MuhurtaNow

నారాయణీయం దశక 4 - యోగాభ్యాసః తథా యోగసిద్ధిః

Vishnu · సాంప్రదాయ భక్తి గ్రంథం

कल्यतां मम कुरुष्व तावतीं कल्यते भवदुपासनं यया । स्पष्टमष्टविधयोगचर्यया पुष्टयाशु तव तुष्टिमाप्नुयाम् ॥1॥

ब्रह्मचर्यदृढतादिभिर्यमैराप्लवादिनियमैश्च पाविताः । कुर्महे दृढममी सुखासनं पंकजाद्यमपि वा भवत्पराः ॥2॥

तारमंतरनुचिंत्य संततं प्राणवायुमभियम्य निर्मलाः । इंद्रियाणि विषयादथापहृत्यास्महे भवदुपासनोन्मुखाः ॥3॥

अस्फुटे वपुषि ते प्रयत्नतो धारयेम धिषणां मुहुर्मुहुः । तेन भक्तिरसमंतरार्द्रतामुद्वहेम भवदंघ्रिचिंतका ॥4॥

विस्फुटावयवभेदसुंदरं त्वद्वपुः सुचिरशीलनावशात् । अश्रमं मनसि चिंतयामहे ध्यानयोगनिरतास्त्वदाश्रयाः ॥5॥

ध्यायतां सकलमूर्तिमीदृशीमुन्मिषन्मधुरताहृतात्मनाम् । सांद्रमोदरसरूपमांतरं ब्रह्म रूपमयि तेऽवभासते ॥6॥

तत्समास्वदनरूपिणीं स्थितिं त्वत्समाधिमयि विश्वनायक । आश्रिताः पुनरतः परिच्युतावारभेमहि च धारणादिकम् ॥7॥

इत्थमभ्यसननिर्भरोल्लसत्त्वत्परात्मसुखकल्पितोत्सवाः । मुक्तभक्तकुलमौलितां गताः संचरेम शुकनारदादिवत् ॥8॥

त्वत्समाधिविजये तु यः पुनर्मंक्षु मोक्षरसिकः क्रमेण वा । योगवश्यमनिलं षडाश्रयैरुन्नयत्यज सुषुम्नया शनैः ॥9॥

लिंगदेहमपि संत्यजन्नथो लीयते त्वयि परे निराग्रहः । ऊर्ध्वलोककुतुकी तु मूर्धतः सार्धमेव करणैर्निरीयते ॥10॥

अग्निवासरवलर्क्षपक्षगैरुत्तरायणजुषा च दैवतैः । प्रापितो रविपदं भवत्परो मोदवान् ध्रुवपदांतमीयते ॥11॥

आस्थितोऽथ महरालये यदा शेषवक्त्रदहनोष्मणार्द्यते । ईयते भवदुपाश्रयस्तदा वेधसः पदमतः पुरैव वा ॥12॥

तत्र वा तव पदेऽथवा वसन् प्राकृतप्रलय एति मुक्तताम् । स्वेच्छया खलु पुरा विमुच्यते संविभिद्य जगदंडमोजसा ॥13॥

तस्य च क्षितिपयोमहोऽनिलद्योमहत्प्रकृतिसप्तकावृतीः । तत्तदात्मकतया विशन् सुखी याति ते पदमनावृतं विभो ॥14॥

अर्चिरादिगतिमीदृशीं व्रजन् विच्युतिं न भजते जगत्पते । सच्चिदात्मक भवत् गुणोदयानुच्चरंतमनिलेश पाहि माम् ॥15॥

నారాయణీయం దశక 4 - యోగాభ్యాసః తథా యోగసిద్ధిః గురించి

The fourth dashaka of the Narayaneeyam is a prayer for the practice of yoga. Bhattathiri asks the Lord for the health and strength to worship him through the eightfold path: purified by yamas such as brahmacharya and niyamas such as bathing, he will take a firm seat such as the lotus posture, control the breath, withdraw the senses, and fix the mind on the Lord's form, moving from meditation on the form to the formless. The dashaka ends with the path of light (archiradi gati) by which the yogi reaches the Lord and does not fall back.

రచయిత: Melpathur Narayana Bhattathiri (1560 to 1646)

ఎప్పుడు పఠించాలి: In daily Narayaneeyam parayana and at Guruvayur.

మీకు తెలుసా?

  • This dashaka is a short summary of Patanjali's ashtanga yoga, offered as devotion to Krishna.
  • Bhattathiri composed the Narayaneeyam while suffering from a painful illness, and this dashaka opens with a prayer for health to worship.

తరచుగా అడిగే ప్రశ్నలు

What does this dashaka describe?

The eightfold path of yoga as worship of the Lord.

What is the "archiradi gati"?

The path of light by which the yogi reaches the Lord.

Who wrote the Narayaneeyam?

Melpathur Narayana Bhattathiri, in 1586.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.