿ ॥ 80॥

ಗಂಗಾ ಗೀತಾ ಚ ಗಾಯತ್ರೀ ಗೋವಿಂದೋ ಗರುಡಧ್ವಜಃ । ಗಕಾರೈಃ ಪಂಚಭಿರ್ಯುಕ್ತಃ ಪುನರ್ಜನ್ಮ ನ ವಿದ್ಯತೇ ॥ 81॥

ಗೀತಾಂ ಯಃ ಪಠತೇ ನಿತ್ಯಂ ಶ್ಲೋಕಾರ್ಧಂ ಶ್ಲೋಕಮೇವ ವಾ । ಮುಚ್ಯತೇ ಸರ್ವಪಾಪೇಭ್ಯೋ ವಿಷ್ಣುಲೋಕಂ ಸ ಗಚ್ಛತಿ ॥ 82॥

ಇತಿ ಪಾಂಡವಗೀತಾ ಅಥವಾ ಪ್ರಪನ್ನಗೀತಾ ಸಮಾಪ್ತಾ ।

ಓಂ ತತ್ಸತ್ ।

പാംഡവഗീതാ - ഒരു പരിചയം

The Pandava Gita, also called the Prapanna Gita, is a collection of devotional verses spoken by many great devotees, each expressing surrender to Lord Vishnu. It opens with the verse that names the great devotees, Prahlada, Narada, Parashara, Pundarika, Vyasa, Ambarisha, Shuka, Shaunaka, Bhishma, Rukmangada, Arjuna, Vasishtha, Vibhishana and others, whom the speaker remembers as supremely blessed. Another verse says that remembering Yudhishthira makes dharma grow, remembering Bhima destroys sin, and remembering Arjuna defeats the enemy; and the verses go on in praise of Krishna and the joy of taking refuge in him.

എപ്പോൾ ജപിക്കാം: In daily prayer and Vishnu worship, and on Ekadashi.

നിങ്ങൾക്കറിയാമോ?

  • It is named after the five Pandavas, who speak several of its verses.
  • Its many speakers make it a garland of the voices of the great devotees of tradition.

പതിവ് ചോദ്യങ്ങൾ

What is the Pandava Gita also called?

The Prapanna Gita, the song of those who have surrendered.

Who speaks its verses?

Many great devotees, including the Pandavas.

When is it recited?

In daily prayer and on Ekadashi.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.