నారాయణీయం దశక 70 - సుదర్శనశాపమోక్షం తథా శంఖచూడ-అరిష్టవధం
Vishnu · సాంప్రదాయ భక్తి గ్రంథం
इति त्वयि रसाकुलं रमितवल्लभे वल्लवाः कदापि पुरमंबिकामितुरंबिकाकानने । समेत्य भवता समं निशि निषेव्य दिव्योत्सवं सुखं सुषुपुरग्रसीद्व्रजपमुग्रनागस्तदा ॥1॥
समुन्मुखमथोल्मुकैरभिहतेऽपि तस्मिन् बला- दमुंचति भवत्पदे न्यपति पाहि पाहीति तैः । तदा खलु पदा भवान् समुपगम्य पस्पर्श तं बभौ स च निजां तनुं समुपसाद्य वैद्यधरीम् ॥2॥
सुदर्शनधर प्रभो ननु सुदर्शनाख्योऽस्म्यहं मुनीन् क्वचिदपाहसं त इह मां व्यधुर्वाहसम् । भवत्पदसमर्पणादमलतां गतोऽस्मीत्यसौ स्तुवन् निजपदं ययौ व्रजपदं च गोपा मुदा ॥3॥
कदापि खलु सीरिणा विहरति त्वयि स्त्रीजनै- र्जहार धनदानुगः स किल शंखचूडोऽबलाः । अतिद्रुतमनुद्रुतस्तमथ मुक्तनारीजनं रुरोजिथ शिरोमणिं हलभृते च तस्याददाः ॥4॥
दिनेषु च सुहृज्जनैस्सह वनेषु लीलापरं मनोभवमनोहरं रसितवेणुनादामृतम् । भवंतममरीदृशाममृतपारणादायिनं विचिंत्य किमु नालपन् विरहतापिता गोपिकाः ॥5॥
भोजराजभृतकस्त्वथ कश्चित् कष्टदुष्टपथदृष्टिररिष्टः । निष्ठुराकृतिरपष्ठुनिनादस्तिष्ठते स्म भवते वृषरूपी ॥6॥
शाक्वरोऽथ जगतीधृतिहारी मूर्तिमेष बृहतीं प्रदधानः । पंक्तिमाशु परिघूर्ण्य पशूनां छंदसां निधिमवाप भवंतम् ॥7॥
तुंगशृंगमुखमाश्वभियंतं संगृहय्य रभसादभियं तम् । भद्ररूपमपि दैत्यमभद्रं मर्दयन्नमदयः सुरलोकम् ॥8॥
चित्रमद्य भगवन् वृषघातात् सुस्थिराऽजनि वृषस्थितिरुर्व्याम् । वर्धते च वृषचेतसि भूयान् मोद इत्यभिनुतोऽसि सुरैस्त्वम् ॥9॥
औक्षकाणि परिधावत दूरं वीक्ष्यतामयमिहोक्षविभेदी । इत्थमात्तहसितैः सह गोपैर्गेहगस्त्वमव वातपुरेश ॥10॥
నారాయణీయం దశక 70 - సుదర్శనశాపమోక్షం తథా శంఖచూడ-అరిష్టవధం గురించి
The seventieth dashaka of the Narayaneeyam tells of three episodes. Once the cowherds go with Krishna to the Ambika forest to worship Shiva and Parvati and stay the night; a huge python seizes Nanda, and though they beat it with burning sticks it will not let go, until Krishna touches it with his foot and it becomes a radiant Vidyadhara, Sudarshana, freed from a curse. Next, the demon Shankhachuda tries to carry off the gopis, and Krishna kills him and takes his crest-jewel. Finally the bull demon Arishta charges into Vraja, and Krishna seizes his horns and kills him, while the cowherds laugh, "Run far, here is the bull-breaker!"
రచయిత: Melpathur Narayana Bhattathiri (1560 to 1646)
ఎప్పుడు పఠించాలి: In daily Narayaneeyam parayana and at Guruvayur.
మీకు తెలుసా?
- The python was Sudarshana, a Vidyadhara cursed by sages whom he had mocked for their looks.
- Krishna gave Shankhachuda's crest-jewel to his brother Balarama.
తరచుగా అడిగే ప్రశ్నలు
Who was the python that seized Nanda?
Sudarshana, a cursed Vidyadhara.
Which bull demon is slain?
Arishta.
Who wrote the Narayaneeyam?
Melpathur Narayana Bhattathiri, in 1586.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు