నారాయణీయం దశక 76 - ఉద్ధవదౌత్యం
Vishnu · సాంప్రదాయ భక్తి గ్రంథం
ഗത്വാ സാംദീപനിമഥ ചതുഷ്ഷഷ്ടിമാത്രൈരഹോഭിഃ സർവജ്ഞസ്ത്വം സഹ മുസലിനാ സർവവിദ്യാ ഗൃഹീത്വാ । പുത്രം നഷ്ടം യമനിലയനാദാഹൃതം ദക്ഷിണാര്ഥം ദത്വാ തസ്മൈ നിജപുരമഗാ നാദയന് പാംചജന്യമ് ॥1॥
സ്മൃത്വാ സ്മൃത്വാ പശുപസുദൃശഃ പ്രേമഭാരപ്രണുന്നാഃ കാരുണ്യേന ത്വമപി വിവശഃ പ്രാഹിണോരുദ്ധവം തമ് । കിംചാമുഷ്മൈ പരമസുഹൃദേ ഭക്തവര്യായ താസാം ഭക്ത്യുദ്രേകം സകലഭുവനേ ദുര്ലഭം ദര്ശയിഷ്യന് ॥2॥
ത്വന്മാഹാത്മ്യപ്രഥിമപിശുനം ഗോകുലം പ്രാപ്യ സായം ത്വദ്വാര്താഭിര്ബഹു സ രമയാമാസ നംദം യശോദാമ് । പ്രാതര്ദ്ദൃഷ്ട്വാ മണിമയരഥം ശംകിതാഃ പംകജാക്ഷ്യഃ ശ്രുത്വാ പ്രാപ്തം ഭവദനുചരം ത്യക്തകാര്യാഃ സമീയുഃ ॥3॥
ദൃഷ്ട്വാ ചൈനം ത്വദുപമലസദ്വേഷഭൂഷാഭിരാമം സ്മൃത്വാ സ്മൃത്വാ തവ വിലസിതാന്യുച്ചകൈസ്താനി താനി । രുദ്ധാലാപാഃ കഥമപി പുനര്ഗദ്ഗദാം വാചമൂചുഃ സൌജന്യാദീന് നിജപരഭിദാമപ്യലം വിസ്മരംത്യഃ ॥4॥
ശ്രീമാന് കിം ത്വം പിതൃജനകൃതേ പ്രേഷിതോ നിര്ദയേന ക്വാസൌ കാംതോ നഗരസുദൃശാം ഹാ ഹരേ നാഥ പായാഃ । ആശ്ലേഷാണാമമൃതവപുഷോ ഹംത തേ ചുംബനാനാ- മുന്മാദാനാം കുഹകവചസാം വിസ്മരേത് കാംത കാ വാ ॥5॥
രാസക്രീഡാലുലിതലലിതം വിശ്ലഥത്കേശപാശം മംദോദ്ഭിന്നശ്രമജലകണം ലോഭനീയം ത്വദംഗമ് । കാരുണ്യാബ്ധേ സകൃദപി സമാലിംഗിതും ദര്ശയേതി പ്രേമോന്മാദാദ്ഭുവനമദന ത്വത്പ്രിയാസ്ത്വാം വിലേപുഃ ॥6॥
ഏവംപ്രായൈർവിവശവചനൈരാകുലാ ഗോപികാസ്താ- സ്ത്വത്സംദേശൈഃ പ്രകൃതിമനയത് സോഽഥ വിജ്ഞാനഗര്ഭൈഃ । ഭൂയസ്താഭിര്മുദിതമതിഭിസ്ത്വന്മയീഭിർവധൂഭി- സ്തത്തദ്വാര്താസരസമനയത് കാനിചിദ്വാസരാണി ॥7॥
ത്വത്പ്രോദ്ഗാനൈഃ സഹിതമനിശം സർവതോ ഗേഹകൃത്യം ത്വദ്വാര്തൈവ പ്രസരതി മിഥഃ സൈവ ചോത്സ്വാപലാപാഃ । ചേഷ്ടാഃ പ്രായസ്ത്വദനുകൃതയസ്ത്വന്മയം സർവമേവം ദൃഷ്ട്വാ തത്ര വ്യമുഹദധികം വിസ്മയാദുദ്ധവോഽയമ് ॥8॥
രാധായാ മേ പ്രിയതമമിദം മത്പ്രിയൈവം ബ്രവീതി ത്വം കിം മൌനം കലയസി സഖേ മാനിനീമത്പ്രിയേവ। ഇത്യാദ്യേവ പ്രവദതി സഖി ത്വത്പ്രിയോ നിര്ജനേ മാ- മിത്ഥംവാദൈരരമദയം ത്വത്പ്രിയാമുത്പലാക്ഷീമ് ॥9॥
ഏഷ്യാമി ദ്രാഗനുപഗമനം കേവലം കാര്യഭാരാ- ദ്വിശ്ലേഷേഽപി സ്മരണദൃഢതാസംഭവാന്മാസ്തു ഖേദഃ । ബ്രഹ്മാനംദേ മിലതി നചിരാത് സംഗമോ വാ വിയോഗ- സ്തുല്യോ വഃ സ്യാദിതി തവ ഗിരാ സോഽകരോന്നിർവ്യഥാസ്താഃ ॥10॥
ഏവം ഭക്തി സകലഭുവനേ നേക്ഷിതാ ന ശ്രുതാ വാ കിം ശാസ്ത്രൌഘൈഃ കിമിഹ തപസാ ഗോപികാഭ്യോ നമോഽസ്തു । ഇത്യാനംദാകുലമുപഗതം ഗോകുലാദുദ്ധവം തം ദൃഷ്ട്വാ ഹൃഷ്ടോ ഗുരുപുരപതേ പാഹി മാമാമയൌഘാത് ॥11॥
నారాయణీయం దశక 76 - ఉద్ధవదౌత్యం గురించి
The seventy-sixth dashaka of the Narayaneeyam tells of Krishna's studies and Uddhava's visit to Vraja. With Balarama, Krishna goes to the sage Sandipani and, all-knowing as he is, masters every branch of learning in sixty-four days; as his fee he brings back his teacher's dead son from the abode of Yama. Remembering again and again the love of the gopis, he sends his friend Uddhava to Vraja with a message. Seeing the gopis' boundless devotion, Uddhava is overwhelmed and says: such devotion has never been seen or heard anywhere in the world; what use are heaps of scriptures or austerities? Salutations to the gopis!
రచయిత: Melpathur Narayana Bhattathiri (1560 to 1646)
ఎప్పుడు పఠించాలి: In daily Narayaneeyam parayana and at Guruvayur.
మీకు తెలుసా?
- Uddhava's praise of the gopis' love is told in the Bhagavatam, book 10, chapter 47, which includes the Bhramara Gita.
- The sixty-four days of study are linked with the traditional "sixty-four arts" (chatushshashti kala).
తరచుగా అడిగే ప్రశ్నలు
What fee did Krishna give his teacher?
He brought back his teacher's dead son.
What does Uddhava say about the gopis?
"Salutations to the gopis", for their matchless devotion.
Who wrote the Narayaneeyam?
Melpathur Narayana Bhattathiri, in 1586.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు