MuhurtaNow

నారాయణీయం దశక 39 - యోగమాయా ప్రాదుర్భావం తథా గోకులే కృష్ణజన్మోత్సవం

Vishnu · సాంప్రదాయ భక్తి గ్రంథం

ಭವಂತಮಯಮುದ್ವಹನ್ ಯದುಕುಲೋದ್ವಹೋ ನಿಸ್ಸರನ್ ದದರ್ಶ ಗಗನೋಚ್ಚಲಜ್ಜಲಭರಾಂ ಕಲಿಂದಾತ್ಮಜಾಮ್ । ಅಹೋ ಸಲಿಲಸಂಚಯಃ ಸ ಪುನರೈಂದ್ರಜಾಲೋದಿತೋ ಜಲೌಘ ಇವ ತತ್ಕ್ಷಣಾತ್ ಪ್ರಪದಮೇಯತಾಮಾಯಯೌ ॥1॥

ಪ್ರಸುಪ್ತಪಶುಪಾಲಿಕಾಂ ನಿಭೃತಮಾರುದದ್ಬಾಲಿಕಾ- ಮಪಾವೃತಕವಾಟಿಕಾಂ ಪಶುಪವಾಟಿಕಾಮಾವಿಶನ್ । ಭವಂತಮಯಮರ್ಪಯನ್ ಪ್ರಸವತಲ್ಪಕೇ ತತ್ಪದಾ- ದ್ವಹನ್ ಕಪಟಕನ್ಯಕಾಂ ಸ್ವಪುರಮಾಗತೋ ವೇಗತಃ ॥2॥

ತತಸ್ತ್ವದನುಜಾರವಕ್ಷಪಿತನಿದ್ರವೇಗದ್ರವದ್- ಭಟೋತ್ಕರನಿವೇದಿತಪ್ರಸವವಾರ್ತಯೈವಾರ್ತಿಮಾನ್ । ವಿಮುಕ್ತಚಿಕುರೋತ್ಕರಸ್ತ್ವರಿತಮಾಪತನ್ ಭೋಜರಾ- ಡತುಷ್ಟ ಇವ ದೃಷ್ಟವಾನ್ ಭಗಿನಿಕಾಕರೇ ಕನ್ಯಕಾಮ್ ॥3॥

ಧ್ರುವಂ ಕಪಟಶಾಲಿನೋ ಮಧುಹರಸ್ಯ ಮಾಯಾ ಭವೇ- ದಸಾವಿತಿ ಕಿಶೋರಿಕಾಂ ಭಗಿನಿಕಾಕರಾಲಿಂಗಿತಾಮ್ । ದ್ವಿಪೋ ನಲಿನಿಕಾಂತರಾದಿವ ಮೃಣಾಲಿಕಾಮಾಕ್ಷಿಪ- ನ್ನಯಂ ತ್ವದನುಜಾಮಜಾಮುಪಲಪಟ್ಟಕೇ ಪಿಷ್ಟವಾನ್ ॥4॥

ತತಃ ಭವದುಪಾಸಕೋ ಝಟಿತಿ ಮೃತ್ಯುಪಾಶಾದಿವ ಪ್ರಮುಚ್ಯ ತರಸೈವ ಸಾ ಸಮಧಿರೂಢರೂಪಾಂತರಾ । ಅಧಸ್ತಲಮಜಗ್ಮುಷೀ ವಿಕಸದಷ್ಟಬಾಹುಸ್ಫುರ- ನ್ಮಹಾಯುಧಮಹೋ ಗತಾ ಕಿಲ ವಿಹಾಯಸಾ ದಿದ್ಯುತೇ ॥5॥

ನೃಶಂಸತರ ಕಂಸ ತೇ ಕಿಮು ಮಯಾ ವಿನಿಷ್ಪಿಷ್ಟಯಾ ಬಭೂವ ಭವದಂತಕಃ ಕ್ವಚನ ಚಿಂತ್ಯತಾಂ ತೇ ಹಿತಮ್ । ಇತಿ ತ್ವದನುಜಾ ವಿಭೋ ಖಲಮುದೀರ್ಯ ತಂ ಜಗ್ಮುಷೀ ಮರುದ್ಗಣಪಣಾಯಿತಾ ಭುವಿ ಚ ಮಂದಿರಾಣ್ಯೇಯುಷೀ ॥6॥

ಪ್ರಗೇ ಪುನರಗಾತ್ಮಜಾವಚನಮೀರಿತಾ ಭೂಭುಜಾ ಪ್ರಲಂಬಬಕಪೂತನಾಪ್ರಮುಖದಾನವಾ ಮಾನಿನಃ । ಭವನ್ನಿಧನಕಾಮ್ಯಯಾ ಜಗತಿ ಬಭ್ರಮುರ್ನಿರ್ಭಯಾಃ ಕುಮಾರಕವಿಮಾರಕಾಃ ಕಿಮಿವ ದುಷ್ಕರಂ ನಿಷ್ಕೃಪೈಃ ॥7॥

ತತಃ ಪಶುಪಮಂದಿರೇ ತ್ವಯಿ ಮುಕುಂದ ನಂದಪ್ರಿಯಾ- ಪ್ರಸೂತಿಶಯನೇಶಯೇ ರುದತಿ ಕಿಂಚಿದಂಚತ್ಪದೇ । ವಿಬುಧ್ಯ ವನಿತಾಜನೈಸ್ತನಯಸಂಭವೇ ಘೋಷಿತೇ ಮುದಾ ಕಿಮು ವದಾಮ್ಯಹೋ ಸಕಲಮಾಕುಲಂ ಗೋಕುಲಮ್ ॥8॥

ಅಹೋ ಖಲು ಯಶೋದಯಾ ನವಕಲಾಯಚೇತೋಹರಂ ಭವಂತಮಲಮಂತಿಕೇ ಪ್ರಥಮಮಾಪಿಬಂತ್ಯಾ ದೃಶಾ । ಪುನಃ ಸ್ತನಭರಂ ನಿಜಂ ಸಪದಿ ಪಾಯಯಂತ್ಯಾ ಮುದಾ ಮನೋಹರತನುಸ್ಪೃಶಾ ಜಗತಿ ಪುಣ್ಯವಂತೋ ಜಿತಾಃ ॥9॥

ಭವತ್ಕುಶಲಕಾಮ್ಯಯಾ ಸ ಖಲು ನಂದಗೋಪಸ್ತದಾ ಪ್ರಮೋದಭರಸಂಕುಲೋ ದ್ವಿಜಕುಲಾಯ ಕಿನ್ನಾದದಾತ್ । ತಥೈವ ಪಶುಪಾಲಕಾಃ ಕಿಮು ನ ಮಂಗಲಂ ತೇನಿರೇ ಜಗತ್ತ್ರಿತಯಮಂಗಲ ತ್ವಮಿಹ ಪಾಹಿ ಮಾಮಾಮಯಾತ್ ॥10॥

నారాయణీయం దశక 39 - యోగమాయా ప్రాదుర్భావం తథా గోకులే కృష్ణజన్మోత్సవం గురించి

The thirty-ninth dashaka of the Narayaneeyam tells how Vasudeva carried the newborn Krishna to Gokula. Carrying the baby, he came out of the prison and saw the Yamuna in full flood; but the waters parted like a magic show and let him pass. He entered Nanda's cowherd settlement where all lay asleep, the doors open, left Krishna beside Yashoda and took her baby girl back. The next morning Nanda, overjoyed, gave gifts to all, and the cowherds celebrated.

రచయిత: Melpathur Narayana Bhattathiri (1560 to 1646)

ఎప్పుడు పఠించాలి: In daily Narayaneeyam parayana, at Guruvayur, and on Krishna Janmashtami.

మీకు తెలుసా?

  • The baby girl Vasudeva brought back was Yogamaya, who slipped from Kamsa's hands and warned him that his slayer was already born.
  • Krishna's birth festival in Gokula, Nandotsava, is celebrated the day after Janmashtami.

తరచుగా అడిగే ప్రశ్నలు

What happens in this dashaka?

Vasudeva carries baby Krishna across the Yamuna to Gokula.

Whom does he bring back?

Yashoda's baby daughter, Yogamaya.

Who wrote the Narayaneeyam?

Melpathur Narayana Bhattathiri, in 1586.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.