నారాయణీయం దశక 69 - రాసక్రీడా
Vishnu · సాంప్రదాయ భక్తి గ్రంథం
కేశపాశధృతపింఛికావితతిసంచలన్మకరకుండలం హారజాలవనమాలికాలలితమంగరాగఘనసౌరభమ్ । పీతచేలధృతకాంచికాంచితముదంచదంశుమణినూపురం రాసకేలిపరిభూషితం తవ హి రూపమీశ కలయామహే ॥1॥
తావదేవ కృతమండనే కలితకంచులీకకుచమండలే గండలోలమణికుండలే యువతిమండలేఽథ పరిమండలే । అంతరా సకలసుందరీయుగలమిందిరారమణ సంచరన్ మంజులాం తదను రాసకేలిమయి కంజనాభ సముపాదధాః ॥2॥
వాసుదేవ తవ భాసమానమిహ రాసకేలిరససౌరభం దూరతోఽపి ఖలు నారదాగదితమాకలయ్య కుతుకాకులా । వేషభూషణవిలాసపేశలవిలాసినీశతసమావృతా నాకతో యుగపదాగతా వియతి వేగతోఽథ సురమండలీ ॥3॥
వేణునాదకృతతానదానకలగానరాగగతియోజనా- లోభనీయమృదుపాదపాతకృతతాలమేలనమనోహరమ్ । పాణిసంక్వణితకంకణం చ ముహురంసలంబితకరాంబుజం శ్రోణిబింబచలదంబరం భజత రాసకేలిరసడంబరమ్ ॥4॥
స్పర్ధయా విరచితానుగానకృతతారతారమధురస్వరే నర్తనేఽథ లలితాంగహారలులితాంగహారమణిభూషణే । సమ్మదేన కృతపుష్పవర్షమలమున్మిషద్దివిషదాం కులం చిన్మయే త్వయి నిలీయమానమివ సమ్ముమోహ సవధూకులమ్ ॥5॥
స్విన్నసన్నతనువల్లరీ తదను కాపి నామ పశుపాంగనా కాంతమంసమవలంబతే స్మ తవ తాంతిభారముకులేక్షణా ॥ కాచిదాచలితకుంతలా నవపటీరసారఘనసౌరభం వంచనేన తవ సంచుచుంబ భుజమంచితోరుపులకాంకురా ॥6॥
కాపి గండభువి సన్నిధాయ నిజగండమాకులితకుండలం పుణ్యపూరనిధిరన్వవాప తవ పూగచర్వితరసామృతమ్ । ఇందిరావిహృతిమందిరం భువనసుందరం హి నటనాంతరే త్వామవాప్య దధురంగనాః కిము న సమ్మదోన్మదదశాంతరమ్ ॥7॥
గానమీశ విరతం క్రమేణ కిల వాద్యమేలనముపారతం బ్రహ్మసమ్మదరసాకులాః సదసి కేవలం ననృతురంగనాః । నావిదన్నపి చ నీవికాం కిమపి కుంతలీమపి చ కంచులీం జ్యోతిషామపి కదంబకం దివి విలంబితం కిమపరం బ్రువే ॥8॥
మోదసీమ్ని భువనం విలాప్య విహృతిం సమాప్య చ తతో విభో కేలిసమ్మృదితనిర్మలాంగనవఘర్మలేశసుభగాత్మనామ్ । మన్మథాసహనచేతసాం పశుపయోషితాం సుకృతచోదిత- స్తావదాకలితమూర్తిరాదధిథ మారవీరపరమోత్సవాన్ ॥9॥
కేలిభేదపరిలోలితాభిరతిలాలితాభిరబలాలిభిః స్వైరమీశ నను సూరజాపయసి చారునామ విహృతిం వ్యధాః । కాననేఽపి చ విసారిశీతలకిశోరమారుతమనోహరే సూనసౌరభమయే విలేసిథ విలాసినీశతవిమోహనమ్ ॥10॥
కామినీరితి హి యామినీషు ఖలు కామనీయకనిధే భవాన్ పూర్ణసమ్మదరసార్ణవం కమపి యోగిగమ్యమనుభావయన్ । బ్రహ్మశంకరముఖానపీహ పశుపాంగనాసు బహుమానయన్ భక్తలోకగమనీయరూప కమనీయ కృష్ణ పరిపాహి మామ్ ॥11॥
నారాయణీయం దశక 69 - రాసక్రీడా గురించి
The sixty-ninth dashaka of the Narayaneeyam describes the Rasa dance. Krishna appears with a peacock feather in his hair, swinging makara earrings, garlands of pearls and forest flowers, fragrant sandal and a yellow robe with a golden girdle; the gopis, adorned, form a circle around him, and he appears between each pair of them, dancing with every one at once. The poet says that through this the Lord gave the gopis a bliss that only yogis reach, and even Brahma and Shiva honoured them.
రచయిత: Melpathur Narayana Bhattathiri (1560 to 1646)
ఎప్పుడు పఠించాలి: In daily Narayaneeyam parayana, at Guruvayur, and on Sharad Purnima.
మీకు తెలుసా?
- In the Rasa dance Krishna multiplies himself so that each gopi feels he is dancing with her alone.
- The Rasa Lila is celebrated on Sharad Purnima, the autumn full moon.
తరచుగా అడిగే ప్రశ్నలు
What does this dashaka describe?
The Rasa dance of Krishna with the gopis.
How does Krishna dance with all of them?
He appears between every pair of gopis at once.
Who wrote the Narayaneeyam?
Melpathur Narayana Bhattathiri, in 1586.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు