പാംഡവഗീതാ
Sri Krishna · പരമ്പരാഗത ഭക്തിഗ്രന്ഥം
ప్రహ్లాదనారదపరాశరపుండరీక- వ్యాసాంబరీషశుకశౌనకభీష్మకావ్యాః । రుక్మాంగదార్జునవసిష్ఠవిభీషణాద్యా ఏతానహం పరమభాగవతాన్ నమామి ॥ 1॥
లోమహర్షణ ఉవాచ
ధర్మో వివర్ధతి యుధిష్ఠిరకీర్తనేన పాపం ప్రణశ్యతి వృకోదరకీర్తనేన । శత్రుర్వినశ్యతి ధనంజయకీర్తనేన మాద్రీసుతౌ కథయతాం న భవంతి రోగాః ॥ 2
బ్రహ్మోవాచ । యే మానవా విగతరాగపరా¶జ్ఞా నారాయణం సురగురుం సతతం స్మరంతి । ధ్యానేన తేన హతకిల్బిష చేతనాస్తే మాతుః పయోధరరసం న పునః పిబంతి ॥ 3॥
ఇంద్ర ఉవాచ
నారాయణో నామ నరో నరాణాం ప్రసిద్ధచౌరః కథితః పృథివ్యామ్ । అనేకజన్మార్జితపాపసంచయం హరత్యశేషం స్మృతమాత్ర ఏవ యః ॥ 4
యుధిష్ఠిర ఉవాచ
మేఘశ్యామం పీతకౌశేయవాసం శ్రీవత్సాంకం కౌస్తుభోద్భాసితాంగమ్ । పుణ్యోపేతం పుండరీకాయతాక్షం విష్ణుం వందే సర్వలోకైకనాథమ్ ॥ 5
భీమ ఉవాచ
జలౌఘమగ్నా సచరాఽచరా ధరా విషాణకోట్యాఽఖిలవిశ్వమూర్తినా । సముద్ధృతా యేన వరాహరూపిణా స మే స్వయంభూర్భగవాన్ ప్రసీదరు ॥ 6
అర్జున ఉవాచ
అచింత్యమవ్యక్తమనంతమవ్యయం విభుం ప్రభుం భావితవిశ్వభావనమ్ । త్రైలోక్యవిస్తారవిచారకారకం హరిం ప్రపన్నోఽస్మి గతిం మహాత్మనామ్ ॥ 7
నకుల ఉవాచ
యది గమనమధస్తాత్ కాలపాశానుబంధాద్ యది చ కులవిహీనే జాయతే పక్షికీటే । కృమిశతమపి గత్వా ధ్యాయతే చాంతరాత్మా మమ భవతు హృదిస్థా కేశవే భక్తిరేకా ॥ 8
సహదేవ ఉవాచ
తస్య యజ్ఞవరాహస్య విష్ణోరతులతేజసః । ప్రణామం యే ప్రకుర్వంతి తేషామపి నమో నమః ॥ 9
కుంతీ ఉవాచ
స్వకర్మఫలనిర్దిష్టాం యాం యాం యోనిం వ్రజామ్యహమ్ । తస్యాం తస్యాం హృషీకేశ త్వయి భక్తిర్దృఢాఽస్తు మే ॥ 10
మాద్రీ ఉవాచ
కృష్ణే రతాః కృష్ణమనుస్మరంతి రాత్రౌ చ కృష్ణం పునరుత్థితా యే । తే భిన్నదేహాః ప్రవిశంతి కృష్ణే హవిర్యథా మంత్రహుతం హుతాశే ॥ 11
ద్రౌపదీ ఉవాచ
కీటేషు పక్షిషు మృగేషు సరీసృపేషు రక్షఃపిశాచమనుజేష్వపి యత్ర యత్ర । జాతస్య మే భవతు కేశవ త్వత్ప్రసాదాత్ త్వయ్యేవ భక్తిరచలాఽవ్యభిచారిణీ చ ॥ 12
సుభద్రా ఉవాచ
ఏకోఽపి కృష్ణస్య కృతః ప్రణామో దశాశ్వమేధావభృథేన తుల్యః । దశాశ్వమేధీ పునరేతి జన్మ కృష్ణప్రణామీ న పునర్భవాయ ॥ 13
