నారాయణీయం దశక 80 - స్యమంతకోపాఖ్యానం
Vishnu · సాంప్రదాయ భక్తి గ్రంథం
সত্রাজিতস্ত্বমথ লুব্ধবদর্কলব্ধং দিব্য়ং স্যমংতকমণিং ভগবন্নয়াচীঃ । তত্কারণং বহুবিধং মম ভাতি নূনং তস্য়াত্মজাং ত্বয়ি রতাং ছলতো বিবোঢুম্ ॥1॥
অদত্তং তং তুভ্য়ং মণিবরমনেনাল্পমনসা প্রসেনস্তদ্ভ্রাতা গলভুবি বহন্ প্রাপ মৃগয়াম্ । অহন্নেনং সিংহো মণিমহসি মাংসভ্রমবশাত্ কপীংদ্রস্তং হত্বা মণিমপি চ বালায় দদিবান্ ॥2॥
শশংসুঃ সত্রাজিদ্গিরমনু জনাস্ত্বাং মণিহরং জনানাং পীয়ূষং ভবতি গুণিনাং দোষকণিকা । ততঃ সর্বজ্ঞোঽপি স্বজনসহিতো মার্গণপরঃ প্রসেনং তং দৃষ্ট্বা হরিমপি গতোঽভূঃ কপিগুহাম্ ॥3॥
ভবংতমবিতর্কযন্নতিবয়াঃ স্বয়ং জাংববান্ মুকুংদশরণং হি মাং ক ইহ রোদ্ধুমিত্য়ালপন্ । বিভো রঘুপতে হরে জয় জয়েত্যলং মুষ্টিভি- শ্চিরং তব সমর্চনং ব্যধিত ভক্তচূডামণিঃ ॥4॥
বুধ্বাঽথ তেন দত্তাং নবরমণীং বরমণিং চ পরিগৃহ্ণন্ । অনুগৃহ্ণন্নমুমাগাঃ সপদি চ সত্রাজিতে মণিং প্রাদাঃ ॥5॥
তদনু স খলু ব্রীলালোলো বিলোলবিলোচনাং দুহিতরমহো ধীমান্ ভামাং গিরৈব পরার্পিতাম্ । অদিত মণিনা তুভ্য়ং লভ্য়ং সমেত্য় ভবানপি প্রমুদিতমনাস্তস্য়ৈবাদান্মণিং গহনাশয়ঃ ॥6॥
ব্রীলাকুলাং রমযতি ত্বয়ি সত্যভামাং কৌংতেযদাহকথয়াথ কুরূন্ প্রয়াতে । হী গাংদিনেযকৃতবর্মগিরা নিপাত্য় সত্রাজিতং শতধনুর্মণিমাজহার ॥7॥
শোকাত্ কুরূনুপগতামবলোক্য় কাংতাং হত্বা দ্রুতং শতধনুং সমহর্ষযস্তাম্ । রত্নে সশংক ইব মৈথিলগেহমেত্য় রামো গদাং সমশিশিক্ষত ধার্তরাষ্ট্রম্ ॥8॥
অক্রূর এষ ভগবন্ ভবদিচ্ছয়ৈব সত্রাজিতঃ কুচরিতস্য় যুয়োজ হিংসাম্ । অক্রূরতো মণিমনাহৃতবান্ পুনস্ত্বং তস্য়ৈব ভূতিমুপধাতুমিতি ব্রুবংতি ॥9॥
ভক্তস্ত্বয়ি স্থিরতরঃ স হি গাংদিনেয়- স্তস্য়ৈব কাপথমতিঃ কথমীশ জাতা । বিজ্ঞানবান্ প্রশমবানহমিত্য়ুদীর্ণং গর্বং ধ্রুবং শময়িতুং ভবতা কৃতৈব ॥10॥
যাতং ভয়েন কৃতবর্ময়ুতং পুনস্ত- মাহূয় তদ্বিনিহিতং চ মণিং প্রকাশ্য় । তত্রৈব সুব্রতধরে বিনিধায় তুষ্যন্ ভামাকুচাংতশযনঃ পবনেশ পায়াঃ ॥11॥
నారాయణీయం దశక 80 - స్యమంతకోపాఖ్యానం గురించి
The eightieth dashaka of the Narayaneeyam tells the story of the Syamantaka gem. Krishna asks Satrajit for the divine gem given to him by the Sun, but Satrajit refuses; his brother Prasena wears it on a hunt and is killed by a lion, which is in turn killed by Jambavan. Suspected of taking the gem, Krishna follows the trail into Jambavan's cave and fights him for twenty-eight days, until Jambavan recognises his Lord Rama and gives him the gem and his daughter Jambavati. Satrajit, ashamed, gives Krishna the gem and his daughter Satyabhama; later the gem passes to Akrura, and Krishna leaves it with him.
రచయిత: Melpathur Narayana Bhattathiri (1560 to 1646)
ఎప్పుడు పఠించాలి: In daily Narayaneeyam parayana and at Guruvayur.
మీకు తెలుసా?
- The Syamantaka story is traditionally recited on Ganesh Chaturthi, as it is said to remove the blame of seeing the moon that night.
- Jambavan, the bear king, had served Rama in the Ramayana and recognised Krishna as the same Lord.
తరచుగా అడిగే ప్రశ్నలు
Who gave Satrajit the Syamantaka gem?
The Sun god.
Whom did Krishna marry in this story?
Jambavati and Satyabhama.
Who wrote the Narayaneeyam?
Melpathur Narayana Bhattathiri, in 1586.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు