MuhurtaNow

నారాయణీయం దశక 79 - రుక్మిణీహరణం వివాహం చ

Vishnu · సాంప్రదాయ భక్తి గ్రంథం

बलसमेतबलानुगतो भवान् पुरमगाहत भीष्मकमानितः । द्विजसुतं त्वदुपागमवादिनं धृतरसा तरसा प्रणनाम सा ॥1॥

भुवनकांतमवेक्ष्य भवद्वपुर्नृपसुतस्य निशम्य च चेष्टितम् । विपुलखेदजुषां पुरवासिनां सरुदितैरुदितैरगमन्निशा ॥2॥

तदनु वंदितुमिंदुमुखी शिवां विहितमंगलभूषणभासुरा । निरगमत् भवदर्पितजीविता स्वपुरतः पुरतः सुभटावृता ॥3॥

कुलवधूभिरुपेत्य कुमारिका गिरिसुतां परिपूज्य च सादरम् । मुहुरयाचत तत्पदपंकजे निपतिता पतितां तव केवलम् ॥4॥

समवलोककुतूहलसंकुले नृपकुले निभृतं त्वयि च स्थिते । नृपसुता निरगाद्गिरिजालयात् सुरुचिरं रुचिरंजितदिङ्मुखा ॥5॥

भुवनमोहनरूपरुचा तदा विवशिताखिलराजकदंबया । त्वमपि देव कटाक्षविमोक्षणैः प्रमदया मदयांचकृषे मनाक् ॥6॥

क्वनु गमिष्यसि चंद्रमुखीति तां सरसमेत्य करेण हरन् क्षणात् । समधिरोप्य रथं त्वमपाहृथा भुवि ततो विततो निनदो द्विषाम् ॥7॥

क्व नु गतः पशुपाल इति क्रुधा कृतरणा यदुभिश्च जिता नृपाः । न तु भवानुदचाल्यत तैरहो पिशुनकैः शुनकैरिव केसरी ॥8॥

तदनु रुक्मिणमागतमाहवे वधमुपेक्ष्य निबध्य विरूपयन् । हृतमदं परिमुच्य बलोक्तिभिः पुरमया रमया सह कांतया ॥9॥

नवसमागमलज्जितमानसां प्रणयकौतुकजृंभितमन्मथाम् । अरमयः खलु नाथ यथासुखं रहसि तां हसितांशुलसन्मुखीम् ॥10॥

विविधनर्मभिरेवमहर्निशं प्रमदमाकलयन् पुनरेकदा । ऋजुमतेः किल वक्रगिरा भवान् वरतनोरतनोदतिलोलताम् ॥11॥

तदधिकैरथ लालनकौशलैः प्रणयिनीमधिकं सुखयन्निमाम् । अयि मुकुंद भवच्चरितानि नः प्रगदतां गदतांतिमपाकुरु ॥12॥

నారాయణీయం దశక 79 - రుక్మిణీహరణం వివాహం చ గురించి

The seventy-ninth dashaka of the Narayaneeyam tells of Krishna's marriage to Rukmini. Rukmini, who loved Krishna, had sent a Brahmin messenger to him; Krishna comes to King Bhishmaka's city, followed by Balarama and his army, and the Brahmin brings her the joyful news. As she comes out to worship the goddess, Krishna carries her away in his chariot, defeats the kings who pursue them and humbles her brother Rukmi, and they are married at Dvaraka.

రచయిత: Melpathur Narayana Bhattathiri (1560 to 1646)

ఎప్పుడు పఠించాలి: In Narayaneeyam parayana, and often recited by those praying for a good marriage.

మీకు తెలుసా?

  • The Rukmini Kalyanam is one of the best-loved episodes of the Bhagavatam, often read at weddings.
  • The poet closes by asking Mukunda to take away the troubles of those who sing his deeds.

తరచుగా అడిగే ప్రశ్నలు

What story does this dashaka tell?

Krishna carrying Rukmini away and marrying her.

Who was Rukmini's father?

King Bhishmaka of Vidarbha.

Who opposed the marriage?

Her brother Rukmi, whom Krishna defeated.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.