అభిమన్యురువాచ
గోవింద గోవింద హరే మురారే గోవింద గోవింద ముకుంద కృష్ణ గోవింద గోవింద రథాంగపాణే । గోవింద గోవింద నమామి నిత్యమ్ ॥ 14
ధృష్టద్యుమ్న ఉవాచ
శ్రీరామ నారాయణ వాసుదేవ గోవింద వైకుంఠ ముకుంద కృష్ణ । శ్రీకేశవానంత నృసింహ విష్ణో మాం త్రాహి సంసారభుజంగదష్టమ్ ॥ 15
సాత్యకిరువాచ
అప్రమేయ హరే విష్ణో కృష్ణ దామోదరాఽచ్యుత । గోవిందానంత సర్వేశ వాసుదేవ నమోఽస్తు తే ॥ 16
ఉద్ధవ ఉవాచ
వాసుదేవం పరిత్యజ్య యోఽన్యం దేవముపాసతే । తృషితో జాహ్నవీతీరే కూపం ఖనతి దుర్మతిః ॥ 17
ధౌమ్య ఉవాచ
అపాం సమీపే శయనాసనస్థితే దివా చ రాత్రౌ చ యథాధిగచ్ఛతా । యద్యస్తి కించిత్ సుకృతం కృతం మయా జనార్దనస్తేన కృతేన తుష్యతు ॥ 18
సంజయ ఉవాచ
ఆర్తా విషణ్ణాః శిథిలాశ్చ భీతా ఘోరేషు వ్యాఘ్రాదిషు వర్తమానాః । సంకీర్త్య నారాయణశబ్దమాత్రం విముక్తదుఃఖాః సుఖినో భవంతి ॥ 19
అక్రూర ఉవాచ
అహం తు నారాయణదాసదాస- దాసస్య దాసస్య చ దాసదాసః । అన్యో న హీశో జగతో నరాణాం తస్మాదహం ధన్యతరోఽస్మి లోకే ॥ 20
విరాట ఉవాచ
వాసుదేవస్య యే భక్తాః శాంతాస్తద్గతచేతసః । తేషాం దాసస్య దాసోఽహం భవేయం జన్మజన్మని ॥ 21
భీష్మ ఉవాచ
విపరీతేషు కాలేషు పరిక్షీణేషు బంధుషు । త్రాహి మాం కృపయా కృష్ణ శరణాగతవత్సల ॥ 22
ద్రోణ ఉవాచ
యే యే హతాశ్చక్రధరేణ దైత్యాం- స్త్రైలోక్యనాథేన జనార్దనేన । తే తే గతా విష్ణుపురీం ప్రయాతాః క్రోధోఽపి దేవస్య వరేణ తుల్యః ॥ 23
కృపాచార్య ఉవాచ
మజ్జన్మనః ఫలమిదం మధుకైటభారే మత్ప్రార్థనీయ మదనుగ్రహ ఏష ఏవ । త్వద్భృత్యభృత్యపరిచారకభృత్యభృత్య- భృత్యస్య భృత్య ఇతి మాం స్మర లోకనాథ ॥ 24
అశ్వత్థామ ఉవాచ
గోవింద కేశవ జనార్దన వాసుదేవ విశ్వేశ విశ్వ మధుసూదన విశ్వరూప । శ్రీపద్మనాభ పురుషోత్తమ దేహి దాస్యం నారాయణాచ్యుత నృసింహ నమో నమస్తే ॥ 25
కర్ణ ఉవాచ
నాన్యం వదామి న శఋణోమి న చింతయామి నాన్యం స్మరామి న భజామి న చాశ్రయామి । భక్త్యా త్వదీయచరణాంబుజమాదరేణ శ్రీశ్రీనివాస పురుషోత్తమ దేహి దాస్యమ్ ॥ 26
ధృతరాష్ట్ర ఉవాచ
నమో నమః కారణవామనాయ నారాయణాయామితవిక్రమాయ । శ్రీశార్ఙ్గచక్రాసిగదాధరాయ నమోఽస్తు తస్మై పురుషోత్తమాయ ॥ 27
గాంధారీ ఉవాచ
త్వమేవ మాతా చ పితా త్వమేవ త్వమేవ బంధుశ్చ సఖా త్వమేవ । త్వమేవ విద్యా ద్రవిణం త్వమేవ త్వమేవ సర్వం మమ దేవ దేవ ॥ 28
ద్రుపద ఉవాచ
యజ్ఞేశాచ్యుత గోవింద మాధవానంత కేశవ । కృష్ణ విష్ణో హృషీకేశ వాసుదేవ నమోఽస్తు తే ॥ 29
జయద్రథ ఉవాచ
నమః కృష్ణాయ దేవాయ బ్రహ్మణేఽనంతశక్తయే । యోగేశ్వరాయ యోగాయ త్వామహం శరణం గతః ॥ 30
వికర్ణ ఉవాచ
కృష్ణాయ వాసుదేవాయ దేవకీనందనాయ చ । నందగోపకుమారాయ గోవిందాయ నమో నమః ॥ 31
విరాట ఉవాచ
నమో బ్రహ్మణ్యదేవాయ గోబ్రాహ్మణహితాయ చ । జగద్ధితాయ కృష్ణాయ గోవిందాయ నమో నమః ॥ 32
శల్య ఉవాచ
అతసీపుష్పసంకాశం పీతవాససమచ్యుతమ్ । యే నమస్యంతి గోవిందం తేషాం న విద్యతే భయమ్ ॥ 33
బలభద్ర ఉవాచ
కృష్ణ కృష్ణ కృపాలో త్వమగతీనాం గతిర్భవ । సంసారార్ణవమగ్నానాం ప్రసీద పురుషోత్తమ ॥ 34
శ్రీకృష్ణ ఉవాచ
కృష్ణ కృష్ణేతి కృష్ణేతి యో మాం స్మరతి నిత్యశః । జలం భిత్వా యథా పద్మం నరకాదుద్ధరామ్యహమ్ ॥ 35
శ్రీకృష్ణ ఉవాచ
నిత్యం వదామి మనుజాః స్వయమూర్ధ్వబాహు- ర్యో మాం ముకుంద నరసింహ జనార్దనేతి । జీవో జపత్యనుదినం మరణే రణే వా పాషాణకాష్ఠసదృశాయ దదామ్యభీష్టమ్ ॥ 36
ఈశ్వర ఉవాచ
సకృన్నారాయణేత్యుక్త్వా పుమాన్ కల్పశతత్రయమ్ । గంగాదిసర్వతీర్థేషు స్నాతో భవతి పుత్రక ॥ 37
సూత ఉవాచ
తత్రైవ గంగా యమునా చ తత్ర గోదావరీ సింధు సరస్వతీ చ । సర్వాణి తీర్థాని వసంతి తత్ర యత్రాచ్యుతోదార కథాప్రసంగః ॥ 38
యమ ఉవాచ
నరకే పచ్యమానం తు యమేనం పరిభాషితమ్ । కిం త్వయా నార్చితో దేవః కేశవః క్లేశనాశనః ॥ 35
నారద ఉవాచ
జన్మాంతరసహస్రేణ తపోధ్యానసమాధినా । నరాణాం క్షీణపాపానాం కృష్ణే భక్తిః ప్రజాయతే ॥ 40
ప్రహ్లాద ఉవాచ
నాథ యోనిసహస్రేషు యేషు యేషు వ్రజామ్యహమ్ । తేషు తేష్వచలా భక్తిరచ్యుతాఽస్తు సదా త్వయి ॥ 41
యా ప్రీతిరవివేకనాం విషయేష్వనపాయిని । త్వామనుస్మరతః సా మే హృదయాన్మాఽపసర్పతు ॥ 42॥
విశ్వామిత్ర ఉవాచ
కిం తస్య దానైః కిం తీర్థైః కిం తపోభిః కిమధ్వరైః । యో నిత్యం ధ్యాయతే దేవం నారాయణమనన్యధీః ॥ 43
జమదగ్నిరువాచ
నిత్యోత్సవో భవేత్తేషాం నిత్యం నిత్యం చ మంగలమ్ । యేషాం హృదిస్థో భగవాన్మంగలాయతనం హరిః ॥ 44
భరద్వాజ ఉవాచ
లాభస్తేషాం జయస్తేషాం కుతస్తేషాం పరాజయః । యేషామిందీశ్వరశ్యామో హృదయస్థో జనార్దనః ॥ 45
గౌతమ ఉవాచ
గోకోటిదానం గ్రహణేషు కాశీ- ప్రయాగగంగాయుతకల్పవాసః । యజ్ఞాయుతం మేరుసువర్ణదానం గోవిందనామస్మరణేన తుల్యమ్ ॥ 46
అగ్నిరువాచ
గోవిందేతి సదా స్నానం గోవిందేతి సదా జపః । గోవిందేతి సదా ధ్యానం సదా గోవిందకీర్తనమ్ ॥ 47
త్ర్యక్షరం పరమం బ్రహ్మ గోవింద త్ర్యక్షరం పరమ్ । తస్మాదుచ్చారితం యేన బ్రహ్మభూయాయ కల్పతే ॥ 48॥
వేదవ్యాస ఉవాచ
అచ్యుతః కల్పవృక్షోఽసావనంతః కామధేను వై । చింతామణిస్తు గోవిందో హరేర్నామ విచింతయేత్ ॥ 49
ఇంద్ర ఉవాచ
జయతు జయతు దేవో దేవకీనందనోఽయం జయతు జయతు కృష్ణో వృష్ణివంశప్రదీపః । జయతు జయతు మేఘశ్యామలః కోమలాంగో జయతు జయతు పృథ్వీభారనాశో ముకుందః ॥ 50
పిప్పలాయన ఉవాచ
శ్రీమన్నృసింహవిభవే గరుడధ్వజాయ తాపత్రయోపశమనాయ భవౌషధాయ । కృష్ణాయ వృశ్చికజలాగ్నిభుజంగరోగ- క్లేశవ్యయాయ హరయే గురవే నమస్తే ॥ 51
ఆవిర్హోత్ర ఉవాచ
కృష్ణ త్వదీయపదపంకజపంజరాంతే అద్యైవ మే విశతు మానసరాజహంసః । ప్రాణప్రయాణసమయే కఫవాతపిత్తైః కంఠావరోధనవిధౌ స్మరణం కుతస్తే ॥ 52
విదుర ఉవాచ
హరేర్నామైవ నామైవ నామైవ మమ జీవనమ్ । కలౌ నాస్త్యేవ నాస్త్యేవ నాస్త్యేవ గతిరన్యథా ॥ 53
వసిష్ఠ ఉవాచ
కృష్ణేతి మంగలం నామ యస్య వాచి ప్రవర్తతే । భస్మీభవంతి తస్యాశు మహాపాతకకోటయః ॥ 54
అరుంధత్యువాచ
కృష్ణాయ వాసుదేవాయ హరయే పరమాత్మనే । ప్రణతక్లేశనాశాయ గోవిందాయ నమో నమః ॥ 55
కశ్యప ఉవాచ
కృష్ణానుస్మరణాదేవ పాపసంఘట్టపంజరమ్ । శతధా భేదమాప్నోతి గిరిర్వజ్రహతో యథా ॥ 56
దుర్యోధన ఉవాచ
జానామి ధర్మం న చ మే ప్రవృత్తి- ర్జానామి పాపం న చ మే నివృత్తిః । కేనాపి దేవేన హృది స్థితేన యథా నియుక్తోఽస్మి తథా కరోమి ॥ 57
యంత్రస్య మమ దోషేణ క్షమ్యతాం మధుసూదన । అహం యంత్రం భవాన్ యంత్రీ మమ దోషో న దీయతామ్ ॥ 58॥
భృగురువాచ
నామైవ తవ గోవింద నామ త్వత్తః శతాధికమ్ । దదాత్త్యుచ్చారణాన్ముక్తిః భవానష్టాంగయోగతః ॥ 59
లోమశ ఉవాచ
నమామి నారాయణ పాదపంకజం కరోమి నారాయణపూజనం సదా । వదామి నారాయణనామ నిర్మలం స్మరామి నారాయణతత్త్వమవ్యయమ్ ॥ 60
శౌనక ఉవాచ
స్మృతేః సకలకల్యాణం భజనం యస్య జాయతే । పురుషం తమజం నిత్యం వ్రజామి శరణం హరిమ్ ॥ 61
గర్గ ఉవాచ
నారాయణేతి మంత్రోఽస్తి వాగస్తి వశవర్తినీ । తథాపి నరకే ఘోరే పతంతీత్యద్భుతం మహత్ ॥ 62
దాల్భ్య ఉవాచ
కిం తస్య బహుభిర్మంత్రైర్భక్తిర్యస్య జనార్దనే । నమో నారాయణాయేతి మంత్రః సర్వార్థసాధాకే ॥ 63
వైశంపాయన ఉవాచ
యత్ర యోగేశ్వరః కృష్ణో యత్ర పార్థో ధనుర్ధరః । తత్ర శ్రీర్విజయో భూతిర్ధ్రువా నీతిర్మతిర్మమ ॥ 64
అగ్నిరువాచ
హరిర్హరతి పాపాని దుష్టచిత్తైరపి స్మృతః । అనిచ్ఛయాపి సంస్పృష్టో దహత్యేవ హి పావకః ॥ 65
పరమేశ్వర ఉవాచ
సకృదుచ్చరితం యేన హరిరిత్యక్షరద్వయమ్ । లబ్ధః పరికరస్తేన మోక్షాయ గమనం ప్రతి ॥ 66
పులస్త్య ఉవాచ
హే జిహ్వే రససారజ్ఞే సర్వదా మధురప్రియే । నారాయణాఖ్యపీయూషం పిబ జిహ్వే నిరంతరమ్ ॥ 67
వ్యాస ఉవాచ
సత్యం సత్యం పునః సత్యం సత్యం సత్యం వదామ్యహమ్ । నాస్తి వేదాత్పరం శాస్త్రం న దేవః కేశవాత్పరః ॥ 68
ధన్వంతరిరువాచ
అచ్యుతానంత గోవింద నామోచ్చారణభేషజాత్ । నశ్యంతి సకలా రోగాః సత్యం సత్యం వదామ్యహమ్ ॥ 69
మార్కండేయ ఉవాచ
స్వర్గదం మోక్షదం దేవం సుఖదం జగతో గురుమ్ । కథం ముహుర్తమపి తం వాసుదేవం న చింతయేత్ ॥ 70
అగస్త్య ఉవాచ
నిమిషం నిమిషార్ధం వా ప్రాణినాం విష్ణుచింతనమ్ । తత్ర తత్ర కురుక్షేత్రం ప్రయాగో నైమిషం వరమ్ ॥ 71
వామదేవ ఉవాచ
నిమిషం నిమిషార్ధం వా ప్రాణినాం విష్ణుచింతనమ్ । కల్పకోటిసహస్రాణి లభతే వాంఛితం ఫలమ్ ॥ 72
శుక ఉవాచ
ఆలోడ్య సర్వశాస్త్రాణి విచార్య చ పునః పునః । ఇదమేకం సునిష్పన్నం ధ్యేయో నారాయణః సదా ॥ 73
శ్రీమహాదేవ ఉవాచ
శరీరే జర్జరీభూతే వ్యాధిగ్రస్తే కలేవరే । ఔషధం జాహ్నవీతోయం వైద్యో నారాయణో హరిః ॥ 74
శౌనక ఉవాచ
భోజనాచ్ఛాదనే చింతాం వృథా కుర్వంతి వైష్ణవాః । యోఽసౌ విశ్వంభరో దేవః స కిం భక్తానుపేక్షతే ॥ 75
సనత్కుమార ఉవాచ
యస్య హస్తే గదా చక్రం గరుడో యస్య వాహనమ్ । శంఖచక్రగదాపద్మీ స మే విష్ణుః ప్రసీదతు ॥ 76
ఏవం బ్రహ్మాదయో దేవా ఋషయశ్చ తపోధనాః । కీర్తయంతి సురశ్రేష్ఠమేవం నారాయణం విభుమ్ ॥ 77॥
ఇదం పవిత్రమాయుష్యం పుణ్యం పాపప్రణాశనమ్ । దుఃస్వప్ననాశనం స్తోత్రం పాండవైః పరికీర్తితమ్ ॥ 78॥
యః పఠేత్ప్రాతరుత్థాయ శుచిస్తద్గతమానసః । గవాం శతసహస్రస్య సమ్యగ్దత్తస్య యత్ఫలమ్ ॥ 79॥
తత్ఫలం సమవాప్నోతి యః పఠేదితి సంస్తవమ్ । సర్వపాపవినిర్ముక్తో విష్ణులోకం స గచ్ఛతి ॥ 80॥
గంగా గీతా చ గాయత్రీ గోవిందో గరుడధ్వజః । గకారైః పంచభిర్యుక్తః పునర్జన్మ న విద్యతే ॥ 81॥
గీతాం యః పఠతే నిత్యం శ్లోకార్ధం శ్లోకమేవ వా । ముచ్యతే సర్వపాపేభ్యో విష్ణులోకం స గచ్ఛతి ॥ 82॥
ఇతి పాండవగీతా అథవా ప్రపన్నగీతా సమాప్తా ।
ఓం తత్సత్ ।
പാംഡവഗീതാ - ഒരു പരിചയം
The Pandava Gita, also called the Prapanna Gita, is a collection of devotional verses spoken by many great devotees, each expressing surrender to Lord Vishnu. It opens with the verse that names the great devotees, Prahlada, Narada, Parashara, Pundarika, Vyasa, Ambarisha, Shuka, Shaunaka, Bhishma, Rukmangada, Arjuna, Vasishtha, Vibhishana and others, whom the speaker remembers as supremely blessed. Another verse says that remembering Yudhishthira makes dharma grow, remembering Bhima destroys sin, and remembering Arjuna defeats the enemy; and the verses go on in praise of Krishna and the joy of taking refuge in him.
എപ്പോൾ ജപിക്കാം: In daily prayer and Vishnu worship, and on Ekadashi.
നിങ്ങൾക്കറിയാമോ?
- It is named after the five Pandavas, who speak several of its verses.
- Its many speakers make it a garland of the voices of the great devotees of tradition.
പതിവ് ചോദ്യങ്ങൾ
What is the Pandava Gita also called?
The Prapanna Gita, the song of those who have surrendered.
Who speaks its verses?
Many great devotees, including the Pandavas.
When is it recited?
In daily prayer and on Ekadashi.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